Dagblaðið Vísir - DV - 07.11.2012, Blaðsíða 23

M
ér finnst skipta mestu máli
að manni sjálfum líði vel
og ég tileinka bókina sjálfri
mér, segir spákonan Sigríð­
ur Klingenberg sem hefur sent frá
sér bókina Töfraðu fram lífið. Í fyrra
gaf Sigga út bókina Orð eru álög sem
varð metsölubók. Hún segir nýju
bókina af sama meiði. „Þetta er bók­
in sem ég hefði viljað lesa þegar ég
var 18 ára. Þá hefði ég ekki þurft að
detta svona oft á hausinn. Það er
nefnilega ekki nóg að fá tíu í öllu
í skóla ef maður hefur ekki sjálfs­
traustið.“
Sigga segist vonast til þess að
nýju bókinni gangi einnig vel. „Þessi
verður líka metsölubók. Ég vona
bara að ég get farið að kenna þessi
fræði og það helst í tíunda bekk.
Til að byggja upp sjálfstraust þarf
manni að finnast maður sjálfur æði;
maður verður að elska sjálfan sig.
Til þess þarf maður að hafa stjórn á
heilabúinu því annars kemur heil­
inn þér til heilvítis. Heilinn er svo
neikvæður. Þú getur fengið þúsund
hrós yfir daginn fyrir það hvað þú ert
frábær og dugleg en ef einhver seg­
ir eitthvað ógeðslegt við þig verður
sú setning ráðandi hugsun þegar þú
ert komin heim og ætlar að hafa það
gott. Þegar þetta gerist eigum við
að smella fingri, eins og dávaldarn­
ir, það verður að heyrast smellur, og
skipta um rás. Það er nefnilega vinna
að vera hamingjusamur. Hamingjan
bankar ekki upp á.“
Sigga segist hafa verið óhamingju­
samur unglingur en að bækur eins
og þær sem Dale Carnegie skrifar
hafi bjargað henni. „Þegar mér leið
sem verst las ég litla kafla úr bók
um fólk sem hefur runnið á rass­
gatið en samt staðið upp aftur. Það
gaf mér þvílíkan kraft og gerði mig
að mér; af því að við sköpum okk­
ur sjálf. Þá fór ég að óska þess að ég
yrði svona kennari og myndi skrifa
bækur, halda fyrirlestra og fá fólk til
að finna hamingjuna,“ segir Sigga og
bætir við að bókin sé fyrir allan ald­
ur. „Þessi bók er skrifuð á manna­
máli og því yngri sem þú ert þegar
þú færð bókina þá gengur þér betur,
þetta er töfrabók.“
Sigga ætlar að vera með út­
gáfupartí á sunnudaginn klukkan
17.30 í verslun Eymundsson á
Skólavörðustíg. „Hera Björk ætlar
að koma og syngja Sigga litla systir
mín,“ segir hún hlæjandi og bætir
við að fólk rugli þeim stöllum ítrekað
saman. „Fólk tekur svakalega oft feil
á okkur sem er skrítið því við erum
í rauninni ekkert líkar þegar við
stöndum saman. Ég er samt svaka­
lega stolt af þessu því ég er örugglega
15 árum eldri. Við erum bara báðar
kátar og hlæjandi og mér finnst þetta
bara æðislegt.“ n
indiana@dv.is
Fólk 23Miðvikudagur 7. nóvember 2012
Víkingarokk í stað rólegheita
n Mistök urðu til þess að tónlist Skálmaldar hljómar á plötu Sverris Bergmanns
Þ
etta er náttúrulega einstakur
safngripur. Það er engin
spurning. Ég er meira að segja
búinn að fá árituð eintök frá
meðlimum Skálmaldar, segir tón­
listarmaðurinn Sverrir Bergmann
en þau mistök urðu við framleiðslu
á nýju plötunni hans, Fallið lauf, að
tónlist Sverris var ekki á plötunni
heldur Börn Loka með Skálmöld.
„Við erum hjá sama framleiðslu­
fyrirtækinu og ég býst við að málið
sé það að plötunúmerin hafi ruglast
en þau eru svipuð. Það sem er enn­
þá fyndnara við þetta er að ég hef
verið að vinna á auglýsingastofunni
Pipar en hætti þar í síðustu viku til
að vinna í öðru verkefni. Maðurinn
sem tók við af mér var enginn annar
en Bibbi úr Skálmöld. Hann tók því
ekki bara plötuna af mér heldur líka
starfið mitt. Við erum búnir að hlæja
mikið að þessu,“ segir Sverrir og bæt­
ir við að svona mistök geti alltaf gerst
í framleiðslu hljómplatna.
Sverrir segist kunna vel að meta
tónlist Skálmaldar. „Þeir eru mjög
góðir í því sem þeir gera og ég rauk
strax af stað með eintök handa þeim
öllum. Þeir heimtuðu það. Þetta
er svolítið mikið fyndið og sérstak­
lega af því að tónlist þeirra gæti ekki
verið ólíkari tónlistinni minni,“ segir
Sverrir sem lýsir nýju plötunni sinni
sem fallegri og rólegri söngvara­
plötu.
Vegna mistakanna þarf Sverr­
ir að bíða þess lengur að fá gripinn
í hendurnar. „Væntanlegur útgáfu­
dagur er 13. nóvember, sem er af­
mælisdagurinn minn. Platan átti að
koma út á afmælisdaginn hans Óla
sem er með mér í GameTíví en ég
fæ hana í staðinn í afmælisgjöf. Það
er ágætt,“ segir Sverrir sem vinnur
plötuna með Halldóri Gunnari Páls­
syni, kórstjóra Fjallabræðra. n
indiana@dv.is
Tileinkar bók-
ina sjálfri sér
n Sigga Klingenberg gefur út nýja bók um sjálfstraust
Sigríður
Klingenberg
Sigga segist hafa
viljað lesa svona
bók þegar hún var
óhamingjusamur
unglingur.
Syngur Sigga litla systir
mín Sigga Klingenberg segir
ótrúlega marga ruglast á þeim
Heru Björk en söngkonan ætlar
að taka lagið í útgáfupartíinu.
Lífið sagði frá barnaláni rit­stjóra Kastljóssins, en Sigmar Guðmundsson og unnusta
hans, Júlíana Einarsdóttir, eiga
von á sínu fyrsta barni saman.
Þau fluttu nýverið úr Kópa­
vogi í Vesturbæ Reykjavíkur. Fyrir
á Sigmar tvö börn.
Barnalán
Sigmars
n Fyrsta barnið með
unnustunni
Fyndin mistök Sverrir átti að fá plötuna í hendurnar á afmælisdegi vinar síns en fær hana
í staðinn á afmælisdaginn sinn.
Í nýjum pistli á vefmiðlinum bleikt.pressan.is skrifar Hlín Einarsdóttir ritstýra um sjálfs­
víg. Hún fann sig knúna til að skrifa
umræddan pistil eftir að hafa lesið
bókina Þrettán ástæður, sem fjall­
ar um sjálfsvíg. Umfjöllunarefnið
snertir hana persónulega. „Ég þekki
þetta af eigin raun því þegar ég var
14 ára langaði mig að deyja. Ég var
ekki eins og hinir krakkarnir, fékk
ekki að vera eins og þau vegna fjöl­
skyldu minnar og trúarsöfnuðarins
sem fjölskylda mín tilheyrði og mig
langaði bara ekki að lifa lengur. Ég
var öðruvísi,“ skrifar Hlín. Hún hvet­
ur fólk til að dæma ekki annað fólk
og jafnframt að íhuga áhrif eineltis
í samfélaginu. „Við erum öll breysk,
við höfum öll okkar kosti og galla.“
„Fjórtán ára
langaði mig
að deyja“
n Hlín Einarsdóttir
skrifar opinskátt
um sjálfsvíg
Lærði að tapa
Vaxtarræktargellan Margrét Edda Gnarr, sem er dóttir borgarstjóra Reykjavíkur,
keppti á tveimur stórum mótum
á dögunum, Arnold Classic og
Heimsmeistaramótinu í bikiní­
fitness. Árangurinn var henni ekki
að skapi en á bloggsíðu henn­
ar kemur fram að hún hafi lært
mikið af þátttökunni. „Ég lærði að
tapa!! Auðvitað vill maður vinna
en maður getur ekki sett það sem
markmið. Eins og ég segi þá veistu
aldrei hvað dómararnir eru að
leita eftir. Þetta er bara þannig
„íþrótt“,“ skrifar Margrét sem er ný­
komin með vinnu sem einkaþjálf­
ari í Sporthúsinu í Kópavogi.