Dagblaðið Vísir - DV - 15.08.2014, Síða 12

Helgarblað 15.–18. ágúst 201412 Fréttir
Sagt að útvega
peningana sjálf
n Fékk bara helming af skólagjaldaláni hjá LÍN n Í vandræðum í miðri prófatörn
E
f ég ætti 1,5 milljónir króna
þá væri ég ekki að sækja um
námslán,“ segir ung kona
sem lenti í miklum vandræð­
um þegar hún fékk ekki fyrir­
framgreitt skólagjaldalán frá Lána­
sjóði íslenskra námsmanna (LÍN),
líkt og hún gerði ráð fyrir. Konan,
sem vill ekki koma fram undir nafni,
er mjög ósátt við að hafa fengið mis­
vísandi og rangar upplýsingar frá
starfsmanni sjóðsins , sem og að
vera að lokum sagt að hún þyrfti að
redda peningunum sjálf.
Konan fékk inni mastersnám í
breskum skóla og fékk samþykki fyr­
ir skólagjaldaláni hjá LÍN að upp­
hæð 12.400 punda, eða um 2,5 millj­
óna íslenskra króna.
Um var að ræða tvo gjalddaga
á skólagjöldunum. Sá fyrri var um
haustið, áður en námið hófst, og sá
síðari í lok janúar, 6.200 pund í hvort
skipti, rúmlega 1,2 milljónir króna.
Hún fékk fyrirframgreitt frá LÍN
fyrir fyrri greiðslunni, en þegar kom
að því að ganga frá seinni greiðsl­
unni kom babb í bátinn.
Vandræðin hófust í miðjum
próflestri
„Vandræðin hófust í raun í byrjun
janúar. Ég var að læra fyrir próf
þegar ég áttaði mig á því að ég var
ekki búin að fá greitt frá LÍN, inn á
reikninginn minn,“ segir konan sem
hringdi þá strax LÍN til að kanna
hverju sætti og hvenær hún ætti von
á seinni greiðslunni. „Fyrst fékk ég
þær upplýsingar að ég fengi ekki fyr­
irframgreitt fyrir seinni greiðslunni.
Að ég fengi ekki greitt fyrr en ég skil­
aði inn námsárangri. Mér fannst það
mjög skrýtið enda voru prófin í lok
janúar og einkunnum ekki skilað
fyrr en um miðjan febrúar,“ útskýrir
hún.
Átti að skila inn staðfestingu
á skólavist
Konan skýrði starfsmanni LÍN frá
stöðunni og virtist hann hafa skiln­
ing á aðstæðum „Hún sagði að ég
gæti fengið undanþágu ef ég skilaði
inn staðfestingu á skólavist.“ Það var
lítið mál fyrir konuna að fá slíka stað­
festingu frá skólanum. Gekk hún frá
því strax daginn eftir og sendi afrit
af gögnunum með tölvupósti. „Ég
óskaði eftir því við starfsmanninn
að ég fengi staðfestingu á því að þau
hefði fengið gögnin, en ég heyrði
ekkert frá þeim í þrjá, fjóra daga.“
Konan reyndi að einbeita sér að
próflestrinum í stað þess að hafa
áhyggjur af skólagjöldunum, en
óvissan truflaði hana. Eins og gefur
að skilja var þetta afleitur tími fyrir
hana að standa í slíku basli.
„Ég var orðin mjög stressuð og
reyndi að hringja aftur en náði aldrei
sambandi. Ég sendi því starfsmann­
inum sem ég hafði átt samskipti við
annan tölvupóst, til að kanna hvort
hún hefði ekki örugglega feng­
ið staðfestinguna frá mér, og sendi
hana aftur. En fékk engin svör.“
Misvísandi upplýsingar
Í framhaldinu fékk konan móður
sína til að hringja fyrir sig, enda
óhentugt fyrir hana að hringja fjölda
símtala frá Bretlandi í miðri prófa­
törn. Þegar móðir hennar loksins
náði sambandi við starfsmanninn
vildi sá hinn sami ekkert kannast
við að hafa gefið konunni þær upp­
lýsingar að hún gæti fengið undan­
þágu ef hún skilaði inn staðfestingu
á skólavist. „Hún sagði við mömmu
að samkvæmt úthlutunarreglum þá
væri þetta ekki hægt og vildi í raun
ekkert fyrir mig gera. Í kjölfarið svar­
aði hún svo tölvupóstinum mínum,
sagði að þetta væri ekki nóg og vís­
aði í úthlutunarreglur. Sagði að ég
yrði að tala við minn banka, eða
redda peningunum sjálf.“
Bróðirinn lánaði sparifé sitt
Á þessum tímapunkti voru þrír
dagar í gjalddagann og ferlið búið að
taka ellefu daga. Konan var að von­
um orðin mjög þreytt á samskipt­
unum við LÍN og reyndi aftur að ná
í starfsmanninn í síma, sem tókst
að lokum. Hún spurði hvers hann
hefði gefið henni rangar upplýsingar
í upphafi, en viðbrögðin voru þau
sömu og í tölvupóstinum. Vísun í út­
hlutunarreglur og að hún yrði að út­
vega peningana sjálf.
Hún var alveg að falla á tíma, á
leiðinni í mikilvæg próf og átti ekki
pening til að greiða skólagjöldin.
Því voru góð ráð dýr, en málalyktir
urðu þær að bróðir hennar, sem er
búsettur í Bretlandi, lánaði henni
spariféð sitt svo hún gæti gengið frá
greiðslunni og einbeitt sér að próf­
unum.
„Ég skil ekki af hverju þeir eru
ekki sveigjanlegri með þetta,“ segir
konan sem er þó þakklát fyrir að allt
hafi farið vel á endanum.
Blaðamaður DV talaði við tvo
starfsmenn LÍN , en hvorugur þeirra
gat gefið skýr svör varðandi það
hvort svona væri þessu almennt
háttað hjá sjóðnum, eða hvort mis­
tök hefðu átt sér stað í þessu til­
felli. Vísað var á framkvæmdastjóra
sjóðsins, Hrafnhildi Ástu Þorvalds­
dóttur.
„Það á að fara eftir reglunum“
Hrafnhildur Ásta Þorvaldsdóttir
segir í samtali við DV að svona séu
reglurnar. Mastersnemar fái skóla­
gjöldin fyrirframgreidd fyrstu önn­
ina, en fái ekki greitt fyrir næstu önn
fyrr en þeir hafa sýnt fram á lágmarks
námsárangur. Ekki sé sveigjan­
leiki hvað þetta varðar. „Þetta eru
reglurnar sem við fylgjum og það á
ekki að gera undanþágur frá þeim.
Það á að fara eftir reglunum og sama
gildir fyrir alla. Þetta er að ganga upp
hjá nánast öllum.“ n
Um skólagjalda-
lán á vef Lín
n „Námsmenn sem hafa lokið a.m.k.
einni önn í lánshæfu námi geta sótt um
að fá skólagjaldalánin greidd fyrirfram
fyrir hverja önn.
n Námsmenn sem fá lánað fyrir
skólagjöldum í heilt skólaár (haust- og
vorönn) verða að ljúka að lágmarki 22
ECTS-einingum á önn eða sambærilegu.
Þó eru aldrei greidd út skólagjaldalán
fyrirfram nema fyrir eina önn í einu.
n Ef námsmaður nær ekki að ljúka 44
ECTS-einingum samtals á haust- og
vorönn fær hann aðeins skólagjaldalán
fyrir þá önn sem hann nær að lágmarki
22 einingum.
Ljúki hann færri en 22 einingum á hann
ekki rétt á skólagjaldaláni.“
Ekki kemur fram hvort einhverjar undan-
þágur séu veittar frá þessum reglum.
„Ef ég ætti 1,5
milljónir króna
þá væri ég ekki að
sækja um námslán
Fékk rangar upplýs-
ingar frá starfsmanni
Konan þurfti að standa
í basli við LÍN í miðri
prófatörn.
Sólrún Lilja Ragnarsdóttir
solrun@dv.is
Maðurinn
fundinn
Maðurinn sem Elín Hirst þing­
kona lýsti eftir á Facebook­síðu
sinni á miðvikudagskvöld er
kominn fram. Hann fannst að
sögn Elínar í Hafnarfirði klukk­
an fjögur aðfaranótt fimmtu­
dags. Nanthacha Janyalert er 23
ára og ættaður frá Taílandi, en
hann hefur búið á Íslandi í átta
ár. Er hann haldinn geðröskun og
því óttuðust ættingjar hans hið
versta þegar hann fór af heimil­
inu á mánudag. „Takk allir þeir
sem lögðu hönd á plóg í gær­
kvöldi en það voru mörg hund­
ruð manns í gegnum Facebook,“
skrifar Elín á síðu sinni.
Dreifðu skít við
heimili Hilmars
Yfir 30 manna hópur á tíu bílum
dreifði hrossaskít fyrir framan
heimili Hilmars Þórs Leifssonar
á miðvikudagskvöld. Samkvæmt
heimildum DV var um að ræða
framhald af átökum sem snúast
meðal annars um innheimtu­
aðgerðir Hilmars. Heimildar­
maður DV segir hópinn hafa vilj­
að senda Hilmari þau skilaboð að
hann sé „skítugur“ og að menn
þurfi ekki að vera hræddir við
hann. Sá heimildarmaður segist
telja að Hilmar eigi sér varla við­
reisnar von.
Hilmar Leifsson var ekki
heima og varð því ekki vitni að
aðgerðum hópsins. Í samtali við
DV sagðist Hilmar telja illa að sér
vegið í umfjöllun í vikublaði DV
um óhefðbundnar innheimtu­
aðgerðir hans. Vísaði hann þar
í mál iðnaðarmanns sem hefur
kært Hilmar en samkvæmt lög­
reglu er málið á borði ákæru­
deildar. Hilmar sagði um menn­
ina sem dreifðu hrossaskítnum
að þeir hafi hótað að drepa hann
og hundana hans. Hann vildi ekki
ræða málið að öðru leyti.
Dópaður með
barn í bílnum
Um kvöldmatar leytið á mið­
vikudag stöðvaði lögreglan för
ökumanns á Höfðabakka vegna
gruns um akstur bifreiðar undir
áhrifum fíkniefna. Einn farþegi
bílsins var grunaður um vörslu
fíkniefna og þá var einnig sex
ára barn farþegi í bifreiðinni.
Fleira dreif á daga lögreglu
þetta kvöld, samkvæmt dagbók
hennar. Ökumaður var stöðv­
aður í Hafnarfirði sama kvöld
en ökumaður hennar var próf­
laus og að auki grunaður um
vörslu fíkniefna. Nokkru síðar
hafði lögreglan afskipti af pari á
heimili í austurborg Reykjavík­
ur vegna vörslu fíkniefna. Loks
var maður í Mosfellsbæ hand­
tekinn, grunaður um húsbrot,
að sögn lögreglunnar.