Dagblaðið Vísir - DV - 05.12.2012, Blaðsíða 8

8 Fréttir 5. desember 2012 Miðvikudagur
n „Ósjálfráð viðbrögð“
H
æstiréttur dæmdi á fimmtu­
dag mann á fertugsaldri í sex
mánaða fangelsi, skilorðs­
bundið til tveggja ára, fyrir
að hafa ráðist með hnefahöggum og
spörkum á mann eftir að hafa ekið
bifreið sinni aftan á bifreið hans. Í
dómi Hæstaréttar kom fram að mað­
urinn sem keyrði aftan á bifreiðina
hafi enga iðrun sýnt vegna verkn­
aðarins heldur þvert á móti réttlætt
gerðir sínar.
Maðurinn sem ráðist var á lýsti
því hvernig hann hafði verið að keyra
Reykjanesbrautina í september
2010 þegar hann skipti yfir á vinstri
akrein. Hann hafi séð bifreiðina fyrir
aftan sig nálgast á miklum hraða og
hafi hann því í fyrstu aukið ferðina,
en síðar stigið létt á bremsuna til að
sýna ökumanninum hemlaljósin.
Hann hafi þá fundið fyrir höggi. Í
dómnum stendur að eftir árekstur­
inn hefði hann farið út úr bifreið
sinni og séð ákærða koma út úr bif­
reið sinni á mikilli ferð og maður­
inn kýlt hann án fyrirvara í andlitið
með krepptum hnefa. Eftir að brota­
þoli hefði fengið hnefahögg í andlitið
hefði hann stokkið inn í bifreið sína
og reynt að loka dyrunum, en mað­
urinn hefði haldið hurðinni þannig
að hann gat ekki lokað. Árásarmað­
urinn hefði svo látið hnefahögg og
spörk dynja á honum þar sem hann
sat í bifreiðinni. Hann hefði reynt að
verja bjargráð, sem hann var með og
höfuð sitt fyrir höggum. Maðurinn
hefði svo allt í einu hætt, farið í bif­
reið sína og ekið á brott. Stjúpdóttir
fórnarlambsins sem var með honum
í bílnum bætti við að maðurinn hefði
gefið þeim fingurinn þegar hann ók
á brott.
Fyrir dómi sagði árásarmaðurinn
að hann hefði reiðst út í brotaþola
vegna þess að hann hefði átt sök á
árekstrinum þar sem hann hefði
hemlað snögglega og sýnt af sér víta­
verðan akstur. Hann hefði því reiðst
og rokið að bifreiðinni. Það hefðu
verið ósjálfráð viðbrögð að kýla
manninn.
Manninum var gert að greiða
fórnarlambinu rúmar 300.000 krón­
ur ásamt samtals tæpum 800.000
krónum í annan sakarkostnað og
málskostnað. n hanna@dv.is
Réðst á mann
eftir árekstur
Dæmdur Maðurinn var
dæmdur í sex mánaða
fangelsi fyrir að ráðast á
ökumann.
É
g vil ekkert tjá mig um þetta
mál,“ segir Gunnar Þorsteins­
son, sem oftast er kenndur
við Krossinn, aðspurður hvers
vegna hann hafi verið rekinn úr
stjórn áfangaheimilisins Krossgatna.
Það var Gunnar sem setti Krossgötur
á laggirnar fyrir 25 árum og hefur
verið, þar til nú, formaður stjórnar
áfangaheimilisins frá upphafi.
Áfangaheimilið Krossgötur er
hugsað sem skammtíma búsetu­
úrræði fyrir einstaklinga sem hafa
lokið áfengis­ og/eða vímuefnameð­
ferð. Heimilið er rekið á styrkjum frá
sveitarfélögum og ríkinu en einnig
borga vistmenn fyrir dvöl sína þar.
Einstaklingar sem dvelja á Krossgöt­
um borga mánaðarlega leigu sem
nemur 65.000 krónum en 45.000
krónum fyrir tvíbýli. Innifalið í leigu
er ein heit máltíð virka daga, aðgang­
ur að kaffistofu, ásamt aðstoð á ýms­
um félagslegum sviðum.
Lagðist gegn föður sínum
Ástæðu þess að Gunnari var vikið
úr stjórn má samkvæmt heimildum
DV rekja til aðalfundar Krossins
sem haldinn var í maí síðastliðnum.
Gunnar bauð sig fram til stjórnarsetu
á fundinum en Sigurbjörg Gunnars­
dóttir, dóttir Gunnars og núverandi
forstöðumaður Krossins, lagðist hart
gegn því að faðir hennar yrði kosinn
í stjórn. Skemmst er frá því að segja
að það var Sigurbjörg sem stóð hvað
þéttast við bakið á Gunnari eftir að
hann var ásakaður um kynferðis­
glæpi. Sigurbjörg fór því frá því að
vera dyggur stuðningsmaður föð­
ur síns yfir í að mæla gegn honum á
aðalfundi. Ástæða þess að skoðan­
ir Sigurbjargar tóku þessa u­beygju
er, að sögn heimildarmanna, heim­
koma Ingibjargar, móður Sigur­
bjargar. Ingibjörg mun hafa sann­
fært Sigurbjörgu um að fara gegn
Gunnari og Jónínu Benediktsdóttur
eiginkonu hans.
Segja fundinn ólöglegan
Nokkrir meðlimir Krossins vilja
meina að aðalfundurinn hafi verið
ólöglegur þar sem ekki hafi verið
rétt að honum staðið. Meðal annars
vegna þess að ekki hafi verið kosinn
fundarritari og ekki hafi öllum verið
frjálst að tjá sig á fundinum. Heim­
ildarmenn DV hafa áður lýst fund­
inum sem hálfgerðum skrípaleik
þar sem Ingibjörg, fyrrverandi eigin­
kona Gunnars, á að hafa látið þau
orð falla að hver sem ekki væri sam­
mála skoðunum Sigurbjargar þyrfti
að finna sér nýja kirkju. Aðalfundur­
inn hefur verið kærður til innanríkis­
ráðuneytisins þar sem málið er til
skoðunar.
Ríkir ekki traust
Nýr inn í stjórn Krossgatna kom lög­
maðurinn Guðmundur St. Ragnars­
son. Í samtali við DV segir Guðmund­
ur að hann hafi verið beðinn um að
taka starfið að sér af núverandi stjórn
Krossins. Um brottrekstur Gunnars
segir Guðmundur að það sé greini­
legt að ekki ríki trúnaðartraust á milli
stjórnar Krossgatna og Gunnars.
„Ástæðuna er meðal annars að finna
í því að hann telur sjálfur stjórn
Krossgatna vera ólöglega þannig að
það segir sig nokkuð sjálft að það
ríkir ekki trúnaðartraust.“
Að sögn Guðmundar ætlar nú­
verandi stjórn meðal annars að auka
faglegt utanumhald hjá áfangaheim­
ilinu til hagsbóta fyrir vistmenn.
Fleiri breytingar hafa átt sér stað
innan stoða áfangaheimilisins því að
húsverði heimilisins til margra ára og
góðvini Gunnars í Krossinum, Heimi
Einarssyni, var nýlega sagt upp starfi
sínu. Í hans stað var maður að nafni
Ron Botha ráðinn. Ron kom hingað til
lands frá Suður­Ameríku fyrir þremur
árum og hefur verið virkur predikari
í Vonarhöfn, trúfélagi í Hafnarfirði,
sem barist hefur í bökkum vegna mik­
illa fjárhagserfiðleika. n
Hanna Ólafsdóttir
blaðamaður skrifar hanna@dv.is
Gunnari bolað burt
n Rekinn úr stjórn eftir 25 ára setu n Núverandi stjórn sögð vera ólögmæt
Bolað í burt Gunnar Þor-
steinsson var nýverið rekinn
úr stjórn áfangaheimilisins
Krossgatna. Sigurbjörg
Gunnarsdóttir, dóttir
Gunnars og forstöðu-
maður Krossins, lagðist
á móti stjórnarsetu
föður síns.
„… það
ríkir
ekki trúnað-
artraust