Dagblaðið Vísir - DV - 05.12.2012, Blaðsíða 4

4 Fréttir 5. desember 2012 Miðvikudagur
440 milljónir afskrifaðar
n Magnús Bjarnason er fyrrverandi yfirmaður alþjóðasviðs Glitnis
M
agnús Bjarnason, sem ráð­
inn var forstjóri sjávarút­
vegsfyrirtækisins Icelandic
Group nú á mánudaginn,
fékk 440 milljónir króna afskrifaðar
hjá Íslandsbanka í fyrra en hann er
fyrrverandi starfmaður hjá bank­
anum. Félagið IDA ehf. sem alfar­
ið er í eigu Magnúsar fékk umrædda
afskrift í fyrra.
Skuldin er til komin vegna kúlu­
láns sem Magnús fékk til hluta­
bréfakaupa meðan hann starfaði
sem framkvæmdastjóri alþjóðasviðs
Glitnis. Hann fékk kúlulánið í mars
2007, sama dag og Birna Einarsdóttir,
en líkt og frægt er orðið urðu „tækni­
leg mistök“ til þess að kúlulánakaup
Birnu gengu ekki eftir.
Samkvæmt ársreikningi IDA ehf.
skuldaði félagið Glitni um 700 millj­
ónir króna árið 2010. Var félagið með
neikvætt eigið fé upp á 460 milljónir
króna árið 2010. Í ársreikningi félags­
ins fyrir árið 2011 kemur fram að það
hafi fengið eftirgjöf skulda sinna við
bankann upp á 440 milljónir króna.
Auk þess átti félagið fasteign sem
metin var á 230 milljónir króna sem
það seldi árið 2011 með 30 milljóna
króna hagnaði. Félag Magnúsar virð­
ist þannig vera orðið skuldlaust við
Íslandsbanka.
Árið 2010 gaf Friðrik Sophusson,
stjórnarformaður Íslandsbanka, það
út að kúlulán til starfsmanna vegna
hlutabréfakaupa í Glitni fyrir hrun
yrðu afskrifuð. Óskaði stjórn Íslands­
banka eftir því að umræddir starfs­
menn gæfu eignarhaldsfélög sín upp
til gjaldþrotaskipta. Þar með sluppu
starfsmennirnir við að borga millj­
arða króna kröfur sem bankinn átti á
hendur þeim. Félag Magnúsar virð­
ist hins vegar ekki hafa verið tekið til
gjaldþrotaskipta líkt og eignarhalds­
félög margra fyrrverandi samstarfs­
manna hans hjá bankanum. n
Aðferðin í lagi
Aganefnd Félags tamningamanna
gerir ekki athugasemdir við að­
ferðir ungrar tamningakonu sem
sökuð var um grófa meðferð á
hesti. Þetta kom fram á Eyjunni á
þriðjudag. Í úrskurði aganefndar
kemur fram að umdeilda mynd­
bandið sem þótti sýna afar slæma
meðferð á hesti var tekið úr sam­
hengi og aðeins til þess gert að
koma höggi á ungu konuna sem
var að temja hestinn. Konunni
var sagt upp störfum í kjölfarið
og á netinu var henni hótað öllu
illu meðal annars nauðgunum og
morði. Í myndbandinu sést konan
temja hestinn og þótti hún beita
afar harkalegum aðferðum. Þótti
hesturinn of innbundinn og Dýra­
verndarsamband Íslands tilkynnti
málið til lögreglunnar. Sambandið
fordæmir þessar aðferðir og
segir það engu skipta að hestur­
inn hafi þótt erfiður, en hesturinn
var felldur stuttu síðar. Á Eyjunni
kemur fram að aganefndin hafi
þegar fundað og að þegar mynd­
bandið sé skoðað óklippt sé ekki
ástæða til að gera athugasemdir
við aðferðir konurnar.
Fundað um
hryðjuverk
Sture Vang, frá norska ríkislög­
reglustjóranum, er staddur hér á
landi þar sem hann fundar með
lögreglustjórum, yfirlögregluþjón­
um og aðstoðaryfirlögregluþjón­
um um hryðjuverkin í Noregi 22.
júlí 2011, hvað hafi gerst og hver
sé áunnin lærdómur norsku lög­
reglunnar vegna voðaverkanna,
viðbúnað hennar til þess að fyrir­
byggja og takast á við slíka at­
burði. Vang er stjórnandi þeirrar
deildar sem annast gerð neyðar­
áætlana og skipulag viðbúnaðar
vegna öryggismála. Á námstefnu
félags yfirlögregluþjóna á mánu­
dag fjallaði Vang um þau verkefni
sem unnið er að innan norsku lög­
reglunnar um eflingu viðbúnaðar
og framþróun í lögreglunni til
þess að gera hana hæfari til þess
að takast á við slík verkefni. Jón F.
Bjartmarz, yfirlögregluþjónn hjá
ríkislögreglustjóra, fór í framhaldi
af umfjöllun Sture Vang yfir við­
búnað íslensku lögreglunnar í dag
og getu hennar til þess að takast á
við slík verkefni.
Afskriftir Magnús fékk 440 milljónir króna
afskrifaðar hjá Íslandsbanka í fyrra.
Þ
orlákur Ómar Einarsson
fasteignasali hefur fjár­
fest í mörgum eignum
í gegnum fyrirtæki sitt,
þrátt fyrir að vera gjald­
þrota, það sem af er árinu. Fyrir­
tæki hans, Stakfell­Stóreign, hef­
ur eignast 180 fermetra raðhús að
Móaflöt 25 í Garðabæ, tæplega 100
fermetra sumarbústað í Efsta­Dal í
Bláskógabyggð og rúmlega 120 fer­
metra íbúð í Fiskakvísl í Reykjavík.
Þá eru tvær bifreiðar, svartur Range
Rover og BMW, einnig skráðar á
fyrirtæki hans.
Skiptum lauk á þrotabúi Þorláks
síðastliðið sumar og fékkst ekki
neitt upp í 479 milljóna króna kröf­
ur sem lýst var í bú fasteignasal­
ans. Skiptastjóri bús Þorláks, Birgir
Tjörvi Pétursson, hefur ekki viljað
veita DV upplýsingar um búið.
Þrátt fyrir þessa stöðu Þorláks, líkt
og DV greindi frá á mánudaginn,
lánaði Sameinaði lífeyrissjóður­
inn fyrirtæki hans rúmlega 25 millj­
ónir króna sem hvíla nú á raðhúsi
hans í Garðabæ. DV hefur nú feng­
ið ábendingar um að lánið frá Sam­
einaða lífeyrissjóðnum hafi verið
hærra en þetta eða um 100 milljónir
en þetta hefur ekki fengist staðfest.
Virðing lánaði líka
Á veðbandayfirliti fasteignarinnar
að Fiskakvísl kemur fram að verð­
bréfafyrirtækið Virðing hafi einnig
lánað Stakfelli­Stóreign. Veðskulda­
bréf frá Virðingu upp á rúmlega 14
milljónir króna hvílir á þeirri íbúð.
Fyrirtæki Þorláks Ómars keypti
íbúðina í september á þessu ári en
veðskuldabréfið er gefið út í maí síð­
astliðinn. Sú íbúð var skráð á Þor­
lák Ómar persónulega þar til í fyrra
þegar Arion banki tók hana af hon­
um. Í maí á þessu ári keypti Stakfell­
Stóreign íbúðina aftur af bankanum.
Sumarbústaðurinn í Bláskóga­
byggð er óveðsettur ef undan er
skilið nokkur hundruð þúsund
króna fjárnám frá Glitni frá árinu
2004.
Fyrirtæki Þorláks Ómars virðist
því ekki eiga í erfiðleikum með að fá
lán víðs vegar í fjármálakerfinu þrátt
fyrir að hann hafi farið í gjaldþrot
upp á nærri hálfan milljarð króna.
Framkvæmdastjórinn
neitar að svara
DV hefur síðustu daga gert
ítrekaðar tilraunir til að fá svör frá
Kristjáni Erni Sigurðssyni, fram­
kvæmdastjóra Sameinaða lífeyris­
sjóðsins, um lánveitingar sjóðsins til
Þorláks Ómars og eins til að spyrja
hvort sjóðurinn hafi í reynd lán­
að honum 100 milljónir en ekki 25.
Blaðið hefur hringt ítrekað í Kristján
Örn til að spyrja hann um þetta en
framkvæmdastjórinn hefur ekki vilj­
að tala við blaðamann og hefur bor­
ið því í tölvupósti að hann muni að­
eins svara spurningum ef þær berast
í tölvupósti. „Getur þú sent mér þær
spurningar sem þú er með í tölvu­
pósti?,“ segir Kristján Örn.
Blaðamaður vill hins vegar fá að
ræða við Kristján Örn. Svör fram­
kvæmdastjórans þurfa því að bíða
betri tíma. n
Gjaldþrota
fasteiGnasali
sópar til
sín eiGnum
Fær lán og
kaupir eignir
Þorlákur Ómar
Einarsson hefur
keypt þrjár fast-
eignir það sem
af er árinu. Nærri
hálfur milljarður af
skuldum hans var
afskrifaður fyrr á
árinu.
n Framkvæmdastjóri Sameinaða neitar að ræða við blaðamann
Ingi Freyr Vilhjálmsson
fréttastjóri skrifar ingi@dv.is
3. desember 2012 19. nóvember 2012