Dagblaðið Vísir - DV - 08.08.2012, Blaðsíða 14

14 Erlent 8. ágúst 2012 Miðvikudagur
Harmi lostinn faðir handtekinn
n Ætlaði að brenna skóla látins sonar til grunna
S
vo virðist sem sonarmissir hafi
orðið til þess að 48 ára gamall
háskólaprófessor frá Kaliforníu
í Bandaríkjunum missti vitið
og ætlaði hann að fremja voðaverk í
borginni Irvine til að hefna sonar síns.
Rainer Klaus Reinscheid, prófess­
or við Háskólann í Irvine í Kaliforníu,
er ákærður fyrir að hafa meðal annars
kveikt í framhaldsskólanum sem fjór­
tán ára gamall sonur hans sótti áður en
hann svipti sig lífi í mars síðastliðnum.
Hann er einnig sakaður um að hafa
ætlað sér að myrða nemendur, starfs­
fólk og stjórnendur við University
High School í Irvine.
Saksóknari Orange County seg­
ir í bandarískum fjölmiðlum að syni
mannsins hafi í mars síðastliðnum
verið refsað af skólanum fyrir ótilgreint
athæfi. Í kjölfar þessarar refsingar mun
pilturinn hafa farið í Mason Park Pres­
erve almenningsgarðinn í Irvine og
svipt sig lífi með því að hengja sig.
Þessi harmleikur lagðist þungt á föð­
urinn. Alls er hann ákærður fyrir fimm
íkveikjur og tilraun til einnar á tímabil­
inu 4. til 24. júlí þar sem hann kveikti
meðal annars í á lóð framhaldsskól­
ans, í garðinum þar sem sonur hans
svipti sig lífi og bar eld að heimili eins
stjórnenda framhaldsskólans.
Reinscheid var upphaflega hand­
tekinn þann 24. júlí síðastliðinn þegar
hann var að reyna að kveikja í almenn­
ingsgarðinum. Honum var sleppt síð­
ar sama dag gegn 50 þúsund dala
tryggingu. Þremur dögum síðar við
nánari rannsókn málsins fundu lög­
reglumenn óhugnanlegan tölvupóst
í farsíma Reinscheid sem hann hafði
skrifað eiginkonu sinn í apríl. Þar upp­
lýsir hann um ráðabrugg sitt um að
brenna framhaldsskólann til grunna,
fremja kynferðisbrot, kaupa sér skot­
vopn, myrða skólastjórnendur og
nemendur og svipta sig loks lífi. Hann
var umsvifalaust handtekinn þann 27.
júlí síðastliðinn eftir að þessi tölvu­
póstur fannst.
Samkvæmt frétt CNN á Reinscheid
yfir höfði sér allt að 13 ára fangelsi
verði hann sakfelldur.
mikael@dv.is
E
f þú er einn af þeim notend­
um á Facebook sem heldur
úti síðu á samskiptasíðunni
vinsælu í skjóli nafnleysis eða
falsks nafns, ert með síðu sér­
staklega fyrir gæludýrið þitt eða held­
ur úti öðrum prófíl þá ert þú einn af
þeim rúmlega 83 milljónum Face­
book­reikninga sem forsvarsmenn
síðunnar vilja taka úr umferð. Og það
er margt sem þú kannski ekki vissir
um þessa skilmála og völd Facebook.
Samkvæmt nýjustu tölum frá vef­
veldinu eru 8,7 prósent þeirra 955
milljón virku mánaðarlegu notenda
síðunnar ekkert annað en falsfólk og
tvöfaldir reikningar.
Vertu þú sjálfur
„Eitt af okkar stærstu verkefnum hér
hjá Facebook er að finna og taka úr
umferð þessa falsreikninga,“ segir Joe
Sullivan, yfirmaður öryggismála hjá
síðunni. „Síðan og hugmyndafræði
okkar gengur öll út á að fólk noti sínar
eigin persónuupplýsingar.“
En hvað eru menn að bralla með
83 milljónir falskra Facebook­reikn­
inga í netheimum? Facebook hefur
skipt þessum notendum í þrjá flokka
og eru þeir ýmist saklausir eða með
óhreint mjöl í pokahorninu. Í fyrsta
lagi svokallaðir tvöfaldir reikningar,
ranglega skilgreindir reikningar og
loks ósæmilegir reikningar.
Ekki fyrir börn, gæludýr vinsæl
Samkvæmt notendaskilmálum Face­
book er óheimilt að vera með meira
en tvo persónulega reikninga í gangi
og sömuleiðis er bannað að stofna
slíkan reikning í nafni annarra. For­
eldrar sem eru að stofna Facebook­
síður fyrir börn sín eru því að brjóta
tvær reglur, því þrettán ára og yngri
er stranglega bannað að nota síðuna.
Facebook segir að 45,8 milljónir svona
tvöfaldra reikninga séu í umferð.
Undir flokkinn ranglega skil­
greindir reikningar falla persónuleg­
ir prófílar sem stofnaðir eru fyrir fyr­
irtæki, hópa eða gæludýr. Það vekur
athygli hversu ótrúlega margar síður
fólk er að stofna fyrir gæludýrin sín.
23 milljónir rangflokkaðar síður eru í
umferð að sögn forsvarsmanna Face­
book.
Hafa ber í huga að það er ekkert að
því að vera með svona prófíla á Face­
book en samkvæmt reglum síðunn­
ar þarf að stofna þær sem „Pages.“
Lítið mál er að breyta svona prófílum
í samþykktar síður (e. Pages) án þess
að tapa upplýsingum.
Hreinsunareldurinn
Síðasti hópurinn er sá sem Facebook
hefur talsverðar áhyggjur af. Það eru
ósæmilegu reikningarnir sem stofn­
aðir eru gagngert til að brjóta reglur
Facebook, meðal annars með rusl­
póstsendingum og öðru þvíumlíku.
14,3 milljónir slíkra prófíla eru í notk­
un að sögn fyrirtækisins.
Athygli vekur, nú þegar fólk hef­
ur lesið þetta og áttað sig á því að það
sjálft er kannski að brjóta þessar regl­
ur eða þekkir einhver sem gerir það, að
Facebook áskilur sér rétt til að loka öll­
um falsreikningum sem það finnur. Og
ef síðan þín er til dæmis fyrir mistök
ranglega skilgreind og þú hefur notað
hana sem þína persónulegu Facebook­
síðu með tilheyrandi upphali á mynd­
um og öðru, þá þurrkar Facebook út
allar upplýsingar tengdar nafninu fyr­
ir sjónum almennings. Fyrirtækið eyð­
ir þó ekki reikningnum algjörlega af
vefþjónum sínum af öryggisástæðum.
„Geldi“ Facebook­reikningurinn fer í
einhvers konar Facebook­hreinsunar­
eld þar sem eigandi efnisins kemst
ekki að því með nokkru móti. Hann
getur ekki einu sinni óskað eftir afriti
af því hjá Facebook.
Að auki segir Facebook að ef ör­
yggissveitir þess loki reikningi þínum
vegna brota á notendaskilmálum sé
þér óheimilt að stofna nýjan reikning
án sérstaks leyfis frá Facebook.
n Tugmilljónir villa á sér heimildir og brjóta skilmála samskiptasíðunnar
Skuggahliðar líka
Meirihluti þessarar fals-
reikninga eru álitnir sakleys-
islegir af Facebook þó þeir
vilji loka þeim. Töluverður
fjöldi er þó álitinn skaðlegur.
Mynd: REutERS
„Síðan og hug-
myndafræði okk-
ar gengur öll út á að fólk
noti sínar eigin persónu-
upplýsingar.
Sigurður Mikael Jónsson
blaðamaður skrifar mikael@dv.is
Rainer Klaus
Reinscheid Reyndi að
kveikja í skóla og heimili
skólastjórnenda í Irvine í
Kaliforníu.
Falsfólkið á Facebook
13 ára
bílaþjófar
Tveir þrettán ára piltar frá
Ohio­fylki í Bandaríkjunum
eru í slæmum málum eftir að
þeir stálu BMW­bíl móður
annars þeirra og stungu af úr
borginni. Þeir óku samtals
tæplega 1.100 kílómetra á
hinum stolna bíl í vesturátt
og enduðu í Kansas City í
Missouri­fylki. Þeir fundust
síðar sofandi í bifreiðinni í
húsasundi eftir að hafa orðið
bensínlausir og móðirin
hafði látið loka greiðslukorti
sínu sem piltarnir stálu
einnig. Þeir komu upp um sig
með stöðuuppfærslu á
Facebook þar sem þeir sögðu
að þeir væru bensínlausir í
Kansas City. Piltarnir verða
þó ekki kærðir fyrir athæfið
en foreldrar þeirra munu
væntanlega sjá um að veita
þeim hæfilega refsingu.
Reyndi að vara
við Holmes
James Holmes, hryðjuverka­
maðurinn sem myrti fjölda
manns og særði fjölmarga í
kvikmyndahúsi í Aurora í
Bandaríkjunum, var til með­
ferðar hjá sálfræðingi áður en
hann framdi ódæðin. Sál­
fræðingurinn hafði svo miklar
áhyggjur og taldi Holmes svo
hættulegan að hann hafði sam­
band við lögreglu á háskóla­
svæðinu í Colorado og rauf þar
með trúnað sinn við Holmes.
Samkvæmt lögum í Colorado
má sálfræðingur rjúfa trúnað ef
rökstudd ástæða er fyrir því að
telja skjólstæðinginn vera
hættulegan eða að almenningi
stafi ógn af honum. Mál Holmes
féll milli skips og bryggju hjá
skólastjórnendum þar sem
hann sagði sig úr námi.
Maníla á kafi
Linnulaus rigning hefur orðið til
þess að helmingur höfuðborgar
Filippseyja, Maníla, var undir
vatni á þriðjudag. Rigningarnar
urðu til þess að aurskriður féllu
og létust minnst átta í þeim.
Björgunarsveitir unnu hörðum
höndum allan daginn við að
bjarga fólki og koma tugum
þúsunda íbúa af heimilum
sínum og á þurrt. Þetta eru
verstu flóð síðan 2009 þegar
hundruð biðu bana í skyndi­
flóðum í landinu. „Þetta er eins
og vatnaveröld,“ er haft eftir
yfirmanni almannavarna í
Filippseyjum.