Dagblaðið Vísir - DV - 07.11.2012, Blaðsíða 2

Kaffihús World
Class á hausinn
2 Fréttir 7. nóvember 2012 Miðvikudagur
Vilja skera niður þróunaraðstoð
n Ungir sjálfstæðismenn leggja fram niðurskurðartillögur
S
amband ungra sjálfstæðis-
manna leggur til að ríkið skeri
niður um 84 milljarða króna
miðað við fjárlagafrumvarp
næsta árs. Þetta kemur fram í fjár-
lagatillögum sem SUS hefur lagt fram
fjórða árið í röð. SUS leggur meðal
annars til að útgjöld vegna Þróunar-
samvinnustofnunar og þróunarmála
og alþjóðlegs hjálparstarfs verði skor-
in niður. Þá leggur sambandið líka til
að sérframlag til fæðingarorlofa og
tillögur um jöfnun kostnaðar vegna
dreifingar raforku verði hætt.
Sambandið leggur einnig til að
framlög til Árnastofnunar, Veður-
stofunnar, Samkeppniseftirlitsins,
Þjóðminjasafnsins og Ríkisútvarpsins
verði lögð niður. Auk þess leggja ungir
sjálfstæðismenn til að framlög ríkisins
til ríkissáttasemjara, Jafnréttisstofu,
kjararannsókna og til stjórnmála-
flokka verði felld niður. Athyglisvert
er að framlög ríkisins til Sjálfstæðis-
flokksins skipta hundruðum milljóna
á hverju kjörtímabili en um er að ræða
einn helsta tekjustofn flokksins, sem er
skuldum vafinn.
Í tilkynningu frá stjórn SUS vegna
tillagnanna kemur fram að sambandið
telji að hægt sé að spara í rekstri rík-
isins án niðurskurðar í heilbrigðis-,
velferðar- eða menntamálum. „Verði
farið að tillögum SUS má gera ráð
fyrir hallalausum rekstri ríkissjóðs án
skattahækkana vinstristjórnarinn-
ar auk þess sem hægt væri að lækka
skatta og hefja niðurgreiðslu á skuld-
um ríkissjóðs,“ segir einnig í tilkynn-
ingunni.
Davíð Þorláksson, formaður SUS,
afhenti Katrínu Júlíusdóttur fjármála-
ráðherra tillögurnar. Í athugasemdum
við umfjöllun Smugunnar um til-
lögurnar segir Davíð að tillögurnar séu
stefna SUS en ekki Sjálfstæðisflokks-
ins. Í tilkynningunni með þeim kemur
einnig fram að niðurskurðartillögurn-
ar séu settar fram á hugmyndafræði-
legum grunni og að líta megi á þær
sem nokkurs konar hugmyndabanka.
„Fáir eru sammála öllum tillögun-
um, en allir ættu að vera sammála
einhverjum þeirra,“ segir í tilkynn-
ingunni.
adalsteinn@dv.is
Vilja spara Stjórn SUS viðurkennir að fáir séu sammála öllum tillögunum. Á myndinni eru
Davíð Þorláksson, formaður SUS, og Katrín Júlíusdóttir fjármálaráðherra. Mynd SUS
Ó
skað hefur verið eftir því að
félagið Þrek kaffi ehf., sem er í
eigu bræðranna Björns Leifs-
sonar, eiganda World Class,
og Sigurðar J. Leifssonar verði
tekið til gjaldþrotaskipta. Skiptastjóri
búsins hefur nýverið auglýst eftir
kröfum í búið.
DV hefur ársreikning Þreks kaffi
ehf. undir höndum, en í honum kem-
ur fram að félagið skuldi 120 milljón-
ir króna eftir árið 2011. Félagið á hins
vegar ekki nema rétt rúmlega tvær
milljónir króna í eignum. Fimmtán
milljónir bættust við skuldir félags-
ins á árinu 2011, en engin starfsemi
var á vegum þess það árið. Ekki náð-
ist í Björn Leifsson vegna málsins.
Ekki kunnugt um skuldir
Skiptastjóri Þreks kaffi ehf. er
Magnús Guðlaugsson sem hafði ný-
lega tekið við málinu þegar blaða-
maður DV hafði samband við hann.
Hann kvaðst ekki hafa kynnt sér öll
gögn málsins að öðru leyti en aug-
lýsa eftir kröfum í búið. Nú þegar
auglýsingin hafi verið birt bíði hann
eftir téðum gögnum, meðal annars
ársreikningum. Það er þrotabúið
ÞS69 ehf. sem fór fram á að Þrek kaffi
ehf. yrði tekið til gjaldþrotaskipta
vegna viðskiptaskuldar.
Reka enn kaffihús
Enn rekur Björn Leifsson þó kaffi-
hús í World Class í Laugum, en það
kaffihús, Laugar Café, er rekið af fé-
lagi sem heitir Laugar veitingar og er
í eigu félags sem heitir Laugar ehf.
Laugar ehf. er í eigu Björns og eigin-
konu hans, Hafdísar Jónsdóttur.
Laugar ehf. keypti reksturinn af
þrotabúi sem þá hét Þrek ehf., en
heitir nú ÞS69 ehf. Það er sama félag
og fór fram á gjaldþrotaskipti Þrek
kaffi ehf.
Þrek ehf. rak áður World Class
líkamsræktarstöðvarnar, en Laugar
ehf. sá um fasteignir og búnað World
Class. Sama dag og Þrek ehf. fór í
þrot, í september árið 2009 keyptu
þau hjónin reksturinn á 25 milljónir
króna, en kröfur í þrotabú Þreks
námu um 2,2 milljörðum króna og
skiptastjóri telur að virði rekstursins
hafi verið allt að 960 milljóna króna
virði. Fimm milljónir voru greiddar í
peningum, en svo yfirtók Laugar ehf.
launaskuldbindingar upp á tuttugu
milljónir.
Lágt verð
Þessi verðmiði þykir sýna afar lágt
verð og hefur skiptastjóri ÞS69 ehf.,
Sigurbjörn Þorbergsson, höfð-
að mál og krafist þess að þeim við-
skiptum verði rift, enda hafi félagið
verið metið á miklu meira auk þess
sem líkamsræktarveldið hafi verið
selt á of lágu verði til of tengdra að-
ila. Sömu stjórnendur eru í báðum
félögum, ýmist í stjórn eða fram-
kvæmdastjórn. „Búið telur að það
hafi verið afhent meiri verðmæti en
endurgjald kom fyrir,“ sagði Sigur-
björn Þorbergsson, skiptastjóri ÞS69
ehf., í samtali við DV í fyrra. Björn
Leifsson er þó ósammála þessu
mati, en hann segir að Laugar ehf.
hafi keypt reksturinn auk yfirtöku á
skuldbindingum við korthafa sem
metnar voru á 240 milljónir króna.
Því hafi hann í raun greitt mun meira
fyrir World Class en þessar tuttugu
og fimm milljónir. Aðalmeðferð fer
fram í málinu í desember, en það er
fjórða málið sem þrotabúið höfðar á
hendur Laugum ehf. Þegar er búið að
ljúka einu þeirra með samkomulagi.
Eitt mál tengdist World Class á Sel-
tjarnarnesi, það mál bíður afgreiðslu
Hæstaréttar, en skiptastjóri tapaði
því í héraðsdómi. Þriðja málinu er
ekki lokið, en stefna þurfti aftur í því
eftir að dómur gekk í hluta og öðrum
hluta var vísað frá. n
n 120 milljóna króna gjaldþrot n Nýtt kaffihús stofnað í nýju fyrirtæki
Ásta Sigrún Magnúsdóttir
blaðamaður skrifar astasigrun@dv.is
Fjögur mál Fjögur mál hafa verið höfðuð
vegna þrotabús Þreks ehf. Mynd SigtRyggUR ARi
Miklar skuldir – fáar eignir
Þrek kaffi skuldar 120 milljónir en á
ekki nema rúmlega tvær milljónir.
Vill fjölga
frídögum
Róbert Marshall, sem áður var
þingmaður Samfylkingarinnar en
situr nú á þingi fyrir Bjarta fram-
tíð, hefur lagt fyrir þingið laga-
breytingatillögur þar sem hann
leggur til breytingar á almanaki Ís-
lendinga. Frumvarpið felur meðal
annars í sér fjölgun frídaga.
Meðal þess sem kveðið er á um
í frumvarpi Róberts Marshall er
að veita skuli frídaga vegna upp-
stigningardags og sumardagsins
fyrsta næsta föstudag á eftir þeim
degi sem þá ber upp á, nema um
annan hátíðisdag sé að ræða. Þá
vill Róbert að veitt verði frí mið-
vikudaginn á undan. Með þessum
hætti vill Róbert ná fram „langri
helgi“ ef svo má að orði komast.
Einnig leggur Róbert til að beri
jóladag, annan í jólum, nýársdag
eða 17. júní upp á helgi verði
veittur frídagur næsta virka dag
á eftir. Þannig myndu bætast frí-
dagar við dagatalið.
Þá vill Róbert að 1. maí sé
haldinn hátíðlegur sem frídag-
ur verkamanna fyrsta mánudag
í maí.
100 sektaðir
eftir tónleika
Enn gengur misvel að fá öku-
menn, sem eiga erindi í Laugar-
dalinn, til að nýta þau bílastæði
sem þar eru og þá um leið að
leggja ökutækjum sínum löglega.
Þetta segir lögreglan á höfuð-
borgarsvæðinu í tilkynningu en
á sunnudagskvöld, á meðan tón-
leikar fóru fram í Laugardalshöll,
hafði lögreglan afskipti af um eitt
hundrað ökutækjum vegna þessa.
Á sama tíma var meira en nóg af
bílastæðum við bæði Laugardals-
völl og Skautahöllina.
Tólf ölvaðir
eða dópaðir
Tólf ökumenn voru teknir fyrir
ölvunar- og fíkniefnaakstur á höf-
uðborgarsvæðinu um helgina.
Átta þeirra voru stöðvaðir í
Reykjavík, tveir í Kópavogi og einn
í Hafnarfirði og Mosfellsbæ. Sjö
voru teknir á laugardag og fimm á
sunnudag. Þetta voru átta karlar á
aldrinum 19–52 ára og fjórar kon-
ur, 29–60 ára. Fimm þessara öku-
manna höfðu þegar verið sviptir
ökuleyfi og einn hefur aldrei öðl-
ast ökuréttindi.