Dagblaðið Vísir - DV - 06.11.2008, Blaðsíða 16

fimmtudagur 6. nóvember 200816 Vesturland
„Það taka allir skólar bæjarins þátt í hátíðinni,
allt frá leikskóla og upp í framhaldsskóla,“ segir
Tómas Guðmundsson, verkefnastjóri Akranes-
stofu og skipuleggjandi menningar- og lista-
hátíðarinnar Vökudaga sem nú standa yfir á
Akranesi. Vökudagar, sem haldnir eru á hverju
ári og standa yfir í rúma viku, eru að verða ein
stærsta hátíðin sem haldin er á Vesturlandi ár
hvert. „Það er fólk á öllum aldri úr öllum stétt-
um sem undirbýr sína aðkomu að hátíðinni
sem hefur aldrei verið jafnstór og í ár.“
BæjarBúar þátttakendur
Þátttakendur hátíðarinnar eru langflest-
ir bæjarbúar og er það, að sögn Tómasar, ein
forsenda þess að hægt sé að gera hátíðina svo
glæsilega. „Þó að það sé mikilvægt að vera með
fjölbreytta dagskrá og fá sem flesta til að koma
og taka þátt þá erum við líka að byggja upp
grasrótarstarf og búa til grunn fyrir hátíð hér
á Akranesi. Leikskólarnir eru til dæmis með
ljósmyndasýningu, kennarar í grunnskólan-
um með myndlistarsýningu og eldri borgarar
eru meira að segja með sitt innlegg. Fólk tekur
meira að segja þátt í fleiri en einum atburði.
Mikil aðsókn
Tómas segir aðsóknina gríðarlega og fullt sé
á nánast flesta dagskrárliði. Aðspurður hvort
fólk komi úr öðrum landshlutum segir hann að
talsvert sé um að fólk komi annars staðar frá.
„Það komu margir hingað um síðustu helgi í
tengslum við djass- og blúshátíðina. Sú hátíð
gekk mjög vel og var mikill metnaður lagður
í umgjörðina. Landsliðið okkar í músík steig
þarna á svið og það gekk mjög vel,“ segir Tóm-
as.
Hátíðin hefur nú staðið yfir í eina viku og
margt verið í boði. Að auki standa yfir alla há-
tíðina hinar ýmsu listasýningar víðs vegar um
bæinn, tónlistarhátíðir, kaffisamsæti og hátíð-
arguðþjónustur. Enn er þó nóg eftir því hátíð-
in mun standa fram á næstkomandi sunnudag.
Fram undan eru tveir stórir atburðir.
stórviðBurðir fraM undan
„Það má segja að það séu tveir hápunktar
á hátíðinni á fimmtudeginum og föstudegin-
um. Annars vegar er verið að frumsýna söng-
leikinn Vítahring sem byggður er á bók eftir
Kristínu Steinsdóttur. Það eru elstu krakkarn-
ir úr Grundaskóla sem setja hana upp. Kenn-
ararnir semja alla músíkina og diskur mun
verða gefinn út í kjölfarið. Hitt atriðið eru
tónleikar með Herði Torfa og Þjóðlagasveit-
inni en þeir verða á föstudaginn í Tónbergi.
Í Þjóðlagasveitinni eru 17 stelpur á aldrin-
um 12 til 17 ára sem spila á fiðlu og hefur hún
vakið mikla athygli hér á landi og erlendis,“
segir Tómas.
Vinsælir Vökudagar
á Akranesi
Það sem ber hæst á Vesturlandi um þessar mundir eru svokallaðir Vökudagar á Akranesi. Dagskráin, sem aldrei
hefur verið jafnumfangsmikil og nú, ber með sér blómlegt menningarlíf á Akranesi og segir Tómas Guðmunds-
son, verkefnastjóri Akranesstofu, að fleiri hundruð manns mæti á menningartengda viðburði frá degi til dags.
Frá Opnunarhátíð Vökudaga Opnunarhátíðin fór
fram í Hafbjargarhúsi á breið. menningarverðlaun
akraness 2008 voru afhent, sýningin Skagalist 08 var
opnuð, nýjar kynningarstuttmyndir voru frumsýndar
auk þess sem boðið var upp á tónlistaratriði frá
nemendum tónlistarskólans á akranesi. Þá voru flutt
brot úr vítahringnum og Skáldum á Skaga.
Menningarverðlaun Akranesbæjar Kristján
Kristjánsson tekur við verðlaunum fyrir hönd bókaútgáf-
unnar uppheima en hún hlaut menningarverðlaunin.
Upplestur í Kirkjuhvoli
7 kennarar úr brekkubæjar-
skóla héldu listasýningu í
Kirkjuhvoli. Sýningin er
opin alla daga á meðan á
hátíðinni stendur.
Tónlistarkeppni FVA tónlistarkeppni var
haldin síðasta föstudag og komu sex hljómsveit-
ir fram. Kynnar voru frosti og máni á X-inu.
Opnun listasýningar á Dvalarheimilinu Höfða mikið
var um dýrðir á Höfða föstudaginn síðasta en þar voru
þrjár sýningar opnaðar. Steini í dúmbó og Steina söng fyrir
dvalargesti auk þess sem boðið var upp á léttar veitingar.
Það sem auga mitt sér nemendur úr leikskólanum
garðaseli tóku ljósmyndir af því sem vakti áhuga þeirra.
Sýningin fer fram á afgreiðsluhæð Sjúkrahúss og heilsu-
gæslustöðvar akraness, bónus, apótekinu og fleiri stöðum.
Vítahringur tveir af leikendum í söngleiknum
vítahringur sem frumsýndur verður á fimmtu-
deginum 6. nóvember í bíóhöllinni.