Dagblaðið Vísir - DV - 15.08.2014, Page 6

6 Fréttir Helgarblað 15.–18. ágúst 2014
Mikill makríll
á miðunum
Enn er mikill makríll á Íslands-
miðum, samkvæmt tilkynningu
frá Hafrannsóknastofnun. Rann-
sóknarskipið Árni Friðriksson
lauk fyrr í vikunni könnunar-
leiðangri sem staðið hafði yfir í
rúman mánuð en hann var þáttur
í sameiginlegum rannsóknum
Íslendinga, Grænlendinga, Fær-
eyinga og Norðmanna á dreifingu
og magni helstu uppsjávar-
tegunda í Norðaustur-Atlantshafi.
Síldarvinnslan sendi frá sér til-
kynningu á fimmtudag þess efn-
is að makrílvertíðin gangi vel en
á næstu dögum fara 10.000 tonn
af makríl á erlenda markaði frá
þeim og von er á meiri afla í land.
„Þetta er eins og það á að vera,“
segir Heimir Ásgeirsson, yfirverk-
stjóri hjá Síldarvinnslunni.
Gróft ofbeldi í Vogum
við Vatnsleysuströnd
n Skeljagrandabróðir í varðhaldi n Fórnarlambið átján ára
F
jórir menn sitja nú varðhaldi
vegna frelsissviptingar og
grófs ofbeldis í heimahúsi í
Vogum við Vatnsleysuströnd
á Suðurnesjum. Friðrik Smári
Björgvinsson, yfirlögregluþjónn hjá
lögreglunni á höfuðborgarsvæðinu,
staðfestir þetta í samtali við DV.
„Þetta snýst um frelsissviptingu
og líkamsmeiðingar,“ segir Friðrik
Smári. Að hans sögn átti árásin sér
stað þann 6. ágúst en mennirnir fjórir
voru handteknir síðastliðinn þriðju-
dag. Samkvæmt heimildum DV er
einn þeirra sem nú sitja í varðhaldi
Kristján Markús Sívarsson, annar
Skeljagrandabræðra. Að sögn heim-
ildarmanns DV er málið að mörgu
leyti keimlíkt Stokkseyrarmálinu en
bróðir Kristjáns Markúsar, Stefán
Logi Sívarsson, var síðastliðinn
febrúar dæmdur í sex ára fangelsi
fyrir aðild sína að því máli.
Í Stokkseyrarmálinu var tveimur
mönnum misþyrmt hrottalega og
þeir sviptir frelsi. Að sögn Friðriks
Smára var ofbeldið sem fórnarlamb-
inu í Vogum var beitt gróft en þó ekki
svo að fórnarlambið þyrfti að fara á
sjúkrahús. „Þetta er litið mjög alvar-
legum augum, þetta er frelsissvipting
og líkamlegt ofbeldi. Þetta var gróft
ofbeldi en ekki þó þannig að maður-
inn þurfti að fara á sjúkrahús,“ segir
hann.
Fórnarlambið 18 ára
Lögreglan á höfuðborgarsvæðinu
hefur óskað eftir tveggja vikna gæslu-
varðhaldi yfir fjórmenningunum og
hefur héraðsdómur á Suðurnesjum
staðfest það. Samkvæmt heimildum
DV hefur sá úrskurður verið kærður
til Hæstaréttar sem mun taka kæruna
fyrir á næstu dögum. Að sögn Frið-
riks Smára er málið nú í rannsókn.
Hann segir að árásin hafi átt sér stað
á heimili eins árásarmanna. Friðrik
Smári segist ekki enn geta svarað hve
lengi frelsissviptingin stóð yfir. „Það
er eitt þess sem rannsókn beinist
að. Ég get ekkert sagt um hvers eðlis
ofbeldið var. Rannsókn er í gangi og
menn í
gæsluvarðhaldi þannig það er lítið
hægt að tjá sig,“ segir Friðrik. Að hans
sögn er sá sem varð fyrir barðinu á
fjórmenningunum ungur karlmað-
ur, átján ára. „Það voru einhver lítil
tengsl, en samt einhver,“ svarar Frið-
rik Smári spurður um hvort fórnar-
lambið hafi þekkt árásarmennina.
Langur afbrotaferill
Líkt og fyrir segir herma heimildir
DV að Kristján Markús Sívarsson sé
einn þeirra sem grunaðir eru um að-
ild að málinu. Kristján Markús á að
baki langan afbrotaferil en bræðurn-
ir fengu „Skeljagranda“-viðurnefnið
í kjölfar þess að þeir voru dæmdir
fyrir stórfellda líkamsárás á Skelja-
granda árið 2003.
Nýjasti dómur Kristjáns Markús-
ar var árið 2008 en þá fékk hann sex
mánaða skilorðsbundinn fangelsis-
dóm fyrir líkamsárás gegn átta ára
dreng. Síðastliðinn febrúar var karl-
maður á fertugsaldri sviptur frelsi
sínu á heimili sínu og hann pynt-
aður. Tveir menn voru úrskurðað-
ir í gæsluvarðhald í kjölfar þess og
var annar þeirra Kristján Markús. Að
sögn lögreglu þótti sú árás sérlega
fólskuleg og stóð hún yfir í fjölda
klukkutíma.
Kristján Markús sagði sjálfur í
samtali við DV, eftir að honum var
sleppt úr gæsluvarðhaldi, að fórn-
arlambið hafi verið dæmdur barn-
aníðingur og hann hafi aðeins „gef-
ið honum tvo á kjaftinn“. Ekki hefur
verið ákært í því máli. n
Hjálmar Friðriksson
hjalmar@dv.is „Þetta er
litið mjög
alvarlegum
augum, þetta er
frelsissvipting og
líkamlegt ofbeldi.
Yfirlögregluþjónn Friðrik Smári Björgvinsson segist lítið geta tjáð sig um málið utan
þess að það sé í rannsókn og fjórir karlmenn séu í gæsluvarðhaldi næstu tvær vikur.
Vogar Árásin og
frelsissviptingin átti
sér stað að heimili eins
árásarmanns í Vogum
við Vatnsleysuströnd.
M
Y
n
d
R
ó
b
eR
t
R
eY
n
is
s
o
n
Hafa samið um
tugmilljarða
eftirgjöf
Alls hafa 12 þúsund mál komið
inn á borð embættis umboðs-
manns skuldara frá því að það tók
til starfa í ágúst árið 2010. Flest
mál bárust árið 2011 eða um
þriðjungur allra málanna. Kostn-
aður við hvert mál er 295 þús-
und krónur að meðaltali, að því
er kemur fram í tilkynningu frá
embættinu. Af þessum 12 þús-
und málum er um 5.000 greiðslu-
aðlögunarmál og um 3.500 ráð-
gjafarmál. Í samningum um
greiðsluaðlögunarmál hefur verið
samið um 20 milljarða króna eft-
irgjöf af samningskröfum en að
meðaltali er samið um 87% eftir-
gjöf af samningskröfum.
Hvorki svör né skýringar
Ráðuneyti fylgja ekki upplýsingalögum
D
V fær engin svör við upplýs-
ingabeiðnum sem sendar hafa
verið forsætisráðuneytinu,
fjármála- og efnahagsráðu-
neytinu og innanríkisráðuneytinu.
Spurt var um hvíldardaga Sigmund-
ar Davíðs, lögfræðiráðgjöf til Hönnu
Birnu og meinta athugun rekstrar-
félags stjórnarráðsins.
Í 11. grein upplýsingalaga segir:
„Hafi beiðni ekki verið afgreidd innan
sjö daga frá móttöku hennar skal skýra
aðila frá ástæðum tafanna og hvenær
ákvörðunar sé að vænta“. Liðnir eru
11 dagar síðan DV óskaði eftir öllum
tiltækum gögnum innanríkisráðu-
neytisins um þá lögfræðiráðgjöf sem
Hanna Birna Kristjánsdóttir innan-
ríkisráðherra segist hafa fengið vegna
samskipta sinna við Stefán Eiríksson
í tengslum við lögreglurannsóknina
á innanríkisráðuneytinu. DV óskaði
eftir gögnunum þann 5. ágúst en hef-
ur hvorki fengið svör né skýringar á
töfunum líkt og lög kveða á um.
Sama dag sendi DV fjármála- og
efnahagsráðuneytinu upplýsinga-
beiðni vegna þeirrar athugunar sem
Hanna Birna segir að rekstrarfélag
stjórnarráðsins, sem heyrir undir fjár-
málaráðuneytið, hafi annast vegna
lekamálsins. Blaðið fékk skýringar á
töfunum þar og hefur verið lofað svör-
um í næstu viku. Enn lengra er síðan
DV sendi forsætisráðuneytinu upp-
lýsingabeiðni. Þann 30. júlí var ósk-
að eftir upplýsingum um fjölda þeirra
daga sem Sigmundur Davíð Gunn-
laugsson forsætisráðherra hefur tekið
sér leyfi frá vinnu. Hvorki hafa borist
svör né skýringar á töfunum. n
johannp@dv.is
engin svör DV
hefur ekki fengið
svör við upplýs-
ingabeiðnum né
skýringar á töfum.