Dagblaðið Vísir - DV - 22.03.2013, Blaðsíða 6

6 Fréttir 22.–24. mars 2013 Helgarblað
Þvert á viljann
n Óforsvaranlegt að ríkið selji landsvæði
L
andsbyggðarflokkurinn hafnar
með öllu þeim samningi sem
ríkis stjórnin hefur gert við
Reykjavíkurborg um sölu á land­
svæði í Vatnsmýrinni undir íbúða­
byggð og telur að með honum sé ver­
ið að stíga skref í átt að lokun hluta eða
allrar flugstarfsemi á svæðinu þvert
á vilja meirihluta þjóðarinnar. Flokk­
urinn telur það óforsvaranlegt að ríkið
selji land í eigu þjóðarinnar til handa
Reykjavíkurborg án allrar umræðu
þegar um svo umdeilt mál er að ræða.
„Ætli tilgangur og titill Reykja­
víkur sem höfuðborg landsins alls
að halda vatni er það lágmarkskrafa
að þjóðin öll hafi greiðan aðgang að
þeirri grunnþjónustu og stjórnsýslu
sem þar er haldið úti og haldið í lág­
marki á landsbyggðinni undir þeim
formerkjum að hana sé hægt að sækja
til Reykjavíkur,“ segir í ályktun Lands­
byggðarflokksins um málið.
Landsbyggðarflokkurinn telur ljóst
að verði áformum Reykjavíkurborgar
um flutning flugvallarins úr Vatns­
mýrinni haldið til streitu verði alger
forsendubrestur í ýmsum stærri mál­
um sem brenna á þjóðinni. „Svo sem
bygging hátæknisjúkrahúss, sam­
dráttur í þjónustu og stjórnsýslu á
landsbyggðinni og þá staðsetning nýs
flugvallar.“ n
É
g bara veit það ekki. Liggur
nokkuð ljóst fyrir hvað er að
gerast á Kýpur? Eigum við
ekki bara að sjá til hvað gerist
þarna,“ segir Þorsteinn Már
Baldvinsson, forstjóri og eigandi
sjávarútvegsfyrirtækisins Sam­
herja, um áhrif á skattlagningar
stjórnvalda á Miðjarðarhafseynni
Kýpur á eignir Samherja þar í
landi.
Stjórnvöld á Kýpur ætla að leggja
sérstakan skatt á bankainnistæður
þar í landi vegna slæmrar stöðu
bankakerfisins á Kýpur; nota á fjár­
magnið til að hjálpa til við að bjarga
bankakerfinu. Aðgerðirnar munu
meðal annars koma niður á rúss­
neskum auðkýfingum sem geyma
háar fjárhæðir á Kýpur. Spurningin
er hvort aðgerðirnar muni hafa ein­
hver áhrif á eignir Samherja þar í
landi.
Viðræður í gangi um sölu á
Afríkuútgerðinni
Samherji á eignir í gegnum kýp­
versk dótturfélög sem metnar eru
á um 20 milljarða króna. Um er
að ræða útgerð Samherja í Afríku,
eina sjö verksmiðjutogara sem ís­
lenski útgerðarrisinn keypti af
Sjólaskipum árið 2007. Samherji
hefur síðustu vikurnar átt í samn­
ingaviðræðum við rússneskt út­
gerðarfélag, Murmansk Troll Fleet,
um að selja Afríkuútgerðina til
fyrir tækisins.
Þorsteinn Már segir að viðræð­
urnar við rússneska útgerðarfyrir­
tækið standi enn. „Þetta er eitt
stærsta útgerðarfélag Rússlands.
Þeir hafi alla burði til þess að kaupa
þetta ef þeir vilja. Þetta er bara mjög
öflugt og flott fyrirtæki,“ segir Þor­
steinn Már. Hann tekur fram að
Samherji sé „ekki að reyna að selja
eignirnar“ en að þessi aðili hafi lýst
„yfir áhuga á að kaupa þær“. Hvat­
inn að viðræðunum kemur því frá
rússneska fyrirtækinu. „Þessum
viðræðum er ekki lokið,“ segir Þor­
steinn Már.
Um 20 milljarða eignir
Kýpversk dótturfélög Samherja heita
Fidelity Bond Investments Ltd. og
Miginato Holdings Ltd. Félag Sam­
herja sem heldur utan um eignirnar
á Kýpur er íslenskt og heitir Polaris
Seafood ehf.
Polaris Seafood var eitt af þeim
fyrirtækjum á Íslandi sem skilaði
hvað mestum hagnaði árið 2009,
samtals 3,9 milljörðum. Félagið var
í tuttugasta sæti yfir þau félög sem
skiluðu mestum hagnaði í landinu
það árið.
Þessi tvö aflandsfélög Sam­
herja á Kýpur eiga svo nokkur önn­
ur dótturfélög íslenska útgerðar­
félagsins í Evrópu. Þannig er að finna
upplýsingar um það á internetinu
að þýska félagið DFFU haldi utan
um eignarhluti Samherja í pólska
útgerðarfélaginu Atlantex Spolka
Z.o.o. Atlantex virðist svo aftur hafa
verið stofnað af Miginato Holdings
Limited samkvæmt upplýsingum í
pólsku hluthafaskránni.
Þá kemur fram á færeyskri vefsíðu
að nýstofnað dótturfélag Samherja
þar í landi, 5656 Sp/f Geysir, hafi
verið stofnað af Miginato Holdings
Ltd. þar í landi síðastliðið haust. Orð­
rétt segir um stofnanda Geysis á vef­
síðunni: „Miginato Holdings Ltd.,
284 Arch. Makarios III Ave., 3105
Limassol.“
Svo virðist því sem eignarhaldið
á nokkrum af erlendum dótturfyrir­
tækjum Samherja sé í gegnum kýp­
versku eignarhaldsfélögin. Hagnaður
af rekstri þessara félaga ætti því að
enda hjá félögunum á Kýpur. Þangað
rennur hagnaður Samherja af hluta
erlendrar starfsemi sinnar.
Þorsteinn Már segir, þráspurður,
um möguleg áhrif aðgerða stjórn­
valda á Kýpur: „Ég ætla ekki að fara
að tjá mig um eitthvað sem ég veit
ekkert um.“ Áhrif aðgerða kýpverskra
stjórnvalda á þessar eignir Samherja
á eynni liggja því ekki enn fyrir ef
marka má orð Þorsteins Más. n
n Útvegsfyrirtækið Samherji á nærri 20 milljarða króna eignir á Kýpur
Ingi Freyr Vilhjálmsson
fréttastjóri skrifar ingi@dv.is
Óvíst með áhrifin
á Kýpureignirnar
„Ég ætla ekki að
fara að tjá mig
um eitthvað sem ég
veit ekkert um
Áhrifin liggja ekki fyrir Þorsteinn Már segir að áhrif
vegna boðaðra aðgerða kýpverskra stjórnvalda, meðal
annars skattaálagningu á erlendrar eignir, liggi ekki
fyrir. Eignarhald Samherja á Afríkuútgerð sinni, meðal
annars togaranum Heinaste, er í gegnum Kýpur.
Mál Karls
Vignis til
saksóknara
Rannsókn á málum Karls Vignis
Þorsteinssonar sem játað hefur
stórfelld kynferðisbrot á fjölda
einstaklinga gegnum tíðina er
lokið og framhald málsins er nú
hjá saksóknara. Sjálfur verður
Karl Vignir áfram í varðhaldi
fram í apríl hið minnsta. Ítrekuð
og alvarlega brot Karls Vignis
komust í hámæli í byrjun janúar
þegar Kastljós sýndi upptökur þar
sem Karl játaði brot gegn fjölda
einstaklinga. Nokkrum árum áður
hafði DV fjallað mikið um Karl
Vigni og ásakanir á hendur hon­
um af hálfu fjölda einstaklinga.
Heimilin skulda
1.700 milljarða
Útlán til íslenskra heimila
hafa lækkað sem hlutfall af
vergri landsframleiðslu á
undanförnum árum. Útlán á síð­
asta ári námu alls 1.659 milljörð­
um króna og voru þar af 1.135
milljarðar vegna íbúðalána.
Þetta þýðir að lán til heimilanna
námu 97 prósentum af lands­
framleiðslu árið 2012. Til saman­
burðar var hlutfallið 119 prósent
árið 2007 en það er það hæsta
sem hlutfallið var á tímabilinu
2005 til 2012. Í krónum talið hafa
lánin hins vegar aldrei verið jafn
mikil. Þetta kemur fram í svari
Steingríms J. Sigfússonar, at­
vinnuvega­ og nýsköpunarráð­
herra, við fyrirspurn Einars K.
Guðfinnssonar, þingmanns Sjálf­
stæðisflokksins, um lán heimila
og fyrirtækja í landinu. Þar kem­
ur einnig fram að mikil aukning
hefur verið á óverðtryggðum lán­
um til heimilanna. Óverðtryggð
lán námu á síðasta ári 290 millj­
örðum króna samanborið við
103 milljarða árið 2005.
Á móti Flokkurinn segir það lágmarkskröfu
að þjóðin hafi greiðan aðgang að þjónustu.