Dagblaðið Vísir - DV - 09.12.2011, Qupperneq 20

20 Neytendur 9.–11. desember 2011 Helgarblað
n Árleg hangikjötsmökkun DV fór fram á mánudaginn n Sambandskjötið frá Norðlenska
þótti best n Það rýrnaði einnig minnst n Tólf hangikjötstegundir voru smakkaðar
S
ambandshangikjötið frá
Norðlenska var valið það
besta í ár í árlegri hangikjöts­
smökkun DV en það fékk
7,2 í einkunn. Í öðru sæti var
hangikjötið frá Kjötbúðinni Grens­
ásvegi 48 en í þriðja til fimmta sæti
lentu Húsavíkurhangikjötið, hangi­
kjöt frá KEA og Birkireykta hangikjöt­
ið frá SS. Að þessu sinni voru tólf teg­
undir hangikjöts smakkaðar en það
var fimm manna dómnefnd sem gaf
þeim einkunnir á bilinu 0 til 10.
Dómnefndin
Fimm manna dómnefnd var val­
in til að velja besta kjötið í ár en
hana skipuðu: Gissur Guðmunds­
son, matreiðslumeistari og forseti
Alheimssamtaka matreiðslumanna,
Úlfar Finnbjörnsson, „villikokk­
ur“ og fyrrverandi kokkalandsliðs­
maður, Sigurður Kristinn Haralds­
son, matreiðslumaður ársins 2011 og
keppandi á móti matreiðslumanna
Norðurlanda 2012 og Bocuse d´Or
árið 2013, Jóhannes Stefánsson, einn
reyndasti matreiðslumaður landsins
og eigandi veitingastaðarins Múla­
kaffis, og Logi Brynjarsson, yfirmat­
reiðslumaður á Höfninni og meðlim­
ur í ungliðalandsliðinu.
Tólf tegundir smakkaðar
Bragðkönnunin fór þannig fram að
DV fór í verslanir á höfuðborgarsvæð­
inu og keypti 12 tegundir af hangikjöti.
Brynjar Eymundsson, matreiðslu­
meistari og eigandi Hafnarinnar, sá
um eldun kjötsins og gætti þess vand­
lega að matreiða kjötið samkvæmt
uppgefnum leiðbeiningum. Kjötið
var eldað daginn fyrir smökkun og
borið fram kalt á númeruðum bökk­
um, þannig að ekki var nokkur leið
fyrir dómnefndina að vita um hvaða
framleiðanda var að ræða. Með þessu
fengu dómararnir laufabrauð, malt
og appelsín, auk þess sem vatn var á
boðstólum. Dómararnir gáfu hverri
hangikjötstegund einkunn á bilinu
0 til 10. Einnig var kjötið vigtað fyrir
og eftir suðu og mælt hve mikið það
rýrnaði.
Best og minnst rýrnun
Sambandshangikjötið frá Norðlenska
varð í fyrsta sæti og fékk það eink­
unnina 7,6 af 10 mögulegum. Það er
með því ódýrasta auk þess sem það
kom best út hvað rýrnun varðar en
við eldun rýrnaði það einungis um
0,68 prósent. Húsavíkurhangikjötið er
það dýrasta í ár á 3.698 krónur á kílóið
en Fjallahangikjötið frá Norðlenska er
ódýrast á 2.478 krónur á kílóið. Mesta
rýrnunin varð á taðreykta kjötinu frá
Kjarnafæði.
Dómarar voru flestir á því hangi­
kjötið mætti ekki vera of magurt og
þeim finnist betra að hafa fituna. Að­
spurðir hvað einkenni gott hangikjöt
sögðu þeir að það væri reykjarbragð­
ið, það eigi að bragðast eins og hangi­
kjöt. Þeir voru sammála því að mikið
af kjötinu væri of bragðlítið og jafnvel
bragðlaust.
Gott fólk og gott hráefni
„Þetta er afar ánægjulegt fyrir okk­
ur og við viljum þakka okkar fólki
fyrir nostur við kjötið og góð vinnu­
brögð. Það á heiðurinn af þessu,
okkar fólk,“ segir Sigmundur Ófeigs­
son, framkvæmdastjóri Norðlenska,
þegar DV leitaði viðbragða við nið­
urstöðunni. Hann segir að það sé í
rauninni enginn galdur á bak við
gott hangikjöt nema gott starfsfólk
og gott hráefni. n
Sambandshangikjötið er best
Gunnhildur Steinarsdóttir
gunnhildur@dv.is
Bragðkönnun
Talið er að um 90 prósent Íslendinga
bragði hangikjöt um jólin. Algengast
er að kjötið sé borðað kalt á jóladag
en sumir borða það þó á aðfanga-
dagskvöld og á mörgum heimilum er
jólahangikjötið borðað heitt.
Reyking er ævaforn geymsluað-
ferð og líklegt er að landnámsmenn
hafi borðað hangikjöt. Fyrr á öldum
hékk kjötið í hlóðareyknum í eldhús-
rjáfrinu mánuðum saman og varð
dökkt af sóti, hart og nokkuð þurrt
og ákaflega bragðmikið. Yfirleitt er
um að ræða lambakjöt en kjöt af
fullorðnu er einnig reykt. Sauðakjöt
þótti mörgum besta hangikjötið
áður en það er nú mjög sjaldséð. Kjöt
af geldum ám þótti einnig mjög gott.
Kjötskrokkarnir voru oftast höggnir
í fjóra hluta eða jafnvel hengdir
upp í heilu lagi. Mest er nú reykt af
lærum, með beini eða úrbeinuðum,
en frampartar eru einnig reyktir,
oftast úrbeinaðir og vafðir, og áður
var mikið reykt af feitum síðum og
bringukollum.
Kjötið er saltað, oftast lagt í
saltpækil, og síðan hengt upp og
reykt. Áður tíðkaðist sumstaðar
að salta það volgt og láta þorna
áður en það var reykt. Misjafnt er
hvaða eldiviður er notaður. Sumum
þykir taðreykt hangikjöt langbest,
ekki síst sé það kofareykt, þ.e.
heimareykt, en aðrir taka viðar-
reykt hangikjöt fram yfir, einkum
birkireykt. Flestir eru þó sammála
um að kjöt sem reykt er með beini sé
bragðbetra en úrbeinað kjöt, þótt
hið síðarnefnda sé þægilegra í með-
förum. Misjafnt er hve reykingartím-
inn er langur; sumt af því hangikjöti
sem nú er á markaði er aðeins reykt
í 2–3 sólarhringa og kjöt sem kallast
léttreykt aðeins fáeina klukkutíma.
Heimild: Matarást eftir Nönnu
Rögnvaldardóttur
Ævaforn geymsluaðferð
Vinningshafar
síðustu ára
2010 Húsavíkurhangikjötið
2009 Húsavíkurhangikjötið
2008 Húsavíkurhangikjötið
2007 Fjallalamb
8.–9. sæti
Íslands Lamb
Ferskar kjötvörur
Meðaleinkunn: 6,4
Kílóverð: 2.998 kr.
Rýrnun: 8,55%
Gissur: „Gott bragð. Falleg sneið.“
Úlfar: „Feitt og fallegt kjöt. Ljómandi gott.“
Sigurður Kristinn: „Passleg söltun og
reyking. Stendur þó ekki upp úr.“
Jóhannes: „Bragðlítið og lítið eftirbragð.“
Logi: „Lítið bragð og útlit svolítið tætt. Of
mikil fita, en hæfilega salt.“
6.–7. sæti
Taðreykt
hangikjöt
Kjarnafæði
Meðaleinkunn: 6,8
Kílóverð: 2.598 kr.
Rýrnun: 14,45%
Gissur: „Gott hangibragð. Mjúkt, blautt og
fallegt.“
Úlfar: „Bragðlítið.“
Sigurður Kristinn: „Fínt bragð. Útlit allt í
lagi.“
Jóhannes: „Gott reykjarbragð. Góður eftir-
keimur.“
Logi: „Gott bragð. Útlit sæmilegt, fita í
minni kantinum og salt of lítið.“
6.–7. sæti
Úrbeinað
hangilæri
Fjarðarkaup
Meðaleinkunn: 6,8
Kílóverð: 2.798 kr. Rýrnun: 6,33%
Gissur: „Fallegt kjöt. Ágætt bragð, en
mætti vera kraftmeira.“
Úlfar: „Missaltað. Minnir á skinku. Lítið
bragð.“
Sigurður Kristinn: „Gott bragð.“
Jóhannes: „Líklega sprautusaltað.
Þokkalega bragðgott.“
Logi: „Ríkt í reyk og gott. Mjög flott í útliti.
Gott magn af fitu og ágætt magn af salti.“
1. sæti
Sambands-
hangikjötið
Norðlenska
Meðaleinkunn: 7,6
Kílóverð: 2.479 kr.
Rýrnun: 0,63%
Gissur: „Sterkt og gott bragð. Salt og gott
fituhlutfall.“
Úlfar: „Missaltað, en gott á bragðið.“
Sigurður Kristinn: „Bragð gott og útlit líka
í lagi.“
Jóhannes: „Gott bragð og gott eftirbragð.“
Logi: „Góður reykur og útlit allt í lagi. Fitan
aðeins of sprengd en fínt magn af salti.“
2. sæti
Kjötbúðin
Grensásvegi 48
Meðaleinkunn: 7,2
Kílóverð: 3.495 kr.
Rýrnun: 12,17%
Gissur: „Mjög gott kjöt.“
Úlfar: „Illa verkað en ágætt á bragðið.“
Sigurður Kristinn: „Milt og bragðgott.
Finnst vanta fitu.“
Jóhannes: „Gott bragð og gott eftirbragð.“
Logi: „Þurrt og mikill reykur. Sæmilegir litir
og sæmilegt salt. Fita er aðeins of lítil.“
3.–5. sæti
Húsavíkur-
hangikjöt
Norðlenska
Meðaleinkunn: 7,0
Kílóverð: 3.698 kr.
Rýrnun: 13,48%
Gissur: „Mjög gott kjöt. Gott bragð.“
Úlfar: „Feitt, en gott.“
Sigurður Kristinn: „Mjög bragðgott og
fitumeira en það sem komið er. Stendur
algjörlega upp úr.“
Jóhannes: „Bragðlítið kjöt. Lítið eftirbragð.“
Logi: „Gott bragð og fínir litir. Fita hæfileg
og salt passlegt.“
3.–5. sæti
KEA
Norðlenska
Meðaleinkunn: 7,0
Kílóverð: 3.310 kr.
Rýrnun: 13,97%
Gissur: „Ekta hangibragð.
Úlfar: „Illa saltað og tægjulegt.“
Sigurður Kristinn: „Gott, en mætti ekki
vera meira salt.“
Jóhannes: „Gott bragð og gott eftirbragð.“
Logi: „Of mikill reykur. Safaríkt, salt í
meðallagi en fita í minni kantinum.“
3.–5. sæti
Birkireykt
hangikjöt
SS
Meðaleinkunn: 7,0
Kílóverð: 2.898 kr.
Rýrnun: 14,60%
Gissur: „Mjög gott bragð.“
Úlfar: „Illa saltað og götótt. Með lit eins og
olíubrák. Ekki gott.“
Sigurður Kristinn: „Vantar meiri reyk og
bragð.“
Jóhannes: „Gott kjöt. Góður eftirkeimur.“
Logi: „Stíft og bragð fínt. Væri gott heitt.
Safaríkt, salt passlegt, en fita í meira lagi.“
1.
sæti
Hangikjöt Jólin koma varla ef hangikjötið vantar. MyND SiGTRyGGuR ARi