Dagblaðið Vísir - DV - 26.09.2008, Síða 19

ónæði. Nágrannar hans könnuðust
ekki við að hafa sent kvörtun til bæj-
arstjórnar. Tíminn leið þar til Svan-
ur fékk bréf 14. apríl þar sem honum
var tjáð að vegna ítrekaðra kvartana
nágranna yrði leigusamningi hans
rift. Í kjölfarið fékk hann bréf þess
efnis að hann yrði að yfirgefa íbúð-
ina innan tveggja vikna. Hann mót-
mælti því skriflega og fékk tveggja
daga frest þrátt fyrir að leigusamn-
ingurinn gerði ráð fyrir sex mánaða
uppsagnarfresti.
Dæmt gegn Bolungarvík
„Þarna er fólk sem álítur mig enn-
þá sekan fyrir það sem ég gerði 1986.
En ég tók út minn dóm og losnaði
árið 1993,“ segir Svanur við DV. Hann
er sannfærður um að svona hafi ver-
ið komið fram við hann vegna fortíð-
ar hans. Í kjölfar seinna bréfsins fór
Svanur á bæjarstjórnarskrifstofuna og
sagðist myndi leita réttar síns, jafnvel
fyrir dómstólum, og ef til þess kæmi
myndi hann verja sig. Svanur yfirgaf
íbúðina 10. maí en bærinn fór með
málið fyrir dóm. Niðurstaða kom 19.
ágúst og þar var kröfu Bolungarvíkur-
kaupstaðar um að bera Svan út hafnað
og var bænum gert að greiða Svani 50
þúsund krónur. Grímur Atlason, sem
þá starfaði í bæjarstjórn Bolungarvík-
ur, segir einhvern formgalla hafa ver-
ið á málinu. Hann segist þó ekki geta
tjáð sig um mál einstaklinga í þessu
samhengi enda njóti fólk trúnaðar.
Ég grét
„Það virðast önnur lög og regl-
ur gilda í Bolungarvík, allavegana á
bæjarstjórnarskrifstofunum,“ segir
Svanur sem segist alltaf hafa vitað að
hann myndi vinna málið. Hann hefur
nú krafist miskabóta frá bæjarfélag-
inu en hann hefur seinustu mánuði
búið í húsbíl sínum á höfuðborgar-
svæðinu. Hann segir þetta vera mikla
niðurlægingu fyrir sig og skömm fyrir
bæinn. „Það fólk sem hefur rægt mig
mest þarna fyrir vestan er fólk sem
hefur þekkt mig lítið eða ekkert,“ segir
Svanur og bætir því við að smábæjar-
andinn og íslensku kjaftasögurnar lifi
góðu lífi.
Þegar Svanur er spurður hvort
hann ætli aftur vestur í kjölfar dóms-
ins segir hann að hann langi til þess
en hann segist hafa áhyggjur af því
að hann yrði flæmdur í burtu. Svan-
ur segist ekki bera neinn kala til eins
né neins í Bolungarvík en hann óskar
þess að þetta mál leysist á sem farsæl-
astan hátt fyrir alla aðila. Hann seg-
ir tilfinninguna hafa verið sára þegar
hann keyrði í burtu frá Bolungarvík.
„Ég stoppaði við Óshólavitann og
horfði yfir víkina, og ég grét, það var
mjög sár tilfinning.“
föstudagur 26. september 2008 19Helgarblað
Suðurlandsbraut 10 - ff@simnet.is - sími: 568 3920 - fax: 568 3922
FLÆMDUR AF ÆSKUSLÓÐUM
„Þarna er fólk sem álít-
ur mig ennþá sekan
fyrir það sem ég gerði
1986. En ég tók út minn
dóm og losnaði árið
1993.“
Greinaskrif svanur hefur skrifað
pistla á vef bb.is til að vekja athygli á
málum sínum. mynDir Heiða HelGaDóttir