Dagblaðið Vísir - DV - 06.11.2008, Blaðsíða 18

fimmtudagur 6. nóvember 200818 Vesturland
Sveitamarkaður
í sláturhúsinu
Við bæinn Laxárbakka í Leirársveit hefur
Ingvar Gunnarsson haldið úti sveitamarkaði
síðastliðin fjögur ár. Þeir sem eiga leið norð-
ur yfir heiðar hafa sjálfsagt flestir veitt stórum
auglýsingaborðanum eftirtekt. Sumir hafa lit-
ið inn og athugað hvað er í boði.
Innandyra er fólk hvaðanæva að af land-
inu að selja vöru úr sinni sveit. Sumir selja
matvæli, fiskmeti og fleiri afurðir. Aðrir bjóða
bæði handverk, listmuni og fleira, breytilegt
eftir því hverjir eru á markaði í hvert skipti.
„Sjálfur sel ég fyrst og fremst fisk,“ segir Ingvar,
sem áður rak verslunina Svalbarða í Reykja-
vík. Ingvar er því ekki hinn eiginlegi Laxár-
bakkabóndi. „Húnæðið er gamalt sláturhús
sem var í eigu Sláturfélags Suðurlands,“ seg-
ir Ingvar. „Ég hef unnið að því hörðum hönd-
um að breyta húsnæðinu til þess að nýta það
í aðra hluti.“
Þegar hjónin komu sér fyrir á Laxárbakka
fyrir fjórum árum síðan, byrjuðu þau á því að
breyta hluta húsnæðisins og byggja við þannig
að úr varð íbúðarhúsnæði. „Ég hef svo verið
að puða við að fá leyfi fyrir frekari breyting-
um. Núna er ég að breyta stórum hluta af hús-
inu í tólf litlar stúdíóíbúðir sem við ætlum að
leigja út til starfsmanna á Grundartanga sem
er hérna í næsta nágrenni við okkur,“ heldur
Ingvar áfram.
En er hægt að draga fram lífið eingöngu
með því að reka sveitamarkaðinn? „Við rek-
um hér mötuneyti og seljum mat til iðnaðar-
manna í nágrenninu. Við gerum ráð fyrir því
að halda áfram þótt nú verði einhver sam-
dráttur. Fólk þarf að halda áfram að lifa og
borða.“
Inni í stóra salnum þar sem sölubásarnir
eru kennir ýmissa grasa. Þar sitja meðal ann-
ars vinkonurnar Hrönn Eggertsdóttir og Sig-
ríður Hjartardóttir, báðar prjónandi. „Það er
ég sem mála myndirnar,“ segir Hrönn. „Sigríð-
ur sér um handverkið,“ bætir hún við. Skammt
undan sitja langfeðginin Leifur Ívarsson og
Ása Laufey Sigurðardóttir. Leifur og kona hans
vinna ýmislegt handverk og listmuni, ásamt
því að mála málverk. „Hún Ása er barnabarn
mitt og er hérna að hjálpa mér við að selja,“
segir Leifur. Þau eru frá Akranesi. sigtryggur@dv.is
Sveitamarkaður er haldinn á Laxárbakka í Leirársveit, fjórða sumarið í röð:
Málverk og prjónaskapur vinkonurnar
Hrönn eggertsdóttir og Sigríður Hjartar-
dóttir selja sínar vörur á sveitamarkaði.
Leifur og Ása Leifur Ívarsson
málar myndir og býr til listmuni.
barnabarnið, Ása Laufey,
aðstoðar við að selja.
Gómsætt gæðafóður ingvar heldur í hefðir
verslunarinnar Svalbarða og selur fisk og f
leira.
Myndir SiGTryGGUr
ingvar Gunnarsson Áður en ingvar
keypti gamalt sláturhús í Leirársveit rak
hann verlsunina Svalbarða í reykjavík.
Flókarnir fléttaðir burt
„Þetta er námskeið fyrir mömmuna og pabb-
ann, ömmuna eða afann,“ segir hársnyrti-
meistarinn Stefanía Sigurðardóttir, eigandi
hársnyrtistofunnar Mozart á Akranesi sem
stendur fyrir námskeiði í Brekkubæjarskóla
næsta laugardag milli klukkan ellefu og eitt
undir yfirskriftinni Flóki og tár.
„Þarna mun ég aðallega vera að kenna
einfaldar og léttar greiðslur í hárið á stelp-
um svo sem tíkó, flottar fléttur og fleira í
þeim dúr. Það er svo gaman að geta gert eitt-
hvað sjálfur í hárið á stelpunum sínum þeg-
ar þær eru til dæmis að fara í afmæli. Svo
ætla ég líka að fara aðeins yfir almenna um-
hirðu á hárinu.“
Pabbarnir mæta líka
Stefanía segir mikilvægt að nota réttar
vörur í hárið á litlu dömunum til að forðast
flóka. „Ef maður er ekki að nota rétt efni í
hárið getur það leitt til mikils hárflóka líkt og
hjá okkur fullorðna fólkinu.“
Að sögn Stefaníu er áhuginn á námskeið-
inu ekki minni hjá karlmönnum en kven-
fólkinu. „Það er í rauninni alveg jafnt hlutfall
karla og kvenna sem hafa skráð sig á nám-
skeiðið svo pabbarnir eru alveg jafnáhuga-
samir um að geta haft stelpurnar sínar fínar
um hárið. Svo ef það verður vel mætt á þetta
námskeið eru allar líkur á að ég haldi fram-
haldsnámskeið seinna þar sem ég sýni þá ör-
lítið flóknari greiðslur.“
tvær dömur í sýnikennslu
Sjálf verður Stefanía með tvær ungar
dömur með sér á námskeiðinu sem hún mun
nota í sýniskennslu. „Stelpurnar eiga ekki að
koma með á námskeiðið heldur sýni ég bara
greiðslurnar á tveimur dömum sem ég fékk
til liðs við mig.“
Áhugasömum er bent á að skrá sig hjá Sí-
mennt á Vesturlandi í síma: 437-2390.
Engir flókar eða tár hér
Stefanía Sigurðardóttir að greiða
Höllu margréti, vinkonu sinni.