Dagblaðið Vísir - DV - 06.06.2012, Page 22

22 Menning 6. júní 2012 Miðvikudagur
Saga Sig
á Lunga
Saga Sigurðardóttir verður með
listasmiðju á Listahátíð unga
fólksins, Lunga, sem haldin verð­
ur á Seyðisfirði 15.–22. júlí. Í
listasmiðjunni kennir Saga að
segja sögur með ljósmyndum.
„Það er hægt að segja sögur á
margan hátt, með orðum, dansi,
bíómyndum, gjörningi og ljós­
myndum og svo framvegis. Á
þessu námskeiði verða búnar til
sögur og heimar með ljósmynd­
um.
Með ljósmyndum föngum við
augnablik. Á augnablikinu þegar
við smellum af myndinni, fest­
um við á filmu eða pixla sannar
sögur úr lífinu í kringum okkur,
gleðisögur og stundum sorgar­
sögur. Sumar ljósmyndir sýna
draumaheima eins og við sjáum
oft í tískuheiminum, meðan til
dæmis ljósmyndarar í listheim­
inum nota ljósmyndirnar sínar til
dæmis til þess að setja fram ádeilu
á samfélagið eða túlka tilfinn­
ingar,“ segir Saga um námskeiðið
og biður þátttakendur að taka
með sér myndavél.
Bróðir minn
Ljónshjarta í bíó
Sænski kvikmyndaleikstjórinn
Tomas Alfredsson ætlar líklega
að gera kvikmynd úr sögu Astrid
Lindgren, Bróðir minn Ljóns­
hjarta, og hefur hann tryggt sér
kvikmyndaréttinn að sögunni.
Fréttir um kaupin hafa vakið
eftirvæntingu meðal aðdáenda
bókarinnar en síðasta kvikmynd
Tomas, Tinker Tailor Soldier Spy,
vakti mikla lukku.
Síðast var gerð mynd eftir bók­
inni árið 1977 og var henni leik­
stýrt af Olle Helbom.
Til minningar
um Kristján
Fimmtudaginn 7. júní heldur
Minningarsjóður Kristjáns Eld­
járns gítarleikara tónleika í Þjóð­
leikhúsinu til að minnast þess að
tíu ár eru liðin síðan Kristján lést
og eins þess að í sumar hefði hann
orðið fertugur.
Tónleikarnir hefjast klukkan
20. Miðaverð er 4.500 kr.
Fjöldi flytjenda kemur þar
fram, meðal annars Bubbi
Morthens, Páll Óskar, Ham, Vík­
ingur Heiðar, Ragnhildur Gísla­
dóttir, Jack Magnet, Sykur, Kristj­
ana Arngrímsdóttir, Guðmundur
Pétursson, Jóel Pálsson, Einar
Scheving, Ari Eldjárn og Eva María
Jónsdóttir.
Allur ágóði af tónleikunum
rennur í minningarsjóðinn.
Minningarsjóður Kristjáns Eld­
járns gítarleikara var stofnaður
2002 af fjölskyldu Kristjáns, vinum
og samstarfsmönnum. Sjóðurinn
veitir framúrskarandi tónlistar­
mönnum viðurkenningar.
V
ið erum að reyna að tæla
áhorfendur með okkur
í aðra vídd,“ segir Erna
Ómarsdóttir, dansari og
einn höfunda verksins
Tickling Death Machine, sem sýnt
verður í Iðnó föstudaginn 8. júní.
Sýningin verður aðeins sýnd í þetta
eina skipti en áður hefur verkið,
sem má kalla jaðarsöngleik, ver­
ið sýnt á listahátíðum í Brussel og
Orléans í Frakklandi.
Eins og trúarsamkomur
Jaðarsöngleikurinn er samstarf
dansflokksins Shalala og hljóm­
sveitanna Lazyblood og Reykjavík!
„Við tengjumst öll,“ segir Erna
en hún og Valdimar eru meðlimir
Shalala og sveitarinnar Lazyblood
og hann er einnig í sveitinni Reykja­
vík!
Lazyblood hefur vakið mikla
athygli síðustu ár og nýlega var
skrifað um sveitina í tölublaði af
ítalska Vogue. „Listrænn stjórnandi
listahátíðar í Brussel sá Lazyblood
og Reykjavík! spila, vildi fá mig í ver­
kefni og fékk þá hugmynd að stefna
sveitunum saman,“ segir Erna frá.
„Við Valdi höfðum síðan verið að
vinna með hugmyndina The Dedi­
cated Fan, höfðum sótt um styrk til
að vinna það verkefni. Við höfðum
fengið innblástur í Ástralíu á tón­
leikum. Við sáum áhorfanda á tón­
leikum sem var í svo dásamlegri
leiðslu, einn í stuði, hann var svona
eins og í transi. Mér finnst mjög
gaman að fara á tónleika og fylgj­
ast með tónleikagestum og hvernig
þeir verða fyrir áhrifum. Stundum
má líkja þessu við trúarsamkomur.
Þá hef ég alltaf verið svo hrifin
af rokkstjörnunni og hvernig hún
hagar sér. Ég er svolítið að bera
rokkstjörnuna saman við spámenn
sem geta komið fólki í einhvers
konar ástand eða leiðslu. Í sýn­
ingunni eru einmitt nokkrir spá­
menn sem predika ólíkan boðskap
og misgóðan,“ segir hún og hlær.
Kennir „headbang“
Þeir sem hafa séð sýninguna ytra
gefa henni almennt frábæra dóma
og líkja henni við frelsandi upp­
lifun. „Það er vonin að fólk frels­
ist í nokkrar mínútur og fari heim
með bros á vör,“ segir Erna og segir
orðróm um kennslu í „headbangi“
í verkinu réttan. „Já, það þarf að
hita upp rokkvöðvann áður en
það er „headbangað“,“segir hún.
„Fólki á eftir að líða vel á líkama og
sál en einhverjar harðsperrur eru
óumflýjanlegar fyrir óvana. Rokk­
arar fá ekki harðsperrur þegar þeir
„headbanga“, þeir eru orðnir svo
þjálfaðir.“
Eins og að frelsast
Erna notar „headbang“ til að komast
í ákveðið ástand. „Ég nota ýmsar
kúnstir og meðal annars „headbang“.
Menn hafa gert þetta frá örófi alda,
ruggað sér og hrist hausinn. Það ger­
ist eitthvað í líkamanum, eitthvað
sálrænt og eitthvað líkamlegt. Það
fara einhver efni út í líkamann sem
láta manni líða eins og maður sé
frelsaður.
Það þarf auðvitað enginn að
„headbanga“, þetta er auðvitað bara
sýning. En oft langar fólki til að vera
með.“
Hamingja og frelsi
En jaðarsöngleikur, hvað er það?
„Það er nú það,“ segir Erna og hlær.
Þetta eru ekki tónleikar, og ekki er
þetta eingöngu dansverk eða leik­
verk. Á sama tíma er það allt þetta.
Áður var ég að vinna með að færa
tónlist inn í dansverk, núna erum
við að færa dans inn í tónlist. Við
erum kannski svolítið að skoða
hamingju og frelsi. Eitthvað dýr­
slegt og ómeðvitað. Það sem við
vonum er að gestir fari út með ein­
hverja hlýju í hjartanu og kannski
einhverja uppgötvun um sig sjálfa.“
Hauslaus og
Hamingjusöm
n Tickling Death Machine sýnt í Iðnó n Kennsla í „headbangi“
Um aðstandendur
Shalala Erna Ómarsdóttir og Valdimar Jóhannsson hafa sett upp fjölda sýninga um
allan heim.
Verk Shalala hafa verið sýnd á mörgum helstu dans- og sviðslisthátíðum Evrópu og víðar
og hlotið frábæra gagnrýni og viðtökur. Helstu verk þeirra eru á sýningarferðalagi um
þessar mundir og síðastliðið ár voru Teach us to outgrow our madness og We saw mon-
sters sem var frumsýnt á Listahátíð Reykjavíkur 2011, í Þjóðleikhúsinu. Það mun verða
sýnt meðal annars á Feneyjatvíæringnum og hinni virtu Berliner Festspiele á þessu ári.
Reykjavík! Reykjavík! er rokkhljómsveit frá Ísafirði og Reyðarfirði sem býr samt í
Reykjavík (þegar hún býr ekki annars staðar). Hún hefur gefið út þrjár breiðskífur sem all-
ar hafa hlotið ljómandi góðar viðtökur og verðlaun, og sú síðasta, Locust Sounds hlaut
m.a. Kraumsverðlaun fyrir plötu ársins 2011 og sú fyrsta var víða valin plata ársins 2006.
Þeir eru alltaf að spila einhvers staðar fyrir útlendinga (þegar þeir eru ekki að spila fyrir
Íslendinga) hafa unnið með fullt af sniðugu fólki, m.a. Valgeiri Sigurðssyni, Ben Frost,
Mugison og Birgi Jóni Birgissyni.
Lazyblood Lazyblood er hljómsveit þeirra Ernu Ómarsdóttur og Valdimars Jóhanns-
sonar. Fyrsta breiðskífa verður brátt tilbúin til útgáfu.
„Það fara einhver
efni út í líkamann
sem láta manni líða eins
og maður sé frelsaður.
Eins og að frelsast
„Það er vonin að fólk
frelsist í nokkrar mín-
útur og fari heim með
bros á vör,“ segir Erna
sem ætlar að kenna
áhorfendum að „head-
banga“. Mynd sigtryggur ari