Dagblaðið Vísir - DV - 09.12.2011, Qupperneq 46

46 Sport 9.–11. desember 2011 Helgarblað
Þ
að kann að vera rangheiti að
kalla Christian Constantin
eigandann sem enginn þjálf­
ari vill hafa. Þótt hann hafi
rekið yfir 20 þjálfara á fimm
árum er staðreyndin sú að hann hefur
ráðið jafn marga. Einhverjir þjálfarar
vilja því vinna fyrir hann. Þetta var
samt viðurnefni Constantins í Sviss
þar til Bulat Chagaev yfirtók Neu­
chatel Xamax síðasta vor, eins og DV
sagði frá fyrir viku.
Constantin gerir sitt besta til
að sanna fullyrðinguna um að allir
markverðir séu klikkaðir, hann lék í
þeirri stöðu með Lugano undir stjórn
Ottmars Hitzfeld á sinni tíð. Hann
er menntaður arkitekt og varð fyrst
stjórnarformaður Sion árið 1992, að­
eins 35 ára að aldri. Valdatíð hans var
fimm ár. Liðið varð tvisvar svissnesk­
ur meistari og þrisvar bikarmeistari.
Fórnarkostnaðurinn voru 100 leik­
menn. Félagið þoldi það ekki og Con­
stantin hætti þegar það komst ekki í
Meistaradeildina árið 1997.
Fimm árum síðar varð félagið
svipt keppnisleyfi vegna fjárhags­
vandræða og dæmt niður í þriðju
deild. Riddarinn kom þá ríðandi á
hvíta hestinum, yfirtók félagið og
fylgdi því upp í úrvalsdeildina árið
2006. Liðið varð það ár fyrsta annarr­
ar deildar liðið til að verða svissnesk­
ur bikarmeistari.
Sion hefur unnið alla bikarúrslita­
leikina tólf á valdatíma Constantins.
Hegðun hans hefur samt vakið meiri
athygli heldur en árangurinn.
Þjálfarinn hætti í hálfleik
Í fyrsta lagi þá hefur Constant­
in skipt oftar en tuttugu sinnum
um þjálfara á þessum tíma. Einn
þeirra, Argentínu maðurinn Ne­
stor Clausen, lét sig hverfa í hálf­
leik eftir að Constantin hafði heim­
sótt búningsklefann. Tvisvar hefur
Constantin ráðið sjálfan sig sem
þjálfara. Í annað benti svissneska
knattspyrnusambandið honum á
að hann hefði ekki tilskilin réttindi
til að stýra liðinu. Constantin svar­
aði því til að hinn brottrekni þjálf­
ari, Þjóðverjinn Uli Stielike, væri
aðeins í veikindaleyfi. „Ég gaf hon­
um 150 daga til að setja mark sitt
á liðið en sá enga framþróun,“ út­
skýrði Constantin.
Þá sakaði Constantin einn leik­
manna sinna, Serey Die frá Fíla­
beinsströndinni, um að hafa tek­
ið þátt í að hagræða úrslitum leiks
með að láta reka sig út af. Saksókn­
arar fundu engar sannanir um slíkt.
Það besta er að Die er enn hjá Sion,
þótt eigandinn hafi aldrei beðið
hann afsökunar opinberlega.
Fékk liðið dæmt upp um deild
Constantin er reyndar sérstakur
áhugamaður um lögfræði og hefur
staðið í fleiri lögsóknum heldur en
Afi gamli á Knerri í sögunum. Með
málarekstri tókst Constantin að
koma Sion strax úr þriðju deildinni
upp í þá aðra eftir að hann tók við.
Það tók þrjá mánuði og niðurstað­
an varð sú að liðið varð að spila tvo
leiki í hverri viku út tímabilið.
Árið 2004 fékk Constantin
tveggja og hálfs árs bann fyrir að
sparka í punginn á aðstoðardóm­
ara sem dæmdi ekki honum að
skapi. Með því að skjóta málinu
til almennra dómstóla tókst hon­
um að draga málið í fjögur ár og
sleppa með fjögurra mánaða bann.
Í fyrra skiptið sem hann leiddi Sion
tókst honum að láta fá Evrópuleik
gegn Spartak Moskvu leikinn á ný
á þeim forsendum að þverslárnar
hefðu verið átta sentímetrum neð­
ar en þær áttu að vera.
Virti ekki bann við
leikmannakaupum
Síðasta deila Constantins er
hans frægasta. Sion var talið hafa
brotið reglur með kaupum sín­
um á egypska markverðinum Es­
sam El Hadary frá Al­Ahly árið
2008. Liðinu var því meinað að
kaupa leikmenn í næstu tveimur
félagaskiptagluggum. Constant­
in hlýddi því að sjálfsögðu ekki
heldur bætti sex mönum í hóp­
inn. Þegar slegið var á fingurna á
honum hvatti hann leikmennina
til að skjóta málunum til almennra
dómstóla og beita fyrir „réttinum
til vinnu“. Dómstólarnir dæmdu
Sion í hag, að leikmennirnir væru
löglegir og félagið ætti rétt á Evr­
ópusætinu, en UEFA og FIFA við­
urkenndu ekki þeirra lögsögu þótt
svissneska knattspyrnusambandið
gæfist upp og leyfði leikmönnun­
um að spila heima fyrir.
UEFA henti Sion út úr Evrópu­
deildinni í haust og komst Glas­
gow Celtic í riðlakeppnina þrátt
fyrir að hafa tapað fyrir svissneska
liðinu. Málið er fyrir Gerðadómi
íþrótta (CAS) sem úrskurðar fyrir
jól. Vinni Sion málið þarf UEFA lík­
lega að troða liðinu inn í keppnina
en útsláttarkeppnin hefst á nýju
ári. Constantin heldur líka áfram
að leita að leikmönnum. Nýverið
lýsti hann yfir áhuga á að semja við
Alessandro del Piero þegar samn­
ingur hans við Juventus rennur út
í sumar. Hann skoraði á Ítalann að
sýna að peningarnir væru ekki það
sem skiptu hann mestu máli með
að koma til Sviss.
Á erfitt með að skilja að hann
getur ekki alltaf unnið
Sion er í þriðja sæti svissnesku deild­
arinnar, fimm stigum á eftir toppliði
Basle þegar einni umferð er ólok­
ið fyrir vetrarhléið. Laruent Rous­
sey þjálfar liðið og hefur gert síð­
an í febrúar. Það er með því lengsta
sem nokkur þjálfari hefur enst undir
stjórn Constantins. „Ef ég ræki það
fólk sem ég er ósáttur við stæði ég
eftir einn,“ sagði hann í viðtali í fyrra.
Um svipað leiti mætti hann á
bekkinn hjá þjálfaranum Bernard
Challandes, sagði honum að hafa sig
hljóðan og fór sjálfur að gefa skipan­
irnar. „Það þekkja allir formanninn.
Hann er mikill persónuleiki og reynir
alltaf að hvetja liðið áfram. Ég viður­
kenni að þetta er ekki eftirlætis staða
þjálfara en við verðum að sætta okk­
ur við hana,“ sagði Challandes. Eftir
að hafa verið rekinn réði hann sig til
Chagaev hjá Neuchatel Xamax.
„Margir leikmenn, ég þeirra á
meðal, halda góðu sambandi við
forsetann,“ segir framherjinn Saidu
Adeshina. „Mér finnst hann aðeins
þurfa að skilja að maður getur ekki
alltaf unnið. Við verðum líka að hafa
það í huga að það eru andstæðingar
sem stefna að sama marki.“
Gunnar Gunnarsson
Tugir þjálfara
á átta árum
n Christian Constantin, eigandi FC Sion
í Sviss, er eigandi sem enginn þjálfari vill
hafa n Tvisvar stjórnað liðinu sjálfur
n Sparkaði í punginn á aðstoðardómara
Einstakur
eigandi Christian
Constantin fer
sínar eigin leiðir.
mynd REuTERS
A
ðeins í annað skiptið und­
ir stjórn Sir Alex Ferguson
komst Manchester United
ekki upp úr riðli sínum í
Meistaradeildinni. Hræði­
leg spilamennska liðsins að undan­
förnu varð liðinu að falli í Basel þar
sem það tapaði fyrir baráttuglöðum
heimamönnum, 2–1. United hefur
aðeins skorað eitt mark í síðustu sjö
deildarleikjum sínum en þökk sé
góðri vörn hefur það oftar en ekki
dugað til sigurs. United varð þó fyrir
miklu áfalli í Basel þegar ljóst varð
að Nemanja Vidic yrði frá í allt að
fjóra mánuði vegna meiðsla. Sir Alex
þarf að fara berja kraft í sína menn
sem eru ekki svipur hjá sjón mið­
að við hvernig liðið spilaði í upphafi
tímabils. Úlfarnir koma í heimsókn
á laugardaginn og þarf United ekki
bara að vinna, það þarf að sleikja
sárin, finna sitt rétta form og fara að
spila almennilega ef ekki á illa fara
yfir jólahátíðina. Menn eru meiddir
og þétt er spilað. Svo gæti vel farið að
United fari að heltast úr lestinni.
uppsveifla á Emirates
Gengi Arsenal er andstætt gengi
United á uppleið. Liðið er komið
áfram í Meistaradeildinni og leikur
við hvurn sinn fingur í ensku úrvals­
deildinni. Robin van Persie fer ekki
inn á völlinn án þess að skora mark
og er liðið komið upp í fimmta sæti,
aðeins tveimur stigum frá Meistara­
deildarsæti. Arsenal fær Everton í
heimsókn á laugardaginn á meðan
nágrannar þeirra í Tottenham eiga
sunnudagsleik gegn Stoke. Totten­
ham er eins og Arsenal alveg sjóð­
heitt og hefur unnið átta af síðustu
níu leikjum sínum. Bæði lið eru í
harðri baráttu um Meistaradeildar­
sæti og geta menn ekki beðið eftir
Norður­Lundúnaslagnum. Efsta lið­
ið, Manchester City, á ekki leik fyrr
en á mánudagskvöldið þegar það
verður í heimsókn hjá Chelsea.
United þarf að sleikja sárin
Leikir helgarinnar
Laugardagur 10. desember
15.00 Arsenal - Everton
15.00 Bolton - Aston Villa
15.00 Liverpool - QPR
15.00 Man. United - Úlfarnir
15.00 Norwich - Newcastle
15.00 Swansea - Fulham
15.00 WBA - Wigan
Sunnudagur 11. desember
13.30 Sunderland - Blackburn
16.00 Stoke - Tottenham
Langt síðan síðast
Rooney hefur verið afar
dapur með United að
undanförnu.
mynd REuTERS
n Úlfarnir í heimsókn á Old Trafford n Arsenal tekur á móti Everton
„Árið 2004 fékk
Constantin
tveggja og hálfs árs bann
fyrir að sparka í punginn
á aðstoðardómara sem
dæmdi ekki honum að
skapi.