Dagblaðið Vísir - DV - 05.12.2012, Blaðsíða 6

6 Fréttir 5. desember 2012 Miðvikudagur
Fluttu kókaín til landsins
n Fimm dæmdir fyrir fíkniefnainnflutning
F
imm einstaklingar voru
dæmdir fyrir stórfelldan fíkni­
efnainnflutning. Þeir sem
þyngsta dóminn hlutu voru
meðal annars dæmdir fyrir innflutn­
ing á tæplega 569 grömmum af kóka­
íni, sem talið er hægt að framleiða
1,9 kíló af kókaíni úr, til Íslands frá
Danmörku. Móðir eins sakborning­
anna flutti fíkniefnin til landsins.
Þyngsta dóminn fékk Giovanna
Soffía G. Spanó sem dæmd var til
tveggja ára og tveggja mánaða fang­
elsisvistar. Magnús Björn Haraldsson
fékk næstþyngsta dóminn, tveggja
ára fangelsisdóm.
Fíkniefnahundur á vegum tollgæsl­
unnar á Keflavíkurflugvelli kom upp
um fíkniefnasendinguna við komu
móður Giovönnu til landsins. Hún
sagði tollvörðum að taskan væri í eigu
dóttur sinnar sem hafði beðið hana
að flytja hana til Íslands. Taskan var
að mestu tóm en vó samt sem áður
rúm fimm kíló. Var því tekið stroksýni
af henni þar sem mældist svörun við
kókaíni. Dómnum þótti sannað að
Giovanna, Magnús og Steinar Auberts­
son hafi öll komið að innflutningnum
en aðeins Giovanna játaði sök.
Dómurinn komst að þeirri niður­
stöðu að ekki hefði tekist að sanna að
Giovanna og Magnús hafi staðið að
innflutningi á fíkniefnum frá Spáni, í
gegnum Bretland, en þau voru einnig
ákærð fyrir það. Aldís Erlingsdóttir og
Sigurður Friðhólm Gylfason voru hins
vegar sakfelld fyrir þann innflutning.
Aðrir sakborningar í málinu fengu
vægari dóma. Steinar, sem meðal
annars var eftirlýstur af Interpol, var
dæmdur í átján mánaða fangelsi
fyrir aðild sýna að smyglinu. Aldís
var dæmd í sautján mánaða fangelsi
og Sigurður fékk tólf mánaða dóm.
Dómurinn gerði einnig upptæk 916
grömm af kókaíni, 1,16 grömm af
amfetamíni, 0,36 grömm af maríjúana
og 407.500 krónur í reiðufé. n
Flutninga-
vagn fauk á
flugvél
Lögreglunni á Suðurnesjum
barst á laugardag tilkynning frá
stjórnstöð Öryggisgæslunnar á
Keflavíkurflugvelli þess efnis að
flutningavagn hefði fokið til og
lent á hreyfli flugvélar Icelandair.
Vélin stóð á flughlaði við Flugstöð
Leifs Eiríkssonar þegar óhappið
varð. Allhvasst var á þessum tíma
og fauk vagninn, sem notaður
er til að flytja póst í flug, á vinstri
hreyfil vélarinnar. Ekki urðu alvar­
legar skemmdir vegna þessa, en
þó mátti sjá rispur fremst á hreyfl­
inum eftir atvikið.
Funduðu
fram á nótt
Þingfundi var frestað klukkan hálf
þrjú aðfaranótt þriðjudags. Fund­
inum var framhaldið á þriðjudags­
morgun. Umræða um fjárlög stóð
þá áfram en hún hefur nú staðið
í fjóra daga. Nokkrir voru á mæl­
endaskrá þegar umræðunni var
frestað, en það voru aðeins þing­
menn Sjálfstæðis­ og Framsóknar­
flokks sem tóku til máls. Meðal
annars spunnust umræður um
það hvort stjórnarandstaðan
væri að beita málþófi. Sigmund­
ur Davíð Gunnlaugsson, formaður
Framsóknarflokksins, tók til máls
á þriðjudag, og gagnrýndi stjórn­
arliða fyrir að koma af stað um­
ræðu um málþóf um aðra umræðu
fjárlaga. Þetta væru óviðunandi
vinnubrögð og til þess gerð að
hræða stjórnarandstöðuna.
Framkvæmdir
við sumarhöll
n Var áður í eigu Sigurðar Einarssonar en er nú í eigu huldufélags
M
iklar framkvæmdir hafa
að undanförnu verið í og
við 840 fermetra sum­
arhöll sem staðsett er við
Veiðilæk í Borgarfirði.
Skrauthýsið sem áður var í eigu fyrr­
verandi stjórnarformanns Kaup­
þings, Sigurðar Einarssonar, í gegn­
um félagið Veiðilæk ehf., er nú í eigu
huldufélags.
Fimm baðherbergi
Að sögn heimildarmanns sem þekkir
til hefur lítið verið um framkvæmdir
við húsið síðustu árin en nú er allt
komið á fullt á nýjan leik. Samkvæmt
teikningum er gert ráð fyrir fimm
baðherbergjum, 50 fermetra vín­
kjallara og tvöföldum bílskúr þegar
húsið verður fullklárað. Þá eiga að
vera tvö gufuböð í kjallara undir hús­
inu.
DV greindi frá því í júní síðast­
liðnum að gerð hefði verið nafn­ og
stjórnarbreyting í einkahlutafélaginu
Veiðilæk ehf. Eftir breytingarnar kall­
ast félagið Rhea ehf. en eigendurnir
vildu ekki gefa upp hverjir þeir voru
þegar DV leitaði eftir því. Þorkell
Guðjónsson, stjórnarmaður Rhea
ehf. staðhæfði hins vegar að Sigurður
Einarsson ætti ekki hlut í Rhea ehf.
300 milljóna veðsetning
Eins og greint var frá í fjölmiðlum
árið 2009 veðsetti Sigurður húsið
fyrir 200 milljóna króna láni frá
tryggingafélaginu VÍS í árslok 2008.
VÍS átti hins vegar einungis annan
veðrétt í húsinu.
Fyrsta veðréttinn átti SPRON
vegna láns upp á 76 milljónir jena,
um hundrað milljónir íslenskra
króna, sem veitt var þegar Sigurður
keypti jörðina árið 2004. Samkvæmt
veðbókarvottorðinu hvíldu því meira
en 300 milljónir króna á húsinu.
Viðburðarík ár
Síðustu ár hafa verið viðburðarík í lífi
Sigurðar Einarssonar. Árið 2010 var
hann eftirlýstur af Interpol eftir að
embætti sérstaks saksóknara ákvað
að gefa út handtökuskipun á hendur
honum. Það var gert eftir að Sigurður
sinnti ekki kalli embættisins um að
mæta í yfirheyrslu.
Í maí síðastliðnum var Sigurði
síðan gert að greiða 550 milljónir af
5,5 milljarða láni frá Kaupþingi. Það
var Héraðsdómur Reykjavíkur sem
komst að þessari niðurstöðu. Það
var þrotabú Kaupþings sem höfðaði
riftunarmál gegn Sigurði Einarssyni
en lánið fékk Sigurður í stjórnartíð
sinni hjá Kaupþingi. n
Jón Bjarki Magnússon
blaðamaður skrifar jonbjarki@dv.is
Laus við höllina Sigurður Einarsson átti húsið við Veiðilæk þangað til síðasta sumar þegar
gerð var nafn- og stjórnarbreyting í einkahlutafélaginu sem hafði haldið utan um eignina.
Skrauthýsi Meðal annars er gert ráð fyrir 50
fermetra vínkjallara og tvöföldum bílskúr.
Fangelsisdómar Dómur yfir fimm
einstaklingum snéri að bæði skipulagningu
og framkvæmd fíkniefnasmygls.