Dagblaðið Vísir - DV - 01.08.2008, Blaðsíða 16

föstudagur 1. ágúst 200816 Fréttir DV
„Ég held að það hljóti vera kurr í
baklandi meirihlutans. Hann virðist
fara sínu fram án samráðs við félaga
sína. Ég er ekki viss um að mönnum
líði nógu vel yfir því að taka ábyrgð
á honum sem stjórnmálamanni,“
segir Birgir Guðmundsson stjórn-
málafræðingur spurður um pólit-
íska stöðu Ólafs F. Magnússonar
sem borgarstjóra Reykjavíkur. Mjög
gustar um Ólaf vegna umdeildra
ákvarðana sem meðal annars snúa
að Listaháskóla Íslands en Ólafur
rak, sem kunnugt er, Ólöfu Guðnýju
Valdimarsdóttur úr skipulagsráði.
Áður hafði hann rekið hana sem að-
stoðarmann en því hlutverki gegndi
hún í 143 daga.
Óheppileg fjölmiðlanærvera
Birgir segir að þær áhyggjur sem
menn hafi haft í upphafi af Ólafi
virðast hafa aukist, frekar en hitt.
„Hann er það mikill pólitískur ein-
söngvari að það hlýtur að valda bak-
raddakórnum í Sjálfstæðisflokknum
áhyggjum,“ segir Birgir.
Hann segir alveg ljóst að Ólaf-
ur sé ekki flinkur í samskiptum við
fjölmiðla. „Hann hefur ekki heppi-
lega fjölmiðlanærveru fyrir stjórn-
málamann. Hann hefur hrokafullt
og neikvætt viðhorf út í fjölmiðla
og er of viðkvæmur fyrir gagnrýni.
Honum finnst þeir vera einhvers
konar óværa sem hann þarf að búa
við, og að þeir hafi ekkert vit á hlut-
unum. Hann einn telur sig vita hvað
er fréttnæmt og hvað ekki,“ segir
Birgir sem telur að sjálfstraust borg-
arstjórans hafi aukist eftir því sem á
árið hefur liðið. „Sjálfsöryggið hefur
greinilega aukist hjá honum. Hann
virkar öruggari með sig en ég er ekki
viss um að það sé gott fyrir ímynd
hans.
Gagnsókn Ólafs
Á miðvikudagskvöld sat Ólafur
fyrir svörum hjá Helga Seljan í Kast-
ljósi. Helgi leitaði svara borgarstjór-
ans við brottvikningu Ólafar Guðnýj-
ar en komst lítið áfram með viðtalið
vegna þess að honum fannst Ólafur
ekki svara spurningum sínum. Við-
talið vakti nokkra athygli en borgar-
stjóri var mjög óánægður með spyr-
ilinn og framvindu viðtalsins. Birgir
er brautarstjóri félagsvísindadeildar
við Háskólann á Akureyri og kennir
meðal annars fjölmiðlafræði. Spurð-
ur um álit sitt á viðtalinu og frammi-
stöðu Helga segir Birgir að hann hafi
greinilega verið mjög ákveðinn í því
að ná fram svörum við spurningum
sínum. „Það mætti kannski segja að
hann hafi eytt of löngum tíma í það.
Hann spurði aftur og aftur án þess
að fá svör. Það gaf Ólafi færi á gagn-
sókn,“ segir Birgir.
Töluðu ekki saman
Birgir segir að Ólafur hafi greini-
lega verið tilbúinn með annað hand-
rit en Helgi var með. „Þeir töluðu
ekki saman. Þetta voru í raun tvær
einræður. Að því leytinu til er spurn-
ing hvort Helgi hefði mátt átta sig á
því að hann fengi engin svör fyrr og
spyrja um aðra hluti sem voru á dag-
skrá. Það átti greinilega að ræða fleiri
mál en Ólafur var þá orðinn reiður
og sneri vörn í sókn,“ segir hann.
Birgir segir að efnislega hafi við-
talið engu skilað. Það hafi fyrst og
fremst dregið fram þann stíl sem Ól-
afir hafi tileinkað sér gegn fjölmiðl-
um. Hann standi í þeirri trú að hann
einn hafi vit á hlutunum en fjölmiðl-
ar alls ekki. „Að því leytinu til var
Helgi í erfiðri stöðu. Það var ágætt að
sjá að hann leyfði Ólafi ekki að ráða.
Það er hins vegar fín lína á milli þess
að reyna að hafa stjórn á viðtalinu
og að ætla að stjórna því um of. Það
er spurning hvor var orðinn meira
kjánalegur; Helgi eða Ólafur,“ segir
Birgir .
Listaháskólinn er borgarmál
Eftir viðtalið sagði Ólafur í samtali
við Vísi að pólitísk misnotkun Kast-
ljóss væri ekki ný fyrir sér. Honum
sagðist ekki bara vera misboðið fyrir
sína hönd, heldur einnig borgarbúa
því Helgi hafi sýnt borgarstjóraemb-
ættinu staka óvirðingu.
Þórhallur Gunnarsson, ritstjóri
Kastljóss, vísar ásökunum Ólafs á
bug. „Þetta er algjörlega rangt. Það
virðist oft gerast að ef stjórnmála-
manni eða stjórnmálaflokki finnst
að sér vegið með einhverjum
hætti er um leið farið að
tala um annarleg sjón-
armið,“ segir hann.
Í viðtalinu
lét Ólafur í ljós
óánægju sína
með framvindu
viðtalsins. Hann
vændi Helga um
að reyna vísvit-
andi að grípa fram
í fyrir honum og
þannig trufla hann í
tilsvörum. Hann sagð-
ist hafa komið í þáttinn til
að ræða borgarmálin og
sagði Helga ekki
vilja ræða
þau.
Aðspurður hvort borgarstjóri hafi
verið fenginn í viðtalið á fölskum
forsendum svarar Þórhallur því til
að svo hafi alls ekki verið. „Það
var alveg skýrt að það átti
að ræða þrjú mál. Í fyrsta
lagi brottrekstur Ólafar úr
skipulagsráði, þá Lista-
háskólann og loks Bitru-
virkjun. Það eru borgar-
mál,“ segir hann og bætir
því við að tíminn hafi átt
að duga til þess.
Vottur um heiðarleg
vinnubrögð
Þórhallur segir ásakanir
Ólafs um pólitíska misnotk-
un Kastljóss einfaldlega
rangar. „Honum er frjálst að
halda þessu fram en reynd-
in er sú að við vinnum fyrir
áhorfendur en ekki einhverja
aðra. Ef svör fást ekki við þeim
spurningum sem við leggjum
fyrir viðmælendur spyrjum við
einfaldlega aftur. Það er skýr
vinnuregla hjá okkur og hún
verður áfram við lýði,“ segir Þór-
hallur. „Ásakanir af þessu tagi
hafa komið úr öllum flokkum á
Íslandi. Ég held að sú staðreynd
beri vott um heiðarleg vinnubrögð
af okkar hálfu. Við leggjum þáttinn
undir dóm þjóðarinnar og vonum
og vijlum að hún treysti okkur,“ seg-
ir hann.
Rekin í tvígang
Nokkur umræða hefur skapast í
þjóðfélaginu um Ólaf vegna þess að
hann rak Ólöfu Guðnýju. Fyrst rak
hann hana sem aðstoðarmann sinn
í embætti borgarstjóra. Nokkru síð-
ar rak hann hana úr skipulagsráði
borgarinnar. Ólöf segir að af virðingu
við embætti borgarstjórans í Reykja-
vík ætli hún ekki að tjá sig frekar
um þessi mál að sinni. „Ég tel mig
hafa komið mínum sjónarmiðum á
framfæri. Ólafur gerði aldrei athuga-
semdir við störf mín í skipulagsráði.
Hann hafði aldrei samband við mig
frá því ég hætti sem aðstoðarmað-
ur hans, þar til hann vék mér
úr ráðinu,“ segir hún. Spurð
um skýringu borgarstjóra
á brottrekstrinum seg-
ir hún. „Skýringin var
einhliða sú að ég taldi
ekki tímabært að taka
afstöðu til vinningstil-
lögunnar um Listahá-
skóla Íslands. Ég sagði
jafnframt að þetta væri
hönnunarsamkeppni
og að oft þyrfti að laga
slíkar tillögur að byggð
og umhverfi.“
„Hann er það mikill
pólitískur einsöngvari
að það hlýtur að valda
bakraddakórnum í
Sjálfstæðisflokknum
áhyggjum.“
PÓLITÍSKUR
EINSÖNGVARI
Birgir Guðmundsson stjórnmálafræðingur segir líklegt að kurr sé kom-
inn í bakland meirihlutans í borginni. Hann segir Ólaf hafa hrokafullt
og neikvætt viðhorf til fjölmiðla. Ólafur rak á dögunum Ólöfu Guð-
nýju Valdimarsdóttur í annað sinn á skömmum tíma. Hann var í
stormasömu viðtali um málið í Kastljósi á miðvikudag og sagði í kjöl-
farið að þátturinn væri misnotaður í pólitískum tilgangi. Þórhallur
Gunnarsson segir að Ólafur megi trúa því sem hann vilji.
BALDUR GUÐMUNDSSON
blaðamaður skrifar baldur@dv.is
Ólöf Guðný Valdimarsdóttir
Var rekin tvisvar af borgarstjóra.
Ólafur F. Magnússon borgarstjóri Hefur
hrokafullt og neikvætt viðhorf út í fjölmiðla
að mati stjórnmálafræðings.
Þórhallur Gunnarsson,
ritstjóri Kastljóss gefur
lítið fyrir ásakanir Ólafs f.