Dagblaðið Vísir - DV - 10.12.2012, Blaðsíða 22

22 Menning 10. desember 2012 Mánudagur
Tvær ásjónur Íslands
S
verrir Björnsson hefur sent frá
sér ljósmyndabókina Two in
one. Í henni sýna ljósmyndir
hans andstæður árstíðanna
og hverja opnu prýða tvær myndir af
mörgum af fallegustu stöðum lands­
ins teknar frá nákvæmlega sama
sjónahorni, önnur um sumar, hin
um vetur.
Útkoman er einstakt sjónarhorn
á Ísland sem sýnir í senn ljós sum­
arsins og kalda fegurð vetrar­
ins. Hverri mynd fylgir snarpur og
skemmtilegur texti á íslensku og
ensku um staðinn, til dæmis sögu,
menningu og mannlíf.
Sverrir hefur stýrt skapandi vinnu
á Hvíta húsinu um árabil ásamt því að
vinna að list sinni; teikningum, skrif­
um og ljósmyndun. Eftir hrun ákvað
Sverrir að dvelja í Argentínu um hríð
þar sem hann
safnaði kröft­
um eftir mikla
lotuvinnu góð­
ærisins. Í Argent­
ínu kynnti hann
sér heimilda­
ljósmyndun sem
honum finnst
spennandi við­
fangsefni.
„Ég tók
myndirnar á
einu ári, um sumar og vetur. Ís­
land hefur þessar tvær ásjónur, bjart
sumarið og bláhvítan veturinn. Allt
breytist milli þessara tveggja tíma;
veðrið, náttúran og mannlífið. Það
sést glöggt á myndunum.
Á vetrum er frábært að kúra inni
í hlýjum húsunum meðan vetrar­
stormarnir leika sér á húsþökunum
og halda síðan á fjöll þegar storm­
inn lægir til að ganga, skíða og veiða
– góðar ljósmyndir. Þegar blíða sum­
arsins tekur við af dimmum vetrin­
um flykkist fólk út í sumarljósið til
fundar við náttúruna langar sumar­
nætur.“
Tilnefningar
til Fjöruverð-
launanna
Miðvikudaginn 12. desember
kemur í ljós hvaða bækur
verða tilnefndar til Fjöru­
verðlaunanna – bókmennta­
verðlauna kvenna, í ár. Til­
nefndar verða þrjár bækur í
hverjum flokki, alls níu verk:
Fagurbókmenntir, fræðirit og
barna­ og unglingabækur.
Fjöruverðlaunin eiga upp­
runa sinn í bókmenntahátíð
kvenna sem haldin var í fyrsta
sinn vorið 2007 að frumkvæði
hóps kvenna innan Rithöf­
undasambands Íslands. Verð­
launin voru veitt í fyrsta sinn
í lok bókmenntahátíðarinnar
og hafa þau verið árlegur við­
burður síðastliðin fimm ár.
Tilnefningarnar verða til­
kynntar formlega á Borgar­
bókasafninu við Tryggvagötu
klukkan 17.00 þann 12. des­
ember.
Jólalaga-
keppni Rásar 2
Jólalagakeppni Rásar 2 fer nú fram
í tíunda sinn en úrslit verða til­
kynnt þann 18. desember. Alls bár­
ust tæplega 50 lög í keppnina í ár
en dómnefnd hefur valið sex lög
sem keppa til úrslita. Dagana 10. til
16. desember verða lögin aðgengi­
leg landsmönnum á ruv.is þar sem
þeir geta kosið sitt uppáhaldslag.
Lögin sem keppa til úrslita
eru: Hæhó og gleðileg jól ­ Einar
Lövdahl, lag og texti: Egill Jóns­
son & Einar Lövdahl Gunnlaugs­
son, Já, já, jólin koma ­ Svanhildur
Jakobsdóttir, lag og texti: Hafsteinn
Reykjalín, Mín bernskujól ­ White
Signal og Graduale­kór Langholts­
kirkju, lag: Guðrún Ólafsdótti, texti
Stefán frá Hvítadal, Nútíma jól ­
Sverrir Stormsker og Alda Björk
Ólafsdóttir, lag og texti: Sverrir
Stromsker, Tvö fögur ljós ­ Sigríð­
ur Guðnadóttir, lag og texti: Sverrir
Stromsker og Þá koma jól ­ Margrét
Stella Kaldalóns, lag og texti: Valgeir
Skagfjörð.
Jólatónleikar
Diktu
Hinir árlegu jólatónleikar Diktu
í Vídalínskirkju í Garðabæ verða
haldnir næstkomandi fimmtu­
dag, 13. desember. Ásamt hljóm­
sveitinni koma fram Ómar Guð­
jónsson og Pétur Ben sem munu
leika tónlist af nýútkomnum
plötum sínum.
Strákarnir í Diktu eru ný­
komnir heim úr tónleikaferð um
Þýskaland og Sviss og því verður
eflaust kærkomið fyrir þá að
halda tónleika í heimabæ sínum
og koma sjálfum sér og tón­
leikagestum í jólaskap.
Tónleikarnir hefjast kl. 20.00
en kirkjan verður opnuð kl.
19.30. Hægt er að nálgast miða á
midi.is fyrir 2.500 krónur.
Baula um sumar og vetur
Sverrir myndaði Baulu um sumar og vetur.
Það er óhætt að fullyrða að útkoman sé
lífleg, skemmtileg og ekki síst áhugaverð.
T
ónlistin á plötu Hjaltalín,
Enter 4, kemur jafnmikið
á óvart og óvænt útgáfan.
Umbreytingin er mikil.
Hér er farið frá flúraðri
stuðkammertónlist í mun hrárri og
myrkari tóna.
Hún er afar ólík Sleepdrunk
Seasons og Terminal. Hljóðheimur
Enter 4 er af allt annarri gráðu.
Myrkur og annars heims. Hrár en
á sama tíma hárnákvæmur og ný­
klassískur.
Söngvari og helsti texta­ og laga­
smiður sveitarinnar, Högni Egilsson,
hefur unnið með GusGus síðastliðin
ár og lítið hefur komið frá Hjaltalín
á meðan. Hann hefur lært af þeim
reyndu mönnum á þessum tíma og
áhrifanna virðist gæta. Á sama tíma
er eitthvað alveg nýtt og djarft á ferð.
Þetta er geimferð þeirra í Hjaltalín.
Þau fara á ókunnar slóðir.
Enter 4 er algerlega frábær
plata, frumleg og tilraunakennd, án
nokkurs fums og fáts.
Á plötunni eru níu lög, tónarnir
eru tregafullir, en á sama tíma fullir
leikgleði. Teknó og raftaktar hljóma
í bakgrunni í mörgum laganna. Eins
og áður sagði, ef til vil áhrif frá sam­
starfi Högna við GusGus. Ef til vill
bara þróun í vinnu sveitarinnar.
Sungið úr myrkrinu
Lagið Lucifer/He Felt Like a Wom­
an hefur hlotið mikla spilun, í því
er fjallað um ástarþrá. Í Forever
Someone Else syngur Sigríður um
glataða ást og vitfirringu. Lagið er
dimmt og drungalegt eins og mörg
laga plötunnar. I Feel You er trega­
fullt rokklag og Crack in the Stone
hefur á sér skemmtilegt yfirbragð
söngleikjatónlistar með myrku ívafi.
Nokkur laganna hafa þetta yfirbragð
söngleikjanna, vegna fjölhæfrar
raddar Sigríðar sem leikur sér að því
að feta tónstigann.
Í laginu On the Peninsula er
rödd Sigríðar einstaklega hrífandi.
Í laginu syngur hún á hæstu nótum.
Hærri en ég hef áður heyrt.
Í mörgum laganna er beðið um
huggun, snertingu og ást. Það er
sungið úr myrkrinu og beint frá
hjartanu. Handan okkar heims. Það
er erfitt að finna á plötunni eitt­
hvert eitthvert sérstakt þema en upp
í hugann kemur oftar en einu sinni
að lögin séu eins konar vögguvísur
fyrir truflaðar sálir.
Óræðir en persónulegir textar
Í Letter To sem er eitt flóknasta lag
plötunnar syngur Högni í eins kon­
ar lofgjörð eða bæn. Í því lagi er
einna skýrast að lög og textar eru afar
persónuleg smíð. Það ber að virða.
Textar plötunnar eru afar óræðir og
má ætla að sungið sé um einhvers
konar andlegt ástand eða andlegt
ferðalag. Eða ferðalag um óravíddir
alheimsins. Í fjórðu víddina sem
Hjaltalín býður hlustendur vel­
komna í.
Langsamlega fallegasta lag
plötunnar finnst mér vera lagið We,
það er einnig það glaðværasta og er
eins og ljóstýra vonar í myrkrinu.
Það lag nær kraftmiklum hæðum
og skilur hlustandann eftir agndofa,
fer svo í djúpa lægð og íhugun. Fal­
legasta og mest huggandi vögguvísa
plötunnar.
Krefst íhugunar
Helsti styrkur plötunnar er ástríðu­
fullur söngur Sigríðar og Högna.
Hann er hreinlega ægifagur og hjart­
næmur. Hann nær hæstu hæðum á
þessari plötu þeirra sem hittir beint
í hjartastað. Það þarf að gefa þessari
plötu tíma. Hún krefst íhugunar.
Þótt flúrið sé farið, þá er það sem
eftir stendur mun bitastæðara. Það
er tilefni til þess að óska sveitinni til
hamingju með hugrekkið sem það
hefur kostað að gefa svona mikið og
óeigingjarnt af sér. n
Tilraunakennd en
frábær Það er eitthvað
óbeislað og fagurt við
tónlistina á Enter 4.
Vögguvísur fyrir
truflaðar sálir
n Áræðið verk frá Hjaltalín n Hrár en hárnákvæmur hljóðheimur
Kristjana
Guðbrandsdóttir
Tónlist Enter 4
Hljómsveit: Hjaltalín
Útgefandi: Sena
n Bjart sumarið og bláhvítur veturinn