Dagblaðið Vísir - DV - 18.06.2012, Qupperneq 4

Launakostnaður hækkar
n Segir engan vera að hækka í launum
S
amkvæmt ársreikningi
Grímsness- og Grafnings-
hrepps fyrir árið 2011 hafa
laun sveitarstjórnar og sveit-
arstjóra í hreppnum hækkað um
74 prósent frá því í síðasta ársreikn-
ingi; fara úr 19,1 milljón króna í 33,2
milljónir. Ríflega 400 manns búa í
hreppnum en þar er afar mikil sum-
arhúsabyggð.
Ingibjörg Harðardóttir sveitar-
stjóri segir í samtali við DV að þetta
eigi sér margar skýringar. Frá því í
síðustu kosningum hafi starfshlut-
fall oddvita hækkað úr 50 í 75 pró-
sent auk þess sem varaoddviti er
nú í 30 prósenta stöðu. Launin eru
tengd launum sveitarstjóra. Þá hafi
laun fyrir setu í hreppsnefnd hækk-
að lítillega; þau hafi verið ákveðin
krónutala en hafi, eftir að ný sveitar-
stjórn tók við í síðustu kosningum,
orðið 8 prósent af þingfararkaupi.
Það sé hækkun upp á örfáar þús-
undir króna. Loks segir hún að eftir
að hún tók við sem sveitarstjóri hafi
tveir sveitarstjórar verið á launum
hluta ársins 2010. Hún vill í sam-
tali við DV ekki gefa upp hver laun
sveitarstjóra eru í dag, en segir þau
hafa lækkað frá því sem áður var.
„Það hefur enginn verið að hækka
í launum.“
Þess má geta að fulltrúar í
minnihluta sveitarstjórnar mót-
mæltu því harðlega, þegar nýr
meirihluti tók við, að með þeirri
breytingu færi varaoddviti í 30 pró-
sent. Þar með yrðu allir þrír fulltrú-
ar meirihlutans orðnir launþegar
sveitarfélagsins.
baldur@dv.is
4 Fréttir 18. júní 2012 Mánudagur
Mikil bústaðabyggð Skipulagsmál
eru fyrirferðarmikil í starfi sveitarstjórnar
Grímsness- og Grafningshrepps.
Kemst ekki
í miðborgina
Þ
etta hefur orðið til þess að
ég hef ekki komist í bæ-
inn,“ segir Embla Ágústs-
dóttir, formaður NPA mið-
stöðvarinnar sem bendir
á að lokanir á götum miðborgar-
innar yfir sumartímann komi sér
oft illa fyrir fatlað fólk sem kemst
þá jafnvel ekki leiðar sinnar. Hún
segir að fjölga þurfi talsvert stæð-
um fyrir fatlað fólk og koma þannig
til móts við það þegar að götum er
lokað í miðborginni. Frá og með
þjóðhátíðardeginum 17. júní taka
gildi sumarlokanir á Laugavegi
neðan Vatnsstígs og á Skólavörðu-
stíg neðan Bergstaðastrætis. Þess-
ar göngugötur verða lokaðar fyrir
bílaumferð fram yfir Menningarnótt
sem er þann 20. ágúst. Þá er Póst-
hússtræti oft lokað á góðviðrisdög-
um. „Það eru mjög fá stæði fyrir fatl-
að fólk í bænum. Það hafa ekki verið
sett nein aukastæði í hliðargöturn-
ar fyrir fatlað fólk,“ segir Embla. „Ef
ég ætla til dæmis í búð á Laugaveg-
inum og get ekki lagt nálægt þá er
ekki séns að ég geti farið í hana. Það
er ekkert mál að setja bráðabirgða-
stæði í hliðargöturnar,“ segir Embla.
Geta ekki notað venjuleg stæði
„Margir sem nota þessi stæði geta
ekki lagt í venjuleg stæði,“ segir
Embla og bendir á að bifreiðar fyr-
ir fatlað fólk séu oft mikið breyttar
til að koma til móts við þarfir not-
enda þeirra. Þær eru því oft stærri
og breiðari auk þess sem þeim fylgja
lyftur og annað til að komast inn og
út úr bílnum og athafna sig. Það er
því sjaldnast hægt að leggja slíkum
bílum í venjuleg bílastæði. „Það er
alltaf kominn einhver annar kannski
við hliðina á stæðinu eða fyrir aftan
það og það þrengir að bílnum,“ segir
Embla en bílastæði miðborgarinnar
eru oftar en ekki mjög þröng og jafn-
vel erfitt að leggja óbreyttum bílum í
þau hvað þá þegar það þarf að nota
slíkan búnað.
Fer minna í bæinn
„Í fyrrasumar fór ég miklu minna í
bæinn á þessum tíma því ég gat það
ekki. Almennt fer ég mjög mikið í
bæinn,“ segir Embla, „en ég minnk-
aði það mjög mikið þegar sumarlok-
anirnar voru í fyrra.“ Embla bend-
ir á að það sé stæði rétt fyrir utan
Kaffi París. Með sumarlokunum lok-
ast það stæði hins vegar af og eru fá
önnur slík stæði þar í grenndinni
að hennar sögn. „Það er lokað inni
nema ég keyri á móti umferð. Ég
kemst ekki að því stæði,“ segir hún og
segir einfalt að bæta við tímabundn-
um stæðum fyrir fatlað fólk í hliðar-
götum. „Þetta er ekki flókið og myndi
til dæmis gera heilmikið fyrir mig og
marga aðra,“ segir hún.
Stendur til bóta
Karl Sigurðsson, formaður umhverf-
is- og samgönguráðs, segir að sum-
arlokanirnar eigi ekki að hindra að-
gang fatlaðs fólks að miðborginni og
að stefnt sé að því að fjölga stæðum
fyrir það í grennd við þær götur sem
lokast. Hann segir að bílastæðaverðir
fylgist meðal annars með því hversu
vel fatlaðra stæði séu nýtt. „Það gæti
þurft að taka til sérstakra aðgerða
því sum stæðin eru meira notuð en
önnur.“ Komi í ljós að mörg þeirra
séu stöðugt í notkun þurfi að fjölga
þeim. „Við viljum endilega gæta þess
að stæði sem liggja nálægt lokunum
séu sérstaklega með aðgengi fyrir
fatlaða. Að okkar mati á fatlað fólk að
hafa forgang að stæðum nálægt slík-
um götum.“ Hann hvetur til þess að
þeir sem lendi í vandræðum vegna
skorts á bílastæðum hafi samband
við umhverfissvið hjá Reykjavíkur-
borg eða hann sjálfan og láti vita svo
hægt sé að gera bragarbót þar á.
n Fjölga þarf stæðum fyrir fatlað fólk í miðborg Reykjavíkur„Ef ég ætla til
dæmis í búð á
Laugaveginum og get
ekki lagt nálægt þá er
ekki séns að ég geti farið
í hana.
Ásta Sigrún Magnúsdóttir
blaðamaður skrifar astasigrun@dv.is
Bráðabirgðastæði nauðsynleg „Það
er ekkert mál að setja bráðabirgðastæði í
hliðargöturnar,“ segir Embla Ágústsdóttir.
Mynd: Eyþór ÁrnaSon
Húsnæðismál
í tíu tíma
Þingmenn ræða nú breytingar á
lögum um Íbúðalánasjóð til sam-
ræmis við tilskipun EES um ríkis-
aðstoð. Megintilefni frumvarpsins
er að bregðast við niðurstöðum
rannsóknar Eftirlitsstofnunar
EFTA á starfsemi Íbúðalánasjóðs
um að sjóðurinn njóti ríkisaðstoð-
ar í formi eigendaábyrgðar, vaxta-
niðurgreiðslna, undanþágu frá
arðsemiskröfu og greiðslu tekju-
skatts.
Nái breytingarnar fram að
ganga verður sjóðnum ekki heim-
ilt að lána einstaklingum til kaupa
á húsnæði að verðmæti yfir 50
milljónum. „Ástæða þess er sú að
veiting láns vegna svo verðmæts
íbúðarhúsnæðis verður ekki talin
rúmast innan félagslegra mark-
miða sjóðsins um fjármögnun
íbúðarhúsnæðis fyrir almenning
á viðráðanlegum kjörum,“ sagði
Guðbjartur Hannesson velferð-
arráðherra þegar hann mælti fyr-
ir lögunum sem virðast nokkuð
umdeild ef marka má fjölda ræða
um málið í þinginu. Breytingarnar
hafa þegar fengið um tíu klukku-
stundir í þriðju umræðu sem
verður að teljast töluvert fyrir laga-
breytingar sem snúa að skuld-
bindingum Íslendinga í skiptum
fyrir aðgengi að Evrópska efna-
hagssvæðinu.
Umferðin
gekk vel
Nokkur umferð var í átt til Reykja-
víkur yfir Hellisheiði á 17. júní. Að
sögn umferðardeildar lögreglunn-
ar gekk umferðin þó vel og lítið
var umóhöpp á vegum landsins.
Morgunblaðið greindi frá því að
um 4.500 bílum hafi verið ekið um
Kjalarnes suður í átt til Reykja-
víkur um sex leytið á sunnu-
dagskveldi. Þá höfðu um 3.500
keyrt yfir Hellisheiði til Reykja-
víkur. Af þessu má vera ljóst að
margir hafa nýtt sér góða veðrið
og þjóðhátíð til að bregða sér úr
bænum í fríinu.