Dagblaðið Vísir - DV - 08.10.2012, Blaðsíða 20

Aðsóknin aldrei meiri
n RIFF sló í gegn í ár
Í
gær, sunnudaginn, 7. október lauk
Alþjóðlegu kvikmyndahátíðinni í
Reykjavík. Aðsókn á hátíðina var
góð og að sögn aðstandenda hefur
hún aldrei verið meiri. „Það hefur
verið stútfullt á nánast allar sýn-
ingar og margoft hefur verið uppselt
á myndir. Þessi mikli áhugi íslenskra
bíógesta gefur okkur að sjálfssögðu
mikinn meðbyr fyrir næstu hátíð, þá
tíundu, sem fara mun fram á svipuð-
um tíma að ári,“ segir í tilkynningu
frá aðstandendum.
Verðlaunaafhending RIFF fór
fram með viðhöfn í Hörpu á laugar-
dagskvöld. Aðalverðlaun hátíðar-
innar, Gullni lundinn, voru veitt
myndinni Skepnur suðursins villta
(Beasts of the Southern Wild) eftir
bandaríska leikstjórann Benh
Zeitlin. „Með ástríðu sögumannsins,
frumlegri sjónrænni útfærslu og list-
rænni dirfsku skipar Benh Zeitlin
sér með Skepnum suðursins villta
í fremstu röð óháðra kvikmynda-
gerðarmanna,“ stendur í umsögn
dómnefndar.
Gagnrýnendaverðlaun FIPRESCI
voru veitt myndinni Smástirni (Star-
let) eftir bandaríska leikstjórann
Sean Baker.
Kvikmyndaverðlaun kirkjunnar
voru veitt myndinni Nágrannar Guðs
(Ha-Masgihim) eftir ísraelska leik-
stjórann Meni Yaesh.
Áhorfendaverðlaun, sem kosið
var um á mbl.is, runnu til myndar-
innar Drottningin af Montreuil
(Queen of Montreuil) eftir Sólveigu
Anspach.
Umhverfisverðlaun voru veitt
mynd úr flokknum „Önnur framtíð“
og runnu til myndarinnar ¡Vivan las
Antipodas! eftir leikstjórann Viktor
Kossakovsky.
Besta íslenska stuttmyndin fékk
verðlaun í nafni Thors Vilhjálms-
sonar. Stuttmyndin Segldúkur
(Sailcloth) eftir leikstjórann Elfar Að-
alsteins varð hlutskörpust.
Gullna eggið var veitt mynd þátt-
takanda í Kvikmyndasmiðju RIFF
(Talent Lab). Mynd Bretans Matthew
Hammett Knott, Á þessari eyju (On
this Island), fékk verðlaunin. n
kristjana@dv.is
20 Menning 8. október 2012 Mánudagur
Klassísk verk
endurútgefin
Verk barnabókahöfundarins
Astrid Lindgren njóta sérstakrar
hylli hér á landi. Hinar klassísku
barnabækur Bróðir minn Ljóns-
hjarta og Ronja ræningjadóttir eru
nú loksins fáanlegar á ný.
Bróðir minn Ljónshjarta
kom fyrst út á íslensku árið 1976
og kemur nú út í sjöunda sinn.
Ronja ræningjadóttir kom fyrst
út árið 1981 á íslensku, sama ár
og sænska frumútgáfan. Hún er
einnig að koma út í sjöunda sinn.
Báðar þessar bækur Astrid
Lindgren hafa verið ófáanlegar í
nokkur ár og því mikið fagnaðar-
efni fyrir börn og foreldra að geta
loksins lesið þessar dásamlegu
sögur saman. Báðar bækurnar eru
í þýðingu Þorleifs Haukssonar.
Verðmætt verk
Þetta listaverk lætur ekki mikið
yfir sér. Þessi teikning af graskeri,
eftir japanska listamanninn Yayoi
Kusama, er hins vegar metin
á um 12–14 milljónir íslenskra
króna. Hún verður boðin upp af
Sotheby‘s í Hong Kong í þessum
mánuði. Saga verksins er forvitni-
leg. Fjölskylda Kusama átti heilt
vöruhús af graskerjum í seinni
heimsstyrjöldinni. Á þessum tíma
var ekki mikið um aðrar matvör-
ur og skortur ríkjandi, listamað-
urinn borðaði því gnótt graskerja í
stríðinu og tengir það æ síðan við
lífsbjörg.
Lena Dunham,
rísandi stjarna
Lena Dunham er rísandi stjarna
í Bandaríkjunum. Nú hefur hún
skrifað bókina Not That Kind of
Girl: Advice by Lena Dunham og
hefur fengið 3,6 milljóna dollara
tilboð í hana, eða 438 milljónir ís-
lenskra króna, og tilboðin hækka.
Dunham sem skrifaði hand-
ritið að hinum geysivinsælu þátt-
um Girls er aðeins 26 ára og allt
útlit fyrir að hún verði sterkefnuð.
Skepnur suðursins villta
Gullna lundann fékk banda-
ríski leikstjórinn Benh Zeitlin
fyrir mynd sína Beasts of the
Southern Wild.
StanSlauSt Stuð
Þ
egar Stuðmenn ákváðu að
koma saman í tilefni af 30
ára afmæli kvikmyndarinn-
ar Með allt á hreinu þá var
ég ekki viss um hverju ég
ætti að búast við. Þetta hefði getað
farið á alla vegu – Stuðmenn eru
landsfræg hljómsveit og munu alltaf
trekkja fólk að. Þeir hefðu vel getað
komist upp með metnaðarleysi á
þessum tónleikum.
Upphaf tónleikanna var fremur
lágstemmt, þeir Egill, Valgeir, Jakob
Frímann, Tómas, Þórður og Ásgeir
sátu uppstrílaðir í múnderingu, líkt
og Stuðmönnum er lagið, á vinstri
hlið sviðsins. Sveitin var kynnt und-
ir grípandi stefi. Stuttu seinna fóru
allir afsíðis nema Jakob og Egill sem
tóku lagið.
Skyndilega var svo sviðið í heild
sinni lýst upp og þá sást hvar sveitin
hafði komið sér fyrir á sviðinu fyrir
aftan þá Egil og Jakob og þá upp-
hófst stanslaust stuð. Ragga Gísla
var þar í broddi fylkingar, ekki vant-
aði gæruna á hana, og var hún í
essinu sínu. Sást þar og sannað-
ist að hún hefur engu gleymt og er
tvímælalaust ein færasta söngkona
landsins.
Ragnhildur vítamínsprautan
Þórður Árnason var framúrskarandi
á gítarnum, hógvær en óhræddur
við að taka af skarið þegar blússandi
gítarsóló var við hæfi. Jakob Frí-
mann var eldfimur á hljómborðinu,
Tómas sýndi seiglu á bassanum og
Ásgeir var taktvís á trommunum svo
af bar. Egill Ólafs, gullbarkinn svo-
kallaði, var þéttur í broddi fylkingar,
þó Ragnhildur hafi að mínu mati
verið aðalvítamínsprautan í söngn-
um.
Stuðmönnum til halds og trausts
var hinn áberandi vöðvastælti leik-
ari, Jóhannes Haukur Jóhannes-
son, sem fór eiginlega með öll auka-
hlutverk. Hann var Sigurjón digri
og lögregluforinginn sem kann-
aði innihald astraltertugubbsins.
Ánægjulegt var að heyra að Jóhann-
es er mjög frambærilegur söngv-
ari, þótt hann skorti reyndar sker-
andi röfltóninn sem Sigurjón digri
er þekktur fyrir.
Dúddi sló í gegn
Annar gestur tónleikanna var Eggert
Þorleifsson, eða Dúddi. Hann mætti
á sviðið í froskalöppum og með
kjúkling um hálsinn, en um rúmlega
fimm mínútna skeið reitti hann af
sér aulabrandarana og var í alla staði
mjög fyndinn.
Heilt á litið er ekki hægt að segja
annað en að þessir tónleikar hafi ver-
ið framúrskarandi. Allar tilfærslur á
sviðinu voru snurðulausar, lagavalið
taktískt og framkoma til fyrirmyndar.
Stuðmenn slógu ekki eina einustu
feilnótu með þessum tónleikum og
ljóst að þar eru algjörir fagmenn á
ferð.
Pólitískar athugasemdir Egils
Stuðmenn vita hvað þeir syngja og
það er ljóst að hver einn og einasti
liðsmaður sveitarinnar er afburða-
músíkant. Mér finnst ekki léttvægt
að gefa einverju topp einkunn, enda
gefur það til kynna að ekkert hafi
mátt betur fara. Í þessu tilfelli er ég
hins vegar tilneyddur, Stuðmenn
voru þéttir og þrátt fyrir að hafa brot-
ið hugann mikið þá fann ég ekkert
sem var aðfinnsluvert við tónleikana.
Helst gæti ég röflað yfir nokkrum
pólitískum athugasemdum Egils á
tónleikunum, eitthvað um að borgin
hirti allt fé sem safnaðist fyrir tón-
leikana, og myndi í því samhengi
benda honum á að stofna blogg-
síðu og koma þeim þar á framfæri.
En ég sé mér ekki annað fært en að
gefa Stuðmönnum fimm stjörnur
fyrir þessa flekklausu og einstaklega
skemmtilegu tónleika. n
Símon Örn Reynisson
simon@dv.is
Tónlist
Með allt á hreinu
Tónleikar
Flytjendur: Stuðmenn
Staðsetning: Eldborgarsalur í Hörpu
Stuð Skyndilega var svo sviðið í heild sinni
lýst upp og þá sást hvar sveitin hafði komið sér
fyrir á sviðinu fyrir aftan þá Egil og Jakob og þá
upphófst stanslaust stuð. MynD BEnt MaRínóSon