Dagblaðið Vísir - DV - 29.08.2011, Blaðsíða 6

6 | Fréttir 29. ágúst 2011 Mánudagur
Þ
etta er vegna ólögmætrar
uppsagnar sem Hæstirétt­
ur dæmdi óréttmæta,“ segir
tölvunarfræðingurinn Sal­
mann Tamimi. Fyrirtaka í
skaðamótamáli hans gegn Landspít­
alanum fer fram í dag, mánudaginn
29. ágúst, í Héraðsdómi Reykjavíkur.
Salmanni var sagt upp sem tölvun­
arfræðingi á Landspítalanum þann
28. september árið 2006 eftir að hafa
starfað þar í rúman áratug. Honum
var tilkynnt að starf hans hefði ver­
ið lagt niður vegna skipulagsbreyt­
inga og í rökstuðningi fyrir uppsögn­
inni var vísað til þess að verkefni
Salmanns hefðu aðallega snúið að
ákveðnum tölvukerfum sem hætta
ætti notkun á.
Vann mörg ólík verkefni
„Þeir sögðust ætla að leggja niður
póstkerfið Notes en ég held að það
sé ennþá í gangi. Eins og kom fram í
dómi Hæstaréttar, þá hafði ég unnið
mörg ólík störf við mörg ólík kerfi á
spítalanum. Ég var ekki bara tölvun­
arfræðingur fyrir eitt kerfi,“ segir Sal­
mann.
Hann var ósáttur við uppsögnina,
taldi hana ólögmæta og kærði mál­
ið. Héraðsdómur Reykjavíkur komst
að þeirri niðurstöðu að uppsögn­
in hefði verið lögmæt en Salmann
vildi ekki una þeim úrskurði. Hann
áfrýjaði málinu til Hæstaréttar sem
dæmdi honum í vil í maí árið 2007.
„Þetta var bara fáránlegt“
„Hæstaréttardómurinn var sigur
fyrir mig, þetta var bara fáránlegt,“
segir Salmann. Það var mat Hæsta­
réttar að ekki hefði verið réttilega
staðið að uppsögninni enda var
starfssvið Salmanns ekki einskorð­
að við það kerfi sem leggja átti nið­
ur. Það lá fyrir að hann hafði haft
margvísleg önnur verkefni á sínum
snærum og sýnt var fram á að hann
hafði ekki eingöngu verið ráðinn
til að starfa við þetta ákveðna kerfi.
„Af þessum sökum var stefnda skylt
að leggja frekara mat á hæfni áfrýj­
anda áður en tekin var ákvörðun um
að segja honum upp störfum,“ segir í
Hæstaréttardómnum.
Í dómi Hæstaréttar kemur einnig
fram að Salmann hafi lent í vinnu­
slysi í ágúst 2005 og hafi verið tölu­
vert frá störfum vegna þess. Hann
var enn talinn óvinnufær í septem­
ber 2006.
Lögðu fram ný gögn
Þegar málið fór fyrir Hæstarétt lagði
lögmaður Salmanns fram ný gögn
sem ekki komu fram í héraðsdómi.
Meðal gagnanna var minnisblað frá
14. ágúst 2006 sem ráðgjafarfyrir­
tækið Gátta ehf. vann fyrir upplýs­
ingatæknisvið Landspítalans vegna
stefnumótunar og fyrirhugaðra
skipulagsbreytinga. Í minnisblaðinu
stendur meðal annars: „Þær leiðir
sem færar eru fyrir utan áminningar­
ferli er að nýta skipulagsbreytingar
til að losna við óhæfa starfsmenn,“
og að erfitt sé að breyta stöðum
„nema viðkomandi kerfi séu tekin úr
rekstri“.
Þótti Salmanni og lögfræðingi
hans þetta sýna fram á að markmið­
ið með uppsögninni hefði fyrst og
fremst verið að losna á einfaldan hátt
við starfsmann sem ekki lengur þótti
velkominn. Hæstiréttur féllst þó ekki
á þessi rök og taldi ekki hafa verið
sýnt fram á annað en að Salmanni
hefði verið sagt upp vegna fækkun­
ar starfsmanna, en þó á ólögmætan
hátt.
„Vona að þetta verði mikið“
Salmann sækir nú skaðabætur vegna
málsins og telur hann sig eiga fullan
rétt þeim miðað við dóm Hæstarétt­
ar. Fyrir hann eru það gleðifréttir að
skaðabótamálið sé komið í gang. „Ég
fékk uppsagnarfrest en það var engin
almennileg skýring á uppsögninni.
Svo hún var dæmd ólögmæt og lög­
fræðingurinn minn er að sækja fyrir
mig skaðabætur.“ Hann getur þó
ekki svarað því hvað skaðabótakraf­
an hljóðar upp á, enda er hann lítið
inni í málinu sjálfur, að eigin sögn.
„Ég vona bara að þetta verði mikið,“
segir Salmann og hlær. Hann ítrek­
ar þó að stærsti sigurinn hafi verið
þegar Hæstiréttur dæmdi uppsögn­
ina ólögmæta. Ekki náðist í lögmann
Salmanns, Einar Pál Tamimi, við
vinnslu fréttarinnar.
Krefst skaðabóta
vegna uppsagnar
„Hæstaréttar­
dómurinn var sigur
fyrir mig, þetta var bara
fáránlegt.
Salmann Tamimi
tölvunarfræðingur
n Salmanni Tamimi tölvunarfræðingi var sagt upp vegna skipulagsbreytinga n Hafði
unnið á Landspítalanum í rúman áratug n Hæstiréttur dæmdi uppsögnina ólögmæta
Vill skaðabætur Salmann Tamimi stendur í skaðabótamáli við Landspítalann vegna uppsagnar sem Hæstiréttur dæmdi ólögmæta árið 2007.

Sólrún Lilja Ragnarsdóttir
blaðamaður skrifar solrun@dv.is
Bíldshöfði 12 · 110 Rvk · 5771515 · skorri.is
SÉRFRÆÐINGAR Í RAFGEYMUM
12 volt díóðuljós
12v 1,3w12v 1,3w
12v 2,5w 12v 1,66w 12v 1,66w
12v 1,0w
12v 3,0w 12v 1,0w
Tilvalið fyrir sumarbústaði með sólarorku
Eyða allt að 90% minni orku en halogen
12v 7,0w
Samkvæmt heimildum DV fengu
borgarfulltrúar Besta flokksins skýr
fyrirmæli um að þiggja ekki boð í sigl­
ingu sem stjórnendur Hörpu buðu
til á Menningarnótt, þegar glerhjúp­
ur hússins var vígður. Útvaldir ein­
staklingar fengu boð í siglinguna og
í þeim hópi voru meðal annars arki­
tektar, erlendir fjölmiðlamenn, full­
trúar Faxaflóahafna, Reykjavíkur­
borgar og menntamálaráðuneytisins.
Steinunn Birna Ragnarsdóttir, tón­
listarstjóri hússins, sagði í samtali við
DV í síðustu viku að um 100 manns
hefðu verið í siglingunni sem kost­
aði um eina milljón króna. Þar af voru
veitingar fyrir um hálfa milljón króna.
Steinunn sagði að ekki hefði verið
haldið utan um það hverjir af boðs­
listanum hefðu mætt en samkvæmt
heimildum DV þáði enginn fulltrúi
frá Besta flokknum boð í siglinguna.
Heiða Kristín Helgadóttir, fram­
kvæmdastjóri Besta flokksins, vildi
ekki staðfesta að borgarfulltrúar
flokksins hefðu fengið fyrirmæli um
að hunsa boð í siglinguna á Menn­
ingarnótt. „Fólk var í alls konar verk­
efnum þetta kvöld og þeir sem höfðu
áhuga á því að fara þeir gátu farið en
það var greinilega ekki áhugi fyrir því.
Þetta voru því ekki bein fyrirmæli,“
segir Heiða Kristín í samtali við DV.
solrun@dv.is
Besti flokkurinn hunsaði umdeilda siglingu í boði Hörpu á Menningarnótt:
Fyrirmæli um að mæta ekki
Hunsuðu siglingu Fulltrúar Besta flokksins þáðu ekki boð stjórnenda Hörpu um siglingu
á Menningarnótt
SP vildi bíl
án heimildar
Þrátt fyrir að njóta greiðsluskjóls
varð Heiða Björg Gestsdóttir fyrir
barðinu á vörslusviptingarmanni
á vegum SP­fjármögnunar án þess
fyrir lægi heimild opinbers aðila.
Frá þessu var greint í kvöldfrétt­
um Sjónvarpsins en þar var greint
frá því að Heiða gerði samning við
SP­fjármögnun um kaup á bíl af
gerðinni Toyota Auris. Hún lenti í
vandræðum með afborganir og sótti
um greiðsluaðlögun til umboðs­
manns skuldara. Í mars á þessu ári
fór hún í svokallað greiðsluskjól sem
gerir það að verkum að hún má ekki
greiða af lánum.
Vörslusviptingarmaður á vegum
SP­fjármögnunar kom á heim­
ili hennar í Keflavík fyrir tveimur
vikum og krafðist þess að fá bílinn.
Heiða sagði vörslusviptingarmann­
inn ekki hafa geta sýnt fram á heim­
ild frá héraðsdómara þegar hann var
krafinn um það.
Samtök lánþega sendu innanrík­
isráðuneytinu erindi vegna vörslu­
sviptinga fjármögnunarleigufyrir­
tækja en í svari ráðuneytisins kom
fram að þeir sem telja sig eiga rétt
á að fá eign sem er í vörslu annars
þurfi að leita til opinbers aðila til fá
heimild sína staðfesta.
„Við brugðumst við með því
að hringja í lögfræðinginn okkar,
hringja í lögregluna og stóðum fyrir
bílnum svo kranabíllinn gæti ekki
náð í bílinn af okkur,“ sagði Heiða
Björg í samtali við fréttastofu Sjón­
varpsins.
Kjartan Georg Gunnarsson,
framkvæmdastjóri SP, sagði fyrir­
tækið ekki þurfa aðfararheimild og
sé í fullum rétti að rifta samningum
og taka bíla af fólki sem ekki hefur
greitt af þeim, jafnvel þó að það njóti
greiðsluskjóls.
M
y
n
d
g
u
n
n
a
r
g
u
n
n
a
r
SS
o
n