Dagblaðið Vísir - DV - 28.01.2014, Blaðsíða 14

Vikublað 28.–30. janúar 201414 Fréttir
Ungt fólk lendir á milli í hugmyndum nefndanna
n Verðtryggingarnefndin vill fólk á leigumarkað n Skuldanefndin vill að fólk kaupi
T
illögur tveggja nefnda á vegum
ríkisstjórnarinnar, annars
vegar um skuldaniðurfell­
ingu og hins vegar um afnám
verðtryggingar, rekast í raun á þegar
kemur að séreignarlífeyrissparnaði
þjóðarinnar og hvort hvetja eigi fólk
til að vera á eða fara af leigumarkaði.
Nefndir voru báðar skipaðar af stjórn­
völdum til að finna leiðir að stærstu
kosningaloforðum Framsóknar­
flokksins. Verðtryggingarnefndin
skilaði tillögum sínum í síðustu viku
en þær ganga út á að setja verðtryggð­
um lánum fastari skorður en ekki að
afnema verðtrygginguna.
Af eða á leigumarkað?
Til að koma til móts við leigjendur vill
sérfræðingahópur um niðurfellingar
á verðtryggðum fasteignalánum
styðja við að sá hópur fari af leigu­
markaði og kaupi sér fasteign með
því að þeim verði gert kleift að leggja
séreignarlífeyrissparnaðinn sinn
inn á sérstakan fasteignasparnaðar­
reikning. Hópurinn sem fjallaði um
afnám verðtryggingar vill hins vegar
ýta fleirum út á leigumarkaðinn og
gerir ráð fyrir því í skýrslu sinni að
ungt fólk og lágtekjufólk hafi ekki að­
gang að fasteignalánum.
Í skýrslu verðtryggingarnefndar­
innar er rætt sérstaklega um neikvæð­
ar afleiðingar þess að takmarka enn
frekar hvaða lán má verðtryggja með
þeim hætti sem gert er í dag og hvaða
mótvægisaðgerðir ráðast eigi í vegna
þeirra. Meðal annars er áðurnefnd
ráðstöfun séreignarlífeyrissparnað­
ar en líka að „skapaðar verði aðstæð­
ur fyrir leigumarkað sem tryggi fólki
búsetuöryggi til langs tíma“, eins og
segir í tillögunum en lítið meira um
hvernig það á að gera og vísað í að
það sé á verksviði verkefnastjórnar
um framtíðarskipan húsnæðismála.
Lítið rætt í stefnuskránum
Leigumarkaðurinn hefur stækkað
mikið undanfarin ár og hefur leiga
hækkað talsvert samhliða því. Óvíst
er hvernig leigumarkaðurinn mun
ráða við enn meiri eftirspurn sem
ljóst er að muni skapast gangi tillög­
ur verðtryggingarnefndarinnar eft­
ir. Hugsanlega mun þriðja nefndin, á
vegum félags­ og húsnæðismálaráð­
herra, koma með einn eina tillöguna
um hvernig nálgast eigi leigumarkað­
inn og framboð fasteignalána en hún
er að störfum og vinnur hún að því
að koma með tillögur að framtíðar­
skipan húsnæðismála.
Í stefnuskrám Framsóknarflokks­
ins og Sjálfstæðisflokksins fyrir síð­
ustu kosningar var lítið að finna um
leigumarkaðinn. Sjálfstæðisflokk­
urinn afgreiddi málið með því að
álykta að skoða þyrfti bæði íbúðalán
og að gera leigu að valkosti á íbúða­
markaði. Framsókn ályktaði á svip­
uðum nótum; að skoða þyrfti leigu­
markaðinn. Hvað þessi skoðun átti að
leiða í ljós var hins vegar ekki skýrt í
ályktunum flokkanna. n
adalsteinn@dv.is
Einn vildi lóð
í draugahverfi
Hafnarfjörður hefur bara selt eina lóð í Skarðshlíð þrátt fyrir að miklu hafi verið kostað til
A
ðeins ein lóð af þeim
286 sem Hafnarfjarðar­
bær auglýsti fyrr á árinu
til sölu í Skarðshlíð hefur
selst. Lóðin sem um
ræðir er ætluð fyrir fjölbýlishús en
alls eru 128 lóðir í hverfinu ætl­
aðar undir íbúðarhús. Aðrar lóð­
ir eru ætlaðar atvinnuhúsnæði og
hesthús. Ráðist var í auglýsinga­
herferð vegna lóðasölunnar sem
þó var umdeild meðal bæjarfull­
trúa. Steinunn Þorsteinsdóttir,
upplýsingafulltrúi Hafnarfjarðar­
bæjar, segir að margar fyrirspurnir
hafi borist í kjölfarið en aðeins ein
lóð hafi þó selst. Lóðirnar eru enn
til sölu hjá bænum.
90 prósent fara upp í lán
Skarðshlíð er staðsett syðst í
Hafnarfirði og var búið að úthluta
fjölda lóða fyrir hrun. Eftir efna­
hagshrunið haustið 2008 var lóð­
um hins vegar skilað og bærinn sat
uppi með nær tilbúið hverfi, með
lögnum, brunahönum, hringtorg­
um og göngustígum, án húsa og
íbúa. Það er þó ekki kostnaðar­
laust að klára hverfið en enn á eft­
ir að ganga frá ýmsu þó að margt
sé komið. Minnihlutinn í bæjar­
stjórn Hafnarfjarðar hefur sagt
að það kosti bæinn um tvo millj­
arða króna að klára uppbyggingu
á svæðinu en aðeins hluti sölu­
verðsins skili sér til bæjarins. Um
90 prósent söluverðsins ganga upp
í lán sem Hafnarfjarðarbær skuld­
ar Depfa bankanum.
Skuldastaða Hafnarfjarðarbæjar
hefur verið reglulega í umræðunni
allt frá hruni en sveitarfélagið kom
illa undan því. Í nýjustu skýrslum
eftirlitsnefndar með fjármálum
sveitarfélaga kemur fram að hlut­
fall skulda af tekjum sé einna verst
hjá Hafnarfirði í samanburði við
önnur sveitarfélög á landinu.
Lögðu fé í auglýsingar
Í kjölfar þess að meirihluti bæjar­
stjórnarinnar samþykkti að hefja
sölu lóða í Skarðshlíð var hrundið
af stað auglýsingaherferð þar sem
lóðirnar voru kynntar. Upplýsinga­
fulltrúi bæjarins segir að á meðan
kynningarherferðinni hafi staðið
hafi margir sýnt lóðunum áhuga
og að mikil umferð hafi verið á
heimasíðu bæjarins þar sem lóð­
irnar voru kynntar. Ljóst er hins
vegar að þessi áhugi skilaði bæn­
um litlu. Mánuðum eftir að lóða­
salan fór af stað hefur nær ekkert
af lóðum selst.
„Herferðin var ekki bara hugs­
uð tímabundið, heldur nýtist hún
okkur áfram og er hluti af því sem
við erum núna að vinna að í mark­
aðssetningu lóða á svæðinu og
lóða á iðnaðarsvæðunum,“ segir í
svari upplýsingafulltrúa bæjarins,
Steinunnar, við fyrirspurn DV. Hún
segir að markaðsherferðin hafi
kostað um fimm milljónir króna.
Sá kostnaður hafi farið í mark­
aðsrannsókn, auglýsingar, kynn­
ingardaga, útgáfu og fleira tengt
sölunni. n
Aðalsteinn Kjartansson
adalsteinn@dv.is
Áhugaleysi
Aðeins ein lóð
seldist í Skarðshlíð.
Mynd StefÁn KArLSSon
Ætla að fá
200 milljónir
Samkvæmt fjárhagsáætlun
Hafnarfjarðarbæjar fyrir árið
2014 reiknar bærinn með 200
milljóna tekjum af lóðasölu. „Við
erum mjög bjartsýn á að það
náist, verið er að vinna í mark­
aðssetningu á atvinnulóðum en
þar eigum mjög góðar lóðir sem
liggja vel við samgöngum, stutt
í höfn og alþjóðaflugvöll þannig
að það eru miklir möguleikar í
atvinnulóðunum okkar,“ segir
Steinunn um það markmið.
Hvetja til leigu Sérfræðinganefnd um afnám verðtryggingar vill að búið verði um leigu-
markaðinn þannig að hann verði raunverulegur valkostur. Hún ætlar hins vegar ekki sjálf að
koma með hugmyndir um hvernig það sé gert. Mynd Sigtryggur Ari
„Herferðin
var ekki
bara hugsuð
tímabundið,
heldur nýtist hún
okkur áfram.
Kannabis
í klósetti
Fjórir ökumenn undir áhrifum
fíkniefna voru handteknir af
lögreglunni á Suðurnesjum
um helgina. Allir reyndust þeir
vera undir áhrifum kannabis,
auk annarra efna. Einn öku­
mannanna reyndist hafa neytt
kannabis, amfetamíns og
ópíumefnis. Lögreglan fór í
húsleit á heimili viðkomandi
að fengnum dómsúrskurði. Á
heimili ökumannsins voru víða
merki um fíkniefnaneyslu og
fundu lögreglumenn kanna­
bisefni í risi hússins. Í klósetti
viðkomandi fundust kanna­
bisleifar og viðurkenndi maki
ökumannsins, sem var heima,
að hafa sturtað fíkniefnum nið­
ur þegar lögreglu bar að garði.
Makinn var handtekinn í tengsl­
um við málið.
Strætó æfir
stórslys
Strætó hefur afhent Brunavörn­
um Árnessýslu gamlan strætis­
vagn að gjöf. Vagninn mun
verða notaður við æfingar í
sumar þar sem verður horft til
undirbúnings fyrir stór rútuslys.
„Við höfum miklar áhyggjur
af rútuumferðinni hér í Árnes­
sýslu, en hún er gríðarleg. Við
þurfum að búa okkur undir
að stórt slys verði og því kem­
ur vagninn að góðum notum,“
segir Kristján Einarsson
slökkviliðsstjóri.
Á næsta ári er fyrirhuguð æf­
ing þar sem lögreglan og björg­
unarsveitarmenn taka þátt. Þá
hyggst Strætó fylla vagninn af
fólki til þess að gera æfinguna
eins raunverulega og hægt er.