Dagblaðið Vísir - DV - 22.07.2013, Síða 18

18 Sport 22. júlí 2013 Mánudagur
Gat ekki helgað sig starfinu
n Þjálfari Barcelóna lætur af störfum vegna krabbameins
Þ
ær meðferðir sem fram undan
eru hjá mér eru af því taginu
að ég get ekki helgað mig
starfinu eins og þarf og því
stíg ég til hliðar,“ segir Tito Vilanova,
sem hætti skyndilega sem þjálfari
Barcelóna um helgina. Ástæðan er
krabbameinsmeðferð sem hann þarf
að ganga í gegnum en hann hefur
verið töluvert frá starfi sínu vegna
krabbameins í heila eftir að hann tók
við þjálfarastarfinu af Pep Guardiola
árið 2012.
Þetta er áfall fyrir þjálfarann en
ekki síður klúbbinn en Vilanova
var handvalinn af Guardiola sökum
þess að báðir hafa svipaðan þjálf­
unarstíl og eru hlynntir sókndjörf­
um fótbolta sem hefur einkennt leik
Barcelóna undanfarin ár og vakið
öfund annarra félagsliða. Vilanova
vann með Guardiola hjá unglingaliði
Barcelóna frá árinu 2007 og þeir eru
miklir mátar.
Eftir því var tekið síðasta vetur
þegar Vilanova þurfti frá að hverfa
um tíma vegna skurðaðgerðar, að fé­
lagið lék töluvert lakari bolta þann
tíma og tapaði meðal annars eftir­
minnilega og óvænt fyrir AC Mílan
í Meistaradeild Evrópu. Leikmenn
liðsins játuðu fúslega að brotthvarf
þjálfarans þá hefði leikið rullu í því
hversu illa gekk á því tímabili.
Margir eru nefndir til sögunnar
sem næsti þjálfari liðsins og víst að
Barcelóna getur valið hvern þann
mann sem þeir kjósa. Nafn Michael
Laudrup hefur meðal annars komið
upp þó Daninn neiti því að eitthvað
sé hæft í þeim fréttum. Líklegra þyk­
ir þó að forráðamenn Barcelóna velji
innanbúðarmann og helst er þar
nefnt til sögunnar að Joan Francesc
Ferrer taki við stjórninni tímabund­
ið meðan leit stendur yfir að þjálf­
ara til lengri tíma. Skammur tími er
þó til stefnu ætli menn að ráða áður
en keppnistímabilið hefst á Spáni í
næsta mánuði. n
Moyes vill
Cabaye
Einn besti leikmaður Newcastle,
Yohan Cabaye, kann að hefja leik­
tíðina undir stjórn David Moyes
hjá Manchester United ef marka
má breska miðla. Moyes hefur
mikinn áhuga á að fá Frakkann
til liðs við United og sjálfur sagð­
ist Cabaye í vor að hann myndi
ekki loka dyrunum að fara ann­
að ef gott boð kæmi. Moyes vill
styrkja miðjuna hjá liði sínu og
Cabaye hefur staðið sig vel í ensku
deildinni og þykir ómissandi af
hálfu eigenda Newcastle. Ólíklegt
er að þeir geti staðið í vegi fyrir
að hann fari ef Moyes ákveður að
gera formlegt tilboð en það kemur
í ljós fljótlega ef af verður.
Spurs vilja fleiri
sóknarmenn
Búast má við að Gylfi Sigurðsson
falli frekar niður goggunarröð­
ina hjá Tottenham ef liðinu tekst
að klófesta spænska framherjann
Roberto Soldado frá Valencia en
heimildir Sunday Express herma
að tilboð liggi á borðinu. Íslend­
ingurinn náði ekki að tryggja sér
fast sæti í liðinu á síðustu leiktíð
en fékk þó töluverðan leiktíma
og ekki annað vitað en hann sé
enn í áætlunum þjálfarans. Ljóst
er þó að liðið ætlar sér að fá einn
sóknarmann til viðbótar fyrir leik­
tíðina en Daily Star segir að gangi
ekki að fá Soldado sé vilji til að
bjóða í Loic Remy hjá QPR eða
Brasilíumanninn Leandro Dami­
ao sem leikur í heimalandinu.
Higuain til
Napolí
Fullyrt er að ítalska liðið Napolí
hafi klófest Gonzalo Higuain
sóknarmann Real Madrid en á
þeim kappa hefur Arsenal haft
mikinn áhuga og gert minnst tvö
tilboð sem hefur verið hafnað.
Sjálfur vildi Argentínumaður­
inn helst fara til Englands í viðtali
sem hann veitti nýlega en kannski
heillar að taka þátt í uppbyggingu
Napolí undir stjórn hins vin­
sæla Rafa Benitez fyrrum stjóra
Liverpool og Chelsea sem stýrir
ítölsku skútunni og hefur verið
fljótur að ráða til sín fólk og hefja
uppbyggingu. Það yrði súrt fyrir
Wenger hjá Arsenal ef rétt reynist
því Higuain er þekktasta stjarn­
an sem Wenger hefur viljað fá til
liðsins í sumar.
Tito Vilanova Erfið barátta hans við krabbamein er orsök þess að hann hættir skyndilega.
É
g er ótrúlega ánægð að hafa
náð þessum árangri en þó
ég hafi lengi stefnt að því
að standa mig vel á þessum
tveimur mótum og undirbúið
mig vel þá átti ég ekki von á að það
gengi svona vel,“ segir hlaupastjarn­
an Aníta Hinriksdóttir, sem gerði
sér lítið fyrir um helgina og vann
sitt annað stórmót í röð í 800 metra
hlaupi. Fyrir rúmri viku varð hún
heimsmeistari ungl inga 17 árar og
yngri í Úkraínu og á laugardag varð
hún Evrópumeistari í flokki nítján
ára og yngri. Stórkostlegur árangur
og betri en nokkur Íslendingur hef­
ur áður náð í frjálsum íþróttum.
Að frátöldum þeim sem fylgjast
með frjálsum íþróttum hérlendis
voru ekki svo margir sem þekktu
nafn Anítu fyrir tíu dögum síðan en
í dag vita allir Íslendingar hver þessi
unga stúlka er og Aníta viðurkenn­
ir sjálf að öll athyglin komi sér dá­
lítið á óvart þó hún skilji hana vel.
Hún lætur hana þó ekki trufla sig og
Heims­ og Evrópumeistarinn ætlar
að setja skólann í fyrsta sæti í vetur.
Er á jörðinni
Aníta sigraði 800 metra hlaupið á
Evrópumóti 19 ára og yngri á tím­
anum 2:01,14 eða örlítið lakari tíma
en hún hljóp til sigurs viku fyrr á HM
17 ára og yngri. Þar hljóp hún á tím­
anum 2:01,13. Besti tími sem Aníta
á í 800 metrunum er þó 2:00,49 sem
hún setti fyrir mánuði síðan á móti í
Þýskalandi.
Þrátt fyrir að vera himinlifandi
með tvo meistaratitla á einni viku er
Aníta mjög niðri á jörðinni og segir
þetta alls ekki vera nóg. Hún ætli sér
mikið meira í greininni.
„Mér finnst þetta afar gaman og
ég vonast til að keppa áfram næstu
árin og að sjálfsögðu langar mig að
bæta mig enn frekar en orðið er. Ég
held ég geti það vel og það er sér­
staklega næsta takmark hjá mér að
bæta minn besta tíma.“
Ætlar að klára menntaskólann
Framundan hjá þessari hlaupa­
drottningu eru mót hér heima og
þar á meðal Meistaramót Íslands
í frjálsum íþróttum og Aníta ætlar
sér líka að keppa á Norðurlanda­
móti 19 ára og yngri sem fram fer í
Finnlandi í næsta mánuði. Þá eru
tvö stórmót erlendis á næsta ári sem
hlaupastjarnan ætlar að taka þátt í
en hún er annars ekki mikið að velta
sér fyrir framtíðinni.
„Ég er nú ekki farin að hugsa
svo mikið um framtíðina þrátt fyrir
allt. Mig langar jú að halda áfram
að bæta mig og á næsta ári keppi
ég í hópi fullorðinna svo það verð­
ur erfiðara en annars hef ég ekk­
ert sett niður fast hvaða keppnir
ég tek í framtíðinni. Ég veit ekki
heldur hvort ég fer erlendis að
æfa enda aðstaðan heima á Ís­
landi bara mjög fín. Þá finnst mér
skipta máli að klára menntaskól­
ann heima áður en ég fer erlendis
ef ég ákveð það.“
Góð aðstaða á Íslandi
Keppnistímabilinu hjá Anítu lýk­
ur einmitt í lok ágúst þegar skól­
arnir hefjast en hún segir það
lítið mál að æfa, á milli þess sem
hún sækir skólann en hún er búin
með eitt ár í Menntaskólanum í
Reykjavík. „Öll aðstaða til æfinga
heima er mjög góð ólíkt því sem
margir halda og ekkert lakari held
ég en víða erlendis. En skólinn er
í fyrsta sætinu í vetur og svo sé ég
bara til hvað næsta ár ber í skauti
sér. n
Skólinn í fyrsta sæti
n Heims- og Evrópumeistari n Keppir í hópi fullorðinna á næsta ári
Albert Örn Eyþórsson
blaðamaður skrifar ritsjorn@dv.is
„ Skólinn
er í
fyrsta sætinu
í vetur og svo
sé ég bara til
hvað næsta ár
ber í skauti sér
Aníta á jörðinni Þrátt fyrir
stórkostlegan árangur hefur
Aníta Hinriksdóttir báða fætur
á jörðinni og telur mikilvægast
að klára menntaskólann áður
en hún fer að helga sig hlaupum.
Mynd MorGunBlAðið