Dagblaðið Vísir - DV - 23.09.2014, Blaðsíða 4

Vikublað 23.–25. september 20144 Fréttir
Heimilismatur í hádeginu
Óseyrarbraut 2 Hafnarfirði – Sími: 565-1550 – kaenan@simnet.is
alla virka daga
F
regnir af hvarfi sendiherra
Kína á Íslandi, Ma Jisheng, og
meintum njósnum hans fyrir
japönsk stjórnvöld, hafa verið
áberandi að undanförnu.
Færri vita að sendiherra Norður-
Kóreu á Íslandi, Pak Kwang Chol,
hvarf með svipuðum hætti ekki alls
fyrir löngu. Pak var sendiherra Norð-
ur-Kóreu á Íslandi, Eistlandi, Finn-
landi, Noregi, Danmörku, og Svíþjóð
– þar sem hann hafði aðsetur.
Hann var kallaður til Pyongyang,
höfuðborgar Norður-Kóreu, í des-
ember í fyrra eða um það leyti sem
Jang Sung-taek, einn af æðstu ráða-
mönnum landsins og frændi ein-
ræðisherrans Kim Jong-un, var
dæmdur fyrir landráð heima fyrir og
tekinn af lífi. Pak hafði verið náinn
samstarfsmaður Jang en fjölmargir
honum nákomnir voru teknir af lífi
um svipað leyti. Ekkert hefur fengist
staðfest um afdrif Pak. Nafn hans er
ekki að finna á lista yfir þá samstarfs-
menn Jang sem drepnir hafa verið
en líklegt er talið að hann hafi verið
dæmdur í þrælkunarbúðir.
Pak afhenti Ólafi Ragnari Gríms-
syni, forseta Íslands, trúnaðarbréf
á Bessastöðum þann 2. október í
fyrra, eða stuttu áður en hann hvarf
úr embætti. Á heimasíðu forseta-
embættisins má sjá mynd af þeim
saman en þar segir að þeir hafi rætt
um reynslu Íslendinga í sjávarútvegi
og nýtingu jarðhita og hvernig þjóð-
ir í Asíu og Afríku gætu lært af þeirri
reynslu.
Sendiráð Norður-Kóreu í Svíþjóð
var sendiherralaust þangað til í byrj-
un september þegar Kang Yong Dok
var skipaður sendiherra að því er
Dagbladet í Noregi greinir frá.
Sagður „í fríi“
Sænska dagblaðið Expressen greindi
frá því þann 27. desember í fyrra að
sendiherrann hefði verið kallaður
heim ásamt eiginkonu sinni, Ri Mi
Ran. Málið var sett í samhengi við
aftöku Jang Sung-taek stuttu áður,
en hann hafði verið sakaður um að
hafa reynt valdarán og sagður svikari
og „verri en hundur“ í ríkisfjölmiðl-
um. Expressen fjallaði aftur um mál-
ið þann 2. janúar og hafði eftir sendi-
ráðsfólki að Pak væri í fríi en hans
væri að vænta von bráðar.
Ekkert varð þó af endurkomu og
þann 24. febrúar greindi blaðið frá
því að ekkert hefði spurst til sendi-
herrans í næstum tvo mánuði.
Í fréttinni var sagt að talsmaður
norður kóreska sendiráðsins hafi ver-
ið „æstur“ þegar hann spurði blaða-
mann Expressen: „Er það virkilega
svo að við þurfum að tilkynna Ex-
pressen hvenær hann kemur aftur?“
Þá kom jafnframt fram að síðast
hefði sést til Pak og eiginkonu hans
stíga um borð í flugvél Air Koryo á
leið til Pyongyang, í fylgd norður-
kóreskra embættismanna, á flugvell-
inum í Peking í Kína, þann 27. des-
ember. Lina Eidmark, hjá sænska
utanríkisráðuneytinu, sagði í sam-
tali við blaðið að slík fjarvera sendi-
herra væri sjaldgæf. Þá væri ekki vit-
að hvenær Pak myndi snúa til baka.
Sláandi líkindi
Þrátt fyrir að engin tengsl séu á milli
hvarfs kínverska sendiherrans og þess
norðurkóreska eru líkindin sláandi.
Báðir voru þeir kallaðir heim ásamt
eiginkonum sínum, í kringum síðustu
áramót. Á meðan opinbera skýringin
á fjarveru Pak var sú að hann „væri í
fríi“ var því lengi vel haldið fram að
Ma væri fjarri „vegna fjölskylduveik-
inda.“ Talsmenn sendiráðanna vildu í
engu svara spurningum blaðamanna
og urðu jafnvel pirraðir þegar spurn-
ingar voru bornar upp.
Ekkert hefur spurst til þeirra
beggja síðan þeir voru kallaðir heim
og engin svör fást frá yfirvöldum
um afdrif þeirra. Fjölmiðlar hafa nú
greint frá því að Ma sé grunaður um
njósnir fyrir japönsk stjórnvöld en
Pak ku hafa verið náinn samstarfs-
maður manns sem var sagður „verri
en hundur.“ Pak tók við stöðu sendi-
herra þann 19. september 2012 en Ma
í desember sama ár. Á Íslandi hafði
sendiherrann verið týndur í rúma sjö
mánuði þegar greint var frá því í fjöl-
miðlum en í Svíþjóð tók það nokkra
daga. Ljóst er að hvorugur þeirra mun
snúa til baka.
300 svangir hundar
Norður-Kórea er eitthvert einangrað-
asta ríki veraldar og erfitt að nálgast
upplýsingar þaðan. Kim Jong-un stýr-
ir ríkinu með harðri hendi og þykir af-
taka Jang Song-thaek og samstarfs-
manna hans skýrt dæmi um það. Oftar
en ekki birtast furðulegar fréttir um
landið á vestrænum miðlum. Stund-
um eiga þær ekki við rök að styðjast.
Þannig birtu NBC, Daily Mail,
London Evening Standard og fleiri
miðlar fréttir af aftöku Jang í janúar í
fyrra þar sem því var haldið fram að
hann og samstarfsmenn hans hefðu
verið afklæddir og kastað fyrir hóp 300
svangra hunda. Sagan vakti athygli og
óhug víða um heim en síðar átti eft-
ir að koma í ljós að hún var uppspuni
frá rótum. Jang var vissulega tekinn af
lífi en sagan um hundana hafði orðið
til hjá grínkarakter og síðan ferðast
óhindrað um óravíddir veraldarvefs-
ins.
Svíþjóð hefur spilað lykilhlutverk
í samskiptum Norður-Kóreu við um-
heiminn, enda lengi haft orðspor sem
hlutlaust ríki. Þannig ræddust erind-
rekar japanskra og norðurkóreskra
stjórnvalda við á sænskri grund í maí
síðastliðnum. n
Sendi herra Norður-
Kóreu líka horfinn
n Kallaður heim í desember n Samstarfsmaður Jang Sung sem tekinn var af lífi
Jón Bjarki Magnússon
jonbjarki@dv.is
Einræðisherrann Kim Jong-un stýrir Norður-Kóreu með harðri hendi og þykir aftaka Jang
Song-thaek og samstarfsmanna hans skýrt dæmi um það.
Hurfu báðir um áramótin Þrátt fyrir
að engin tengsl séu á milli hvarfs kínverska
sendiherrans og þess norðurkóreska eru
líkindin sláandi. Þeir voru báðir kallaðir
heim í kringum síðustu áramót.
„Er það virki-
lega svo að
við þurfum að
tilkynna Express-
en hvenær hann
kemur aftur?
Hvarf eftir heimsókn Pak Kwang Chol, sendiherra Norður-Kóreu á Íslandi, afhenti Ólafi Ragnari Grímssyni, forseta Íslands, trúnaðarbréf
í byrjun október í fyrra. Tæpum tveimur mánuðum síðar var hann horfinn.
Brenndist
á Akranesi
Drengur brenndist þegar eldur
kom upp í Brekkubæjarskóla á
Akranesi í hádeginu á mánu-
dag. Skessuhorn greindi frá því
að drengurinn hafi verið að fikta
með skoteld með þeim afleiðing-
um að eldur kviknaði. Hann var
þó ekki mikill og gekk greið-
lega að slökkva hann. Starfsfólk
skólans brást hárrétt við að sögn
Skessuhorns og hóf rýmingu um
leið og eldsins varð vart. Ekki er
vitað nánar um meiðsli drengs-
ins sem brenndist. Tjón á húsinu
er óverulegt.
Tjón upp á eina
og hálfa milljón
Nítján rúður hafa verið brotnar í
strætóskýlum víðs vegar á Akur-
eyri undanfarinn rúman mánuð.
Fjallað er um málið í nýjasta tölu-
blaði Vikudags á Akureyri en þar
kemur fram að tjón vegna þessa
nemi um einni og hálfri milljón
króna. Hver rúða kostar á bil-
inu 60 til 70 þúsund krónur með
uppsetningu. Ekki hefur tekist
að finna þá sem bera ábyrgð á
skemmdarverkunum en haft er
eftir Gunnari Jóhannssyni, rann-
sóknarfulltrúa á Akureyri, að flest
bendi til þess að um einn hóp af
skemmdarvörgum sé að ræða.
Lýst hefur verði eftir vitnum en
engar vísbendingar hafa borist.