Dagblaðið Vísir - DV - 23.09.2014, Blaðsíða 18

Vikublað 23.–25. september 201418 Fréttir Erlent
N
orður-Kóreumenn búa við
hvað mest mannrétti af öll-
um þjóðum heims sam-
kvæmt rúmlega fimmtíu
þúsund orða skýrslu um
mannréttindi í landinu. Sá hængur
er þó á skýrslunni að hún er rituð af
einræðisstjórninni sjálfri. Skýrslan,
sem er afhjúpandi þrátt fyrir ýkjur,
lygar og fals, er liður í áróðursstríði
ríkisstjórnarinnar gegn skýrslu Sam-
einuðu þjóðanna sem hefur allt aðra
sögu að segja. Skýrsla Sameinuðu
þjóðanna vakti, um leið og hún kom
út í febrúar, mikla reiði meðal ráða-
manna í Norður-Kóreu, en niður-
staða hennar var að mannréttinda-
brot af þeirri stærðargráðu sem
tíðkuðust í landinu væru óþekkt um
heim allan.
Dauðabúðir og pyntingar
Í skýrslu Sameinuðu þjóðanna
er farið yfir hin fjölmörgu mann-
réttindabrot sem framin eru í
Norður-Kóreu. Má þar helst nefna
umfangsmikið eftirlit með rík-
isborgurum, ferðabann, mis-
munun vegna hugmyndafræði
og pyntinga og fangabúðir sem
minna helst á dauðabúðir nasista
eða gúlag Sovét ríkjanna. Áætlað er
að hundruð þúsunda manns hafi
verið myrt í gúlaginu frá valdatöku
Kim Il-sung á sjötta áratug síðustu
aldar. Ein helsta niðurstaða skýrsl-
unnar var að Alþjóðagerðardómur-
inn í Haag myndi rétta yfir valda-
mönnum í Norður-Kóreu.
Andsósíalískt samsæri
samkynhneigðra
Fyrstu viðbrögð frá Norður-Kóreu
voru lýsa því yfir að skýrslan
væri eingöngu liður í samsæri til
að grafa undan sósíalísku kerfi
um heim allan. Einn talsmaður
stjórnarinnar hafði orð á því að
Bandaríkjamenn og bandamenn
þeirra stunduðu „mannréttinda-
brask“. Sömuleiðis var gagnrýnt að
samkynhneigður maður, Michael
Kirby, fyrrverandi hæstaréttar-
dómari Ástralíu, færi fyrir rann-
sókn á mannréttindum. „Hann
er viðbjóðslegur gamall saurlífis-
seggur með rúmlega fjörutíu ára
langan feril í samkynhneigð. […]
Slíkt myndi aldrei gerast í alþýðu-
lýðveldinu Kóreu þar sem gott sið-
ferði ríkir. […] Það er fáránlegt að
samkynhneigður maður skuli fjalla
um mannréttindi,“ var sagt í frétt
ríkismiðils Norður-Kóreu stuttu
eftir útgáfu skýrslunnar. Næsta
skref stjórnarinnar var að rannsaka
stöðu mannréttinda í Bandaríkj-
unum. Niðurstaðan var að Banda-
ríkin væru helvíti á jörðu.
Framfaraskeið undir stjórn
Kim-fjölskyldunnar
Nýjast útspil einræðisríkisins í
þessu áróðursstríði er skýrslan
fyrrnefnda sem birtist á ríkis-
miðlum á dögunum. Farið er um
víðan völl en byrjað er á segja
sögu Kóreu, þar sem erkióvinur-
inn Japan kemur oft við sögu. Því
er haldið fram að fullveldi þjóða
sé grundvallarmannréttindi sem
þjóðin hafi lært í sjálfstæðisbar-
áttu sinni gegn Japan. Undir stjórn
Japans var líf Kóreumanna „verra
en líf hunds fjölskyldu sem held-
ur jarðarför“ samkvæmt norður-
kóresku skýrslunni. Því næst er
farið yfir hinar miklu framfarir frá
því Kim-fjölskyldan komst til valda
í Kóreu. Samkvæmt skýrslunni
má þar meðal annars nefna ellefu
ára skólaskyldu, jafnrétti kynja og
miklar framfarir í vinnulöggjöf svo
sem átta tíma vinnudag. Niður-
staða skýrslunnar er að sjálfsögðu
sú að Norður-Kóreumenn séu
„stoltir af heimsins fremsta mann-
réttindakerfi“.
Póstmódernískt einræðisríki
Eitt það áhugaverðasta í skýrslunni
er hvernig ásökunum um mann-
réttindabrot er svarað. Til að mynda
er vitnisburði flóttamanna um
vinnu- og dauðabúðir vísað á bug
sem marklausum orðum „illþýðis“,
„strokumanna“ og „hryðjuverka-
manna“. Ekki er minnst á önnur
mannréttindabrot svo sem eftirlit
með borgurum og mismunun á
grundvelli hugmyndafræði. Skýr-
sluhöfundar virðast gera sér grein
fyrir því að staðhæfingum um ágæti
Norður-Kóreu verði vísað á bug af
flestum. Því leggja þeir áherslu á
afstæði sannleikans. „Þessi skýrsla
sýnir aðeins brot af raunveruleik-
anum. Hvernig fólk tekur þeim
sannleik fer eftir skoðunum les-
anda. Það sem er ljóst er að sann-
leikurinn er eins og hann er og mun
ekki tapa eðli sínu þótt sumir neiti
honum,“ segir í skýrslunni. n
Fremstir í mannréttindum
samkvæmt eigin skýrslu
n Áróðursstríð Norður-Kóreu heldur áfram n Fagurgali um meintar framfarir
Mannréttinda-
frömuður?
Samkvæmt skýrslu
norðurkóreskra
yfirvalda búa fáar
þjóðir við eins góð
mannréttindi og
Norður-Kóreumenn.
Hjálmar Friðriksson
hjalmar@dv.is
„Það er fáránlegt
að samkynhneigð-
ur maður skuli fjalla um
mannréttindi.
Fengu einn kjúklinganagg í hádegismat
Fjögurra ára börn voru svöng í skólanum þrátt fyrir fríar skólamáltíðir
M
iklar áhyggjur foreldra og
reiði hefur komið fram eftir
að fjögurra ára börn í skóla
í Birmingham fengu aðeins
einn lítinn kjúklinganagg að borða
sem hádegisverð í skólanum sínum.
Börnin áttu að fá fríar skólamáltíðir
og hafði skólinn ráðið verktaka til að
sinna matreiðslunni. Borgarfulltrú-
inn Valarie Seabright segir málið mik-
ið hneyksli en svo virðist sem verktak-
inn hafi stórlega vanmetið matar- og
orkuþörf barnanna.
Börn í yngsta bekknum fengu sem
dæmi aðeins þennan eina kjúklinga-
nagg auk meðlætis, og því eldri sem
þau urðu bættust við einn til tveir
naggar. Þau voru því afar svöng í skól-
anum sem átti að sjá til þess að jafn-
ræðis væri gætt milli barna sem kæmu
frá efnaminni fjölskyldum. „Þetta er
mjög alvarlegt. Það er gætir greinilega
mikils misskilnings milli verktakans
og skólans, auk þess sem þeir virðast
ekki kunna til verka,“ segir Seabright.
Ókeypis skólamáltíðir fyrir börn
undir sjö ára aldri var hugarfóstur
Nicks Clegg, varaforsætisráðherra
Bretlands. Verkefnið fór af stað í byrj-
un skólaársins nú í september og hef-
ur gengið misvel þó að flestir séu sam-
mála um ágæti þess að börnin fái
mat í skólanum foreldrum sínum að
kostnaðarlausu. Regluverkið í kring-
um máltíðirnar virðist þó vera ótraust
og eru gæðin afar misjöfn eftir skólum
á landsvísu. Auk skammtastærða hafa
næringarfræðingar látið í sér heyra og
bent á að ef til vill ætti börnunum að
bjóðast ferskari gæðamatur og hafa
þeir áhyggjur af því að maturinn sé
bæði óhollur og mikið unninn. n
Bara einn
Krakkarnir voru
svangir í skólanum.
Bitinn af
hákarli
Sextán ára drengur komst í hann
krappann á dögunum þegar
hann var bitinn af hákarli við
strandbæinn Salou á norðaustur-
strönd Spánar fyrir skemmstu.
Salou er vinsæll ferðamanna-
staður og hafa eflaust ófáir Ís-
lendingar baðað sig í sjónum við
strandbæinn á undanförnum
árum. Betur fór en á horfðist því
drengurinn var bitinn í hand-
legginn og slapp án lífshættu-
legra meiðsla. Hann var að leik á
vindsæng skammt frá ströndinni
þegar hákarlinn, bláháfur, lét til
skarar skríða. Sauma þurfti 30
spor í handlegg drengsins.
Engu nær um
orsök slyssins
Ekki liggur enn fyrir hvað grand-
aði flugvél Air Algerie-flugfélags-
ins í júlí síðastliðnum. 116 voru
um borð og létust allir en vélin
var á flugi yfir Afríkuríkinu Malí
þegar hún brotlenti. Vélin lagði
af stað frá Burkina Faso þann 24.
júlí og var ferðinni heitið til Al-
geirsborgar í Alsír. Þegar vélin
var á ferð yfir Malí báðu flug-
menn vélarinnar um leyfi til að
snúa við vegna slæmra veður-
skilyrða. Skömmu síðar rofnaði
allt samband við vélina. Á blaða-
mannafundi sem haldinn var
um helgina vegna rannsóknar
málsins kom fram að ekkert væri
útilokað í rannsókninni, ekki
einu sinni hryðjuverk. Sem fyrr
segir létust 116 manns í slysinu,
þar af var um helmingur farþega
franskir ríkisborgarar.
Tyrkir loka
landamærum
Yfirvöld í Tyrklandi hafa ákveðið
að loka hluta landamæra sinna
að Sýrlandi eftir að 130 þúsund
Kúrdar flúðu yfir til Tyrklands um
helgina. Áður hafði um milljón
sýrlenskra flóttamanna streymt
til landsins. Að sögn breska
ríkis útvarpsins, BBC, eru flestir
flóttamannanna sem komu um
helgina frá borginni Kobane, en
liðsmenn Íslamska ríkisins hafa
að mestu lagt undir sig borgina
undanfarna daga. Ástæða þess
að Tyrkir hafa ákveðið að loka
hluta landamæra sinna er ein-
faldlega sú að þeir eiga í stökustu
vandræðum með að taka á móti
fólkinu.