Dagblaðið Vísir - DV - 05.12.2012, Blaðsíða 2
2 Fréttir 5. desember 2012 Miðvikudagur
Tombólubörn
söfnuðu 600
þúsund krónum
Yngstu sjálfboðaliðar Rauða
krossins, tombólubörnin, söfnuðu
alls 600 þúsund krónum á árinu.
Um 500 börn styrktu Rauða kross-
inn með hvers kyns fjársöfnunum,
og fer þeim fjölgandi með hverju
ári að því er fram kemur í tilkynn-
ingu frá Rauða krossinum. Skipa
þessi börn mikilvægan sess í starfi
félagsins og sýna að ekkert aldurs-
takmark er hvað varðar þörfina að
gefa af sér til þeirra sem búa við
krappari kjör.
Framlög barna til Rauða
krossins eru alltaf notuð til að að-
stoða önnur börn víða um heim.
Fénu að þessu sinni verður var-
ið til aðstoðar við 150 skólabörn í
Gambíu, en Birna Halldórsdóttir,
sendifulltrúi Rauða krossins þar,
hefur haft milligöngu um verkefnið.
„Hér í Gambíu eru fjölmörg
börn sem ekki geta sótt skóla sök-
um fátæktar. Hafi fjölskylda þeirra
ekki efni á að kaupa skólabúninga
og skólabækur hætta þau einfald-
lega námi,“ segir Birna í tilkynn-
ingunni og bætir við að með þessu
fé frá tombólubörnum á Íslandi
geti Rauði krossinn í Gambíu nú
styrkt 150 börn til náms með því
að kaupa handa þeim skólavörur
og skólabúninga til skiptanna.
Félagið vill nota tækifær-
ið á alþjóðadegi sjálfboðaliðans
sem er í dag, 5. desember, til að
þakka öllum börnum á landinu
sem styrktu Rauða krossinn með
fjársöfnunum í ár. Þá eru þeim
sem lögðu Rauða krossinum lið í
landssöfnuninni Göngum til góðs
í október einnig færðar þakkir.
n Skrifaði undir skjöl sem voru dagsett aftur í tímann
91 ökumaður
á von á sekt
Brot 91 ökumanns voru mynduð
á Reykjanesbraut í Garðabæ á
föstudag. Fylgst var með ökutækj-
um sem var ekið Reykjanesbraut í
norðurátt, við Hnoðraholtsbraut.
Á einni klukkustund, um hádeg-
isbil, fóru 1.117 ökutæki þessa
akstursleið og því óku allnokkrir
ökumenn, eða 8%, of hratt eða
yfir afskiptahraða. Meðalhraði
hinna brotlegu var 94 kílómetrar á
klukkustund en þarna er 80 kíló-
metra hámarkshraði. Fimm óku á
100 kílómetra hraða eða meira en
sá sem hraðast ók mældist á 106.
Vöktun lögreglunnar á
Reykjanesbraut er liður í umferð-
areftirliti hennar á höfuðborgar-
svæðinu að því er fram kemur í
tilkynningu.
Forðaði sér
Lögreglunni á Suðurnesjum
barst á mánudag tilkynning um
að reynt hefði verið að lokka
níu ára stúlku upp í bifreið í
Garði. Telpan var á leið heim úr
skólanum þegar svartri bifreið
var ekið fram hjá henni. Karl-
maður á miðjum aldri mun þá
hafa teygt sig út úr bifreiðinni
og fannst henni sem maður-
inn ætlaði að grípa í sig. Telpan
varð hrædd, forðaði sér heim
og lét móður sína vita um atvik-
ið. Lögreglan biður alla þá sem
einhverjar upplýsingar gætu
gefið um málið að hafa sam-
band í síma 420 1700.
B
jarni Benediktsson, for-
maður Sjálfstæðisflokksins,
viðurkenndi fyrir Héraðs-
dómi Reykjavíkur á þriðju-
daginn að hafa skrifað undir
skjöl sem voru dagsett aftur í tímann
þegar hann tók þátt í endurfjár-
mögnuninni á Glitnisbréfum Þátt-
ar International í febrúar 2008. For-
maðurinn bar vitni í málinu á öðrum
degi aðalmeðferðarinnar í Vafnings-
málinu fyrir héraðsdómi en Lárus
Welding og Guðmundur Hjaltason
eru ákærðir fyrir umboðssvik í mál-
inu vegna 10 milljarða króna lán-
veitingar út úr Glitni.
Orðrétt sagði Bjarni að þar sem
faðir hans, Benedikt Sveinsson,
og frændi hans, Einar Sveinsson,
hefðu báðir verið „staddir í útlönd-
um“ hefði hann skrifað undir lána-
og veðsamning Vafnings fyrir þeirra
hönd. Skjölin voru dagsett þann 8.
febrúar 2008, sem var föstudagurinn
þar á undan. Aðspurður sagði Bjarni
í skýrslutökunni, um það hvenær
hann skrifaði undir skjölin: „Ég man
það ekki nákvæmlega (...) Ég hygg að
það hafi verið mánudaginn 11. febr-
úar 2008 eða þriðjudaginn 12. febr-
úar.“ Mánudaginn 11. febrúar var
hins vegar búið að ganga frá greiðslu
á láninu, rúmlega 10 milljörðum
króna, sem Vafningur fékk með lána-
samningnum við Glitni sem dag-
settur var 8. febrúar. Skjölin sem
Bjarni skrifaði undir voru því dagsett
aftur í tímann.
Skýrslutakan yfir Bjarna í Héraðs-
dómi Reykjavíkur var annars stutt
og hnitmiðuð. Hann var ekki spurð-
ur út í það af hverju hann hefði skrif-
að undir skjöl sem voru dagsett aftur
í tímann og hvað honum fyndist um
þá staðreynd.
Gunnar hafði samband þann
áttunda
Í skýrslutöku sinni fyrir dómi á
þriðjudaginn sagði Einar Sveinsson,
símleiðis frá Bretlandi, að hann hefði
verið á ferðalagi erlendis þegar geng-
ið var frá endurfjármögnuninni.
Hann sagði að Gunnar Gunnarsson,
yfirlögfræðingur Milestone, hefði
haft samband við sig föstudaginn 8.
febrúar til að biðja sig um að senda
umboðin til Íslands.
Einar virðist ekki hafa náð að
senda þessi umboð í tæka tíð enda lá
mikið á að ganga frá lánveitingunni
frá Glitni til Vafnings þann 8. febrú-
ar. Ganga þurfti frá endurgreiðslu á
láninu til Morgan Stanley fyrir klukk-
an fjögur þennan dag. Þessi mikla
tímapressa í málinu kom fram í
vitnisburði Sigurðar Arngrímsson-
ar, fyrrverandi starfsmanns Morgan
Stanley í Bretlandi, sem sá um sam-
skipti bandaríska bankans við Mile-
stone, en hann útilokaði að bankinn
hefði veitt frest til að ganga frá lán-
inu til mánudagsins 11. febrúar: „Við
hefðum ekki beðið eftir neinu að ég
held (...) Við erum að reyna að forða
okkur frá skaða. Hver er sjálfum sér
næstur. Ég er ekki að útiloka neitt
en það er mjög óhefðbundið og ég
hef litla trú á því að menn hefðu haft
þolinmæði á þessum tíma miðað við
hvernig ástandið var.“ Gengið var frá
uppgreiðslunni á láninu við Morgan
Stanley á fjórða tímanum, síðdegis,
þann 8. febrúar.
Einar bar því meðal annars við
í vitnisburði sínum að síma- og
internetsambandið sem hann hefði
verið í hefði verið stopult þennan
dag. Fyrir vikið hefði verið erfiðara
fyrir hann að ganga frá umboðunum.
Beðið eftir umboðum
Ein af ástæðum þess að ekki gekk að
ganga frá láninu frá Glitni til Vafn-
ings þann 8. febrúar 2008 var að
Bjarni var að bíða eftir því að Einar
Sveinsson sendi honum umboð til
að skuldbinda félög sem tengdust
honum sem áttu hlutabréf í Vafn-
ingi. Líkt og kom fram hér að ofan
var Einar staddur erlendis. Þetta kom
fram bæði í máli Jóhannesar Sigurðs-
sonar, fyrrverandi aðstoðarforstjóra
Glitnis, og Guðmundar Hjaltasonar,
fyrrverandi framkvæmdastjóra fyrir-
tækjasviðs Glitnis, í skýrslutöku fyrir
dómi í aðalmeðferð Vafningsmálsins
á mánudag og þriðjudag.
Jóhannes tjáði sig um það af
hverju gengið hefði verið þannig frá
láninu að Milestone fékk það föstu-
daginn 8. febrúar, en ekki Vafning-
ur þremur dögum síðar, þann 11.
febrúar. Sagði Jóhannes að meðal
annars hefði dregist að senda um-
boð frá Einari Sveinssyni til Bjarna
Benediktssonar, frænda hans, til að
skuldbinda félög sem hann átti sem
voru hluthafar í Vafningi og Þætti
International.
Skúli Magnússon héraðsdómari
spurði Jóhannes fyrir dómi til hvaða
umboðs hann væri í vitnisburði sín-
um að vísa þegar hann talaði um að
visst umboð hefði ekki borist í tæka
tíð til að ganga frá láninu til Vafnings
á föstudeginum. Þá sagði Jóhannes:
„Umboðið sem Bjarni Benediktsson
var að bíða eftir að fá frá Einari
Sveinssyni.“
Guðmundur Hjaltason sagði
einnig fyrir dómi að seinkun á undir-
ritun veðsetningarskjala hluthafa
Vafnings hefði gert það að verkum
að ekki var hægt að ganga frá lán-
veitingunni til félagsins. Guðmund-
ur sagði að þó undirskriftin á veð-
setningarskjalið hefði ekki borist í
tæka tíð þá hefði Glitnir samt mátt
lána fyrir uppgreiðslu lánsins. „Það
mátti lána þó að það hefði vantað
þessa 12 prósent undirskrift.“
Fax staðfestir orð Bjarna
DV hefur áður fjallað um þessar fals-
anir á undirskriftum í Vafningsmál-
inu. Í byrjun þessa árs greindi blað-
ið frá því að umboðin sem Bjarni
fékk til að veðsetja hlutabréfin í
eignarhaldsfélaginu Vafningi hefðu
verið send til Glitnis klukkan 16.38
þann 11. febrúar 2008. Þetta kom
fram í afriti af faxi með umboðunum
sem Gunnar Gunnarsson, lögmað-
ur Milestone, sendi til Glitnis þenn-
an dag og DV hefur undir höndum.
Gunnar var sá sem hafði haft sam-
band við Einar Sveinsson vegna um-
boðanna föstudaginn 8. febrúar.
Umboðin voru hins vegar veitt
vegna viðskipta sem sögð voru hafa
átt sér stað þann 8. febrúar, þremur
dögum áður, líkt og kemur fram
hér að ofan. Dagsetningin á um-
boðunum var sömuleiðis 8. febrúar
2008. Faxið sannar falsanir í skjala-
gerðinni í Vafningsmálinu. Lána-
og veðsamningurinn sem Bjarni
skrifaði undir svo Glitnir gæti lánað
eignarhaldsfélaginu Vafningi rúm-
lega tíu milljarða króna voru einnig
dagsettir þann 8. febrúar.
Afritið af faxinu til Glitnis er enn
ein sönnun þess að skjalagerðin í
Vafningsmálinu var unnin aftur í tí-
mann. Í faxinu stendur: „Til Glitnis
banka hf. - Kirkjusandi 2 - 155 Reykja-
vík“ og var það sent úr faxnúmeri
„+354 4141808“, númeri á skrifstofu
Milestone á Suðurlandsbraut, af
Gunnari Gunnarssyni. Neðst á fyrstu
síðu umboðanna, sem virðast hafa
verið send til Glitnis öll í einu, stend-
ur hvenær faxið var sent: „11/02 2008
16:38 FAX.“ Í faxinu stendur skýrum
stöfum að klukkan hafi verið 22 mín-
útur í fimm þann ellefta febrúar 2008
þremur dögum eftir að Vafningsvið-
skiptin voru sögð hafa átt sér stað
samkvæmt lána- og veðsamningn-
um í málinu. Nú hafa vitnin í Vafn-
ingsmálinu staðfest þetta enn frekar.
Aðalmeðferðin í Vafningsmálinu
heldur áfram á fimmtudaginn. Þá
mun fleiri vitni gefa skýrslur í mál-
inu. n
Bjarni
játar
fölsun
Skýrsla Bjarna
Skýrslutakan yfir
Bjarna Benedikts-
syni var stutt og
hnitmiðuð. Í henni
staðfesti hann að
hafa skrifað undir
skjöl sem voru dag-
sett aftur í tímann í
endurfjármögnuninni
á Glitnisbréfum Þátt-
ar International.
Í héraðsdómi Bjarni sagðist ekki muna hvenær hann hefði skrifað undir skjölin. „Ég hygg
að það hafi verið mánudaginn 11. febrúar 2008 eða þriðjudaginn 12. febrúar.“
Ingi Freyr Vilhjálmsson
fréttastjóri skrifar ingi@dv.is