Dagblaðið Vísir - DV - 07.11.2012, Blaðsíða 6

6 Fréttir 7. nóvember 2012 Miðvikudagur
Sjómenn gefa ekki eftir í deilunni
n Stál í stál í deilu sjómanna og útvegsmanna
Þ
að stefnir allt í að Landssam­
band íslenskra útvegsmanna
setji verkbann á sjómenn
sem starfa hjá aðildarfyrir­
tækjum sambandsins. Stjórn Sam­
taka atvinnulífsins heimilaði LÍÚ
á mánudag að setja verkbann en
kjaradeila sjómanna við LÍÚ er
langt frá því að leysast ef marka
má orð Konráðs Alfreðssonar, for­
manns Sjómannafélags Eyjafjarð­
ar. LÍÚ fer fram á að sjómenn taki
á sig fimmtán prósenta launalækk­
un til að taka þátt í auknum kostn­
aði vegna hækkunar á veiðigjaldi,
skattabreytingum og hækkandi
olíuverðs.
Konráð segir skilaboðin frá sín­
um mönnum vera alveg skýr: „Þið
gefið ekki eftir í þessu máli og þið
semjið heldur ekki fyrr en þið eruð
búnir að fá bættan sjómannaaf­
sláttinn sem tekinn var af okkur
og með þeim orðum að þetta væri
niðurgreiðsla til útgerðarinnar frá
ríkinu á launum sjómanna. Og þar
af leiðandi eiga atvinnurekend­
ur að borga þetta og við munum
ekkert standa frá borði fyrr en við
erum búnir að fá þetta.“
Konráð segir það vera afar sérs­
taka stöðu að atvinnurekandi boði
verkbann á launafólk sitt og segir
það einkennilegt að LÍÚ beri fyr­
ir sig hækkun á veiðigjaldi þegar
Steingrímur J. Sigfússon atvinnu­
vegaráðherra hefur sagt að skattur
verði ekki lagður á umframhagnað
útgerðanna fyrr en eftir að launa­
kostnaður hefur verið dreginn
frá. „Það kemur manni voðalega
spánskt fyrir sjónir að sjómenn
eigi að borga veiðileyfagjaldið,“
segir Konráð sem segir það vera
mat LÍÚ að það borgi sig að setja
verkbann á sjómenn til að fá sínu
framgengt. „Mér finnst þetta mjög
sérkennilegt svo vægt sé til orða
tekið.“ n
birgir@dv.is
2007-MARTRÖÐ
Í EIGU RÍKISINS
n Fimm manna fjölskylda keypti lóð og teikningar á 70 milljónir árið 2007
F
yrir tveimur vikum eignaðist
Landsbankinn rúmlega 930 fer­
metra einbýlishús í Garðabæ við
Sunnuflöt 48 á nauðungarupp­
boði. Húsið sjálft er um 870 fermetrar
að stærð með 60 fermetra bílskúr. Í
húsinu eru sex svefnherbergi, fimm
stofur og fjögur baðherbergi. Íslenska
ríkið á sem kunnugt er 81 prósent í
Landsbankanum og því má segja að
þetta risahýsi, sem DV nefndi „1000
fermetra martröð“ í fyrirsögn árið
2010, sé nú komið í eigu almennings.
Fólkið sem var svona stórhuga í
góðærinu er fimm manna fjölskylda í
Garðabænum. Húsið var í eigu Arnars
Sölvasonar og Hildar Gunnlaugs­
dóttur áður en Landsbankinn leysti
það til sín. Arnar starfaði á árum áður
sem fasteignasali en varð síðan stór­
tækur í fasteignabraski í góðærinu.
Líklega myndu flestir Íslendingar
sætta sig við minna en 930 fermetra
hús fyrir fjölskylduna þó hún væri
fimm manna.
Keyptu lóð og teikningar á
70 milljónir
Forsaga málsins er sú að árið 2007
seldi athafnakonan Íris Björk Jóns­
dóttir, oftast kennd við verslunina GK,
þeim Arnari og Hildi lóðina að Sunnu­
flöt 48, og teikningu af glæsihúsi sem
þar átti að rísa. Íris græddi um 20 millj­
ónir króna á sölunni en þau Arnar og
Hildur fóru hins vegar illa út úr ævin­
týrinu. Eins og áður sagði endaði eign­
in á nauðungaruppboði og er nú í eigu
Landsbankans sem lánaði fyrir herleg­
heitunum.
Íris hafði keypt húsið á Sunnuflöt
48 í Garðabæ snemma árs 2006, fyrir
fimmtíu milljónir króna og lét rífa hús­
ið. Ætlunin var að byggja 600 fermetra
glæsihús og var talið að bygging þess
myndi ekki kosta undir 150 milljónum
króna. En áður en af þessu varð ákvað
Íris að selja lóðina, sem er tæpir þús­
und fermetrar, og teikninguna sem
arkitektastofan Gassa átti heiðurinn af.
Seldi Íris þeim Arnari og Helgu lóð og
teikningu að húsinu fyrir 70 milljónir
króna.
Séð og heyrt ræddi við Arnar eftir
að bankahrunið skall á. Sagði hann þá
að kaupin á Sunnuflöt 48 hafi snúist
upp í algjöra martröð og að þau hjónin
sæu fram á að missa allt sem þau ættu.
Saga þessara lóðarkaupa væri sorgar­
saga frá a til ö – allt hefði farið á versta
veg og þau sætu nú í súpunni – skulda­
súpunni. Þegar DV hafði samband við
Arnar sagðist hann lítið vilja tjá sig um
það að 930 fermetra hús fjölskyldunn­
ar væri nú komið í eigu Landsbankans.
Kostar 350 milljónir fullklárað
Óhætt er að segja að 930 fermetra
húsið í Garðabænum sé nú eitt af
mörgum ummerkjum um misheppn­
að rugl sem náði hápunkti sínum á
góðærisárinu 2007. Fasteignasali sem
DV ræddi við segist hafa heimildir fyr­
ir því að enginn hafi sýnt áhuga á að
kaupa umrætt hús. Það sé mjög nálægt
Reykjanesbrautinni og því illa stað­
sett, innst í Sunnuflöt. Ef hægt yrði að
finna kaupanda að húsinu myndi hús­
ið fullklárað líklega kosta um 350 millj­
ónir króna. Miðað sé við 300 þúsund
krónur á fermetrann sem geri um 280
milljónir króna ofan á þær 70 milljónir
króna sem hjónin greiddu fyrir lóðina
og teikningar af húsinu.
Stórtækur fasteignabraskari
Arnar Sölvason virðist hafa verið ansi
stórtækur í fasteignabraski í góðærinu.
Samkvæmt fyrirtækjaskrá tengist
hann fimm félögum sem hafa ver­
ið úrskurðuð gjaldþrota eftir hrun. Þá
situr hann í stjórn Helgafellsbygginga
hf. sem skuldar Landsbankanum um
tíu milljarða króna vegna kaupa á
Helgafellslandinu í Mosfellsbæ þar
sem um 1.000 íbúða byggð átti að rísa.
Helgafellsbyggingar hf. er með nei­
kvætt eigið fé upp á 4,5 milljarða króna
og fer Landsbankinn í Lúxemborg
með um 90 prósenta hlut í félaginu.
Þá situr Arnar einnig í stjórn
Lágafellsbygginga ehf. Það félag keypti
um 45 hektara í landi Lágafells í Mos­
fellsbæ árið 2004. Lágafellsbyggingar
ehf. skuldar Landsbankanum um 930
milljónir króna en 45 hektara landið
er metið á um 330 milljónir króna. Það
virðist því ekki vera tilviljun að Arnar
hafi getað fengið lán hjá Landsbankan­
um árið 2007 til þess að byggja sér 930
fermetra hús í Garðabænum. Lands­
bankinn fjármagnaði að minnsta kosti
nær alfarið tvenn stór fasteignakaup
hjá félögum þar sem Arnar situr enn
í stjórn. Að lokum má geta þess fyrir
áhugasama að 930 fermetra húsið er
nú til sölu hjá Ás fasteignasölu fyrir 93
milljónir króna. Fasteignamat hússins
er hins vegar 117 milljónir króna. n
Gríðarstór eign Húsið er
rúmleg 930 fermetrar og sann-
kallað risahýsi. Mynd SiGtryGGur Ari
Seldi lóðina Íris Björk seldi lóðina árið
2007 og græddi 20 milljónir króna.
Annas Sigmundsson
blaðamaður skrifar as@dv.is
Kastast upp á vinskapinn Útgerðarmenn og sjómenn mættu á Austurvöll í sumar til að
mótmæla. Nú andar köldu þeirra í millum.
Árleg fundaherferð lögreglu:
Vesturbæingar
í fínum málum
Innbrotum í Vesturbænum hef­
ur fækkað um 43 prósent frá ár­
inu 2007 og svipaða sögu er að
segja af ofbeldisbrotum sem
hefur fækkað um 46 prósent á
sama tímabili. Þetta kom fram á
fundi sem haldinn var í Haga­
skóla á mánudagskvöld en nú
stendur yfir árleg fundaherferð
lögreglunnar á höfuðborgar­
svæðinu með fólki á öllum svæð­
um í umdæminu.
Fjallað er um fundinn á vef
lögreglunnar og þar kemur
fram að hann hafi verið sæmi­
lega sóttur. Á honum var farið
yfir stöðu mála og þróun brota
í hverfinu undanfarin ár. Sami
háttur er hafður á á öllum þess­
um hverfa­ og svæðafundum
og þykir það fyrirkomulag hafa
gefist vel.
„Fundarmenn voru því al­
mennt nokkuð ánægðir með
gang mála, en áhyggjur þeirra
sneru helst að umferðarmálum.
Nokkuð var um þau rætt og
hefur svo verið á flestum hverfa­
fundum lögreglunnar með
Vestur bæingum síðustu árin.
Fjölmargar hraðamælingar hafa
verið framkvæmdar í Vestur­
bænum frá árinu 2008 með
myndavélabíl embættisins.
Niðurstöðurnar er nýttar til að
benda á það sem betur má fara
en lögreglan mun að sjálfsögðu
halda uppteknum hætti og fylgj­
ast áfram grannt með umferðar­
hraða í Vesturbænum.“
niðurstöður samræmdra prófa:
Betri í stærðfræði
en móðurmálinu
Námsmatsstofnun gaf á mánu­
dag út fyrstu niðurstöður úr sam­
ræmdum könnunarprófum sem
lögð voru fyrir grunnskólanem­
endur um land allt í haust. Nem­
endur í fjórða, sjöunda og tíunda
bekk þreyta prófin og prófað er í
íslensku og stærðfræði auk ensku
í tíunda bekk.
Athygli vekur að almennt var
meðaleinkunn hærri í stærðfræði
en íslensku. Meðaleinkunn nem­
enda í fjórða bekk í stærðfræði
er 6,9 en aðeins 6,1 í íslensku. Í
sjöunda bekk er meðaleinkunn í
stærðfræði 6,9 en 6,6 í íslensku.
Munurinn er þó lítill í tíunda
bekk þar sem meðaleinkunn er
6,4 í íslensku, 6,5 í stærðfræði og
6,6 í ensku.
Meðaleinkunn nemenda á
höfuðborgarsvæðinu er nokkru
hærri en nemenda á landsbyggð­
inni. Í fjórða og sjöunda bekk
standa nemendur í nágrenni
Reykjavíkur best að vígi og í
tíunda bekk skorar höfuðborgar­
svæðið hæst. Athygli vekur að
enskukunnátta nemenda mælist
þó nokkuð betri á höfuðborgar­
svæðinu en á landsbyggðinni.
Í fjórða bekk er meðaleinkunn
lægst í Norðvesturkjördæmi eða
5,7 í íslensku og 6,5 í stærðfræði.
Í sjöunda bekk er hún lægst í
Suðurkjördæmi eða 6,2 í íslensku
og 6,6 í stærðfræði. Meðaltal
einkunna á landsbyggðinni er
nokkuð jafnt eftir kjördæmum í
tíunda bekk.