Dagblaðið Vísir - DV - 22.03.2013, Blaðsíða 4

Móðir barnsins
var ekki heiMa
4 Fréttir 22.–24. mars 2013 Helgarblað
Hvetja til stjórnmálaþátttöku
n Pallborðsumræður með konum úr öllum flokkum
S
tjórnmál eru stelpumál! er yfir­
skrift ráðstefnu um þátttöku
ungra kvenna í stjórnmálum.
Viðburðurinn er þverpólitískur
og koma fulltrúar fjögurra mismun­
andi stjórnmálaflokka á ráðstefnuna,
sem fer fram á laugardag. Fundarstjóri
er fjölmiðlakonan Erla Hlynsdóttir en
ráðstefnan er skipulögð með tveimur
pallborðsumræðum og umræðum
með „speed date“­sniði.
Meðal kvenna sem taka þátt í pall­
borðsumræðunum eru Katrín Júlíus­
dóttir fjármálráðherra, Eygló Harðar­
dóttir, þingkona Framsóknarflokksins,
Unnur Brá Konráðsdóttir, þingkona
Sjálfstæðisflokksins, og Sóley Tómas­
dóttir, borgarfulltrúi Vinstri grænna í
Reykjavík. Aðrar konur sem taka þátt
í pallborðsumræðum eru þær Bryn­
hildur Björnsdóttir frambjóðandi,
Anna Pála Sverrisdóttir, formaður
samtakana 78, Aldís Hafsteinsdóttir,
bæjarstjóri í Hveragerði, Sveinbjörg
Birna Sveinbjörnsdóttir frambjóðandi
og Auður Lilja Erlingsdóttir, fram­
kvæmdastjóri VG.
Ráðstefnan er skipulögð af Stelp­
um í stjórnmálum sem er hópur ungra
kvenna sem starfað hafa innan stjórn­
málaflokka. Það sem hópurinn á sam­
eiginlegt er að þær telja að hvetja þurfi
fleiri konur til þátttöku í pólitík. „Í ljósi
þess að okkur fannst vanta upp á þátt­
töku ungra kvenna í stjórnmálaum
ákváðum við að taka okkur saman og
reyna að virkja ungar konur. Í hópn­
um fæddist hugmyndin að þessari
þverpólitísku stelpuráðstefnu,“ segir
Rósanna Andrésdóttir, sem er á með­
al þeirra sem komu að skipulagi ráð­
stefnunnar, í tilkynningu um ráð­
stefnuna. „Við sem að henni stöndum
komum allar úr mismunandi flokk­
um en erum sammála um að það
skipti öllu máli að virkja ungar konur
til að taka þátt, hvar sem þær kjósa að
starfa.“ n
aðalsteinn@dv.is
Afskrifar kúlu-
lán Elmars
Íslandsbanki þarf að afskrifa 281
milljónar króna kúlulánaskuld
gjaldþrota félags núverandi for­
stöðumanns verðbréfamiðlunar
hjá bankanum. Elmar Svavarsson
fékk 171 milljónar króna kúlulán
hjá Glitni í gegnum félagið Geir­
mundartind ehf. til þess að kaupa
hlutabréf í bankanum í maí 2008.
Elmar var einn fjölmargra stjórn­
enda og yfirmanna Glitnis sem
fengu slík lán hjá bankanum fallna
í gegnum nýstofnuð eignarhalds­
félög nokkrum mánuðum fyrir
hrun. Nafni Geirmundartinds ehf.
var breytt í AB 161 ehf. í nóvember
árið 2011 en það var úrskurðað
gjaldþrota 21. nóvember 2012.
Samkvæmt tilkynningu í Lög­
birtingablaðinu í dag lauk skipt­
um á þrotabúi þess 5. mars síð­
astliðinn. Engar eignir fundust í
búinu og ekkert fékkst greitt upp í
rúmlega 281 milljónar króna kröf­
ur í það. Íslandsbanki þarf því af
afskrifa kröfur á enn einn starfs­
mann sinn.
Við pallborðið Katrín Júlíusdóttir
fjármálaráðherra er ein þeirra kvenna úr
íslenskum stjórnmálum sem talar á ráð-
stefnunni. Mynd Sigtryggur Ari
Vændissíðu
lokað
Íslensku vændissíðunni, sem DV
fjallaði um á miðvikudaginn, var
lokað í kjölfar umfjöllunarinnar.
Heimasíðan var aðgengileg á
þriðjudagskvöld en um hádegis­
bil á miðvikudag hafði henni verið
lokað.
Á síðunni, sem var á ensku, var
kynlífsþjónusta íslenskra kvenna
falboðin. Hægt var að velja úr
ýmiss konar kynlífsathöfnum
sem báru misósmekkleg heiti
úr verðlista, eða einhvers konar
„matseðli“ eins og það var kallað.
Lögreglan á höfuðborgarsvæð­
inu hafði ekki heyrt af síðunni
þegar DV vann að málinu en sagði
að til stæði að rannsaka málið í
kjölfar ábendingar blaðsins.
K
arlmaður á þrítugsaldri var
á miðvikudag úrskurðaður
í gæsluvarðhald til 27. mars
næstkomandi, grunaður um
að hafa valdið dauða fimm
mánaða dóttur sinnar. Stúlkan var
flutt með sjúkrabíl á spítala á sunnu­
dagskvöldið og lést þar nokkrum
klukkustundum síðar. Faðir hennar
hafði verið einn með henni heima og
er hann grunaður um að hafa valdið
dóttur sinni innvortis áverkum en
móðirin er ekki grunuð um að hafa
komið þar nærri.
Bráðabirgðaniðurstöður rann­
sóknar réttarlæknis benda til þess
að dánarorsök hafi verið blæð­
ingar í heila. Engir ytri áverkar voru
á líkama né höfði barnsins og þykir
það benda til þess að um svokall­
aðan hristing eða „Shaken Baby
Syndrome“, skammstafað SBS, sé að
ræða. Þá er barnið hrist svo harkalega
að banvænir áverkar hljótast af. Skipt­
ar skoðanir hafa verið innan lækna­
vísindanna um heilkennið.
Faðirinn grunaður um verknaðinn
„Aðstæður eru þannig að grunur fell­
ur á föðurinn en ekki móðurina. Það
er á grundvelli rannsóknarhagsmuna
sem hann er settur í gæsluvarðhald.
Hann er grunaður um að hafa valdið
barninu þessum áverkum,“ segir Frið­
rik Smári Björgvinsson, yfirmaður
rannsóknardeildar lögreglunnar á
höfuðborgarsvæðinu, um málið.
Hann vill ekki tjá sig meira um málið
að svo stöddu. „Málið er bara á frum­
stigi og rannsókn í fullum gangi. Það
liggja fyrir þessar bráðabirgðaniður­
stöður,“ segir hann. Hann segist ekki
geta gefið upp hvað hafi komið fram í
yfirheyrslum yfir manninum.
Skipti um skoðun
Eitt annað mál sem snýr að andláti
barns, þar sem grunur hefur verið um
að barnið hafi látist af völdum SBS
hefur komið upp hérlendis. Dagfaðir
var dæmdur í Hæstarétti árið 2003 í
átján mánaða fangelsi fyrir að hafa
orðið níu mánaða barni að bana.
Maðurinn neitaði alltaf sök en var
þrátt fyrir það sakfelldur.
Í viðtali sem Elín Hirst tók við dr.
Waney Squier, og birtist í Nýju Lífi í
nóvember 2011, komu fram ný sjón­
armið um SBS. Dr. Waney, sem er
einn virtasti taugasérfræðingur Bret­
lands, hefur í rúm þrjátíu ár rann­
sakað barnsheilann. Hennar skoðun
á SBS hefur gjörbreyst undanfarin ár
vegna nýrra rannsókna á heilkenninu
og telur hún að um helmingur dóma
í slíkum málum séu rangir. Sjálf var
hún eitt aðalsérfræðivitni í einu fræg­
asta SBS­máli sem komið hefur upp
þegar breska móðirin Lorraine Harris
var dæmd í þriggja ára fangelsi árið
2001 fyrir að hafa banað fjögurra og
hálfs mánaða syni sínum. Dr. Waney
skipti um skoðun í málinu eftir frekari
rannsóknir og dómurinn yfir Lorraine
var ógiltur í kjölfarið, árið 2005.
Afstaða sérfræðings gjörbreytt
„Nýjustu vísindarannsóknir sýna
að greining á SBS er óáreiðanleg.
Viktoría Hermannsdóttir
blaðamaður skrifar viktoria@dv.is
Shaken Baby Syndrome
„Shaken Baby Syndrome“ er sjúkdómsgreining yfir áverka sem
verða af völdum harkalegs hristings eða hristings og högga
á höfuð ungbarna. Engir sýnilegir áverkar eru á barninu en
innvortis eru áverkar sem hæglega geta dregið barnið til dauða.
Áverkum er lýst sem blæðingum inn á heila, heilabjúg og blæð-
ingum í lithimnu augans. Einkennin geta verið væg og valdið
pirringi, slappleika eða skjálfta en þau geta líka verið meiri
háttar og þá geta þau lýst sér sem krampi, meðvitundarleysi og
jafnvel valdið dauða. Það getur komið fyrir að áverkar séu það
miklir að barnið deyi innan fárra klukkustunda frá hristingnum.
Ástæðan er sú að engir vitnisburðir eru
til um að barn sem annars er heilbrigt
geti orðið fyrir meiri háttar áfalli vegna
hristings. Líftæknilegar rannsókn­
ir hafa sýnt að áhrif hristings á heila
barns eru mun minni en til dæmis ef
barnið dettur, þrátt fyrir að fallið sé
ekki hátt, eða verður fyrir höggi,“ sagði
dr. Wanye í fyrrgreindu viðtali. Hún
sagði þrjú helstu einkenni heilkennis­
ins; blæðingu inn á heilastofn, blæð­
ingu í sjónhimnu og bjúgmyndun í
heila, einnig geta orsakast af mörg­
um öðrum ástæðum. Í viðtalinu segir
hún nýjar rannsóknir hafa gjörbreytt
afstöðu hennar. „Rannsóknir Gedd­
es frá árinu 2001 sýndu að börn sem
talin voru hafa látist af völdum áverka
af mannavöldum, vegna hristings og
sýndu áðurnefnd þrjú einkenni sem
talin hafa verið grundvöllur heilkenn­
isins SBS létust í raun af völdum heila­
bjúgs og súrefnisskorts en ekki vegna
skemmda og rofs á taugavef í heila.
Þetta var afar mikilvægt atriði og vakti
spurningar um það hvort barnið hefði
orðið fyrir áverkum af mannavöldum
yfirleitt. Einnig er talið að nokkur tími
geti liðið frá því að barn sem fær heila­
bjúg af völdum höggs, falls eða súrefn­
isskorts, sýni önnur einkenni en pirr­
ing eða lystarleysi, og þar til að sjálft
áfallið ríður yfir,“ sagði hún einnig í
viðtalinu.
Tekið skal fram að einungis er um
bráðabirgðaniðurstöður úr krufn­
ingu á fimm mánaða stúlkunni að
ræða en vikur eða mánuðir geta liðið
áður en niðurstöður fást úr krufn­
ingunni. n
n Faðir í gæsluvarðhaldi grunaður um hafa valdið andláti dóttur sinnar
„Aðstæður eru
þannig að grunur
fellur á föðurinn en ekki
móðurina.