Dagblaðið Vísir - DV - 11.02.2013, Blaðsíða 14

Sandkorn
Í
blöðunum birtast reglulega tilkynn­
ingar frá lögreglunni sem leitar eftir
unglingsstelpum „… hún hvarf af
heimili sínu á mánudagskvöld. Ekk­
ert hefur heyrst til hennar síðan …“
Þessar tilkynningar renna saman við
annað efni fjölmiðla, kannski af því að
slíkar tilkynningar gefa ekkert uppi um
harmleikinn sem liggur að baki slíkri
leit, kannski af því að eftir nokkra daga
skila þær sér aftur heim.
Fyrir tveimur árum fjallaði DV ítar­
lega um afdrif og örlög týndu stelpn­
anna. Þá kom í ljós að þarna eru gjarna
á ferð stúlkur sem eru fastar í viðjum
fíknar, lokaðar inni í heimi ofbeldis
og vændis. Þær eru leiksoppar eldri
manna sem nota þær í skiptum fyrir
dóp og kasta þeim út þegar þeim hent­
ar.
Stúlkunum er haldið niðri með
hótunum og ofbeldi. Þær finna fyrir
slíkri skömm og ótta að þær myndu
aldrei leggja fram kæru á hendur þess­
um mönnum, og það gerir það enginn
annar fyrir þær. Stundum er afneitun­
in svo sterk að þær líta á þá sem ein­
hvers konar kærasta, þar til annað
kemur í ljós. Þær eiga sér fáa málsvara
og láta hverjum degi nægja sína þján­
ingu.
Einhvers staðar á leiðinni eru þær
búnar að týna sjálfri sér, þær vita ekk­
ert hvað þær vilja fá út úr lífinu eða
hvert þær stefna. Týndu stelpurnar
eru týndar í margvíslegum skilningi
þess orðs.
Á flótta undan veruleikanum lenda
þær í klóm manna sem fela þær fyrir
foreldrunum sem standa eftir ráða­
lausir og missa barnið sitt aftur og aft­
ur, þannig er tilfinningin. Örvæntingin
og vanmátturinn er algjör. Þeir vita
ekkert hvar þær eru, hvað gengur á í
lífi þeirra eða hver er að misnota sér
ástand þeirra.
Þegar þær finnast þurfa þær víð­
tæka aðstoð til að ná áttum og finna
sig á ný. Það tekst ekki alltaf, stundum
er of erfitt að snúa til baka. Stundum
deyja þær áður en þær ná því.
Þeim sem leggja í þá vegferð með
stúlkunum ber að þakka. Víða um
land vinnur fólk óeigingjarnt starf við
það að koma undir þær fótunum. Í DV
í dag er talað við fósturforeldra sem
hafa fóstrað fimmtán börn. Sum þeirra
koma úr þessum heimi – heimi þar
sem fíknin ræður völdum.
Síðastliðinn föstudag birti Frétta­
tíminn einnig umfjöllum um týndu
stelpurnar. Á þessum tveimur árum
hefur ekkert breyst til batnaðar, inn­
takið í umfjölluninni er það sama.
Vandinn er enn til staðar og hefur
enn jafn hrikalegar afleiðingar á líf og
heilsu þessara stúlkna. Litlir karlar
sem fela þær, halda þeim uppi á dópi
og misnota þær hafa fengið að halda
þessari iðju sinni áfram, óáreittir, ár
eftir ár og ekkert bendir til þess að það
muni breytast. Þeir munu halda áfram
að taka upp ungar stúlkur og traðka
á sálum þeirra þar til þeir fá nóg. Þeir
munu ekki hætta fyrr en þeir verða
stöðvaðir. Það er kannski kominn tími
til þess – og þótt fyrr hefði verið.
Velferð slitapars
n Sjálfstæðismenn hafa
framundir þetta ekki fallist
á að ríkisstjórn Jóhönnu Sig-
urðardóttur sé velferðarstjórn.
Nú kann að verða breyting á
ef marka má orð Ásmundar
Friðrikssonar, frambjóðanda á
Suðurlandi. Hann ræddi of­
urlaun slitaparsins Steinunn­
ar Guðbjartsdóttur og Páls
Eiríkssonar sem hafa tekið
offjár úr þrotabúi Glitnis fyr­
ir þjónustu sína. Sagði Ás­
mundur þá það væri óþol­
andi að þetta gerðist undir
velferðarstjórninni.
Skilorð
sviðsstjórans
n Fréttablaðið og aðrir miðl­
ar 365 tipla á tánum í dóms­
máli Jóns Ásgeirs Jóhann­
essonar „sviðsstjóra“ hjá
fjölmiðlaris­
anum. Á
meðan aðal­
frétt á for­
síðu Mogg­
ans var um
alvarlegt brot
Jóns Ásgeirs
var lágtóna fyrirsögn inni í
Fréttablaðinu með útgangs­
punktinum „skilorð“. Aðrir
miðlar sviðsstjórans voru
á sömu nótum. Þess er nú
beðið að Þórður Snær Júlí­
usson, viðskiptablaðamaður
Fréttablaðsins, geri stóra út­
tekt á afbrotum sviðsstjórans
og meðreiðarfólki hans.
Alþýðuhetja í HG
n Sú yfirlýsing alþýðuhetj­
unnar Helga Vilhjálmssonar
í Góu að hann styðji Hægri
græna hefur gefið flokksbrot­
inu vind í
seglin. Helgi
er þekktur af
baráttu sinni
gegn spill­
ingu lífeyris­
sjóðanna og
nýtur mik­
illar virðingar. Lagt er að
honum að taka fyrsta sæti á
lista Hægri grænna í Kragan­
um en hann hefur fram að
þessu verið tregur til. Víst er
að það er hrollur í mörgum
samkeppnis flokkum vegna
stuðningsins sem allt eins get­
ur orðið til þess að Guðmundur
Franklín Jónsson formaður og
hans menn komist á þing.
Tryggva hefnt
n Guðlaugur Þór Þórðarson,
þingmaður Sjálfstæðisflokks­
ins, er af mörgum talinn mik­
ill pólitískur refur sem náð
hefur langt, ekki síst vegna
velþóknunar Jóns Ásgeirs Jó-
hannessonar og fjölmiðlaveld­
is hans. Tryggvi Þór Herberts-
son alþingismaður upplýsti í
helgarviðtali við DV að kosn­
ingamaskínu Guðlaugs Þórs
hafi verið beint gegn honum í
prófkjörinu þar sem hann féll
á dögunum. Víst er að Tryggva
verður hefnt og Guðlaugur
er nú kominn algjörlega út í
kuldann hjá fóstbræðrunum
Bjarna Benediktssyni formanni
og Illuga Gunnarssyni þing­
flokksformanni.
Spikið var
mitt fangelsi
Litli gaurinn
getur unnið
Sigga Lund situr fyrir nakin og heldur námskeið fyrir konur. – DV Brynjar Hafsteinsson sér um síðuna bardagafregnir.is – DV
Þeir traðka á sálum þeirra
A
lþingismeirihlutinn, sem bauð
kjósendum til þjóðaratkvæða­
greiðslu um nýja stjórnarskrá
20. október s.l., var skipaður
þingmönnum úr öllum flokkum á
þingi nema einum. Meiri hlutinn,
sem bauð til lýðræðisveizlunnar, var
myndarlegur, eða 35 þingmenn gegn
15. Einmitt þannig skiptust einnig at­
kvæði kjósenda hlutfallslega: 67%
lýstu stuðningi við frumvarpið sem
grundvöll að nýrri stjórnarskrá, en 33%
lýstu andstöðu, og aðeins 17% lýstu
andstöðu við ákvæðið um auðlindir í
þjóðareigu. Ætla verður, að þeir þing­
menn, sem báðu um leiðsögn kjós­
enda og fengu hana svo skýra sem
verða mátti, afgreiði nú frumvarpið í
samræmi við vilja kjósenda. Ætla verð­
ur, að meiri hlutinn standi af sér andóf
lítils minni hluta þingmanna, sem hafa
lagzt gegn málinu frá upphafi. Annað
væri reginsvik, svo söguleg svik, að þau
myndu verða lengi í minnum höfð.
Hvað óttast andstæðingarnir?
Hverjir standa gegn frumvarpinu?
Það eru einkum þeir, sem rann­
sóknarnefnd Alþingis taldi bera
mesta ábyrgð á hruninu 2008. Fólk­
ið í landinu bað um nýja stjórnarskrá
vegna hrunsins, RNA tók undir kröf­
una, og Alþingi svaraði kallinu. Al­
þingi ítrekaði fyrri ákvörðun með því
að lofa nýrri stjórnarskrá með einróma
ályktun 28. september 2010. Alþingi
var ekki að lofa nýrri stjórnarskrá fyr­
ir hönd næsta Alþingis eða þar næsta,
enda getur Alþingi ekki gefið slíkt lof­
orð fram í tímann. Það Alþingi, sem
nú situr, hlýtur því að afgreiða málið
í samræmi við eigin fyrirheit og ein­
dregin fyrirmæli kjósenda.
Minni hlutinn vill ekki sjá nýja
stjórnarskrá. Hann má ekki til þess
hugsa, að allir fái nú loksins að sitja
við sama borð. Hann má ekki til þess
hugsa, að fólkið í landinu fái rétt­
mæta hlutdeild í arðinum af auðlind­
um sínum. Hann getur ekki hugsað
sér jafnan atkvæðisrétt. Hann óttast
greiðan aðgang almennings að upp­
lýsingum, sem hingað til hefur verið
haldið leyndum. Hann vill, að stjórn­
málaflokkar og hagsmunasamtök geti
haldið áfram að hegða sér eins og ríki í
ríkinu eins og ekkert hafi í skorizt. Um
þetta snýst ágreiningurinn.
En það geta andstæðingarnir auð­
vitað ekki viðurkennt fyrir kjósendum
og halda því áfram að þvarga um ferli
málsins, ferli, sem hefur frá upphafi
málsins 2009 verið til fyrirmyndar og
vakið athygli og aðdáun úti í heimi.
Málflutningur andstæðinganna vitnar
um lítilsvirðingu gagnvart lýðræðinu
og gagnvart fólkinu í landinu, sem hef­
ur lýst sig fylgjandi nýrri stjórnarskrá.
Upphrópanir nú á lokametrum máls­
ins um gagnrýnisraddir úr fræðasam­
félaginu hafa holan hljóm. Í stjórn­
lagaráði sátu fimm prófessorar og þrír
aðrir háskólakennarar auk fjögurra
lögfræðinga o.s.frv. auk allra þeirra
fræðimanna innan lands og utan, sem
ráðsmenn ráðfærðu sig við. Raddir
fræðimanna heyrðust hátt og skýrt við
samningu frumvarpsins ekki síður en
raddir annarra.
Gæti þetta gerzt hér?
Efnahagur Færeyja hrundi fyrir rösk­
um 20 árum. Eins og hér heima veitti
hrunið Færeyingum tilefni til að huga
að nýrri og betri stjórnskipan. Í Fær­
eyjum var farin sú leið, sem löngum
var reynd á Íslandi, að fela stjórn­
málamönnum að semja nýja stjórn­
arskrá. Af ýmsum ástæðum miðaði
verkinu hægt, en 2009 var ný og vönd­
uð stjórnarskrá fullgerð. Færeyskum
stjórnmála mönnum hefur þó reynzt
ókleift að koma málinu áleiðis og
bera stjórnarskrárfrumvarp sitt undir
þjóðaratkvæði. Ásamt útvegsmönnum
standa í vegi nýrrar stjórnarskrár í Fær­
eyjum þau stjórnmálaöfl, sem báru
höfuðábyrgð á hruninu þar 1989–1994.
Hér er þó ólíku saman að jafna. Eitt er,
að færeyska þingið kæfi stjórnarskrár­
frumvarp, sem það hefur sjálft samið
án sérstaks umboðs frá þjóðinni. Allt
annað og alvarlegra mál væri hitt,
að Alþingi sneri nú á síðustu stundu
baki við frumvarpi, sem sprottið er af
þjóðfundi og samið af fulltrúum, sem
þjóðin kaus til verksins. Ef Alþingi tek­
ur með því móti fram fyrir hendurn­
ar á þjóðinni, fremur þingið réttnefnt
valdarán. Enda segir í frumvarpinu:
„Allt ríkisvald sprettur frá þjóðinni“.
Sams konar ákvæði vantar í gildandi
stjórnarskrá frá 1944.
Ef Alþingi gengur gegn vilja þjóðar­
innar eins og hann birtist í þjóðar­
atkvæðagreiðslunni 20. október s.l.,
brýtur þingið gegn grundvallarreglu
lýðræðisins. Mikil verður þá vansæmd
Alþingis. Þingmenn, sem brjóta gegn
lýðræðinu, ættu ekki að fá nýtt umboð
kjósenda í næstu kosningum.
Munu þau svíkja?
Leiðari
Ingibjörg Dögg
Kjartansdóttir
ingibjorg@dv.is
Kjallari
Þorvaldur
Gylfason
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 11. febrúar 2013 Mánudagur
„Annað væri
reginsvik, svo
söguleg svik, að þau
myndu verða lengi í
minnum höfð.
„Á flótta undan
veruleikanum
lenda þær í klóm manna
sem fela þær fyrir for-
eldrunum sem standa
eftir ráðalausir og missa
barnið sitt aftur og aftur.