Dagblaðið Vísir - DV - 08.02.2012, Side 14

E
ld
sn
ey
ti Bensín Dísilolía
Algengt verð 245,7 kr. 253,3 kr.
Algengt verð 245,5 kr. 253,1 kr.
Höfuðborgarsv. 245,4 kr. 253,0 kr.
Algengt verð 245,7 kr. 253,3 kr.
Algengt verð 247,5 kr. 253,3 kr.
Melabraut 245,5 kr. 253,1 kr.
14 Neytendur 8. febrúar 2012 Miðvikudagur
Fékk ekki
að greiða
n Lofið fær Pfaff á Grensásvegi
en ánægður viðskiptavinur vildi
koma þessu á framfæri: „Ég fór á
verkstæði Pfaff með Petra-kaffi-
púðavél sem var með brot-
inn sleða. Afgreiðslumað-
urinn brá sér á bak við með
vélina stundarkorn og kom
síðan með hana end-
urbætta með nýjum
sleða og takka. Þegar
ég ætlaði að borga
tók hann í höndina á
mér og sagði mér að
eiga góðar stundir. Það
var ekki við það komandi að ég
fengi að borga. Þetta kallar maður
þjónustulund.“
Þorskur í
stað kola
n Lastið fær Kolabrautin í Hörpu
en DV fékk eftirfarandi sent: „Við
fórum þangað hópur saman síð-
ustu helgi til að fá okkur að borða.
Við veltum fyrir okkur hvað við
ættum að panta og fengum þau
svör að mælt væri
með kolanum svo
við pöntuðum öll
hann. Það leið og
beið og loksins kom
maturinn. Það var
þá einn í hópnum sem tók
fljótlega eftir því að ekki
var um kola að ræða held-
ur þorsk. Við fengum þó
enga afsökunarbeiðni vegna
þessa.“
DV hafði samband við Leif
Kolbeinsson, framkvæmdastjóra
Kolabrautarinnar, sem kannaðist
við þetta. „Þetta hefur líklega verið
á sunnudaginn en þá var staðan
þannig hjá okkur að við fengum
miklu fleiri gesti til okkar en við
bjuggumst við og seldum mun
meira af kola og hvítu sem við
höfum verið að auglýsa og kynna.
Það kom upp sú staða að við átt-
um ekki kola fyrir alla. Mér skilst
að það hafi þó einungis verið 4 af
120 manns sem fengu ekki kolann
og að það hafi verið rætt við þá
alla og þeim bætt þetta upp,“ sagði
Leifur. Aðspurður hvað staðurinn
hefði gert fyrir þann sem sendi
lastið sagði Leifur að hann hefði
einfaldlega boðið þeim matinn
frían eða að koma aftur um næstu
helgi.
SENDIÐ LOF EÐA LAST Á NEYTENDUR@DV.IS
Lof&Last
Sparnaðarráð
atvinnubílstjóra
„Það er þessi hraða
inngjöf sem eyðir
miklu bensíni en bensínið
er orðið svo skelfilega
dýrt.
n Bensínverð hefur aldrei verið hærra
B
ensínverð náði sögulegu
hámarki fyrir skömmu og
kostar nú lítrinn rúmar 245
krónur. Eldsneytishækkan-
ir koma einna verst niður á
leigubílstjórum og öðrum atvinnu-
bílstjórum. DV heimsótti kaffistofu
Hreyfils við Grensásveg og ræddi
við nokkra bílstjóra um eldsneyt-
isverð, verðhækkanir og leiðir til
sparnaðar.
Almenningssamgöngur
Í janúar fyrir tveimur árum kostaði
ódýrasti bensínlítrinn 191,5 krónur
og fyrir ári var hann kominn í 212,7
krónur. Bílstjórarnir hjá Hreyfli voru
sammála um alvarleika málsins
fyrir atvinnu þeirra en einn sagði að
í raun væri hann bara að vinna fyrir
kostnaði. Auk þess hefði þetta áhrif
á verðlag leigubíla og að gjaldskrá
þeirra myndi hækka. Einn þeirra
vildi taka fram að leigubílar ættu
að vera hluti af almenningssam-
göngum. „Við þyrftum að fá borgar-
yfirvöld og ríkið til að viðurkenna
okkur sem hluta af almenningssam-
göngum. Það er alltaf verið að tala
um að gera bílaflotann vistvænni og
ef við gætum fengið grænna elds-
neyti á lægra verði kæmi á móti
lækkun á verðskrá leigubíla. Til
dæmis er Strætó niðurgreiddur um
hundruð milljóna og á Selfossi eru
leigubílar niðurgreiddir,“ sagði einn
bílstjóranna. Annar sagði að það
mætti jafnvel fækka bensínstöðv-
um í Reykjavík og lækka eldsneytis-
kostnaðinn á móti.
Leigubílstjórarnir ræddu við
blaðamann um bensínhækkanir
og gefa hér lesendum nokkur góð
bensínsparnaðarráð.
Metanið er töluvert
ódýrara en bensín:
Verð á íslensku metani 6. febrúar 2012
Verð á íslensku metani = 126 kr. / Nm3
Verð á íslensku metani miðað við
orkujafngildi 95 oktan bensíns ~ 120
kr/l.
Miðað við jafngildi orkuinnihalds:
Einn Nm3 af 100% metani = 1,12 l af 95
oktana bensíni.
UppLýSINgAR AF METAN.IS
Gunnhildur Steinarsdóttir
blaðamaður skrifar gunnhildur@dv.is
Gunnlaugur
Óskarsson
„Mitt ráð er að keyra metanbíl. Ég
var einn af þeim fyrstu til að fá mér
þannig bíl en ég og svili minn fluttum
tvo inn. Nú eru þó nokkuð margir bíl-
stjórar komnir á metanbíla. Ég er mjög
ánægður með útkomuna, bíllinn virkar
alveg súper hjá mér og hefur ekki slegið
feilpúst. Þetta gerir reksturinn minn
hagkvæmari en með því að nota metan
þá spara ég um það bil 700.000 krónur
á ári. Það miðast náttúrulega við að ég
er atvinnubílstjóri og ef þú ert á einkabíl
er sparnaðurinn að sjálfsögðu ekki eins
mikill. Ég myndi ráðleggja fólki sem
hefur hug á að fara yfir í metan að kaupa
sér nýjan metanbíl í stað þess að breyta
bílnum. Mér skilst að það þurfi sterkari
ventla og annan búnað því það er meiri
hiti sem myndast við bruna metans.
Breyttir bílar virðast því aðeins bila, en
ekki allir þó. Metan- og rafmagnsbílar
eru framtíðin.“
Lúther Pálsson
„Ég nota hraðastillinn mikið til að
fylgjast með og passa upp á bensín-
eyðsluna. Þetta gengur vel innanbæjar
þegar þú ert kominn yfir 30 kílómetra
hraða. Tökum sem dæmi að ég keyri á 70
kílómetra hraða og stoppa. Þegar ég tek
af stað aftur og ætla að ná aftur sama
hraða þá set ég hraðastillinn á þegar ég
er kominn yfir 30 kílómetra hraða og þá
sér tölvan um að nýta eldsneytið sem
best upp að 70. Það margborgar sig að
vera með svona í bílnum sínum.“
Hvar kaupir þú bensín?
„Hjá N1 því þar er ég með mánaðarreikn-
ing og fæ afslátt.“
Hefur þú íhugað að láta breyta bíln-
um í metanbíl?
„Nei, ég lít ekki á það sem góðan kost
eins og er. Ekki á meðan svona fáar
stöðvar eru hérna. Oftar en ekki eru þeir
svo að bila, heyrist manni.“
Runólfur Óðinn
Sigurðsson
„Mitt sparnaðarráð er að hægja á sér
og minnka bensíngjöfina. Það er þessi
hraða inngjöf sem eyðir miklu bensíni
en bensínið er orðið svo skelfilega dýrt.
Svo er ég einnig með vetrarstöð og
kemst því hjá því að vera með bílinn í
lausagangi. Það sparar mér heilmikinn
pening. Þetta er olíumiðstöð sem er í
gangi og þótt ég hafi drepið á bílnum er
funheitt inni hjá mér. Annars finnst mér
að í rauninni ættu allir að taka sig saman
og mótmæla þessu. Ef allir atvinnubíl-
stjórar myndu sleppa því að keyra einn
dag myndi allt stöðvast í þjóðfélaginu.
Þetta er eitthvað sem við verðum að
skoða og ég hvet menn til að hugsa um
þetta.“
Hvar kaupir þú bensín?
„Hjá N1 þar sem ég er með afsláttar-
kort.“
Hefur þú íhugað að láta breyta bíln-
um í metanbíl?
„Nei, mér skilst að þetta metan sem
notað er hér heima sé ekki nógu hreint
og meira að segja nýir bílar hafi verið að
bila mikið. Ég held það tengist eitthvað
vinnslunni á metaninu. Nú bíð ég bara
eftir rafmagnsbílunum, þeir eru fram-
tíðin.“
Jón Stefánsson
„Bara hætta að keyra. Þetta er mjög
einfalt. Það er engin samstaða hér á
landi. Erlendis væri fólk fyrir löngu búið
að leggja bílnum fyrir fullt og allt. Fólk
á ekki einu sinni að taka strætó, bara
labba. Þetta eru engar vegalengdir
hérna hjá okkur.“
Hvar kaupir þú bensín?
„Ég er hjá Orkunni og er með afslátt
þar. Hann er samt lítill miðað við hvað
þetta er dýrt. Ég held að afslættirnir séu
svipaðir alstaðar. Þetta verð á olíunni
er bara út úr öllu korti. Maður verður
svo reiður þegar maður fer að hugsa út
í þetta, hvað olíufélögin eru frjáls með
sína álagningu.“
Hefur þú íhugað að láta breyta
bílnum í metanbíl?
„Nei, það er búið að sýna það og sanna
að þetta er blekking. Í fyrsta lagi heyrir
maður að breytingar á sumum bílum
hafa verið misheppnaðar því metanið
er ekki nógu hreint. Í öðru lagi munu þeir
bara hækka verðið á þessu um leið og
þetta verður algengara.“
Guðmundur
Aðalsteinsson
Stundar þú sparakstur?
„Nei, maður á að nota það sem er undir
húddinu.“
Hvar kaupir þú bensín?
„Ég versla við Atlantsolíu. Þar er ódýrast
og ég fæ góðan afslátt hjá þeim þar sem
ég er atvinnubílstjóri. Ég held að allir
atvinnubílstjórar fái slíka afslætti.“
Hefur þú íhugað að láta breyta bíln-
um í metanbíl?
„Nei, það hef ég ekki gert. Ég er á svo
eyðslugrönnum bíl.“
Vilhelm Sverrisson
„Ég spara bensín með sama hætti og
Lúther.“
Hvar kaupir þú bensín?
„Ég kaupi það hjá N1. Það er nú eiginlega
komið til vegna þess að það er hag-
stæðara úti á landi. Þegar ég fer út á
land kaupi ég tvö 10.000 króna kort sem
ég nota í sjálfsölum hér. Ég fer líka mikið
norður og finnst gott að vera ekkert
háður því hvort stöðin sé opin eða ekki.“
Bárður Örn
Bárðarson
Hvernig er að þínu viti best að spara
bensínið?
„Það er ósköp einfalt. Leggið bílnum og
takið leigubíl.“
Hvar kaupir þú bensín?
„Ég kaupi bensín hjá Olís og er með
afsláttarkort þar. Annars finnst mér við
öll vera höfð að fífli alla dag. Við erum
með sama afsláttinn og við erum með
þegar bensínlítrinn var í 140 krónum.
Hann hefur ekkert hækkað.“
Hefur þú íhugað að láta breyta bíln-
um í metanbíl?
„Nei, það hef ég ekki gert.“
5 ráð til að
spara bensín
1. Vertu á góðum dekkjum
Hafðu í huga að hægt er að fá hjólbarða
sem draga úr núningsmótstöðu
vegar. Minni núningsmótstaða, minni
bensíneyðsla.
2. Aktu á jöfnum hraða
Hraðakstur eykur bensíneyðslu og
veldur umhverfisspjöllum. Sparaðu inn-
gjöfina og forðastu snögghemlun. Með
því sparar þú eldsneytið og dregur úr
mengun. Stöðvaðu mótorinn ef bíllinn
er í hægagangi í meira en eina mínútu.
Hægagangur í eina mínútu er bensín-
frekari en gangsetning.
3. Hafðu réttan loftþrýsting í
hjólbörðum
Hafðu loftþrýsting í hjólbörðunum sem
næst því hámarki sem framleiðandi
gefur upp. Það dregur úr bensíneyðslu
og eykur endingu hjólbarðanna.
Loftþrýstingstöflu finnur þú undir
bensínlokinu.
4. Ekki vera með aukaþunga í
bílnum
Aktu ekki með óþarfa hluti sem auka
þyngd bílsins. Hvert aukakíló í bílnum
þýðir aukna bensínnotkun. Forðastu
að aka um með tóma farangursgrind
eða opna glugga, það eykur verulega
loftmótstöðu og þar með bensíneyðslu
og mengun. Ef sumarfríið er búið skaltu
taka niður tóma farangursgrind eða
„tengdamömmubox“ og ekki aka með
opna glugga nema þörf krefji. Slíkt eykur
loftmótstöðu og þar með bensíneyðslu
og mengun.
5. Rafdrifinn búnaður
Notaðu rafdrifinn búnað í bílnum aldrei
meira en þörf krefur. Hiti í afturrúðum,
miðstöðvar og sætahitarar í framsætum
taka mjög mikinn straum. Talið er að
miðað við 100 kílómetra akstur geti
mikil notkun á rafbúnaði aukið eyðsluna
um lítra eða jafnvel meira.