Dagblaðið Vísir - DV - 06.02.2012, Blaðsíða 4
Þ
að er hálfasnalegt að slasast
úti í Noregi og að maður þurfi
að fara á hausinn,“ segir Al-
bert Þór Jónsson sem slasað-
ist illa á fæti um borð í bátn-
um Ástu B þann 1. apríl í fyrra þegar
hann rakst utan í hlífðarlausan rafal.
Báturinn er í eigu norsku útgerðar-
innar Eskøy AS sem er í eigu Íslend-
inga.
Albert þurfti að vera frá vinnu í
mánuð vegna slyssins en hefur hvorki
fengið greidd laun fyrir þann tíma né
bætur og leitar nú réttar síns. Hann
er kominn með lögfræðinga í málið,
bæði norska og íslenska, og er þeg-
ar búinn að leggja út næstum hálfa
milljón króna í lögfræðikostnað.
„Maður hefur ekkert efni á því að
leggja út fleiri hundruð þúsund til að
ná í launin sín,“ segir Albert sem gerir
ráð fyrir að kostnaðurinn hækki enn
frekar.
Með varanlegan taugaskaða
Þegar Albert hóf störf hjá Eskøy AS
var honum tjáð að hann væri að fullu
tryggður, eins og lög gera ráð fyrir.
Þrátt fyrir það hefur það reynst hon-
um þrautin þyngri að sækja launin
sem hann telur sig eiga rétt á. Hann
segist ekki vita hvort hann eigi einnig
rétt á einhverjum bótum vegna slyss-
ins en telur það þó líklegt. Albert er
með varanlegan taugaskaða í fætin-
um sem veldur honum óþægindum.
Hann segist þó harka það af sér og er í
fullri vinnu í dag.
Vill bara fá launin
„Ég er voðalega lítill bótakall. Ég hef
alltaf bara unnið fyrir mínu og hef
aldrei þegið einn dag í veikindalaun
eða atvinnuleysisbætur. Ég hef allt-
af borgað mína skatta og skyldur. Ég
hef alltaf verið á sjó og maður vill hafa
svona í lagi ef maður slasast eitthvað.“
Albert bendir á að skylda sé að hafa
hlífar á rafölum, líkt og hann slasaði
sig á, en þær hafi ekki verið á sínum
stað þegar slysið varð.
Það eina sem hann fer þó fram á er
að fá greidd laun fyrir þann tíma sem
hann var frá vinnu.
Fyrirframgreiðsla dregin af
launum
Þegar Albert kom aftur til vinnu eft-
ir slysið fékk hann fyrirframgreidd
laun sem hann taldi eiga að fara upp
í launakröfuna. Að sögn hans var sú
upphæð þó dregin af honum við næstu
launaútborganir. Í kjölfarið hætti hann
hjá útgerðinni, en hann segist ekki
hafa viljað tala neitt meira við forsvars-
menn fyrirtækisins eftir þetta.
Staðan í dag er þannig að Eskøy
AS vísar á tryggingafélag sitt sem ber
hins vegar fyrir sig að útgerðarfyrir-
tækið hafi ekki skilað inn fullnægj-
andi gögnum vegna slyssins og því sé
ekki hægt að greiða út launakröfuna,
að sögn Alberts.
Þrátt fyrir þann kostnað sem af
málinu hefur hlotist ætlar Albert ekki
að leggja árar í bát fyrr en hann hefur
fengið laun sín greidd. Hann telur á
sér brotið og að málið eigi því að vera
auðsótt.
Segir Albert skulda peninga
Bjarni Sigurðsson, framkvæmdastjóri
Eskøy AS, segir útgerðina alfarið hafa
fylgt norsku sjómannasamningunum
í máli Alberts. Þeir hafi greitt honum
það sem hann átti rétt á og rúmlega
það. Staðan sé í raun þannig að Al-
bert skuldi útgerðinni peninga.
„Við greiddum honum fyrir-
fram á hlutinn hans þegar hann
lenti í slysinu í þeirri trú að þeg-
ar bæturnar kæmu færu þær inn
í útgerðina, eins og siður er hér,
í gegnum launakerfið og svo er
greiddur skattur af þessu,“ útskýr-
ir Bjarni. Hann segir ekki rétt það
sem Albert heldur fram að öll fyrir-
framgreiðslan hafi síðar verið dregin
af launum hans.
Bjarni segir það hafa komið flatt
upp á starfsmenn útgerðarinnar þeg-
ar Albert hætti skyndilega hjá þeim og
mætti ekki til skips og lét ekki nokk-
urn vita.
„Það sem hann skuldar okkur
fáum við líklega aldrei nema í gegn-
um þetta tryggingauppgjör.“ Útgerðin
krefst þess því að Albert skili inn um-
boði sem heimili að bæturnar sem
hann á rétt á gangi beint inn í Eskøy
AS. Bjarni segir málið stranda á því,
en það standi ekki á útgerðinni að af-
henda gögn.
4 Fréttir 6. febrúar 2012 Mánudagur
„Pólitískur hryðjuverkamaður“
n Björn Valur er harðorður í garð Davíðs Oddssonar
F
áir stjórnmálamenn hafa
unnið þjóð sinni jafn mik-
ið tjón og Davíð Oddsson
hefur gert. Hann er því rétt-
nefndur pólitískur hryðjuverka-
maður.“ Þetta er á meðal þess sem
þingmaðurinn Björn Valur Gísla-
son skrifar í stuttum pistli á blogg-
síðu sinni á Smugunni sem birtist
á laugardaginn.
Eru þessi hörðu ummæli við-
brögð við Reykjavíkurbréfi Morg-
unblaðsins sem birtust í blaðinu
um síðustu helgi, en þar fór Dav-
íð hamförum og kom til að mynda
fram með alvarlegar ásakanir í garð
rannsóknarnefndar Alþingis og
forsvarmanna stjórnarflokkanna.
Björn Valur segir jafnframt að það
sé mikilvægt fyrir Davíð að komast
undan vitnaleiðslum fyrir lands-
dómi, þar sem hann beri svo mikla
ábyrgð á ástandinu sjálfur, en eins
og kunnugt er var Davíð um ára-
bil forsætisráðherra, þá utanríkis-
ráðherra og loks seðlabankastjóri
þegar hrunið varð. „Enginn stjórn-
málamaður á því jafn mikið undir
því og Davíð Oddsson að komast
undan vitnaleiðslum fyrir lands-
dómi. Það er ótrúlegt hvað marg-
ir eru viljugir að aðstoða hann við
það. Hvers vegna ætli það sé?“
spyr þingmaðurinn.
gunnhildur@dv.is
„Ég er voðalega
lítill bótakall. Ég
hef alltaf bara unnið fyrir
mínu og hef aldrei þegið
einn dag í veikindalaun
eða atvinnuleysisbætur.
Slasaðist á sjó
og fær ekki laun
n Albert Þór hlaut taugaskaða n Hálf milljón í lögfræðikostnað
Sólrún Lilja Ragnarsdóttir
blaðamaður skrifar solrun@dv.is
Leitar réttar síns Albert hefur barist
fyrir því í tíu mánuði að fá greidd laun fyrir
þann tíma sem hann var frá vinnu vegna
vinnuslyss.
Ljótt sár Taugaskaði í fætinum veldur
Alberti óþægindum.
Ölvunarakst-
ur og ofbeldi
Rétt fyrir hádegi á sunndag var
bifreið stöðvuð í austurborginni
þar sem ökumaður var grunaður
um ölvun við akstur. Í tilkynningu
frá lögreglu segir að í það mál hafi
einnig blandast heimilisofbeldi
þar sem ung börn komu við sögu.
Ökumaður var færður á næstu
lögreglustöð þar sem málið allt var
meðhöndlað samkvæmt reglum
og hann síðan vistaður í fanga-
klefa til viðræðna eftir að rynni af
honum.
Vanhæfni og
áhættusækni
Ólína Þorvarðardóttir segir eðli-
legt að stjórnarmenn áhættu-
sæknustu lífeyrissjóðanna, sem
sitji enn í sætum sínum, segi af
sér í kjölfar útkomu skýrslu um
tap sjóðanna. Hún sagði að niður-
stöður skýrslunnar hefðu kannski
ekki komið á óvart og að hana
hefði grunað að svona gæti málið
verið vaxið. „Það sem er óþægi-
legt við þetta er þessi mikla van-
hæfni og áhættusækni sem maður
sér að hefur viðgengist í stjórnum
sjóðanna,“ sagði hún í Silfri Egils á
sunnudaginn og bætti við að þessi
hagsmunatengsl og boðsferðir og
óþægilega meðvirkni væri mikið
umhugsunarefni.
Vildi ekk yfirgefa
fangaklefann
Fáheyrt atvik átti sér stað í fanga-
geymslu á lögreglustöðinni við
Hverfisgötu aðfaranótt sunnu-
dags. Um klukkan hálf tvö um
nóttina var tæplega þrítugur karl-
maður handsamaður eftir að
hafa lent í átökum við dyraverði á
árshátíð sem haldin var í austur-
borginni. Hann var fluttur á lög-
reglustöð í kjölfarið en þar neitaði
hann alfarið að gefa upp nafn
og var því vistaður í fangaklefa.
Nokkru síðar fundust á honum
skilríki og þegar kona hans kom
loksins til að sækja hann neitaði
hann að yfirgefa fangageymsluna.
Margir vilja hjálpa Davíð Björn
Valur segir að seðlabankastjórinn
fyrrverandi eigi mikið undir því að
komast undan vitnaleiðslum.
Engin hlíf Hér má sjá rafalinn sem
Albert rakst í.