Dagblaðið Vísir - DV - 29.04.2014, Blaðsíða 23

Umræða Stjórnmál 23Vikublað 29. apríl–1. maí 2014
Borgarframboð
Aðstandendur Nýja Sjálfstæðis­
flokksins, nýs Evrópusinnaðs
hægriflokks, íhuga alvarlega að
bjóða fram lista í komandi borg­
arstjórnarkosningum. Benedikt
Jóhannesson, formaður Sjálf­
stæðra Evrópumanna og einn af
forystumönnum hins nýja flokks,
útilokaði ekki framboð í viðtali
við Fréttatímann. Ljóst er að þeir
þurfa að hafa hraðar hendur því
framboðsfrestur rennur út 10.
maí næstkomandi. Lítið hefur
verið rætt um sveitarstjórnarmál­
in í lokuðum hópi áhugamanna
um stofnun flokksins á Facebook
en eftir að viðtalið við Benedikt
birtist á föstudag voru strax
komnar fram hugmyndir um
framboð í fleiri sveitarfélögum.
Óljóst er hins vegar hvaða mál
flokkurinn myndi setja á oddinn
í sveitarstjórnarmálum enda ekki
til umræðu á því stigi hvort ganga
eigi í Evrópusambandið eða ekki.
Kom öllum
á óvart
Guðni Ágústsson kom mörgum
á óvart þegar hann tilkynnti að
hann ætlaði ekki að gefa kost á
sér til að leiða lista framsóknar­
manna í Reykjavík fyrir komandi
sveitarstjórnarkosningar. Allt virt­
ist klappað og klárt á þriðjudag
og beið forystusveit Framsóknar í
borginni spennt eftir blaðamanna­
fundi Guðna á Reykjavíkurflug­
velli á sumardaginn fyrsta. Það var
svo snemma morguns síðastliðinn
miðvikudag að formaðurinn fyrr­
verandi tilkynnti samstarfsmönn­
um sínum og fjölskyldu að ekkert
yrði af endurkomu hans í stjórn­
málin, samkvæmt heimildum DV.
Eftir stóðu framsóknarmenn með
tóman lista. Leitað hefur verið log­
andi ljósi að nýjum frambjóðanda
til að taka oddvitasætið en nýr listi
verður kynntur í dag.
K
osningavefur DV verður opn­
aður í byrjun maí. Þar verða
upplýsingar um frambjóðend­
ur í öllum sveitarfélögum með
fleiri en þúsund íbúa, sem eru 32 tals­
ins. Vefurinn er unninn af nýmiðla­
deild og ritstjórn DV.
Auk áður nefndra upplýsinga gefst
frambjóðendum í efstu sætum hvers
lista færi á að svara sérstöku kosn­
ingaprófi þar sem þeir gefa upp af­
stöðu sína til hinna ýmsu mála. Sér­
stakur spurningalisti er lagður fyrir í
hverju af hinum 32 sveitarfélögum.
Þetta próf geta svo kjósendur tekið og
fundið út með hvaða frambjóðanda
og framboði þeir eiga mesta málefna­
lega samleið. Á vefnum verður líka að
finna allar fréttir sem snúa að sveit­
arstjórnarkosningunum með ein­
um eða öðrum hætti. Vefurinn verð­
ur stöðugt uppfærður eftir því sem
nýjar fréttir berast og ef fram koma ný
framboð. Þá býðst frambjóðendum
einnig að skrifa greinar á vefinn og
gefa kjósendum nánari upplýsingar
um sjálfa sig; bæði pólitíska stefnu og
persónuleg málefni.
Vefnum svipar til kosningavefs DV
sem settur var upp fyrir síðustu al­
þingiskosningar. Þann vef sóttu tug­
þúsundir einstaklinga en um það bil
72 þúsund tóku kosningaprófið sem
þá var lagt fyrir. Hátt í eitt hundrað
greinar voru skrifaðar af frambjóð­
endum en um 270 frambjóðendur
tóku þátt í kosningaprófinu.
Kjósendur eru hvattir til að koma
á framfæri hitamálum í sveitarfé­
laginu sínu. Hægt er að senda upp­
lýsingar og spurningar á netfangið
kosningar@dv.is. n
Kosningavefur DV 2014 opnaður í maí
Ítarlegar upplýsingar um 32 stærstu sveitarfélögin
Engar lagabreytingar
vegna aðildarviðræðna
Ráðherrar krafðir svara um meinta aðlögun að Evrópusambandinu
F
imm af níu ráðherrum ríkis­
stjórnarinnar segja að eng­
um lögum sem heyra und­
ir verksvið þeirra hafi verið
breytt vegna aðildarvið­
ræðna Íslands við Evrópusam­
bandið. Þetta kemur fram í svörum
þeirra við fyrirspurnum Guðbjarts
Hannessonar, þingmanns Sam­
fylkingarinnar, sem lagði sam­
hljóðandi fyrirspurn fyrir alla ráð­
herrana nýverið.
Fjórir eftir að svara
Þeir ráðherrar sem hafa svarað eru
Eygló Harðardóttir, félags­ og hús­
næðismálaráðherra, Gunnar Bragi
Sveinsson utanríkisráðherra, Sig­
urður Ingi Jóhannsson, sjávarút­
vegs­ og landbúnaðarráðherra,
Kristján Þór Júlíusson heilbrigðis­
ráðherra og Illugi Gunnarsson,
mennta­ og menningarmálaráð­
herra.
Enn eiga Bjarni Benediktsson
fjármálaráðherra, Sigmundur Dav­
íð Gunnlaugsson forsætisráðherra,
Ragnheiður Elín Árnadóttir, iðnað­
ar­ og viðskiptaráðherra, og Hanna
Birna Kristjánsdóttir innanríkis­
ráðherra eftir að svara sem og Sig­
urður Ingi í nafni umhverfisráð­
herra, en hann gegnir embætti í
tveimur mismunandi ráðuneytum.
Fyrirspurnirnar voru lagðar fyrir í
marsmánuði.
Segir erfitt að greina á milli
Í svörum ráðherranna kemur fram
að nokkrar breytingar hafi verið
gerðar á grunni EES­samnings­
ins sem hefði líka þurft að gera til
að klára aðildarviðræður við ESB í
ákveðnum köflum. Engar af þeim
breytingum stafa hins vegar af við­
ræðunum einum saman.
Í svari Eyglóar kemur reyndar
fram að ráðuneytið telji ekki hægt
að greina á milli þeirra breytinga
sem gerðar hafa verið vegna EES
og þeirra sem hugsanlega hefðu
verið gerðar vegna aðildarvið­
ræðnanna „… þar sem ætla má
að framkvæmdastjórn Evrópu­
sambandsins hefði gert við það
athugasemdir í samningavið­
ræðunum hefði innleiðing ekki
átt sér stað,“ eins og það er orðað
í svarinu.
Engin aðlögun átt sér stað
Þessi niðurstaða þýðir að ekki er rétt
sem haldið hefur verið fram að að­
ildarviðræður Íslands að Evrópu­
sambandinu séu aðlögunarferli;
engin aðlögun að regluverkinu
hefur átt sér stað frá því að viðræð­
urnar hófust árið 2009. Þetta er í
samræmi við það sem áður hef­
ur komið fram. Össur Skarphéð­
insson, sem var utanríkis ráðherra
þegar aðildarviðræðurnar hófust,
sagði til að mynda á Beinni línu
DV að tryggt hefði verið að engin
aðlögun ætti sér stað fyrr en eftir
þjóðaratkvæðagreiðslu um samn­
ing. „Eitt af því sem við náðum
fram er að þurfa ekki að aðlaga fyrr
en þjóðin hefur goldið jáyrði. Það
var fyrsti samningasigurinn,“ sagði
hann. n
Aðalsteinn Kjartansson
adalsteinn@dv.is
Óaðlagað Ísland hefur ekki verið lagað að Evrópusambandinu, samkvæmt svörum fimm af níu ráðherrum að dæma. Allar breytingar sem
hafa verið gerðar vegna Evrópusambandsins eru tilkomnar vegna EES en ekki aðildarviðræðnanna.
Skýr svör Ráðherrarnir sem svarað hafa fyrirspurn Guðbjarts hafa gefið afdráttarlaus svör.
Vill ekki
neikvæðni
gagnvart EES
Gunnar Bragi Sveinsson varaði
við neikvæðri umræðu um EES­
samninginn í ræðu sinni á aðal­
fundi Íslandsstofu sem haldinn
var á mánu­
dag. Þar sagði
hann slíka
umræðu ekki
breyta neinu
um stefnu
stjórnvalda í
Evrópumál­
um. „Við ætl­
um ekki að
verða hluti af
Evrópusambandinu og því er EES­
samningurinn okkar tenging við
Evrópumarkaðinn, enda ekki ann­
að í boði ef ekki er gengið alla leið,“
sagði hann í ræðunni. Sagði hann
líka að þeir sem vildu öruggan að­
gang að evrópskum markaði ættu
ekki að taka þátt í slíku.
Gunnar Bragi
Sveinsson