Dagblaðið Vísir - DV - 29.04.2014, Blaðsíða 6

6 Fréttir Vikublað 29. apríl–1. maí 2014
50% afsláttur af nammibarnum
alla föstudaga og laugardaga
Ódýrasti
ísinn í
hverfinu!
Söluturn
Ísbúð
Vídeóleiga
Réttarholtsvegi 1 • 108 Reykjavík • Sími 553 5424
Kúlan
KÚLAN KLIKKAR EKKI
KaKKalöKKum
fjölgar á Íslandi
n Bólfesta merki um óþrifnað n Flytjast milli íbúða í gegnum loftrásir
H
úsakakkalakkinn, eða þýski
kakkalakkinn eins og hann
er einnig kallaður, er sú
tegund kakkalakka sem
hefur gert sig heimkomna
á Íslandi um árabil. Tilvikum þar
sem sú tegund kakkalakka nær ból-
festu í húsakynnum virðist fjölga
með hverju árinu ef marka má annir
meindýraeyða. Vandamálið er land-
lægt að sögn skordýrafræðings.
„Það er meira í ár en í fyrra og í
fyrra var meira en árið áður,“ segir
Steinar Smári Guðbergsson hjá fyrir-
tækinu Meindýraeyðir Íslands. Hann
segir að hægt og rólega hafi útköllum
farið fjölgandi í Reykjavík.
Slæmt í fjölbýlishúsum
Á þessu ári hefur Steinar tíu sinnum
verið kallaður út vegna kakkalakka
og það er meira en hefur verið. „Það
er rosalega slæmt ef þetta
kemur í fjölbýlis hús. Þá
er þetta að dreifa
sér yfir í hinar
íbúðirnar og yfir
allt í gegn-
um loft-
rásirnar.
Þeir skríða
út úr einni
loftrás og þá
eru þeir komnir
inn.“
Steinar segir að ef kakka-
lakki sest að í íbúðarhúsnæði sé
það merki um óþrifnað. „Ef hon-
um líður vel þá fær hann nóg að éta,
fær hita og vatn að drekka, ef hann
hefur allt þetta þrennt og nóg af því
þá fer hann að fjölga sér heima hjá
þér. Þetta er aðallega hjá fólki sem
er ekki að þrífa mikið heima hjá sér,
svo sem hjá fólki þar sem matarleifar
detta mikið á gólfið og enginn þrífur
þær upp. Eða gengur ekki frá matn-
um og hefur hann uppi við.“
Steinar segir að ef kakkalakki festi
rætur í einni slíkri íbúð í fjölbýlis-
húsi geti hann farið að dreifa sér um
bygginguna. Á þessu ári hefur mein-
dýraeyðirinn tvisvar þurft að eyða
kakkalökk-
um úr fjölbýl-
ishúsi.
Kakkalakkinn erfiður
Aðspurður um fjölgun kakka-
lakka segir Ólafur Sigurðsson hjá
Meindýraeyðingu Reykjavíkur að
þeim hafi fjölgað
jafnt og þétt með
árunum. Hann
segir stund-
um taka
nokk-
ur skipti
að eyða
þeim. Þeir séu
næmir á eitr-
ið og geti flúið í
önnur herbergi.
„ Málið með kakkalakk-
ann er að hann er erfiður, eins og
veggjalúsin. Þetta er með því
erfiðara sem maður á við.
Sérstaklega þegar fólk
hefur látið þetta grass-
era mjög lengi þá höfum
við þurft að eitra hátt og lágt í
heilu húsunum,“ segir Ólafur en
dæmi eru um að kakkalakkar fari
jafnvel á milli stigaganga í blokkum.
Ólafur segir kakkalakkana berast
með fólki sem er að koma að utan.
Fólk af erlendu bergi brotið er lík-
legra til að sjá kakkalakka í heima-
landi sínu og finnst það því síður til-
tökumál að sjá þá Íslandi, á meðan
Íslendingar séu líklegri til að kippa
sér upp við einn. „Þetta hefur svolítið
verið vandmálið, þetta hefur grass-
erað umfram það sem ætti að gera.
Það er bara hvernig fólk skynjar um-
hverfið sitt á annan hátt.“ n
Salka Margrét Sigurðardóttir
salka@dv.is
Kakkalakki
á Íslandi Einn
þeirra kakkalakka
sem Steinar hefur
þurft að takast á við.
Mynd Steinar SMári Ungur kakkalakki Kakkalakki á upp-
vaxtarárum Mynd Steinar SMári GUðberGSSon
Búið að greiða verktökum
Feðgar skulduðu vegna byggingar Stracta-hótelsins á Hellu
A
llir verktakar sem áttu eftir
að fá greitt frá þeim feðgum
Hreiðari Hermannssyni og
Hermanni Hreiðarssyni,
hafa nú fengið greitt. Í byrj-
un mars greindi DV frá því að mikill
hiti hefði verið í verktökum sem voru
saman komnir á veitingastaðnum
Kanslaranum á Hellu í hádegismat,
en þangað leggja margir leið sína
sem vinna við byggingu hótels sem
þeir feðgar byggja. Ástæðan var sú
að margir fengu ekki greitt fyrir sína
vinnu, en Hreiðar viðurkenndi þá að
illa gengi að fá lán til þess að hægt
væri að greiða verktökunum.
Hreiðar segir í samtali við DV að
engir reikningar séu útistandandi,
nú þegar fjármögnun sé klár og lána-
lína hafi verið opnuð. Framan af
gekk mjög illa að fá fjármögnun, en
afgreiðsla umsóknar þess efnis var
lengi í afgreiðslu. „Hver einasti aðili
hefur fengið greitt, alveg sama hvort
það eru verktakar eða birgjar. Það er
mjög alvarlegt að menn séu að halda
svona fram, þetta er hundrað prósent
lygi. Inni á okkar reikningi eru hund-
ruð milljóna og hvers vegna ætti ég
ekki að greiða reikninga? Menn gátu
kvartað frá því í janúar og fram í mars
eða byrjun apríl, því ég var í vandræð-
um með lausafé. Síðan þá hef ég selt
eignir og fengið lánalínu. Ég dreg enga
reikninga,“ segir Hreiðar.
Hreiðar segist ekki skilja hver
ástæðan sé fyrir því að afgreiðsla um-
sóknarinnar hafi tafist svo. „Fólk hef-
ur trú á því sem við erum að gera og
lánalínan sem hefur nú verið opnuð
sýnir það líka. Eins gefur það góð fyrir-
heit að búið er að bóka hótelið frá júní
fram í september, og við erum farn-
ir að horfa á næstu verkefni.“ Hreið-
ar og Hermann greindu frá því í lok
janúar að þeir stefndu að tæplega 18
milljarða fjárfestingu í hótelum víðs
vegar um landið, sem verða partur
af Stracta-hótelkeðjunni. Hótelin eru
að mestu byggð með húseiningum
sem áður voru starfsmannaíbúðir hjá
Fjarðaáli í Reyðarfirði. n
rognvaldur@dv.is
Stracta-
hótelið á Hellu
Vill reykinga-
bann í Kópavogi
Ákvæði um að banna reykingar
á opnum svæðum í Kópavogi er
í nýrri lögreglusamþykkt sem er
nú undir höndum bæjarstjórnar
Kópavogs. Ómar Stefánsson,
bæjarfulltrúi Framsóknarflokks-
ins, stendur fyrir ákvæðinu.
Bæjarstjórn Kópavogs hyggst
ræða tillöguna þann 8. maí en í
samtali við Morgunblaðið þorði
Ómar ekki að segja til um hvort
einhugur væri í stjórninni um
reykingabannið. Ómar telur að
ákvæðið myndi hvetja reykinga-
fólk til þess að taka tillit til þeirra
sem reykja ekki.
Ekki synda
í Pollinum
Gera má ráð fyrir töluverðri
skólpmengun í Pollinum og
við Oddeyrartanga næstu daga
vegna framkvæmda við fráveitu-
kerfið á Akureyri.
Sjórinn og ströndin verða því
ekki hæf til sjósundsiðkunar eða
útivistar á þessum tíma.
Slökkva þarf á skólpdælu-
stöðvum í Hafnarstræti, við
Torfunef, í Laufásgötu og á
Silfurtanga, en með því mun
skólp fara á yfirfallsútrásir í ná-
grenni viðkomandi stöðva, það
er að segja, það endar í sjónum.
Heilbrigðiseftirlit Norðurlands
eystra mun fylgjast með ástandi
sjávar við strandlengjuna og
færa inn upplýsingar á heima-
síðu sína.