Dagblaðið Vísir - DV - 23.09.2014, Blaðsíða 8

8 Fréttir Vikublað 23.–25. september 2014
Hrósa embættinu
en skera niður
n Skattrannsóknarstjóri þarf að fækka starfsfólki n 224 mál til sérstaks
E
mbætti skattrannsóknar­
stjóra þarf að öllu óbreyttu
að draga saman seglin, verði
það samþykkt á Alþingi að
draga úr fjárveitingu til emb­
ættisins. Í fjárlögum ársins 2011 var
samþykkt að veita embættinu tæp­
lega 108 milljóna króna fjárveitingu
aukalega vegna tveggja ára átaks
sem ráðist var í. Vegna þess jókst
geta embættisins talsvert og það gat
rannsakað betur stór mál sem tengd­
ust fjármálahruninu og uppgjöri
þess. Verkefnið var framlengt í fjár­
lögum þessa árs, en nú ber svo við að
aðeins hluti þess verður framlengd­
ur í fjárlögum fyrir árið 2015.
Óhjákvæmilega þýðir þetta að til
niðurskurðar og uppsagna kemur á
þessum tæplega 30 manna vinnu­
stað, sem samanstendur að mestu
af rannsóknarfólki. Alls eru rann­
sóknarteymin fimm í dag, sem heyra
beint undir skattrannsóknarstjór­
ann, Bryndísi Kristjánsdóttur.
Færri mál verða skoðuð
„Þetta mun hafa þá þýðingu að hér
þarf að fækka fólki. Ekkert svigrúm
er til annars en að bregðast þannig
við. Eðli málsins samkvæmt verð­
ur þá farið í færri mál eða ekki eins
alvarleg mál, að einhverju leyti til.
Þannig verður minni árangur af okk­
ar störfum,“ segir Bryndís. Hún segir
þó erfitt að segja til um hvenær tala
megi um þakklæti vegna fjáraukn­
ingar og hvenær ekki. „Árið 2010
var bætt við og það gerði embættinu
kleift að fara í flóknari mál en ella
hefði verið kostur á. Það liggur alveg
klárt hvað varðar bæði málafjöldann
og eðli mála sem hér eru að það er
þörf fyrir þennan mannskap og jafn­
vel meira til. Þetta er bara pólitísk
ákvörðun,“ segir Bryndís.
Hrósað en skorið niður
Í fjárlagafrumvarpinu segir að mik­
ill árangur hafi orðið af hinu aukna
eftirliti. Það hafi meðal annars sést
í aukinni vitundarvakningu, bætt­
um skattrannsóknum og auknum
tekjum ríkissjóðs. Þá segir orðrétt:
„Vegna umfangs og alvarleika brota
sem til skoðunar hafa verið og er
fyrirséð að verði er gert ráð fyrir að
framlengja hluta heimildarinnar.“
Það hlýtur að skjóta skökku við að
um leið og embættinu er hrósað fyrir
gott starf, sem hafi skilað sér í aukn­
um tekjum til ríkissjóðs, sé skor­
ið niður um 40 milljónir króna? „Ég
held að menn séu sammála um það
að þetta hafi skilað miklu. Okkar af­
staða er sú að við myndum gjarn­
an vilja, og teljum þörf á, halda því
starfsfólki sem er hérna. En eins og
ég segi, þá átta ég mig líka á því að
það er annarra að taka ákvörðun um
þetta. Mín skoðun er samt sú að það
sé þörf fyrir þennan mannskap allan
og þetta mun hafa áhrif á hvaða mál
eru tekin hér til rannsóknar,“ segir
Bryndís.
Svigrúmið minnkar
Hún segir jafnframt að rannsóknir
embættisins hafi á síðustu árum
ekki aðeins snúið að þessum „hefð­
bundnu,“ málum, í iðnaði eða versl­
un og þjónustu. Embættið hafi
breyst. „Umhverfið er orðið miklu
flóknara og ég held að rannsóknir
sem hafa verið framkvæmdar eftir
hrunið hafi sýnt þörf á að beina sjón­
um okkar að öðru líka. Til dæmis að
skattaskjólum og flóknari fjármála­
færslum af ýmsu tagi. Það er það
sama og hefur sýnt sig í öðrum lönd­
um,“ segir Bryndís.
Lítur hún þannig á að verið sé
að gera embættið bitlausara? „Í það
minnsta þá þrengist okkar svigrúm.
Auðvitað reynum við alltaf að bera
niður þar sem helst er þörf, en það
segir sig sjálft að ef það eru aðeins 20
rannsóknarmenn þá getum við ekki
haft marga bundna í stórum, eins­
tökum málum. Við þurfum líka að
gæta að framlegð,“ segir Bryndís.
Lítið dregið úr stórum málum
Samtals hafa 543 mál endað með
sektum frá skattrannsóknar­
stjóra, þau verið send áfram til yfir­
skattanefndar eða til sérstaks sak­
sóknara. Þar af hafa 224 mál verið
send til sérstaks saksóknara frá árinu
2009. Á því ári voru 55 mál send til
sérstaks saksóknara, þeim fækkaði
næstu tvö ár á eftir en árið 2012 voru
þau 53 og í fyrra voru þau 54. Því hef­
ur lítið dregið úr stórum málum sem
embættið hefur haft til skoðunar, en
í fyrra voru málin 112 og því endaði
helmingur mála hjá sérstökum sak­
sóknara. Nú er hins vegar viðbúið að
þessi fjöldi mála verði ekki jafn mik­
ill áður, vegna niðurskurðarins sem
embættið stendur frammi fyrir. n
Rögnvaldur Már Helgason
rognvaldur@dv.is
„Það segir sig sjálft
að ef það eru að-
eins 20 rannsóknarmenn
þá getum við ekki haft
marga bundna í stórum,
einstökum málum.
Skattrannsóknarstjóri „Eðli málsins samkvæmt verður þá farið í færri mál eða ekki eins alvarleg mál, að einhverju leyti til. Þannig verður
minni árangur af okkar störfum,“ segir Bryndís Kristjánsdóttir. Mynd SigtRygguR ARi
Vinnan í ásætt-
anlegum farvegi
Stjórnvöld vinna að því að bregð­
ast við ábendingum Ríkisendur­
skoðunar frá árinu 2010 um
þjónustu við fatlað fólk. Að mati
stofnunarinnar er þessi vinna í
ásættanlegum farvegi. Þetta kem­
ur fram í frétt sem birtist á vef
Ríkis endurskoðunar á mánudag.
Þar kemur fram að árið 2010
hafi Ríkisendurskoðun birt
skýrslu þar sem bent var á ýmis
atriði sem betur mættu fara í
skipulagi og stjórnun mála­
flokksins. Ekki lægi fyrir form­
lega samþykkt heildarstefna um
málaflokkinn og fjárveitingar til
þjón ustu aðila tækju ekki mið
af lögbundnu mati á þjónustu­
þörf. Þá væri kostnaður vegna
þjónustunnar ekki bókaður með
sam bæri legum hætti hjá þjón­
ustuaðilum, sem meðal annars
hamlaði raun hæf um sam an burði
einstakra út gjalda liða. Enn frem­
ur fylgdu megin þættir í fag legri
starf semi þjón ustu aðila ekki sam­
ræmdum verk lags reglum og því
væri óvíst að þjón usta þeirra væri
jöfn að gæðum. Loks væri eftirlit
ráðuneytisins (sem þá hét félags­
og tryggingamálaráðuneyti) með
starf semi þjón ustu aðila ófull­
nægj andi. Það hefði til dæmis ekki
safnað samræmdum upp lýs ing­
um um starfsemi þeirra frá árinu
2004 og því væri óljóst hvort jafn­
ræði ríkti meðal þjónustuþega.
Í nýrri eftirfylgniskýrslu Ríkis­
endurskoðunar kemur fram að
stjórnvöld vinna nú að því að
bregðast við átta af þessum níu
ábendingum. Að mati Ríkis­
endurskoðunar er þessi vinna
í ásættanlegum farvegi og því
eru ábendingarnar ekki ítrekað­
ar. Stofnunin fellur hins vegar frá
einni ábendingu, þ.e. um upplýs­
ingakerfið Grósku. Ráðuneytið
hafði forgöngu um hönnun þessa
kerfis árið 2004 en það átti m.a. að
tryggja samræmdar upplýsingar
um þjónustu við fatlaða á lands­
vísu. Hins vegar hafa fæst sveitar­
félög kosið að nýta það, m.a.
vegna þess að þau höfðu þegar
tekið önnur kerfi í notkun þegar
þjónustan var færð til þeirra árið
2011. Ríkisendurskoðun gagnrýn­
ir hvernig staðið var að kaupum á
kerfinu og innleiðingu þess. Kerfið
var ekki boðið út þrátt fyrir skýrar
reglur þar að lútandi. Þá fór það
langt fram úr kostnaðar áætlun
enda fjölmargir við aukar við upp­
haflegan samning sem bendir til
þess að þarfa greiningu hafi verið
ábóta vant.
Göngin lokuð vegna malbikunar
Ótrúlegt þykir að slitlag hafi enst í 16 ár
H
valfjarðargöngin verða lok­
uð vegna malbikunar frá
klukkan átta föstudagskvöldið
17. október og þangað til
klukkan sex mánudagsmorguninn
20. október. Er þetta lengsta sam­
fellda lokun ganganna frá upphafi og
jafnframt í fyrsta skipti sem slitlag er
endurnýjað.
Í tilkynningu á heimasíðu Spalar,
rekstraraðila Hvalfjarðarganganna,
er sérstaklega vakin athygli á ótrú­
legri endingu slitlags í göngunum,
en gert var ráð fyrir því að það þyrfti
að endurnýja eftir fimm til sjö ár.
Hvalfjarðargöngin voru opnuð í júlí
1998 og er endingin því orðin sext­
án ár. „Malbikið í Hvalfjarðargöngum
er vissulega í „vernduðu umhverfi“.
Þar er svipaður hiti, raki og veðurlag
yfir leitt árið um kring en hafa verð­
ur jafnframt í huga að umferð undir
Hvalfirði er miklu, miklu meiri en
gert var ráð fyrir upphaflega. Álagið á
slitlagið er í samræmi við það,“ segir
meðal annars í tilkynningunni.
Reglulega hefur verið lokað fyrir
umferð í göngunum nokkrar nætur
á ári vegna viðhalds og hreingern­
inga, og einu sinni hefur verið lok­
að að degi til vegna almannavarnar­
æfingar. Nú er óhjákvæmilegt að loka
samfellt í lengri tíma. Ákveðið var að
tilkynna um lokunina með mánaðar­
fyrirvara til að vegfarendur gætu gert
ráðstafanir í tæka tíð. n
solrun@dv.is
Lokuð
heila helgi
Óhjákvæmi-
legt er að loka
Hvalfjarðar-
göngunum
samfellt frá
föstudegi til
mánudags
vegna mal-
bikunar.