Dagblaðið Vísir - DV - 09.12.2011, Síða 54

54 Fólk 9.–11. desember 2011 Helgarblað
Ánægður
með Fjölni
Sprelligosarnir Auddi og Sveppi
gerðu vini sínum Atla Þór Alberts-
syni mikinn grikk í útvarpsþætt-
inum FM95BLÖ í vikunni. Þeir
hringdu í kappann og spurðu
hann út í nýjan kærasta fyrrver-
andi eiginkonu hans, Bryndísar
Ásmundsdóttur. En eins DV hefur
sagt frá áður þá er það enginn
annar en hestamaðurinn Fjölnir
Þorgeirsson. Í þættinum tíunduðu
félagarnir gríðarlega mannkosti
Fjölnis og veltu fyrir sér hvernig
Atla liði með það að þessi mikli
maður væri með fyrrverandi
eiginkonu hans. Atli kippti sér nú
ekki mikið upp við glensið í strák-
unum og sagðist ekki geta verið
annað en ánægður með Fjölni.
Erpur kveður í bili
Rapparinn Erpur Eyvindarson
kveður Ísland í dag, föstudag, en
hann er farinn til Kúbu þar sem
hann verður næstu þrjá mán-
uðina. Eitt af því síðasta sem Erp-
ur gerði var að taka við gullplötu
fyrir sölu á plötu sinni, KópaCab-
ana, en afhendingin fór fram í
Hamraborginni í Kópavogi. Erpur
fer utan ásamt bróður sínum
og móður og munu þau meðal
annars hjálpa innfæddum við að
höggva sykurreyr.
Ruglaðar
jólagjafir
Útvarpsmennirnir og vélbyssu-
kjaftarnir í Harmageddon, Frosti
Logason og Máni Pétursson, eru
í viðtali í nýjasta hefti Monitor.
Þar eru þeir félagarnir spurðir út
í jólin og segir Máni að Frosti gefi
alltaf „ruglaðar jólagjafir“. „Ég
fékk til dæmis einu sinni bók frá
honum sem fjallaði um trúleysi og
hvað það væri gott að vera trúlaus.
Bækurnar sem ég fæ frá Frosta í
jólagjöf fjalla eiginlega allar um
það, að ég hafi rangt fyrir mér
þegar kemur að trú,“ segir Máni.
„Ég drepst þar sem mér sýnist“
Ö
ldum saman hafa sviðsljósin
verið óþrjótandi uppspretta
söguburðar og slúðurs. Leik-
arinn og rithöfundurinn góð-
kunni Gísli Rúnar Jónsson hefur
síðastliðin 40 ár safnað sögum úr
bransanum og hefur nú sett þær
kræsilegustu á bók sem heitir Ég
drepst þar mér sýnist.
Í bókinni spretta fram 2.000 ljós-
lifandi frásagnir af sigrum, ósigrum
og hraksmánarlegum mistökum
leikara, skemmtikrafta, útvarps-
og sjónvarpsfólks, gagnrýnenda og
ótal annarra. Shakespeare skandal-
íserar á knæpu í Lundúnum, Flosi
Ólafs kærir sjálfan sig fyrir þjóð-
leikhússtjóra, Stefán Karl Stefáns-
son og Hilmir Snær Guðnason kála
áhorfanda á 12. bekk. Gunnar Eyj-
ólfsson stelur senunni frá hryðju-
verkamönnum, íslenski sjónvarps-
stjórinn verðandi reynir við Juliu
Roberts, óperusöngkonan sefur hjá
stöðumælaverðinum, að ógleymd-
um ljósameistaranum sem tekur
rafmagnið af í miðri sýningu með
þeim afleiðingum að Þjóðleikhús-
kórinn gengur rakleitt ofan í hljóm-
sveitargryfjuna.
Bókin hefur vakið viðbrögð hjá
flestum og má nefna að Bobba
Marínrós, sviðsljósaráðgjafi og
stefnumótalögga segir á Facebook-
síðu sinni: „Maðurinn er klárlega á
sýru. Set læk á bókina. Það er eitt-
hvað asnalega krúttlegt við hana.“
Segja má að orð Lilju Aðalsteins-
dóttur, bókmenntagagnrýnanda
Herðablaðsins, lýsi bókinni sem
bókaútgáfan Tindur gefur út einna
best: „Þessi bók gerir það sama fyrir
leiklistarsöguna og Monica Lew-
insky gerði fyrir Bill Clinton.“
n Gísli Rúnar leysir frá skjóðunni
Drepst þar sem honum sýnist Gísli Rúnar segir ótal sögur í nýrri bók sinni.
S
ölvi Tryggvason er nýkom-
inn heim úr kosningaeftir-
liti í Rússlandi. Þangað fór
hann á vegum Öryggis- og
samvinnustofnunar Evrópu í
gegnum íslenska utanríkisráðuneyt-
ið og segir ferðasögu sína en ferðalag
hans var bæði langt og strangt.
„Þetta var vikuferð með ferða-
lögum og keyrslan því nokkuð þétt,“
segir Sölvi. „Alls voru þetta sex flug-
ferðir á sjö dögum og vegalengdin
ekkert smotterí, þar sem ég var stað-
settur í Novosibirsk, sem er þriðja
stærsta borgin í Rússlandi og er
norður af Kasakstan og Mongólíu.
Bara flugið frá Moskvu og þangað tók
um fjórar klukkustundir, enda meira
en þrjú þúsund kílómetra leið. Mér
brá samt eiginlega þegar ég skoð-
aði landakortið, þar sem ég var ekki
nema rétt kominn hálfa leiðina aust-
ur að landamærunum hinum megin.
Sumir kosningaeftirlitsmannanna
fóru til Vladivostok og þá ertu kom-
inn nánast að landamærum Japan.
Rússland er gífurlegt flæmi. Svo stórt
að það er hreinlega erfitt að gera sér
grein fyrir því.“
Lýðræði hvergi til
Sölvi hitti marga kynlega kvisti í
Rússlandi og var lesinn pistillinn af
einum fulltrúa kommúnistaflokks-
ins.
„Ég var fjóra daga í Síberíu og það
var mjög áhugavert að fá að kynn-
ast staðháttum þar og eins að geta
átt samskipti við íbúana á staðnum á
kjördag í gegnum túlk. Ég hitti til að
mynda tvær eldri konur sem spurðu
mig mikið út í kosningar á Íslandi
og hvernig þær færu fram. Þær létu
svo Bandaríkjamanninn sem var
með mér í teymi heyra það og sögðu
að lýðræðið væri mun betra í Rúss-
landi. Einn fulltrúa kommúnista-
flokksins á einum kjörstaðanna hélt
yfir mér langa ræðu um það að lýð-
ræði væri hvergi til og allt tal um það
væri hreint og klárt grín. Almennt var
fólkið ansi vingjarnlegt og sýndi Ís-
landi mikinn áhuga.“
Kuldinn var gríðarlegur í Rúss-
landi og vinnan mikil. Álagið á kjör-
dag var að sögn Sölva ansi mikil törn.
„Það var auðvitað kalt eins og gefur
að skilja, svona á bilinu 10–15 gráðu
frost, en það var víst óvenjuhlýtt mið-
að við árstíma. Frostið þarna fer nið-
ur í 40 gráður þegar kaldast verður.
Auk þess var vinnan mikil, til að
mynda 25 klukkutímar í beit á kjör-
dag, þannig að þetta var töluverð
törn.“ 
Axir notaðar til að farga kjör-
seðlum
„Ég var í stórborg, þannig að þar var
lífsstílinn og líf fólksins ekki svo langt
frá því sem við eigum að venjast. En
þó var þetta dálítið eins og að koma
20–30 ár aftur í tímann á köflum,“
segir Sölvi. „Sérstaklega sá maður
það þegar maður fór aðeins út úr
borginni. Þar var niðurníðslan meiri
á byggingum og fátæktin augljóslega
meiri. Tveir úr hópnum okkar voru
sendir langt út í sveitir Síberíu og þar
er sagan dálítið önnur. Hótelið sem
þeir dvöldu á bauð hvorki upp á sal-
erni né mat. Þegar kjörseðlum var
fargað voru notaðar axir og þar fram
eftir götunum.“ 
Almennt einkenndist þessi ferð
af litlum svefni, miklum ferðalögum,
en stöðugum, áhugaverðum hlut-
um og hann segist þyrsta í meira og
finnst landið áhugavert.
„Eftir að hafa farið þessa ferð hef
ég farið á netið og skoðað möguleika
á að taka Síberíuhraðlestina þvert
yfir Rússland. Landið er gríðarlega
áhugavert og sagan drýpur af hverju
strái.“
kristjana@dv.is
Vann 25 klukku-
tíma í einni lotu
n Ferðasaga Sölva Tryggvasonar frá kosningaeftirliti í Rússlandi n Langar að fara í
ferðalag með Síberíuhraðlestinni n Axir notaðar til að farga kjörseðlum
Langar aftur til Rússlands Sölva finnst landið áhugavert og sagan drýpur af hverju strái. Hann hefur hug á að taka Síberíuhraðlestina og
ferðast meira um Rússland.