Dagblaðið Vísir - DV - 07.11.2012, Blaðsíða 22

22 Menning 7. nóvember 2012 Miðvikudagur
Heimildamyndahátíð í Bíó Paradís
n Þema hátíðarinnar er list af ýmsu tagi
B
ÍÓ:DOX er nafn á nýjum
heimildamyndaklúbbi Bíó
Pardísar. Starfsemi klúbbs­
ins hófst í október síðast­
liðnum með sýningu heimilda­
myndarinnar Girl Model í
leikstjórn Ashley Sabin og David
Redmon. Myndin fjallar um
skuggahliðar fyrirsætubransans í
Síberíu og Japan.
BÍÓ:DOX mun standa fyrir
mánaðarlegum sýningum á sér­
völdum heimildamyndum í Bíó
Paradís í vetur og boðið verður
upp á ýmsa viðburði í tengslum við
hverja mynd. Til að mynda pall­
borðsumræður, tónleika og margt
fleira.
Klúbburinn stendur fyrir heim­
ildamyndahátíð dagana 9.–15.
nóvember og er þema hátíðar­
innar List. Fimm heimildamyndir
verða sýndar á hátíðinni sem eiga
það allar sameiginlegt að gefa inn­
sýn í líf listamanna og lista. n
n Sigur Rós lét bíða eftir sér á eftirminnilegum tónleikum í Laugardalshöll
Með verk í veskinu
Þ
að er óhætt að segja
að það hafi ríkt eftir­
vænting vegna loka­
atriðis Iceland Airwaves­
tónlistarhátíðar innar
núna. Hljómsveitin Sigur Rós
hafði boðað þessa tónleika með
nokkrum fyrirvara, enda önnum
kafnir í stóru tónleikaferðalagi til
þess að fylgja eftir hljómplötunni
Valtara sem kom út í vor.
Sagt er að í nýja hluta Laugar­
dalshallarinnar hafi verið á bil­
inu sjö til átta þúsund manns á
sunnudagskvöldið. Það hljómar
ekki ósennilega, salurinn er stór
og var fullur af fólki. Tónleikarn­
ir voru auglýstir klukkan 19, húsið
var opnað klukkan 18. Flestir virt­
ust mættir stundvíslega en þurftu
engu að síður að bíða.
Sjötíu mínútur
Það var ekki fyrr en klukkan að
ganga níu um kvöldið sem hljóm­
sveitin gerði sig líklega til þess að
hefja tónleikana. Þá hafði þessi
stóri hópur fólks beðið tónleik­
anna í ríflega klukkutíma, harla
þolinmóður. Reyndar var púað á
hljómsveitina úr stöku stað.
Engin skýring var gefin á þess­
um töfum. Svo mikið er þó víst að
fólkið sem stóð næst mér kættist
ekki sérstaklega við það að sjá að
hljómsveitin byrjaði tónleikana
aðeins nokkrum augnablikum eft­
ir að forseta lýðveldisins þóknað­
ist að mæta á svæðið.
Öll bestu lögin
Strax varð ljóst að þetta yrðu eftir­
minnilegir tónleikar. Hljómsveitin
virtist í firna góðu formi og ljósa­
búnaður og myndskeið sem voru
notuð til skrauts voru tilkomu­
mikil og hæfðu dagskránni frá­
bærlega. Ofan í kaupið þá spilaði
Sigur Rós úrval af sínum þekkt­
ustu lögum frá upphafi, að því er
virtist á kostnað efnis af nýju plöt­
unni, sem reyndar er býsna róleg
og sennilega ekki eins auðveld
í flutningi og sumt af hinu eldra
efni.
Flutningurinn var frábær og
gestir voru ekki sviknir. Hins vegar
virtist eins og hljómsveitinni tæk­
ist ekki að vinna áhorfendur fylli­
lega á sitt band, að minnsta kosti
ekki fyrr en langt var liðið á tón­
leikana. Eftir uppklapp tók sveitin
nokkur lög til viðbótar, þar á með­
al lagið Brennistein, sem ekki hef­
ur verið flutt áður. Gott og örvandi
lag sem óð á milli skírskotana í
nútímalega raftónlist og aftur í
diskóbylgjur fyrri ára.
Með ónáttúru í hljómnum
Hljómburðurinn í salnum var skýr
en umdeilanlegur. Öll hljóðfæri
höfðu fengið sinn sérstaka stað í
tónjöfnuninni. Þetta var sérlega
skýr hljóðblöndun en á sinn hátt
ónáttúruleg. Strengjasveitin var
ofurbjört með grunnan hljóm.
Bassann vantaði í bassagítar­
inn því bassatromman fékk for­
ganginn. Söngur Jónsa hljómaði
þó undantekningarlaust vel.
Þrátt fyrir þennan frábæra og
tilkomumikla flutning var ein­
hvern veginn eins og sveitin hefði
svikið okkur um gæsahúðina sem
sundum fylgir góðum tónleikum,
bara með því að mæta seint til
leiks. Hálftíma töf hefði auðveld­
lega mátt þola, en rúmur klukku­
tími í mannþrönginni varð skyndi­
lega áberandi langur. Og allt í einu
fór mann að verkja í veskið, einmitt
þar sem síst skyldi. Þess vegna er
ekki hægt að gefa fullt hús. n
Tónleikar
Sigtryggur Ari Jóhannsson
sigtryggur@dv.is
Sigur Rós á Airwaves
„Og allt í einu fór
mann að verkja í
veskið, einmitt þar sem
síst skyldi.
Sigur Rós
Myndefnið á
tónleikunum
var í svipuðum
stíl og það sem
hefur einkennt
útgáfu plötunn-
ar Valtara.
Myndirnar eru:
n Matargerðarlist: Jiro Dreams of
Sushi, leikstjóri David Gelb (2011).
n Myndlist: Wonder Women: The
Untold Story of American Super-
heroines, leikstjóri Kirsty Guevara-
Flanagan (2012).
n Gjörningalist: Marina Abramovich:
The Artist is Present, leikstjóri Matthew
Akers (2012).
n Kvikmyndalist: Woody Allen: A
Documentary, leikstjóri Robert B. Weide
(2012).
n Tónlist: Seaching for Sugarman,
leikstjóri Malik Bendjelloul (2012).
Gjörningalist Kvikmyndin The Artist is Present er ein þeirra heimildamynda sem sýndar
verða á hátíðinni.
Tónleikar á
Háskólatorgi
Hlín Pétursdóttir Behrens sópran­
söngkona og Jón Sigurðsson
píanó leikari munu syngja og leika
saman á tónleikum á Háskólatorgi
á miðvikudag. Þau munu flytja
Fünf Lieder op. 38 eftir Erich Wolf­
gang Korngold og fimm sönglög
eftir Jón Sigurðsson við ljóð ís­
lenskra skálda, Birtu, Hannesar
Péturssonar og Vilborgar Dag­
bjartsdóttur.
Ljóðin fjalla öll um vatnið í
sínum ólíku birtingarmyndum,
hvernig það endurspeglar mann­
legar kenndir og ólík lífsskeið
mannsins. Þau eru margvísleg að
gerð og formi og tónlistin dreg­
ur fram og magnar þá stemm­
ingu sem í hverju þeirra býr. Lögin
eru hugsuð sem heild og eru því
flutt líkt og stuttur ljóðaflokkur. Er
þetta í fyrsta skipti sem lög Jóns
eru flutt hér á landi.
Andri og Gunna
Dís í Orð skulu
standa
Andri Freyr Viðarsson og Guðrún
Dís Emilsdóttir, stjórnendur Virkra
morgna á Rás 2, verða gestir leik­
sýningarinnar Orð skulu standa í
Þjóðleikhúskjallaranum fimmtu­
dagskvöldið 8. nóvember.
Hyggjast þau bregða á leik með
tungumálið og mun uppátækið
eflaust vekja kátínu meðal áhorf­
enda. Þá ætla þau bæði að syngja
einsöng við undirleik Jakobs Frí­
manns Magnússonar.
Sýningin Orð skulu standa er
byggð á samnefndum útvarps­
þætti Karls Th. Birgissonar en við
bætist allt það sem gott leikhús
hefur upp á að bjóða; leikþættir,
upplestur og söngur. Þá taka
gestirnir einnig þátt í sýningunni
ef þeir vilja.
Fjallar um
Vögguvísu
Rithöfundurinn Guðmundur
Andri Thorsson mun fjalla um
Elías Mar og bók hans Vögguvísu
með mynd­ og tónrænu ívafi í
Gunnarshúsi á Dyngjuvegi þann
8. nóvember klukkan 20.30. Guð­
mundur ætlar einnig að fjalla um
persónuleg kynni sín af skáldinu.
Heitt kaffi verður á könnunni og
eru allir velkomnir.
Vögguvísa kom fyrst út árið
1950 og er jafnan talin ein fyrsta
Reykjavíkursagan. Bókin er einnig
sú fyrsta sem gerir unglingamenn­
ingu eftirstríðsáranna að viðfangs­
efni sínu. Elías Mar lagðist í mikla
rannsóknarvinnu á tungutaki
reykvískra unglinga og safnaði
saman helstu slangurorðum og
orðasamböndum úr máli þeirra.