Dagblaðið Vísir - DV - 08.10.2012, Blaðsíða 13

Erlent 13Mánudagur 8. október 2012
Jóna í vasa
lögmanns
Bandarískur lögmaður, Jason Can-
trell, lenti í afar vandræðalegu
atviki í dómhúsi í New Orleans á
dögunum. Cantrell var þar staddur
til að flytja mál fyrir skjólstæðing
sinn þegar marijúana-jóna féll úr
vasanum á buxum hans. Þegar
atvikið átti sér stað var Cantrell á
spjalli við lögregluþjón í dómhús-
inu og var hann handtekinn undir
eins. Cantrell hefur sagt upp störf-
um sem lögmaður borgar yfirvalda
í New Orleans eftir atvikið en hann
var sektaður fyrir vörslu fíkniefna.
Eiginkona hans er LaToya Can-
trell sem nú stendur í kosningaslag
um að komast í borgarstjórn New
Orleans.
Fimm fengu
dauðadóm
Fimm meðlimir sömu fjöl-
skyldunnar í Delí á Indlandi hafa
verið dæmdir til dauða fyrir morð
á ungu pari árið 2010. Um var að
ræða svokölluð heiðursmorð en
fjölskylda stúlkunnar var ósátt
við að hún skildi hefja samband
við mann af óæðri stétt en hún
og fjölskylda hennar. Foreldrar
stúlk unnar, frændi og frænka voru
handtekin daginn eftir morðin og
dæmd til dauða í síðustu viku.
Engar tölur eru til um heiðurs-
morð á Indlandi en samkvæmt
tölum mannréttindasamtaka
hlaupa þau á hundruðum á hverju
ári.
Engin þörf á
neyðarláni
Efnahagsmálaráðherra Spánar,
Luis de Guindos, segir að engin
þörf sé á að Spánn fái neyðarlán
vegna efnahagserfiðleika. Þetta
sagði Guindos í ræðu í London
School of Economics í Lundún-
um á föstudag. Hávær orðrómur
hefur verið uppi um að Spánverjar
muni þurfa neyðarlán en Guindos
segir að vangaveltur þess efnis séu
úr lausu lofti gripnar. „Spánn hef-
ur alls enga þörf fyrir neyðarlán,“
sagði hann.
Sérfræðingar eru þó ekki á
sama máli, samkvæmt umfjöll-
un breska ríkisútvarpsins, og telja
þeir að spænskir bankar þurfi allt
að 59,3 milljarða evra innspýtingu.
Seldist upp á mettíma
n Ekki búið að tilkynna hverjir troða upp á Glastonbury
Þ
rátt fyrir að ekkert liggi fyrir
um hvaða tónlistarfólk muni
troða upp á Glastonbury-há-
tíðinni sem fram fer í júní á
næsta ári, er þegar orðið uppselt á
hana. Skipuleggjendur hátíðarinnar,
feðginin Michael og Emily Eavis, segj-
ast vera full auðmýktar í kjölfar ótrú-
legra vinsælda hátíðarinnar. Milljónir
manna reyndu að kaupa miða á há-
tíðina þegar opnað var fyrir miðasölu
klukkan níu á sunnudagsmorgun. All-
ir miðarnir, en hver þeirra kostar um
40.000 krónur, seldust á innan við
tveimur klukkustundum. Nokkuð var
um að fólk sem taldi sig hafa tryggt sér
miða lenti í tæknivandræðum á bók-
unarsíðunni svo að það missti af mið-
um. Emily Eavis skrifaði á Twitter í til-
efni þess: „Við biðjum alla afsökunar
sem gátu ekki keypt miða á hátíðina
vegna tæknivandamála á bókunar-
síðunni.“
Alls voru seldir 135.000 miðar á
hátíðina að þessu sinni. Þeir sem þrá
heitt og innilega að komast á Glaston-
bury geta glaðst yfir því að þeir mið-
ar sem verða afpantaðir, verða seldir í
apríl á næsta ári.
Glastonbury hefur árum saman
verið ein vinsælasta tónlistarhátíð
Bretlands. Engan þarf að undra að
eftir spurn eftir miðum á næstu há-
tíð hafi verið mikil, enda var hún ekki
haldin í sumar þar sem ekki náðist
að tryggja viðveru nægilega margra
lögreglumanna á svæðinu vegna
Ólympíuleikanna í London. Síðast
þegar Glastonbury-hátíðin var haldin,
árið 2011, tróðu meðal annarra upp
stórsveitirnar U2 og Coldplay. n
Glastonbury Hátíðin fór ekki fram
í ár en þegar er orðið uppselt á hátíð-
ina sem fer fram á næsta ári.