Dagblaðið Vísir - DV - 29.08.2011, Blaðsíða 20

20 | Fókus 29. ágúst 2011 Mánudagur
Bókin um
Bieber
Á föstudaginn kom út hjá
Sögum útgáfu bókin Eins og
hann er, sem fjallar um tón-
listarmanninn Justin Bieber.
Ungstirnið Bieber er engin
smástjarna. Hann hefur selt
milljónir platna og er vinsæl-
asti tónlistarmaðurinn á You-
tube. Hann er yngsti karlmað-
urinn sem komist hefur á topp
vinsældalistans í Bandaríkjun-
um síðan Stevie Wonder tókst
það árið 1963. Bieber hefur
einnig komið fram í heimild-
armynd um sjálfan sig, Never
Say Never, sem sýnd var í þrí-
vídd og fékk ótrúlega aðsókn.
Bieber á marga íslenska aðdá-
endur sem gleðjast eflaust við
tíðindin um bókina.
Leikarar með
leiktækniskóla
Leikararnir Magnús Jónsson
og Þorsteinn Bachmann hafa
sett á laggirnar leiktækniskóla
þar sem þeir ætla að kenna
hagnýta og skapandi leiklist. Á
námskeiðum munu þeir miðla
til nemenda af eigin reynslu
í leiklistinni. Þeir styðjast við
klassíska aðferðafræði Stanis-
lavskis, Mikjaels Chekhov og
Lee Strassberg meðal ann-
ars auk þess sem þeir sækja í
brunn Helga Skúlasonar leik-
ara sem kenndi þeim báðum
leiklist. Félagarnir Magnús og
Þorsteinn voru saman í Leik-
listarskóla Íslands og útskrifuð-
ust þaðan árið 1991 og hafa því
leiðir þeirra í leiklistinni legið
saman lengi. Kennt verður á
þriðjudagskvöldum og er nám-
skeiðið haldið í húsnæði Dans-
verkstæðisins á Skúlagötu 28.
Fyrsta námskeið hefst 6. sept-
ember og stendur til 11. októ-
ber. Það er 18 ára aldurstak-
mark á námskeiðin.
Gítardúett
í Hörpu
Gítarleikararnir Eivind Aarset
og Hilmar Jensson ætla spila
saman á tónleikum í Hörpu
þriðjudagskvöldið 30. ágúst.
Bæði Eivind og Hilmar eru
með þekktustu gítarleikurum
Norðurlandanna. Eivind hefur
leikið með norsku hljómsveit-
unum Nils Petter Molvaer,
Marilyn Mazur og mörgum
fleiri. Hann er þekktur fyrir
að vera öflugur á sviði raftón-
listar. Hilmar Jensson er sá ís-
lenski gítarleikari sem hefur
náð hvað lengst inn á alþjóð-
legan völl frumlegrar spuna-
tónlistar. Tónleikarnir eru
styrktir af norska sendiráðinu
og það kostar 2.500 krónur
inn. Þeir hefjast klukkan 20.
B
orgarleikhúsið og Þjóð-
leikhúsið opnuðu hús
sitt fyrir gestum á laug-
ardaginn.
Í Borgarleikhúsinu var
boðið í vöfflukaffi með fjör-
legri dagskrá. Gestir, ungir sem
aldnir, fengu að gægjast bak-
sviðs og smökkuðu á vöfflum
sem leikhússtjórinn Magnús
Geir og starfsfólk bökuðu.
Brot úr fjölskyldusöng-
leiknum Oz var fluttur á Stóra
sviðinu og Íslenski dansflokk-
urinn sýndi einnig brot úr verk-
um sínum. Skoppa og Skrítla
skemmtu börnum og það gerði
Gói líka. Leikarar í Kirsuberja-
garðinum buðu einnig á opna
æfingu á verkinu svo hægt var
að fá innsýn í ferlið.
Opið hús í leikhúsunum
er orðinn fastur liður í menn-
ingarlífi Reykvíkinga síðustu
helgina í ágúst.
Íslendingar kunna greini-
lega að meta daginn og í báð-
um leikhúsunum var húsfyll-
ir.
Leikárið hafið í leikhúsunum
n Opið hús í leikhúsunum er orðinn fastur liður í menningarlífi Reykvíkinga
Smjörsteiktur humar
og sítrónusvali
R
agnar Axelsson er
landsmönnum að
góðu kunnur fyrir
áratugaferil sinn sem
ljósmyndarinn RAX.
Eins og rekið er í myndinni
byrjar hann ungur sem ljós-
myndari hjá Morgunblaðinu,
stækkar nafn sitt og öðlast
frelsi til að finna sinn magn-
aða stíl í greininni. RAX er al-
þjóðlega virtur á sínu sviði og
hafa myndir hans prýtt síður
stórblaða á borð við Le Fig-
aro, Stern, National Geograp-
hic, Life, New York Times, La
Vanguardia og Time. Hann
hefur gefið út þónokkrar bæk-
ur og haldið sýningar í Evrópu
og Bandaríkjunum. Að þessu
gefnu er maður að sjálfsögðu
spenntur fyrir mynd sem rís
úr ljósmyndum hans. Myndin
eyðir drjúgum tíma í kynningu
á RAX og verkum hans. Það er
góður inngangur prýddur sög-
um af fólki sem hann kynnist
og myndar. Til dæmis af Önnu
Mörtu sem lætur RAX vinna
heilan dag til að fá að tala við
og mynda hana. Eins er nálg-
un hans við snjóflóðin á Flat-
eyri og Súðavík kraftmikil. Þeg-
ar norðar dregur og Grænland
er komið í linsuna magnast
myndin vandlega upp. Maður
skynjar óstöðvandi framvindu
náttúrunnar í myndum hans af
frumbyggjaveiðum Grænlend-
inga. Heimildir hans af samfé-
lagi inúíta í þorpum sem eru
ekki drukknuð í nútímavæð-
ingar fíaskóum og dönskum öl.
Hann grefur í stein ljósmynda-
heimilda menningu og lífsstíl
sem hopar eftir því sem gróð-
urhúsaáhrifin éta í sig vistkerfi
sem byggist á ísbreiðum sem
veiðilendum, athvarfi dýra og
manna.
Textinn grænmeti miðað
við dýpt ljósmynda
Raunsönn lýsing af þessu tagi
getur ekki annað en slegið á
Grænlandsfordóma, afleið-
ingar af nýlendustefnu Dana
sem hafa haft hræðileg áhrif
á þetta náttúrufólk. Að sama
skapi eru myndir RAX nánast
ofan í eldkviku Fimmvörðu-
háls og Eyjafjallajökuls stór-
kostlegar. Hvernig RAX sér
myndir í ísjökum og fjallshlíð-
um og magnar upp í sínum
ljósmyndum er líka verulega
skemmtilegt. Þessar gífur-
lega kraftmiklu myndir birtast
með dularfullri, gríðarstórri
og dramatískri tónlist Hilm-
ars Arnar. Til að gera langa
sögu stutta þá er myndin með
hið myndræna alveg klárt. En
einmitt þess vegna pirrar það
hvað sagan, uppbyggingin,
textinn, handritið og grindin
er að sama skapi mun veikari.
Myndin þyrfti að afmarka sig
mun meira sem annaðhvort
heimildamynd um hann sem
ljósmyndara eða taka sterk-
ari fókus á lokakaflann í sögu
Norður- Atlantshafsins eins
og við þekkjum það. RAX tek-
ur á sig starf þularins, er óskýr
og ósannfærandi á köflum og
textinn er algjört grænmeti
miðað við dýpt ljósmynda
hans. Á einum stað yfir rosa-
legum myndum af ísbjarnar-
veiðum á Grænlandi seg-
ir RAX eitthvað á þessa leið:
„Margir halda að ísbjörn
sé stór bangsi sem eigi að
klappa“. Nei, nefnilega ekki
RAX, margir halda það bara
ekki neitt og svona línur eru
algjör undanrenna af rjóma-
myndefni. Það vantar sam-
skipti og viðtöl við Græn-
lendingana sem eru ekki bara
eitthvað grín um Tarzan og
Titanic þótt það sé svo sem
fínt í bland. Gat ekki einhver
túlkur keyrt sterkari sam-
skipti í gang? Þetta ósamræmi
í gæðum er eins og að drekka
volgan, sykurskertan sítró-
nusvala með smjörsteiktum
humri. Næst þegar RAX gerir
mynd af þessu tagi þarf hann
að fá lið með sér sem skilar
sömu snilld í handriti, texta,
lestri og heimildavinnu og
birtist í ljósmyndum hans. Því
myndin er með stórkostlegt
auga fyrir hlutunum en litla
tungu og minni mænu.
n Kvikmyndin Andlit norðursins um Ragnar Axelsson ljósmyndara
Erpur
Eyvindarson
Bíómynd
Andlit norðursins
Leikstjóri: Magnús Viðar Sigurðsson„Það vantar
samskipti og
viðtöl við Grænlend-
ingana sem eru ekki
bara eitthvað grín
um Tarzan og Titanic
þótt það sé svo sem
fínt í bland.
Sjónræn mynd „Því myndin er með stórkostlegt auga fyrir hlutunum en litla tungu og minni mænu.“
Hvalveiðimenn í Thule Lýsing á lífi í Grænlandi.
Gömul kona í glugga Raunsönn lýsing af þessu tagi getur ekki annað en
slegið á Grænlandsfordóma, afleiðingar af nýlendustefnu Dana sem hafa
haft hræðileg áhrif á þetta náttúrufólk.