Dagblaðið Vísir - DV - 20.02.2012, Síða 2
2 Fréttir 20. febrúar 2012 Mánudagur
RÚV bætir
dreifikerfið
Ríkisútvarpið hefur gert áætlun um
eflingu FM-sendinga á hinni nýju
Vestfjarðaleið og verður byrjað á
styrkingu í Ísafjarðardjúpi á næstu
vikum og mánuðum. Vonast er til
að unnt verði að ljúka framkvæmd-
um á yfirstandandi ári. Þetta kem-
ur fram í skriflegu svari Katrínar
Jakobsdóttur, mennta- og menn-
ingarmálaráðherra, við fyrirspurn
Ólínu Þorvarðardóttur, þingmanns
Samfylkingar.
Í fyrirspurn sinni spurði Ólína
einnig um hver stefna Ríkisút-
varpsins varðandi hljóðvarp í jarð-
göngum væri. Í svari ráðherra kem-
ur fram að Ríkisútvarpið hafi litið
svo á að hljóðvarp í jarðgöngum sé
á ábyrgð og kostnað framkvæmda-
raðila viðkomandi ganga en stofn-
unin hafi verið tilbúin til tæknilegr-
ar ráðgjafar þar um. Þannig hafi
það verið varðandi Hvalfjarðar-
göng.
Loks spurði Ólína hvort Ríkisút-
varpið hafi gert áætlun um endur-
nýjun dreifikerfis sjónvarps, sem
fyrirséð er að verði úrelt á næstu
árum. „Ríkisútvarpið hefur unnið
að slíkri áætlun um nokkurt skeið
og er að þróa hana áfram. Mark-
miðið er sama þekjun og í núver-
andi kerfi, það er að að minnsta
kosti 99,9 prósent landsmanna nái
stafrænum sendingum í framtíð-
inni,“ segir í svari ráðherra.
Nýtt úrræði fyrir
atvinnuleitendur
Atvinnutorg fyrir unga atvinnuleit-
endur á aldrinum 16–25 ára voru
opnuð í Reykjavík og Reykjanesbæ
á föstudag. Verkefnið er samstarfs-
verkefni velferðarráðuneytisins,
Vinnumálastofnunar, Reykjavíkur-
borgar, Reykjanesbæjar, Hafnar-
fjarðarbæjar og Kópavogsbæjar og
hefur að markmiði að veita ungu
fólki sem hvorki er á vinnumark-
aði né í námi ráðgjöf og stuðning
og finna úrræði við hæfi.
Aðdraganda verkefnisins má
rekja til þess að ríkisstjórnin sam-
þykkti í júní á liðnu ári að verja
100 milljónum króna í vinnumark-
aðsaðgerðir fyrir ungt fólk sem
ekki er tryggt innan atvinnuleysis-
tryggingakerfisins.
Áætlað er að rúmlega 400
ungmenni muni að jafnaði njóta
þjónustu hjá atvinnutorgum um-
ræddra sveitarfélaga.
Stal fartölvu
og náttfötum
Héraðsdómur Reykjavíkur hefur
dæmt konu á fimmtugsaldri í fjög-
urra mánaða fangelsi fyrir þjófn-
aðarbrot. Konan var ákærð fyrir að
hafa, á tímabilinu frá 10. nóvember
2010 til 23. desember 2011, stolið
vörum í verslunum fyrir á annað
hundrað þúsund krónur. Hún var
meðal annars ákærð fyrir að stela
fartölvu úr verslun Elko, snyrti-
vörum og vítamínum úr lyfjaversl-
un Apóteksins, íþróttafatnaði úr
Intersport og barnanáttfötum úr
verslun Joe Boxer í Smáralind.
Konan, sem á sakaferil að baki,
játaði brot sín skýlaust fyrir dómi.
Hún var dæmd í tveggja mánaða
fangelsi í júní 2010 fyrir þjófnaði,
fíkniefnalagabrot og umferðarlaga-
brot. Dómurinn yfir konunni er
óskilorðsbundinn.
Á
stráður Haraldsson, hæsta-
réttarlögmaður og stjórnar-
maður í verðbréfafyrirtæk-
inu Arctica Finance, fékk
tæplega 250 milljónir króna
afskrifaðar hjá skilanefnd Glitnis í
fyrra. Afskriftin var vegna útistand-
andi skuldar Ástráðs við Glitni
vegna framvirkra samninga með
skuldabréf Kaupþings. Þetta kemur
fram í gögnum frá skilanefnd Glitn-
is sem DV hefur undir höndum,
bæði fundargerð nefndarinnar frá
því árið 2010 og eins tölvupóstum
starfsmanna bankans frá því haust-
ið 2008 þar sem rætt er um málið.
Ástráður var einn af mörgum að-
ilum sem keypti umrædd skulda-
bréf Kaupþings í gegnum Glitni
fyrir hrunið 2008. Skilanefnd Glitnis
hefur yfirtekið mörg af þeim eign-
arhaldsfélögum sem voru stofn-
uð vegna slíkra fjárfestinga. Heild-
arskuldir þessara félaga hlaupa á
milljörðum. Með fjárfestingu sinni í
skuldabréfum Kaupþings voru við-
skiptavinir bankans að taka stöðu
með Kaupþingi, veðjuðu á að bank-
inn myndi ekki falla, líkt og hann
gerði í byrjun október 2009. Vegna
falls Kaupþings varð mikið tap á
fjárfestingum þessara viðskiptavina
Glitnis og fyrir lá strax um haustið
að Glitnir myndi þurfa að afskrifa
kröfur sínar á hendur þessum að-
ilum. Einn af þessum viðskipta-
vinum, sem ekki vill láta nafns síns
getið segist einfaldlega hafa haft trú
á íslenska bankakerfinu og að þess
vegna hafi hann fjárfest í þessum
skuldabréfum Kaupþings.
Ólíkt mat Ástráðs og bankans
„Ég hef ekkert fengið afskrifað, ekk-
ert fengið afskrifað,“ segir Ástráð-
ur Haraldsson aðspurður um það
hvort hann hafi fengið umræddar
afskriftir hjá Glitni. Hann segir að
hann hafi farið í skuldauppgjör við
Glitni sem ekki hafi falið í sér af-
skriftir að hans mati.
„Ég átti ákveðin viðskipti við
Glitni og það var deilt um hvert væri
rétt uppgjör þessara viðskipta. Ég
taldi að rétt uppgjör viðskiptanna
væri að Glitnir skuldaði mér fé en
þeirra afstaða var sú að ég skuldaði
þeim fé. Niðurstaðan af þessu öllu
saman, fyrir milligöngu lögmanns
á mínum vegum, var að samið var
um uppgjör viðskiptanna. Í því fólst
ekki afskrift á kröfum á mig, ekki
samkvæmt minni skoðun. Þetta er
þannig að ef ég held að þú skuldir
mér 100 milljónir og þú heldur að
ég skuldi þér 100 milljónir og við
semjum síðan um einhverja niður-
stöðu í málinu þá getur hvor okkar
um sig haldið því fram að hann hafi
afskrifað eitthvað á hinn,“ segir Ást-
ráður. Ljóst er hins vegar að Glitnir
leit ekki svo á málið þar sem rúm-
lega 248 milljónir króna voru færðar
til afskriftar vegna viðskiptanna við
Ástráð.
Að öðru leyti segist Ástráður ekki
ætla að tjá sig um viðskiptin við
Glitni. Ástráður vill ekki ræða hvað
fólst í uppgjörinu við Glitni, hversu
mikið hann þurfti að greiða bank-
anum til baka í formi trygginga og
reiðufjár.
Afskriftir lagðar til
Þann 8. október 2008, degi áður en
Fjármálaeftirlitið yfirtók Kaupþing
og eftir að sama stofnun hafði tek-
ið yfir Glitni, sendi Haraldur Örn
Ólafsson, lögmaður á lögfræði- og
regluvörslusviði Glitnis, tölvupóst
til Harðar Felix Harðarsonar, yfir-
lögfræðings bankans, og fleiri að-
ila þar sem málið var rætt og far-
ið fram á niðurfellingu á skuldum
nafngreindra aðila sem keypt höfðu
þessi skuldabréf Kaupþings. Í tölvu-
póstinum sagði: „Markaðsviðskipti
Glitnis eru með opna framvirka
samninga um kaup á skuldabréfum
í Kaupþingi við eftirfarandi einstak-
linga,“ en nafn Ástráðs var þar með-
al annars talið upp.
Haraldur mat það svo í samn-
ingnum að það þjónaði ekki tilgangi
að innheimta tapið af framvirku
samningunum hjá þessum við-
skiptavinum og að þess vegna væri
nærtækast að afskrifa skuldir þeirra.
Þá kom einnig fram í tölvupóstin-
um að ekki hefði verið staðið fylli-
lega rétt að viðskiptunum. „Glitnir
metur að ekki þjóni tilgangi að inn-
heimta tap af samningum þessum á
framangreinda aðila vegna eigna-
stöðu þeirra. Þá er ljóst að ekki var
fyllilega rétt staðið að viðskiptunum
m.a. með tilliti til MiFID tilskipun-
arinnar. Því er óskað eftir að skila-
nefnd veiti heimild til að gera við-
skiptin upp þannig að tryggingar
verði látnar ganga upp í tap en það
sem eftir stendur af kröfunni verði
afskrifað.“
Í kjölfar þessa tölvupósts sendi
Hörður Felix Harðarson tölvupóst
til Árna Tómassonar, formanns
skilanefndar Glitnis, þar sem stung-
ið var upp á afskriftum þessara
skulda. „Þetta barst frá markaðsvið-
skiptum og er ósk um niðurfellingu
krafna að frádregnum tryggingum.“
Skilanefndin afgreiðir málið
Á fundi skilanefndar Glitnis í febrú-
ar 2010 var rætt um mál Ástráðs. Þar
kom fram að skilanefndin ætlaði að
bjóða Ástráði upp á skuldauppgjör
sem fól í sér að hann borgaði með-
al annars þær tryggingar sem vísað
var til í samningi hans um viðskipt-
in við Glitni og greiddi þar að auki
á bilinu 10 til 20 milljónir króna til
bankans. Orðrétt segir í fundargerð-
inni: „Að fengnu áliti frá Hákoni
Árnasyni hrl. að viðbættum öðrum
gögnum í formi tölvupósta og sím-
tala er samþykkt að bjóða Ástráði
Haraldssyni upp á uppgjör þar
sem hann fellur frá kröfum sínum á
bankann, borgi þær tryggingar sem
vísað var til í samningum, ásamt því
að greiða að auki á bilinu 10–20m.
kr.“ Ástráður vill ekki greina frá því
hvernig hið endanlega samkomu-
lag var við bankann.
Á yfirliti yfir afskriftir á skuldum
viðskiptavina Glitnis, sem DV hef-
ur undir höndum, kemur svo fram
að þann 26. apríl 2011 hafi rúm-
lega 248 milljónir króna verið færð-
ar til afskriftar hjá bankanum vegna
skulda Ástráðs Haraldssonar. Vís-
að er til fundarins frá því í febrú-
ar 2010 þar sem upphæðin er færð
til bókar. Ársreikningar nokkurra
eignarhaldsfélaga, sem einnig fjár-
festu í skuldabréfum Kaupþings,
sem skilanefnd Glitnis hefur yfir-
tekið sýna enn frekar fram á mikið
tap og væntanlegar afskriftir bank-
ans vegna framvirkra viðskipta með
skuldabréf Kaupþings.
n Ástráður segist ekki líta á uppgjörið sem afskriftir
Fékk 248 milljónir
króna afskrifaðar
„Því er óskað eftir
að skilanefnd veiti
heimild til að gera við-
skiptin upp þannig að
tryggingar verði látnar
ganga upp í tap en það
sem eftir stendur af kröf-
unni verði afskrifað.
Ingi Freyr Vilhjálmsson
fréttastjóri skrifar ingi@dv.is
Glitnir afskrifaði kröfuna Skilanefnd Glitnis afskrifaði tæplega 250 milljóna króna kröfu sem bankinn átti á hæstaréttarlög-
manninn Ástráð Haraldsson vegna viðskipta hans með skuldabréf í Kaupþingi. Mynd 365 / Anton Brink