Dagblaðið Vísir - DV - 11.02.2013, Blaðsíða 8

8 Fréttir 11. febrúar 2013 Mánudagur
É
g get þó ekki sagt að ég sakni
þess, þetta er alveg komið gott
af þessu máli,“ segir Sigmundur
Davíð Gunnlaugsson, formað-
ur Framsóknarflokksins, um
sigur Íslands í Icesave-málinu. Fylgi
Framsóknarflokksins er í mikilli upp-
sveiflu samkvæmt skoðanakönnun-
um sem eiga það sameiginlegt að
vera gerðar eftir að niðurstaða fékkst
í málið fyrir EFTA-dómstólnum. Sig-
mundur Davíð byrjaði í stjórnmálum
vegna Icesave og hefur alltaf verið
harður á þeirri skoðun að kröfur um
að Ísland ætti að borga stæðust ekki
lög. „Á tímabili var ég kallaður eins
máls maður og að ég væri með þrá-
hyggju,“ segir Sigmundur sem er þó
sjálfur ekki sammála því að hafa bara
eitt mál á dagskránni. Núna þegar
Icesave-málið er frá muni hins vegar
gefast meiri tími til að tala um önnur
mál.
Fylgisaukningin hefur einna helst
verið tengd við Icesave-niðurstöð-
una en Sigmundur segist þó vona að
það sé ekki það eina sem kjósendur
horfi til. „Það er náttúrulega hin aug-
ljósa breyting en þó vona ég að þetta
sé ekki bara spurning um Icesave-
niðurstöðuna sem slíka heldur að
fólk setji málflutning í því máli í sam-
hengi við málflutning okkar annars
staðar, kannski sérstaklega í mál-
efnum heimilanna. Að fólk treysti
okkur til að fylgja þeim málum eftir
af sömu festu og við gerðum í Ices-
ave,“ segir hann. „Ég vona að þegar
fólk lítur aftur yfir liðin ár, þetta kjör-
tímabil, þá sjái það að við höfum ver-
ið með málflutning í öðrum mál-
um líka sem hefur sannað gildi sitt.
Mál sem hafa fengið mikla gagnrýni
í byrjun en smátt og smátt, eftir því
sem meiri upplýsingar koma fram
og forsendurnar skýrast, hafa sannað
gildi sitt. Besta dæmið að mínu mati
er gildi skuldaleiðréttingar,“ segir
Sigmundur.
Varar við árásum
Sigmundur varaði samflokksmenn
sína á flokksþingi Framsóknar um
helgina við því að árásir ættu eftir
að koma úr öllum áttum nú þegar
fylgi flokksins er að rísa. Hann ít-
rekar þetta í samtali við blaðamann
og segir að nú þegar sé farið að hnýta
í flokkinn í meira mæli. Flokkurinn
á sér langa sögu og hefur verið talað
um spillingu í þeirri sögu, til dæmis
í tengslum við einkavæðingu bank-
anna. Sigmundur býst við að mál úr
fortíðinni verði dregin fram í sviðs-
ljósið í meira mæli en áður vegna
fylgisaukningarinnar. „Ég held að
pólitískir andstæðingar muni leitast
við að velta þeim meira upp og skapa
meiri umræðu um þau en ella vegna
þess að fylgið hefur aukist, bara sem
viðbrögð við því. Það er í sjálfu sér
ekkert nýtt að þegar flokkur er á sigl-
ingu er tilhneiging hjá öðrum flokk-
um að beita sér gegn þeim flokki,“
segir hann.
Sigmundur segist hins vegar
vonast eftir því að umræðan í að-
draganda kosninga muni snúast um
ólíka stefnu og ólík markmið. „Frekar
en ímynd eða einhverja fyrri stjórn-
málamenn, jafnvel menn sem ég hef
aldrei hitt. Auðvitað vonast mað-
ur til þess að umræðan snúist sem
mest um stefnu því þannig virkar
lýðræði best, að menn taki afstöðu
út frá stefnunni,“ segir hann. Ætl-
ar hann þá ekki að tala um verk Jó-
hönnu Sigurðardóttur sem hættir í
stjórnmálum að loknu kjörtímabil-
inu eftir að hafa leitt umdeilda rík-
isstjórn Samfylkingar og Vinstri-
grænna? „Í kosningum erum við í
rauninni ekki bara að horfa til næsta
kjörtímabils. Kosningar snúast líka
um að gera upp kjörtímabilið sem
var að líða þannig að við munum
auðvitað fjalla um það. Auðvitað er
líka eðlilegt að menn gagnrýni flokka
fyrir eitt og annað í sögu þeirra sem
betur hefði mátt fara til þess að flokk-
ar sem stofnanir læri af reynslunni.“
Sigmundur segir að Framsóknar-
flokkurinn hafi verið mjög upptekinn
af því á kjörtímabilinu að skoða sína
sögu og hvað hafi betur mátt fara.
Það birtist meðal annars í breyttum
lögum og framboðsreglum flokksins.
Á leið í ríkisstjórn
Framsóknarflokkurinn hefur átt að-
ild að fjölda ríkisstjórna á undan-
förnum áratugum. Flokkurinn hefur
þó staðið utan ríkisstjórnar síðast-
liðin tvö kjörtímabil, frá árinu 2007
þegar Sjálfstæðisflokkur myndaði
meirihluta með Samfylkingunni. Sig-
mundur stefnir aftur með flokkinn
í ríkisstjórn og segist ganga óbund-
inn til kosninga, tilbúinn að skoða þá
möguleika sem í boði verða að lokn-
um kosningum. „Núna þorir maður
ekkert að segja um það en ég vona að
við verðum í ríkisstjórn vegna þess
að ég er auðvitað í stjórnmálum til
að hafa áhrif. Stjórnmálamenn sem
halda öðru fram ættu að vera í ein-
hverri annarri vinnu. Auðvitað von-
ast maður til að komast í aðstöðu til
að hafa sem mest áhrif,“ segir hann
aðspurður hvort flokkurinn sé á leið
í ríkisstjórn.
„Það er óneitanlega mikill munur
á því hvaða áhrif menn hafa í ríkis-
stjórn og stjórnarandstöðu. Jafn-
vel má segja að það sé helst til mik-
ill munur því það hefur nú ekki
breyst mikið frá því sem áður var að
stjórnar andstaða, sama hversu ágæt-
ar tillögur hún kann fram að færa,
nær tillögum sínum sjaldnast í gegn,“
segir Sigmundur og bætir við að
hann vilji reyna að leita hugmynda
víða ef hann fái sæti í ríkisstjórn að
loknum kosningum. „Ég vona að
mér takist, verði ég í ríkisstjórn, að
breyta þessu og opna á tillögur frá
öðrum. Ég tel mig ekki þurfa að eiga
höfundarréttinn á öllu sem gert er.“
Ófrávíkjanlegar kröfur
Á flokksþinginu sem lauk um
helgina voru samþykktar áherslur
flokksins fyrir komandi kosningar.
Sigmundur er ekki tilbúinn að víkja
frá þeim stefnumálum sem lögð
hafa verið upp sem aðalmál flokks-
ins. „Ófrávíkjanlegar kröfur okkar
snúa að því að það verði komið til
móts við heimilin og það þarf að
gerast á þrennan hátt. Í fyrsta lagi
þessi uppsafnaði vandi, það sem er
kallað forsendubrestur, afleiðingin
af verðbólguskotinu og gengisfall-
inu sem hækkaði lánin. Í öðru lagi
að koma í veg fyrir að það sama geti
gerst aftur, og þar er ég að tala um að
taka á verðtryggingunni. Í þriðja lagi
tekjurnar, að fólk hafi betri og betur
launuð störf. Þetta eru hlutirnir sem
við setjum á oddinn,“ segir hann en
bætir við að spurning sé um hvernig
þessi mál verði útfærð.
Forysta flokksins talar á al-
mennari nótum en áður og segir
Sigmundur Davíð það vera meðvit-
aða ákvörðun að tala um markmið-
in en ekki endilega útfærslurnar á
hvernig á að ná þeim markmiðum.
„Fyrir svona ári breyttum við nálg-
un okkar á hvernig við leggjum
fram tillögur og það gerðum við í
ljósi reynslunnar af ýmsum tillög-
um sem við höfðum lagt fram áður,
kannski sérstaklega þessari frægu
20 prósenta leiðar. Þar fór umræðan
að miklu leyti að snúast um smáat-
riði í aðferðarfræðinni.“ Sigmundur
talar einnig um að það sé gott að
geta gefið öðrum kost á að koma að
útfærslunni þannig að þeir telji sig
eiga eitthvað í afrakstrinum.
Samvinnustjórnmál
Þrátt fyrir að vilja leita að hugmynd-
um út fyrir flokkinn er Sigmundur
ekki hrifinn af því að ná sameiginlegri
niðurstöðu í öllum málum. Hann
segir að flokkarnir verði að standa á
sínum grunngildum. „Ef þetta snýst
um það að allir stjórnmálamenn
ólíkra flokka eiga að koma saman og
komast að sameiginlegri niðurstöðu,
einhvers konar lægsta samnefnara
eða hvað við viljum kalla það, þá
held ég að það sé ekki æskilegt sam-
ráð. Því það væri í rauninni samsæri
stjórnmálanna gegn almenningi. Al-
menningur verður að geta treyst því
að það sem menn hafa fram að færa
í kosningum – stefnan – sé eitthvað
sem menn ætla að berjast fyrir,“ segir
hann.
Sigmundur er þó meðvitaður um
að þar sem einn flokkur hefur sjaldn-
ast hreinan meirihluta þurfi mála-
myndanir í ýmsum málum til að
hægt sé að mynda ríkisstjórn. „Þó
skulda stjórnmálamenn kjósendum
það að mínu mati að fylgja stefnunni
eins mikið og kostur er í stað þess
að reyna að fá alla með. En þó eru
oft tækifæri til að fá alla með, það er
grundvallaratriði í þessu,“ segir hann
en bætir við að ágreiningur sé um of
mörg mál þar sem það þyrfti ekki að
vera. „Mikill meirihluti mála sem
afgreidd eru á Alþingi eru afgreidd
án mótatkvæða en það er held ég
ekki hægt að ætlast til þess í stjórn-
málum og ekki æskilegt að ætlast
til þess í stjórnmálum að þannig sé
það í öllum málum. Það eru alltaf
sum mál þar sem fólk hefur ólíkar
skoðanir og þá verða kjósendur að
geta náð fram ákveðinni stefnu með
atkvæði sínu.“ n
Aðalsteinn Kjartansson
blaðamaður skrifar adalsteinn@dv.is
n Verða að geta treyst því að flokkar standi við grunngildin n Meiri tími í annað eftir Icesave
SVIK VIÐ KJÓSENDUR
AÐ SEMJA UM ALLT
„Ófrávíkjanlegar
kröfur okkar snúa
að því að það verði komið
til móts við heimilin.
Komið gott af
Icesave Sigmundur
Davíð segist ekki sakna
Ice save-málsins.
Hann byrjaði þó í
stjórnmálum vegna
málsins í kjölfar
hrunsins.
MYND SIGTRYGGUR ARI