Dagblaðið Vísir - DV - 10.12.2012, Blaðsíða 20

Evrópumeistarar Evrópukeppnin árið 2020
verður haldin vítt og breitt um Evrópu. Hvort og
þá hvar Spánverjar fagna skal ósagt látið en þeir
hrósuðu allavega sigri í Úkraínu í sumar. Mynd REutERs
20 Sport 10. desember 2012 Mánudagur
Endalokin fyrir Manny Pacquiao?
n Kýldur kaldur eftir aðeins sex lotur í bardaga við Juan Manuel Marquez
H
rjáðir landsmenn Filipps­
eyingsins Manny Pacquaio
fengu lítið til að gleðjast yfir
þegar hnefaleikarinn tókst á
við Juan Manuel Marquez í Las Ve­
gas í Bandaríkjunum um helgina.
Pacquaio var sleginn niður strax í
sjöttu lotu og sýndi þess lítil merki
að eiga raunverulega möguleika.
Allir hnefaleikaaðdáendur
vita hver Pacquaio er og hversu
skemmtilegur hann var er hann
var upp á sitt besta. Sannarlega
vita landar hans af honum enda
skærasta íþróttastjarna Filipps­
eyja og var víða í landinu gert hlé
á björgunarstörfum til að fólk
gæti fylgst með bardaganum um
helgina. Gríðarlegur stormur olli
miklu manntjóni í landinu þar sem
600 létust fyrr í vikunni.
En líklega er ferill Pacquaio á
enda eftir þessa útreið. Þótt hann
hafi vissulega sýnt dirfsku og
djörfung gegn hinum mexíkóska
Marquez þá var þetta í fyrsta skipti
sem Pacquaio tapar gegn þess­
um andstæðingi en þeir hafa mæst
þrívegis áður í hringnum. Tvisvar
sigraði Filippseyingurinn og einu
sinni varð jafntefli.
Aðspurður um annan slíkan bar­
daga síðar strax að þessum loknum
var Pacquaio þó meira en lítið til í
meira. n
Gylfi út í
kuldann?
Ef marka má orðróm sem bresku
blöðin fjölluðu um um helgina
ætlar þjálfari Tottenham, Andre­
Villas Boas, að kaupa sóknar­
manninn Fernando Llorente
strax í janúar en Portúgalinn telur
þörf á að styrkja framlínu liðsins
þó ágætlega hafi gengið upp á
síðkastið. Llorente er fyrsta flokks
leikmaður og hefur meðal annars
nælt sér í nokkra landsleiki. En
spurningin er hvers vegna okkar
maður fær ekki fleiri tækifæri til að
sanna sig í framlínunni ef rétt er.
Þeim tækifærum hlýtur að fækka
með tilkomu fleiri manna.
Verður Blanc
fyrir valinu?
Eftirmaður Alex Ferguson hjá
Manchester United er eilíft um­
hugsunarefni aðdáenda liðsins
og skeggrætt hefur verið um
þann aðila um margra ára hríð
þó alltaf sitji Ferguson sem fast­
ast. Einn sem hefur verið nefndur
er Frakkinn Laurent Blanc og
nú vill slúðurblaðið Daily Mail
meina að hann verði fyrir valinu.
Rök blaðsins; Blanc er sestur á
skólabekk að læra ensku.
Wenger á
heimleið?
Stjórn Paris Saint Germain hefur
samkvæmt frönskum fjölmiðlum
sett Arsene Wenger efst á lista yfir
þjálfara sem hugsanlega taka við
liðinu af Carlo Ancelotti en tölu­
verð óánægja er með störf Ítal­
ans hjá hinu nýja stórliði. Spurð­
ur um samtök við Frakkana sagði
Wenger blátt áfram að enginn
hefði haft samband en sjálfur ligg­
ur Wenger undir ámæli vegna
dapurlegrar leiktíðar hjá Arsenal.
Eiður finnur fjöl
Þó ekki sé hægt að segja að
belgíski boltinn sé með þeim allra
bestu í álfunni er efsta deild þar í
landi bærilega sterk og þar er Eið­
ur Smári Guðjohnsen að ná sér vel
á strik með sínu nýja liði Cercle
Brugge. Hann hefur skorað sex
mörk í tíu leikjum með liðinu og
náði liðið stigi um helgina. Cercle
er engu að síður kirfilega á botni
deildarinnar.
Búmm! Pacquiao lá óvígur eftir að hafa
fengið bylmingshögg í andlitið. Mynd REutERs
K
nattspyrnusamband Evr­
ópu samþykkti í síðustu
viku gjörbreytt fyrirkomu­
lag á Evrópukeppninni í
knattspyrnu árið 2020. Í stað
þess að veita einu eða tveimur lönd­
um réttinn til að halda þessa helstu
knattspyrnukeppni heims, að frá­
töldu Heimsmeistaramótinu sjálfu,
skulu leikirnir 2020 fara fram um
gervalla Evrópu.
Ástæðuna fyrir þessari ákvörðun
UEFA má óbeint rekja til fjár­
málakrísunnar sem skekið hefur
Evrópu síðustu árin þó hvergi komi
það beint fram í skjölum sambands­
ins. Málið er hins vegar að fyrir
utan allra stærstu þjóðir álfunnar er
kostnaður sá og umgjörð sem til þarf
til að koma heilli Evrópukeppni á
laggirnar með góðu móti ekki á færi
allra.
safna skuldum
Sennilega er Portúgal minnsta þjóð­
in sem haldið hefur Evrópukeppn­
ina síðustu árin og keppnin þar
árið 2004 var talin hafa tekist vel að
flestra mati. En þjóðin bætti á sig
verulegum skuldum til að undirbúa
keppnina og aðeins hluti þess skilaði
sér meðan á keppninni stóð.
Af og til hefur þjóðum verið
gefið tækifæri til að halda keppn­
ina á tveimur stöðum til að lönd geti
sameinast um taka á sig hinn mikla
kostnað. Pólland og Úkraína skiptu
síðustu keppni með sér og þar áður
höfðu Austurríki og Sviss haldið
keppnina saman.
Þetta fyrirkomulag hefur vissu­
lega gefið smærri þjóðum tækifæri
til að halda þessa miklu keppni og
allir gert það ýkja vel en töluverðar
skuldir hafa setið eftir í öllum ríkjum
að keppni lokinni.
Ekki síður hefur það verið
vandamál að einkaaðilar hafa í öll­
um tilfellum reynt að græða eins
og hægt er þá daga sem keppnin
fer fram í borgum þeirra eða lönd­
um. Í þeim borgum Póllands og
Úkraínu þar sem keppt var í síð­
ustu Evrópukeppni hækkaði verð
á hótelherbergi tífalt umfram það
sem hefðbundið er. Sömuleiðis var
svartamarkaðsbrask með miða fyrir
hvern leik gríðarlegt.
Hverju breytir fyrirkomulagið?
Þó ekkert liggi fyrir um hvar ná­
kvæmlega leikir munu fara fram
2020 er talið líklegt að þeim verði
skipt til helminga. Annars vegar
stórborgir og svo fari helming­
ur leikja fram í minni borgum sem
alla jafna þættu ekki nógu stórar til
að halda heila keppni. Enn á eftir að
ákvarða með hvaða hætti leikjum
verður skipt niður en sú ákvörðun á
að liggja fyrir árið 2014. Líklega verð­
ur þó einhvers konar útboð haldið
og þeir sem bjóða best fá leiki.
Þetta er jákvætt fyrir áhugafólk
og líklegt verður að telja að flest
svæði Evrópu fái að halda einhvern
hluta keppninnar. Þannig er ekki
fráleitt að ætla að einhverjir leikir
fari fram í Skandinavíu í Svíþjóð,
Danmörku eða jafnvel í Noregi en
allar þjóðir eiga einn eða fleiri góða
knattspyrnuleikvanga.
Evrópukeppnin sextug
Hvað sem verður er ljóst að þokka­
legt partí verður í Evrópu sumar­
ið 2020. Evrópukeppnin heldur þá
jafnframt upp á sextugsafmælið og
breytt fyrirkomulag keppninnar á
þeim tímapunkti þýðir að leikir í
keppninni sjálfri verða mun fleiri
en fólk á að venjast. Í lokakeppninni
etja kappi 24 þjóðir í stað sextán
eins og verið hefur.
Það verður því meira um leiki
það árið sem ekki þykja öllum ýkja
spennandi en fjöldinn þýðir líka
leiki víðar en ella. Varla verður um
færri borgir en sex að ræða til að
halda slíkt mót og jafnvel fleiri en
það. n
Partí eins og 1999
n Evrópukeppnin 2020 haldin vítt og breitt um álfuna 2020
Albert Örn Eyþórsson
blaðamaður skrifar albert@dv.is