Dagblaðið Vísir - DV - 15.08.2014, Page 33

Helgarblað 15.–18. ágúst 2014 Fólk Viðtal 33
starfsfólk Borgarleikhússins hafi þótt
leitt að missa hann og að það hafi
verið stórkostlegt að vinna með hon-
um. „Starfsfólk RÚV er mjög hepp-
ið að fá hann til liðs við sig,“ segir
hún og tekur fram að þessi ákvörðun
hans hafi ekki komið henni á óvart.
„Mér finnst skiljanlegt að fólk vilji
taka nýjum áskorunum og held að
þetta hafi verið mjög eðlilegt næsta
skref fyrir hann.“
Í ljósi tímasetningarinnar velti
Kristín því vel fyrir sér hvort hún
myndi sækjast eftir starfi leikhús-
stjóra. Eins og fyrr segir var hún ný-
komin úr fæðingarorlofi og var að
leikstýra verki í húsinu. „Ég tók síð-
an ákvörðun um að fara inn í um-
sóknarferlið, lagði allt mitt í það og
þetta var niðurstaðan. Stjórn Leikfé-
lags Reykjavíkur hefur sýnt mér mik-
ið traust og er ég þakklát fyrir það.
Þetta er mjög mikil áskorun og mér
er mjög í mun að vanda mig.“
Lærði í Danmörku og Englandi
En hvað varð til þess að Kristín
ákvað að taka þessa beygju af tón-
listarbrautinni og yfir í leikhúsið
á sínum tíma? „Leiklistaráhuginn
kviknaði á menntaskólaárunum en
þá skráði ég mig í leikfélag Kvenna-
skólans, Fúríu, og lék þar í nokkrum
sýningum. Þarna opnaðist alveg nýr
heimur fyrir mér. Þetta er á þessum
árum þegar maður er rosalega leit-
andi og forvitinn og er að gera allt í
fyrsta sinn. Um tíma hafði ég hug á
því að verða leikkona en fór síðan að
skoða fræðilegu hliðina á leikhúsinu
og sé ekki eftir því.“
Kristín lærði leikhúsfræði í Dan-
mörku og fór í kjölfarið í starfsnám
í Þjóðleikhúsinu. „Ég var eins og
svampur á þessum tíma,“ rifjar hún
upp. „Ég fylgdist með öðrum leik-
stjórum og lærði af þeim. Þetta var
mjög dýrmætur tími en ég var þarna
í þrjú ár að vinna með ýmsum leik-
hópum og leikstýrði einnig tveimur
verkum sjálf. Ég þróaði minn stíl og
sá betur hvert ég vildi stefna.“
Í kjölfarið sótti Kristín um leik-
stjórnarnám í London og fór í eins
árs meistaranám í leikstjórn árið
2006. „Þetta var alveg ótrúlega lær-
dómsríkur tími. Þegar maður er bú-
inn að prófa að vinna eftir BA-nám
þá veit maður betur hvað maður vill
gera. Það er gott að vera kominn með
smá þroska þegar maður fer í skóla
því viðhorf manns gagnvart skóla á
yngri árum er oft á þá leið að þetta sé
eitthvað sem maður þurfi að gera. Við
vorum aðeins sextán saman í bekk og
mynduðum mjög sterk tengsl. Maður
fékk að reka sig á og prófa hugmynd-
ir sínar. Ég mótaðist því mjög mikið
sem leikstjóri á þessu ári.“
Grímuverðlaun 2008
Þegar heim var komið fékk Kristín
strax leikstjórnarverkefni í Þjóðleik-
húsinu. Sú sýning, Sá ljóti, naut mik-
illar velgengni og var Kristín valin
leikstjóri ársins á Grímuverðlauna-
hátíðinni árið 2008. „Eftir það fóru
hjólin að snúast,“ rifjar Kristín upp
en sama ár fékk hún fastráðningu í
Borgarleikhúsinu. Þar setti hún að
meðaltali upp tvær leiksýningar á ári
en meðal vinsælla verka eru meðal
annars Fólkið í kjallaranum og Svar
við bréfi Helgu. Kristín hefur lagt
áherslu á ný íslensk leikverk og afger-
andi samtímaverk á borð við Rústað
eftir Söru Kane sem sýnt var í Borgar-
leikhúsinu árið 2009.
Kristín á Þjóðleikhúsinu mikið að
þakka þó svo að hjartað sé sannar-
lega dökkfjólublátt í dag. Hún seg-
ist ekki finna fyrir því að það sé ríg-
ur milli stóru leikhúsanna á Íslandi
heldur geti þau þvert á móti unnið vel
saman. „Fyrst og fremst finnst mér
mikilvægt að það sé gerð góð leiklist
á Íslandi. Ef fólk fer að sjá góða leik-
sýningu í Þjóðleikhúsinu eru meiri
líkur á að það fari aftur í leikhús.“
Umdeildar uppsagnir
Stuttu eftir að Kristín tók við starfi
leikhússtjóra tilkynnti hún breytingar
á leikhópnum á nýju leikári.
Breytingarnar urðu mjög umdeildar
og vöktu hörð viðbrögð. Þremur
leikurum var sagt upp samningum;
Hönnu Maríu Karlsdóttur, Theodóri
Júlíussyni og Hallgrími Ólafssyni.
Viðbrögðin voru ekki síst harkaleg
vegna hás starfsaldurs Hönnu Maríu
og Theodórs en þau hafa bæði starfað
fyrir Leikfélag Reykjavíkur um árabil
og ekki langt í að þau komist á eftir-
launaaldur. Uppsagnirnar voru í kjöl-
farið endurskoðaðar og að endingu
náðist samkomulag um að þau muni
bæði starfa áfram hjá Leikfélagi
Reykjavíkur. „Það er mjög eðlilegt að
leikhússtjóri fari yfir leikarahópinn
og geri þær mannabreytingar sem
hann telur vera þörf á út frá verkefna-
vali og listrænum áherslum. Ég tók
þessar ákvarðanir algjörlega á þeim
grundvelli. Hins vegar var starfsaldur
þessara tveggja leikara vanmetinn og
ákvörðunin því endurskoðuð,“ segir
Kristín þegar blaðamaður innir hana
eftir útskýringum á þessari ákvörðun.
„Málinu er algjörlega lokið með full-
um sáttum. Ferlið var mjög lærdóms-
ríkt fyrir mig og ég er afar þakklát
fyrir hvernig tókst að leysa það. Ég
vil vera þannig stjórnandi að ég geti
viðurkennt þegar mér verður á og
það er mjög mikilvægt í samfélaginu
í dag að við þorum að stíga fram og
ræða hlutina. Það á ekki að ríkja sátt
um listina. Fólk á að hafa skoðanir á
henni og það á að vera stöðug um-
ræða í gangi.“
Ótrúlega flott Lína
Komandi leikár er fyrsta heila leikár
Kristínar sem leikhússtjóri. „Ég er
full tilhlökkunar,“ segir hún aðspurð
hvaða tilfinningar hún fari með inn í
leikárið. „Ég hlakka til að kynna leik-
árið fyrir áhorfendum sem er að þessu
sinni bæði fjörugt og framsækið.“
Meðal sýninga sem Borgarleik-
húsið setur upp í haust er saga Astrid
Lindgren af Línu langsokk. Það er
leikkonan Ágústa Eva Erlendsdótt-
ir sem mun bregða sér í hlutverk
Línu. „Hún er ótrúlega flott Lína og
ég hlakka til að kynna hana og þetta
verk fyrir áhorfendum. Lína er stór-
kostleg fyrirmynd og þetta er barna-
leikrit með flottum boðskap. Það
er fátt mikilvægara en að setja upp
barnasýningar með alvöru inni-
haldi,“ segir Kristín.
„Þá erum við með fjölmörg ný ís-
lensk verk á leikárinu og svo munum
við einnig, sem mér finnst mjög mik-
ilvægt, kynna nýja strauma og stefn-
ur fyrir áhorfendum. Við munum
setja upp nokkur ný samtímaverk og
þá má einnig sjá klassík í nýjum bún-
ingi. Það sem ég hef verið að bæta
inn í leikárið núna eru vinnustofur
listamanna sem verða hérna í hús-
inu og þá verðum við með sýningu í
haust eftir Kviss Búmm Bang. Það er
þátttökuleikhús þar sem áhorfendur
munu ferðast um allt Borgarleikhús-
ið. Mjög óhefðbundin og skemmtileg
sýning,“ segir Kristín. Stóra sýning
Borgarleikhússins á næsta ári verður
síðan sagan af Billy Elliot.
Billy verður engum líkur
Breska kvikmyndin Billy Elliot vakti
töluverða athygli þegar hún kom út
árið 2000 og vann til fjölmargra verð-
launa. Sagan segir af ungum dreng,
Billy Elliot, sem elst upp í kolanámu-
bæ en uppgötvar fyrir slysni að hann
er fæddur til þess að dansa. Bergur
Þór Ingólfsson, sem leikstýrði með-
al annars Mary Poppins í Borgarleik-
húsinu, mun leikstýra verkinu og þá
kemur Baltasar Kormákur að fram-
leiðslu sýningarinnar. „Þetta er ör-
ugglega stærsta verkefni sem leik-
húsið hefur ráðist í,“ segir Kristín.
„Það hefur verið langþráður draum-
ur hjá leikhúsinu að setja upp þessa
sýningu en okkur reyndist erfitt að fá
réttinn að verkinu. Lykilatriðið er að
drengurinn sem leikur Billy sé stór-
kostlegur og fái áhorfendur til þess
að missa kjálkann í gólfið. Við leggj-
um alveg rosalega mikinn metnað í
valið á Billy.“
Sex drengir voru valdir úr
hópi hundruð drengja sem fóru í
áheyrnarprufur. Þeir hafa verið á stíf-
um æfingum og markvissri þjálfun í
allt sumar í von um að hreppa hlut-
verkið. „Strákarnir þurftu að leggja
allt annað til hliðar,“ segir Kristín,
„fótbolta, samkvæmisdansa og allt
sem þeir voru að gera áður. Þeir hafa
varla fengið neitt sumarfrí og eru
búnir að vera hér fimm daga vik-
unnar í allt sumar undir handleiðslu
danskennara frá Bretlandi, ásamt
fimleikaþjálfara og leiklistar- og
söngkennara. Ég fór inn á æfingu hjá
þeim um daginn og þeir eru ótrúleg-
ir,“ segir Kristín en undir lok mánað-
ar verða síðan valdir þeir tveir sem
munu skipta með sér hlutverkinu.
„Þetta verður flugeldasýning
Borgarleikhússins ár,“ segir Kristín
Eysteinsdóttir að lokum og lofar mik-
illi veislu fyrir áhorfendur. „Íslenski
Billy Elliot verður engum líkur.“ n
„Svo
þegar
ég var svona
sautján, átján
ára varð ég bara
skotin í konu.
„Við lítum á það sem ótrúlega
gjöf að hafa eignast barn“
Full tilhlökkunar Kristín
lofar flugeldasýningu í
Borgarleikhúsinu í vetur.