Dagblaðið Vísir - DV - 28.07.2010, Blaðsíða 13

Samkvæmt nýlegri samþykkt
Reykjavíkurborgar er götu- og
torgsala nú bönnuð í miðborginni.
Þetta staðfestir Jakob Frímann
Magnússon, framkvæmdastjóri
miðborgarinnar, í samtali við DV.
Götusala verður hér eftir einung-
is heimil á svokölluðum Hjartar-
eit, sem markast af Laugavegi og
Hverfisgötu, milli Smiðjustígs og
Klapparstígs.
Fyrri borgaryfirvöld tóku þessa
ákvörðun, en ný borgarstjórn ætl-
ar að halda málinu til streitu. Jakob
Frímann segir athugasemdir versl-
unareigenda við götusölu skiljan-
legar. Götusalar sem þurfi engin
gjöld að greiða valdi samkeppn-
ishalla. Sabrina Cassadei götu-
sali neitar að fara eftir reglunum
en lögreglan hefur haft afskipti af
henni. Þórarinn Einarsson, barns-
faðir Sabrinu, segir þessa stefnu
vera til þess fallna að útrýma götu-
sölum í miðborginni.
Hinir sterku
Sabrina hefur undanfarin ár verið
með götusölu í miðbænum, all-
an ársins hring. Hún fékk leyfi frá
borgaryfirvöldum til þess að vera
með götusölu fyrir rúmu ári og var
það leyfi fellt niður fyrir nokkru. Nú
er svo komið að ekki eru fleiri leyfi
gefin út og er götusölum þess í stað
beint inn á Hjartareitinn. Lögreglan
hefur að sögn Þórarins undanfarið
haft afskipti af Sabrinu þar sem hún
býður gestum og gangandi hálsmen,
armbönd og fleiri vörur. „Ég skil ekki
hvers vegna fólk með peninga hefur
öll völdin,“ segir Sabrina aðspurð um
málið.
Þórarinn, sem sjálfur hefur að-
stoðað Sabrinu við götusölu, segist
vita til þess að þrýstingur frá versl-
unareigendum hafi haft sitt að segja.
Hann tekur undir með henni: „Mér
finnst leiðinlegast í þessu hvernig
hinir fjársterku og valdamiklu geta
alltaf ráðskast með yfirvöld.“ Þórar-
inn tekur fram að Sabrina hafi reynt
að selja vörur sínar á Hjartareitnum
en þar sé lítil umferð vegfarenda og
því minna upp úr því að hafa. Hann
spyr hvað sé að því að leyfa götu-
og torgsölu við nýlega myndaðar
göngugötur í miðbænum.
Götusalar flýi lögreglu
í London
Jakob Frímann segir ákvörðunina
spegla vilja borgaryfirvalda til þess
að hafa alla götusala á einum til-
teknum stað. Hann viðurkennir að
þrýstingur frá verslunareigendum
vegna þessa máls hafi verið og sé
til staðar, en hann sé hvorki meiri
né minni en venjulega. Hann segir
það kannski óeðlilegt að þeir sem
greiði hæstu aðstöðugjöld á Ís-
landi við aðalverslunargötu borg-
arinnar þurfi að keppa við götu-
sala: „Að þangað geti síðan bara
einhver komið með ferðatöskuna
og opnað hana, án allra gjalda og
skyldna.“
Aðspurður hvaða sérstöðu
Reykja vík hafi fram yfir aðrar borg-
ir í Evrópu þar sem mikill fjöldi
götusala lífgar upp á mannlífið
segist Jakob Frímann telja að hver
borg hafi sinn háttinn á. Hann
bendir á að þegar götusalar sjái
laganna verði í sumum borgum
taki þeir til fótanna. „Um leið og
laganna verðir nálgast þá [götusal-
ana] pakka menn niður í skyndi og
hlaupa í burtu, það er algeng sjón í
New York, London og víðar.“
Götusalar valdi
samkeppnishalla
Spurður hvort ljóðskáldið Bjarni
Bernharður fái ekki lengur að selja
ljóðabækur sínar í Austurstræti eins
og hann hefur gert í áraraðir segir
Jakob Frímann að samkvæmt ströng-
ustu reglum þurfi Bjarni héðan í frá
að selja bækur sínar á Hjartareitnum
eins og aðrir götusalar. Hann segir að
ef einn bóksali borgi milljón á mán-
uði fyrir aðstöðu sína „... en annar
kemur bara með bækurnar og rigg-
ar upp á góðviðrisdögum og ryður
þeim út á helmingi lægra verði,“ megi
segja að í því felist ákveðinn sam-
keppnishalli. Hann er þó ekki viss
um að „hinn langi armur“ laganna
nái utan um slíkt.
Jakob Frímann segir Sabrinu hafa
sýnt lítinn samstarfsvilja í málinu.
Hann segir að þrjóska hjálpi ekki
málstaðnum né heldur það að skjót-
ast undan lögum. Hann bendir á
að fólk verði að nýta sér þá aðstöðu
sem í boði sé hverju sinni og innan
ramma laganna: „Það er líka skort-
ur á salernum í miðborginni og þá
verða menn að finna sér bara veit-
ingastaðinn eða aðstöðuna til þess.“
„Ég held bara að þau átti sig ekki
á því hvaða skemmdarverk eru í
gangi,“ segir Þórarinn sem er á því að
götusala lífgi upp á miðbæinn og að
hana eigi fólk að geta stundað hvar
sem er.
Samkeppnishalli Jakob Frímann
Magnússon, framkvæmdastjóri mið-
borgar, segir að um ákveðinn samkeppn-
ishalla sé að ræða þegar götusalar selji
vörur sínar við hlið verslana sem þurfi að
greiða há gjöld.
MIÐVIKUDAGUR 28. júlí 2010 FRÉTTIR 13
GÖTUSALAR REKNIR
ÚR MIÐBÆNUM
Götu- og torgsala er nú bönnuð í miðborginni. Allir götusalar verða að selja vörur sínar á hinum svokall-
aða Hjartareit. Jakob Frímann Magnússon viðurkennir að þrýstingur sé til staðar frá verslunareigendum.
Götusalinn Sabrina Casadei og barnsfaðir hennar segja að hinir fjársterku ráðskist með yfirvöld. Jakob
Frímann segir að samkvæmt nýju reglunum þurfi Bjarni Bernharður að selja bækur sínar á Hjartareitnum.
Ég held bara að þau átti sig ekki á
því hvaða skemmdarverk
eru í gangi.
JÓN BJARKI MAGNÚSSON
blaðamaður skrifar: jonbjarki@dv.is
Sabrina Undanfarin ár, vetur og sumur, hefur
Sabrina selt ýmsar vörur í götusölu. „Ég skil ekki
hvers vegna fólk með peninga hefur öll völdin,“
sagði hún aðspurð um málið.