Dagblaðið Vísir - DV - 07.11.2012, Blaðsíða 21

Sport 21Miðvikudagur 7. nóvember 2012
Bestir í boltanum undir tvítugu
n 25 efnilegustu og bestu ungu leikmennirnir undir tvítugu í fótboltanum n Þrír Brasilíumenn, þrír Þjóðverjar og tveir Englendingar á listanum
Romelu Lukaku
Félag: Chelsea (á láni hjá WBA)
Land: Belgía
Aldur: 19
Staða: Framherji
Romelu Lukaku er nafn sem unnendur enska
boltans þekkja vel. Hann braust inn í aðallið
Anderlecht 16 ára og skoraði 33 mörk í 73
leikjum fyrir liðið áður en hann var seldur til
Chelsea. Veran á Englandi hefur ekki verið
dans á rósum en hann virðist hafa haft gott af
því að vera lánaður til WBA. Stór og sterkur
framherji sem býr yfir ótvíræðum hæfileikum.

Juan Fernando Quintero
Félag: Pescara
Land: Kólumbía
Aldur: 19
Staða: Sóknarsinnaður miðjumaður
Þessi 19 ára liðsfélagi Birkis Bjarnasonar hjá
Pescara er einn efnilegasti leikmaður Kól-
umbíu og líklega ástæðan fyrir því að Birkir
hefur þurft að verma tréverkið hjá liðinu í
byrjun tímabils. Quintero er tæknilega góður
leikmaður og á auðvelt með að komast fram-
hjá mönnum. Hann er einnig afburðagóður
sendingamaður og les leikinn vel þrátt fyrir
ungan aldur.

Kurt Zouma
Félag: Saint-Etienne
Land: Frakkland
Aldur: 18
Staða: Varnarmaður
Kurt Zouma var orðinn fastamaður í liði Saint-
Etienne í fyrra þegar hann var einungis 17 ára.
Hann hefur leikið fyrir yngri landslið Frakka
og þykir í hópi efnilegustu varnarmanna
landsins. Zouma var orðaður við Manchester
United í sumar.

Adryan
Félag: Flamengo
Land: Brasilía
Aldur: 18
Staða: Sóknarsinnaður miðjumaður
Enn einn Brasilíumaðurinn á listanum og leik-
maður sem vert er að fylgjast með. Eins og
Brasilíumanna er siður er Adryan leikinn með
boltann og góður í að þefa uppi liðsfélaga sína.
Hann er einnig frábær skotmaður og er orðinn
fastamaður í liði Flamengo. Skoraði 8 mörk í
14 landsleikjum fyrir U-17 ára lið Brasilíu.

Stefanos Kapino
Félag: Panathinaikos
Land: Grikkland
Aldur: 18
Staða: Markvörður
Kapino er yngsti markmaðurinn til að spila
landsleik fyrir Grikki en það gerði hann í fyrra,
aðeins 17 ára. Kapino er 1,97 metrar á hæð en
er þrátt fyrir það snöggur og einstaklega fljótur
niður. Hann á væntanlega frábæra framtíð
fyrir höndum.

Raheem Sterling
Félag: Liverpool
Land: England
Aldur: 17
Staða: Vængmaður
Sterling hefur verið einn af fáum ljósum
punktum hjá Liverpool á tímabilinu og er klár-
lega leikmaður sem á eftir að ná langt. Hann
braust inn í aðalliðið í haust og hefur spilað
eins og leikmaður með 10 ára reynslu og er
síógnandi með hraða sínum og tækni. Skoraði
sitt fyrsta mark í úrvalsdeildinni á dögunum
og er þegar farinn að banka á dyrnar hjá enska
landsliðinu.

Zakaria Labyad
Félag: Sporting Lissabon
Land: Marokkó
Aldur: 19
Staða: Vængmaður/sóknarsinnaður miðjumaður
Labyad er fæddur í Hollandi og ólst upp í frá-
bærri unglingaakademíu PSV en hefur ákveðið
að spila fyrir landslið Marokkó. Hann yfirgaf
PSV í sumar og hélt til Portúgals þar sem hann
vonast til að þróa leik sinn áfram. Labyad er
klókur leikmaður, hraður og með góða bolta-
tækni. Gæti orðið stjarna framtíðarinnar.

Adam Maher
Félag: AZ Alkmaar
Land: Holland
Aldur: 19
Staða: Miðjumaður
Maher er liðsfélagi Jóhanns Bergs Guðmunds-
sonar og hefur þegar leikið á fimmta tug leikja
fyrir AZ. Hann þykir jarðbundinn og staðráð-
inn í að ná langt. Maher býr yfir góðri bolta-
tækni, frábærum leikskilningi og góðum leið-
togahæfileikum.

Matija Nastasic
Félag: Manchester City
Land: Serbía
Aldur: 19
Staða: Varnarmaður
Nastasic tók stóra skrefið í sumar þegar hann
yfirgaf Fiorentina og gekk í raðir City. Hann er
stór og stæðilegur og þykir frábær í tæklingum.
Það tekur tíma fyrir ungan leikmann að venj-
ast enska boltanum og hann á aðeins eft-
ir að verða betri hjá City. Með mann eins og
Vincent Kompany við hlið sér til að læra af á
Nastasic líklega eftir að verða fastamaður í liði
City áður en langt um líður.

Julian Draxler
Félag: Schalke 04
Land: Þýskaland
Aldur: 19
Staða: Miðjumaður/vængmaður
Draxler er ekki hraðasti ungi leikmaður Þjóð-
verja en hann bætir það upp með frábærum
fyrirgjöfum og afburðagóðri spyrnutækni.
Gæti vel endað sem miðjumaður enda nýtast
hæfileikar hans þar ekkert síður en á vængn-
um. Hann hefur þegar leikið tvo landsleiki
fyrir Þjóðverja og þeir verða eflaust mun fleiri
á næstu misserum.

Mateo Kovacic
Félag: Dinamo Zagreb
Land: Króatía
Aldur: 18
Staða: Sóknarsinnaður miðjumaður
Þetta er leikmaður sem á eftir að verða algjör
lykilmaður í króatíska landsliðinu á næstu
árum. Honum hefur verið líkt við Luka Modric
og það ekki að ástæðulausu. Kovacic býr yfir
frábærum leikskilningi, góðri boltatækni og
mikilli sendingagetu. Hann hefur verið orð-
aður við stórlið í Evrópu að undanförnu og
verður kominn í topplið næsta sumar. Sannið
þið til.

Alex Oxlade-Chamberlain
Félag: Arsenal
Land: England
Aldur: 19
Staða: Vængmaður
Það tók Alex-Oxlade Chamberlain ekki langan
tíma að vinna stuðningsmenn Arsenal á sitt
band. Hann býr yfir ógnarhraða og góðri
boltatækni og á eflaust eftir að spila ófáa
landsleikina fyrir England. Meiðsli hafa sett
strik í reikninginn á þessu tímabili en það er
vonandi fyrir stuðningsmenn Arsenal að hann
nái að hrista þau af sér og spila heilt tímabil án
meiðsla.

Raphael Varane
Félag: Real Madrid
Land: Frakkland
Aldur: 19
Staða: Varnarmaður
Varane er algjör gæðavarnarmaður og góður
með boltann. Hann gekk í raðir Real Madrid
í sumar eftir að hafa fangað athygli stórliða
í Evrópu með góðri frammistöðu hjá Lens.
Nái hann að vinna sér inn fast sæti hjá Real
Madrid á næstu misserum gæti hann vel náð
að festa sig í sessi í hjarta varnarinnar hjá
franska landsliðinu.
Þessir voru
líka nefndir
n Moritz Leitner 19 ára, þýskur miðjumaður hjá
Borussia Dortmund.
n Lucas Ocampos 19 ára, argentínskur miðjumaður
hjá Monaco í Frakklandi.
n Juan Iturbe 19 ára, argentínskur miðjumaður hjá
Porto.
n Carlos Fierro 19 ára, mexíkóskur framherji hjá
Guadalajara í Mexíkó.
n Nick Powell 18 ára, enskur miðjumaður hjá
Manchester United.
n Sergi Samper 17 ára, spænskur miðjumaður hjá
FC Barcelona
n Ryo Miyaichi 19 ára, japanskur miðjumaður sem
er samningsbundinn Arsenal.
n M'Baye Niang 17 ára, franskur sóknarmaður hjá
AC Milan.
n Suso 18 ára, spænskur sóknarsinnaður miðju-
maður hjá Liverpool