Dagblaðið Vísir - DV - 23.09.2014, Blaðsíða 31

Vikublað 23.–25. september 2014 Sport 31
Fá ekki að spila
körFu á Íslandi
K
örfuboltamaðurinn banda-
ríski Titus Rubles, sem skila
átti miðherjahlutverkinu
hjá Keflavík í Domino‘s-
deildinni í ár, mun ekki vera
á leiðinni til landsins.
Samkvæmt heimildum DV
greindi Rubles ekki forráðamönnum
Keflavíkur frá því að hann hefði ver-
ið tekinn með kannabis í heimalandi
sínu en af þeim sökum yrði honum
synjað um dvalar- og atvinnuleyfi
hjá Útlendingastofnun. Þar sem brot
Rubles er frá því í fyrra þá telst það
ekki fyrnt en hin almenna regla er að
brot fyrnist á fjórum til fimm árum.
„Það var búið að gera samning við
hann og þegar við fengum gögnin í
hendurnar þá sé ég það að hann er
á sakaskrá,“ segir Sævar Sævarsson,
varaformaður körfuknattleiksdeild-
ar Keflavíkur, sem nú leitar logandi
ljósi að nýjum að nýjum Banda-
ríkjamanni en Domino‘s-deildin fer
af stað þann 9. október með fjórum
leikjum.
Vilja vottun frá FBI
„Það fór allt á fullt um leið og þetta
komst upp og Tómas Tómasson, sem
er okkar maður í þessum málum, er
búinn að útvega okkur nöfn á öðrum
leikmönnum og við erum að vinna í
að klára það í vikunni,“ segir Sævar.
Keflvíkingar eru ekki þeir einu
sem lentu í þessum vandræðum því
körfuknattleiksdeildir ÍA og Þórs á
Þorlákshöfn voru einnig búnar að
semja við Bandaríkjamenn sem síð-
ar kom í ljós að voru á sakaskrá í
heimalandinu.
„Hann lét okkur ekki vita,“ seg-
ir Benedikt Rúnar Guðmunds-
son, þjálfari Þórs í Þorlákshöfn,
en Bandaríkjamaðurinn sem þeir
höfðu gert samning við fær ekki
heldur að koma til Íslands.
„Þetta kom í ljós fyrir rúmri viku
þegar umboðsmaður hans fékk
pappírana í hendurnar en það er
leikmannanna að verða sér úti um
sakavottorð,“ segir Benedikt Rún-
ar en Útlendingastofnun fer fram á
vottun frá FBI.
Erfið mál fyrir félögin
Sá hafði ekki verið tekinn með
kannabis líkt og Bandaríkjamaður-
inn sem Keflvíkingar gerðu samning
við heldur var hann farþegi í bíl sem
var stöðvaður af lögreglu. Við leit í
bílnum fannst skammbyssa og er
málið í farvegi hjá þarlendum lög-
regluyfirvöldum.
„Hann var þess fullviss að málið
gegn honum yrði látið niður falla en
þegar ég heyrði í Útlendingastofnun
þá sögðu þeir að leyfið hans gæti far-
ið í gegn en að það gæti tekið langan
tíma, tíma sem við bara eigum ekki,“
segir Benedikt Rúnar sem fór, líkt og
Keflvíkingar, á fullt í það að verða sér
úti um annan leikmann.
„Við sömdum við annan leik-
mann núna á föstudagskvöldið en
við spurðum alveg sérstaklega að
því hvort viðkomandi væri með eitt-
hvað á sakaskrá. Nú erum við að
bíða eftir pappírunum frá umboðs-
manni hans en þeir eru misfljótir að
græja þá.“
Mál af þessum toga eru erfið fyr-
ir íslensku liðin þar sem bæði er
búið að leggja mikla vinnu í samn-
ingagerð og leit að leikmönnum og
einnig þar sem málin koma upp
þegar svo stutt er í að tímabilið hefst.
„Þú þarft bara að fara á byrjunar-
reit þegar þetta kemur upp. Þetta er
mjög leiðinlegt.“ n
n Í vandræðum með erlenda leikmenn n Menn á sakaskrá fá ekki leyfi
Atli Már Gylfason
atli@dv.is
„Það var búið að
gera samning við
hann og þegar við feng-
um gögnin í hendurnar
þá sé ég það að hann er
á sakaskrá.
Sævar Sævarsson Varaformaður
körfuknattleiksdeildar Keflavíkur leitar nú
að nýjum Bandaríkjamanni í stað Rubles
sem fær ekki að koma til landsins.
Sama sagan Benedikt Guðmundsson þjálfari Þórs í Þorlákshöfn þurfti einnig að finna
nýjan leikmann en sá sem liðið hafði samið við var á sakaskrá og lét engan vita.
Tekinn með gras
Titus Rubles fær
ekki að leika með
Keflvíkingum í
Domino's-deildinni.
Vilja vottun frá FBI Útlendingastofnun
vill sakavottorð með stimpli frá bandarísku
alríkislögreglunni FBI.
Klúður að
kaupa ekki
varnarmann
Jamie Carragher um varnarleik
Manchester United
Þó að Manchester United hafi
farið mikinn á leikmannamark-
aðnum í sumar gerði félagið
stór mistök með því að kaupa
ekki leikmann sem getur spilað í
miðri vörninni. Þetta segir Jamie
Carragher, fyrrverandi leikmaður
Liverpool og sparkspekingur hjá
Sky Sports.
Manchester United hefur farið
illa af stað í ensku úrvalsdeildinni
í vetur og er liðið með fimm stig
eftir fyrstu fimm umferðirnar,
átta stigum minna en topplið
Chelsea. United hefur fengið á sig
8 mörk í fyrstu 5 leikjunum, þar
af 5 gegn nýliðum Leicester um
helgina í 5–3 tapi.
„United var það lið sem eyddi
langmestum peningum í nýja
leikmenn í sumar en þrátt fyr-
ir það keyptu þeir ekki einn
hafsent,“ segir Carragher. United
fékk til sín nokkra öfluga miðju-
og sóknarmenn og þá voru tveir
rándýrir vinstri bakverðir keyptir,
Luke Shaw og Marcos Rojo. Rojo
getur vissulega spilað í miðri
vörninni en hann er vinstri bak-
vörður að upplagi.
„Að eyða svona miklum pen-
ingum en kaupa ekki hágæða
hafsent er klúður,“ sagði Carrag-
her um lið United. Hann segir að
United-liðið minni um margt á
Liverpool-liðið í fyrra, liðið geti
skorað mörk en varnarleikurinn
sé í molum. United missti reynsl-
umikla varnarmenn í sumar; Rio
Ferdinand fór á frjálsri sölu til
QPR eins og Nemanja Vidic sem
fór til Inter. Þá var Patrice Evra
seldur til Juventus. Ljóst er að
forsvarsmenn United munu leita
logandi ljósi að öflugum hafsent
þegar félagaskiptaglugginn opnar
í janúar. United tekur á móti West
Ham í ensku úrvalsdeildinni um
næstu helgi.
HM ekki í
Katar?
Þjóðverjinn Theo Zwanziger sem
á sæti í framkvæmdastjórn Al-
þjóðaknattspyrnusambandsins,
FIFA, segist telja að HM 2022 fari
ekki fram í Katar.
Segir hann að aðstæður til
knattspyrnuiðkunar séu ómögu-
legar í landinu vegna hita sem
fer oftar en ekki vel yfir 40 gráður
yfir sumarmánuðina. Skipuleggj-
endur mótsins hafa fullyrt að sér-
stökum kælibúnaði verði komið
fyrir á þeim leikvöllum sem leikið
verður á en sá búnaður mun enn
vera í þróun.
„En mótið sjálft fer ekki bara
fram á þeim völlum sem spilað er
á,“ sagði hann í viðtali við Bild á
dögunum.
Forsvarsmenn Alþjóða-
knattspyrnusambandsins svör-
uðu þessum orðum Zwanziger á
þá leið að um væri að ræða hans
persónulegu skoðun.