Dagblaðið Vísir - DV - 08.02.2012, Blaðsíða 18

Á
dögunum var tekin upp
draugamynd á Vest-
fjörðum sem verður að
segjast að lofar góðu.
Myndin ber nafnið Gláma og
er byggð á sönnum atburð-
um. Hún fjallar um kokk sem
fenginn er til að setja upp
veislu á sumarhóteli að vetri
til. Einhver misskilningur
verður og þegar kokkurinn
mætir á staðinn uppgötvar
hann að hann er þar einn
og þá byrjar fjörið, að því er
fram kemur á Facebook-síðu
myndarinnar.
Elfar Logi Hannesson leik-
ari er einn þeirra sem koma
að þessari mynd en hún er
samstarfsverkefni hans, Bald-
urs Páls Hólmgeirssonar og
Eyþór Jóvinssonar. „Okkur
hefur lengi langað til að gera
kvikmynd og létum verða af
því,“ segir Elfar Logi en mynd-
in gerist í gamla héraðsskól-
anum á Núpi í Dýrafirði. Elfar
segist hafa gengið með þessa
hugmynd í þó nokkurn tíma.
„Ég var sjálfur á Núpi og man
nú eftir að ég lenti í sérstökum
atburði þar sem margir hafa
lent í líka. Þegar fólk kemur í
íþróttasalinn heyrir það dripl í
bolta. Ég var þarna í skólanum
ásamt Jóhannesi Kr. Kristjáns-
syni fréttamanni. Þegar við
ætluðum einu sinni að stelast
inn í íþróttasalinn að nóttu til
heyrðum við þetta dripl. Við
urðum dauðhræddir og hlup-
um til baka,“ segir hann.
Elfar segir hópinn sem
stendur að myndinni hafa
haft samband við Sigurð Arn-
fjörð, staðarhaldara á Núpi,
sem sagði þeim nokkrar sér-
stakar sögur af staðnum sem
fólk hefur heyrt og lent í. Úr
þessu varð svo handritið sem
klárað var á milli jóla og nýárs
í fyrra. Tökunum er lokið og er
eftirvinnsla í gangi hjá hópn-
um núna.
Ráðgert er að frumsýna
myndina um páska á Ísafirði
í Ísafjarðarbíó. Verður mynd-
in, sem er um 25 mínútur
að lengd, sýnd á miðnætti
miðvikudaginn fyrir páska,
sem þykir sæmandi fyrir svo
draugalega mynd.
birgir@dv.is
Sannsöguleg draugamynd
n Kokkur í klandri á Núpi í Dýrafirði
18 Menning 8. febrúar 2012 Miðvikudagur
Frumsýnd á Ísafirði Myndin gerist í gamla héraðsskólanum á Núpum.
Skuggalegt í
skammdeginu
Draugar, vættir og útilegu-
menn lifna við í tónum og
tali í dagskránni Skugga-
legt í skammdeginu. Það
eru félagar úr Kammerkór
Seltjarnarneskirkju sem
standa fyrir dagskránni
og flytja þeir þjóðlög og
önnur verk íslenskra tón-
skálda þar sem þjóðsagna-
arfurinn er viðfangsefn-
ið. Dagskráin fram fer í
Norræna húsinu fimmtu-
daginn 9. febrúar klukkan
20.30 og er haldin í tilefni
Vetrarhátíðar í Reykjavík.
Aðgangur er ókeypis.
Hilary
snýr aftur
Bandaríska fiðlustjarnan Hil-
ary Hahn spilar á tónleikum
með Sinfóníuhljómsveit Ís-
lands í Eldborgarsal Hörpu
á fimmtudagskvöld klukkan
19.30. Hilary sló í gegn í fyrra
þegar hún lék með hljóm-
sveitinni og lét strax í ljós
ósk um að leika í Hörpu.
Stjórnandi er Peter Oundjian
sem lærði á fiðlu hjá Itzhak
Perlman og var fyrsti fiðlu-
leikari Tókýó- strengjakvar-
tettsins um fjórtán ára skeið.
Flutt verða verkin Orion eftir
Claude Vivier, Fiðlukons-
ert nr. 4 eftir W.A. Mozart og
Sinfónía nr. 11 eftir Dmitríj
Sjostakovitsj.
Í trúnaði
með Ellen
Spjalltónleikaröðin Af fingr-
um fram undir stjórn Jóns
Ólafssonar í Salnum í Kópa-
vogi byrjar á ný nú í febrúrar.
Jón leggur mikið upp úr því
að hafa tónleikana persónu-
lega og komast áhorfendur
í nálægð við tónlistarmenn-
ina. Á fimmtudagskvöldið
fær Jón til sín eina ástsælustu
söngkonu landsins, Ellen
Kristjánsdóttur, sem meðal
annars hefur sungið með
Ljósunum í bænum, Manna-
kornum, Borgardætrum og
fleiri. Aðgansgeyrir er 3.300
krónur og tónleikarnir hefj-
ast klukkan 20.30.
Þ
essa dagana stendur
yfir samsýning níu
götulistamanna í
samstarfi við netgall-
eríið Muses.is í Nor-
ræna húsinu. Listamennirnir
hafa fært listsköpun sína frá
veggjum götunnar inn í hið
hefðbundna sýningarrými
gallerís. Verkin eru undir
sterkum áhrifum frá götulist-
inni og birtast þau í ýmsum
formum. Sýningin er sögð
tengja saman tvær kynslóðir
götulistamanna í Reykjavík og
markmiðið með henni er að
endurspegla gerjun síðustu
ára.
Stelpur viðkvæmar fyrir
strákamenningunni
Einn þeirra listamanna sem
sýna verk sín á sýningunni
er Andrea Helgadóttir. Ein
af fáum stelpum sem leggja
stund á þetta listform.
„Það eru einhverjar stelpur
sem leggja stund á þetta list-
form, en þær eru ekki margar,
ég veit svo sem ekki af hverju
en ég reikna með að það sé
vegna þess að þær eru við-
kvæmar fyrir strákamenning-
unni í kringum þetta. Það er oft
þannig, það er eins með hjóla-
brettin og annað slíkt. Strák-
arnir eiga til að taka svona yfir
og stelpurnar eru þá ekki eins
til í þetta,“ segir Andrea um
mögulegar ástæður þess að
fáar konur stunda veggjalist.
Taka veðurguðina með í
reikninginn
Andrea er einn af upphafs-
mönnum þessarar listar og
byrjaði að spreia aðeins 12 ára
gömul. „Ég var að elta stóra
bróður minn og það er lík-
lega vegna þess sem ég byrj-
aði svona snemma. Þetta var
árið 1989 og það hefur margt
breyst síðan þá. Í þá daga var
þetta ekki viðurkennt listform
en í dag er svo komið að götu-
list er afar virt og það var gam-
an að því að færa listsköpun
frá veggjum götunnar og fá að
spreia beint á vegg innanhúss.
Eiginlega alveg frábært.
Það sem mér fannst reynd-
ar merkilegast er að þarna
fann ég fyrir því hversu mik-
ill áhrifavaldur veðrið er í
sköpuninni. Við erum vön því
að taka regn og vinda með í
reikninginn en inni í galleríinu
er bara logn og því stórkostlegt
að vinna öll smáatriði.“
Aldrei komist í kast við
lögin
Viðhorf til götulistar hafa
breyst mikið síðustu árin.
Andrea segir aukna virðingu
fyrir veggja- og götulist í krafti
mikillar gerjunar á því sviði í
alþjóðlegum listaheimi.
„Ég hef aldrei komist í kast
við lögin. Ég þurfti þess ekki,“
segir hún og hlær. Og bætir við
að sem betur fer hafi Austur-
bæjarskóli gert henni kleift að
skreyta nokkra veggi skólans.
Þannig hafi hún hreinlega
komist hjá því að stunda sína
list ólöglega. „Persónulega
fæ ég heldur ekkert út úr því
að stunda mína listsköpun á
ólöglegan máta.“
Lifandi karaktersköpun er
það sem heillar Andreu mest
og hún hefur skreytt marga
stóra veggi á höfuðborgar-
svæðinu. Á meðal veggja sem
Andrea hefur málað eru stórir
fletir í grennd við Loftkastalann
og veggur við svonefnt Hjarta-
torg í miðbænum. Andrea kall-
ar sig Atom og segir listamenn
sem vinna að götulist oft taka
sér táknrænt listamannsnafn.
Í hennar tilfelli táknar nafnið
samvinnu. „Við vinnum verkin
okkar ekki ein, þau eru oftast
unnin í samvinnu. Þess vegna
valdi ég mér þetta nafn.“
kristjana@dv.is
Aldrei komist
í kast við lögin
n Andrea byrjaði að spreia 12 ára n Virðing fyrir götulist hefur aukist
Á Hjartatorgi Andrea Helgadóttir
við eitt verka sinna á Hjartatorgi.
Hún byrjaði að spreia aðeins 12 ára.
MyND SigTryggur Ari
„Persónulega
fæ ég heldur
ekkert út úr því að
stunda mína list-
sköpun á ólöglegan
máta.