Dagblaðið Vísir - DV - 27.11.2008, Blaðsíða 12
fimmtudagur 27. nóvember 200812 Fréttir
Breskur karlmaður sem frá árinu
1980 og fram til febrúar á þessu ári
misnotaði og nauðgaði dætrum sín-
um með þeim afleiðingum að þær
urðu 19 sinnum ófrískar á nú yfir
höfði sér ævilangt fangelsi. Hinn
56 ára maður, sem breskir fjölmiðl-
ar treysta sér ekki til að nafngreina,
játaði á sig 25 nauðganir og fjórar
ósæmilegar árásir þegar mál hans
var tekið fyrir.
Mál hans minnir óneitanlega á
mál austurríska skrímslisins Josephs
Fritzl sem eignaðist sjö börn með
dóttur sinni sem hann geymdi í læst-
um kjallara svo árum skipti og vakti
mál hans heimsathygli í upphafi árs.
En ólíkt Fritzl hafði breski faðir-
inn stjórnað fórnarlömbum sínum
með áratugalöngum andlegum pynt-
ingum. Dætur hans voru of skelfingu
lostnar til að segja móður sinni frá
þeim hræðilegu pyntingum sem fað-
ir þeirra lagði á þær en sneru sér loks
til félagsráðgjafa í upphafi árs.
„Hann má rotna í helvíti. Þrátt fyr-
ir að börnin okkar hafi fæðst í hatri
elskum þau og munum ávallt gera,“
hefur The Sun eftir annarri dóttur-
inni. Hún segir jafnframt að faðir
hennar hafi byrjað að leita á hana
þegar hún var um fimm ára göm-
ul. Sú misnotkun varði í mörg ár en
hún segist ekki hafa vitað að yngri
systir hennar sætti sömu viðbjóðs-
legu meðferð og hún fyrr en miklu
seinna.
„Ég veit ég þarf að segja börnun-
um mínum frá þessu, en það á eftir að
verða mjög erfitt,“ segir dóttirin.
Faðir systranna gætti þess að flytja
fjölskylduna ótt og títt víðs vegar um
landið, svo stúlkurnar myndu ekki
eignast neina vini sem þær gætu trú-
að fyrir svörtum leyndarmálum fjöl-
skyldunnar.
Saksóknarinn í málinu, Nicholas
Campbell, greindi frá því að stúlkurn-
ar hefðu margoft misst fóstur. Mörg-
um fóstrum var þar að auki eytt eftir
að ýmiss konar afbrigðileiki kom í ljós
við rannsóknir. mikael@dv.is
Breskur faðir á yfir höfði sér lífstíðarfangelsi fyrir hrottafengið ofbeldi:
Innflytjendur
í jólatré
Fjórir menn sem hugðust koma
til Bretlands í leit að betra lífi
völdu heldur óvenjulega aðferð
til að koma sér inn í landið.
Mennirnir földu sig í tæplega tíu
metra háu jólatré. Það voru toll-
gæslumenn í Northampton-skíri
sem komu upp um mennina, en
tveir þeirra eru frá Írak og tveir
frá Íran. Mennirnir voru í flutn-
ingabíl en vel faldir innan um
jólatrén. Ökumaður flutninga-
bílsins, sem er franskur, er ekki
grunaður um að hafa vitað um
mennina í bílnum. Mannanna
bíður nú afgreiðsla hjá útlend-
ingayfirvöldum í Bretlandi en
þeim verður væntanlega snúið
aftur til síns heima.
erlendarFréttir
ritstjorn@dv.is
Hvað á barnið
að heita?
Lítill hægrisinnaður stjórnmála-
flokkur á Ítalíu, Movimento Soc-
iale-Fiamma Tricolore, býður
eitt þúsund og fimm hundruð
evrur, um 270.000 krónur, þeim
foreldrum sem skíra barn sitt í
höfuð einræðisherrans Mussol-
inis eða konu hans.
Tilboðið gildir á fimm svæð-
um í suðurhluta Ítalíu og er sagt
eiga að vera hvatning til að taka
á lágri fæðingatíðni.
Að sögn talsmanns flokksins
réð tilviljun því að nöfnin Benito
og Rachele urðu fyrir valinu og
að flokkurinn hneigist ekki til
fasisma eða rasisma. Flokkurinn
setur þó það skilyrði að allavega
annað foreldrið sé ítalskt.
Sekir gervilima-
smiðir
Tveir karlmenn, sem framleiddu
gervigetnaðarlimi sem gerðu
karlmönnum kleift að svindla
á lyfjaprófi, játuðu sig seka um
samsæri frammi fyrir alríkis-
dómstóli í Bandaríkjunum.
George Wills og Robert Cat-
alano höfðu selt tækið, Whizz-
inator, gegnum netið um þriggja
ára skeið.
Netfyrirtæki mannanna bauð
upp á tvær tegundir gervigetnað-
arlima sem voru mjög raunveru-
legir og gerðu mönnum auðvelt
að svindla á lyfjaprófum.
Þeir gætu átt yfir höfði sér allt
að átta ára fangelsisdóm og sekt
upp á 500.000 bandaríkjadali.
barnaði dætur sínar nítján sinnum
Breskur Fritzl 56 ára breskur
karlmaður nauðgaði dætrum
sínum í 28 ár með þeim
afleiðingum að þær urðu 19
sinnum óléttar. Hann á yfir höfði
sér lífstíðarfangelsi.
ÞRIÐJA HVER BAR-
IN EÐA MISNOTUÐ
Sameinuðu þjóðirnar hvetja þjóðir heims til að taka til hendinni í baráttunni gegn of-
beldi í garð kvenna. Konur á aldrinum fimmtán til fjörutíu og fjögurra ára eru í meiri
hættu á að sæta ofbeldi af einhverjum toga en að fá krabbamein eða lenda í bílslysi.
Ban Ki-moon, aðalritari Samein-
uðu þjóðanna, hefur sagt að al-
þjóðasamfélagið verði að leggja
harðar að sér í baráttunni gegn
misnotkun kvenna og stúlkna.
Hann lét ummæli sín falla á sama
tíma og stofnanir víða um heim
héldu upp á alþjóðlegan dag sem
tileinkaður er útrýmingu ofbeldis
gegn konum.
Samkvæmt upplýsingum frá
Sameinuðu þjóðunum verður
að minnsta kosti ein af hverjum
þremur konum fórnarlamb bar-
smíða, kynlífsþrælkunar eða ann-
arrar misnotkunar á ævinni.
Sameinuðu þjóðirnar hafa hvatt
leiðtoga og þjóðir um allan heim
að taka á því sem stofnunin kallar
„alheimsfaraldur“ misnotkunar.
Líklegra en krabbamein
eða umferðarslys
Konur á aldrinum fimmtán til
fjörutíu og fjögurra ára eru líklegri
til að verða nauðgað eða sæta of-
beldi innan veggja heimilisins en
að fá krabbamein, lenda í bílslysi,
fá malaríu eða lenda í styrjöld.
Ofbeldi gegn konum hefur ver-
ið staðfest á öllum stríðssvæð-
um, hvort sem um er að ræða á
alþjóðavettvangi eða staðbundin
átök. Samkvæmt Sameinuðu þjóð-
unum er helmingur þeirra kvenna
sem myrtar eru drepinn af sambýl-
ismanni, fyrrverandi eða þáver-
andi.
Að sögn Ban Ki-moon er slíkt of-
beldi til þess fallið „að grafa undan
þróun, friði og öryggi heilla samfé-
laga“. Hann sagði að nauðsynlegt
væri að gera betur í að framfylgja
lögum og vinna gegn refsileysi í
slíkum málum.
„Við verðum að berjast gegn
viðhorfum og hegðun sem lætur
ofbeldi gegn konum óátalið eða
umber, afsakar eða horfir framhjá
því,“ sagði Ban Ki-moon.
Ofbeldi færist í aukana
Oxfam-stofnunin er að ýta úr vör
herferð í Keníu, en þar hefur um
helmingur kvenna tilkynnt um
heimilisofbeldi. Carol Thiga, sem
leiðir herferðina, sagði í viðtali við
BBC að vonir þeirra stæðu til að
hægt væri að draga úr þeim við-
horfum að ofbeldi gegn konum sé
ásættanlegt.
Á sama tíma hefur ríkisstjórn
Kambódíu sent frá sér viðvörun
þess efnis að konur landsins séu
í aukinni hættu vegna nauðgana
eða annars kynferðislegs ofbeldis.
Að sögn ríkisstjórnarinnar stend-
ur um fjórðungur kvenna í land-
inu frammi fyrir heimilisofbeldi og
gamalgrónum fordómum.
Andfélagsleg hegðun í Kamb-
ódíu, sem hefur tekið á sig nýjar
myndir með neyslu fíkniefna og
áfengis, veldur sérstakri ógn fyrir
ungar konur og stúlkur.
Írakskar konur í
skugga upplausnar
Í sérstakri skýrslu á vegum Sam-
einuðu þjóðanna um ofbeldi gegn
konum í Írak kemur fram að sorfið
hefur að réttindum þeirra á öllum
sviðum. Skýrslan er unnin af Yak-
in Erturk og sagði hún að daglegt
líf írakskra kvenna litaðist af yfir-
standandi átökum, miklu öryggis-
leysi, landlægu refsileysi, hrund-
um efnahag og öðrum þáttum.
Að sögn Erturk eru írakskar
konur í auknum mæli berskjaldað-
ar gagnvart hvers kyns ofbeldi inn-
an veggja heimilisins og utan. Ert-
urk sagði að hún væri sérstaklega
áhyggjufull vegna fjölgunar á svo-
nefndum „ærudrápum“ sem fram-
in væru af fjölskyldumeðlimum og
þeim fjölda kvenna sem velur að
binda enda á eigið líf í stað þess að
verða fórnarlamb ofbeldis.
Þjóðir eiga eitt sameiginlegt
Kostnaður vegna ofbeldis gegn
konum er „gífurlega mikill“ að því
er Sameinuðu þjóðirnar greina frá.
Þá er ekki aðeins átt við beinan fjár-
hagslegan kostnað sem er til kom-
inn, til dæmis, vegna þeirrar að-
stoðar sem veita þarf konum sem
hafa orðið fórnarlömb ofbeldis.
Minni framleiðni er einnig fylgi-
fiskur þessa ofbeldis að ógleymd-
um „hinum mannnlega sársauka
og þjáningu“.
Sameinuðu þjóðirnar báru lof
á það átak sem sumar þjóðir hafa
staðið fyrir, en segja að betur megi
ef duga skal, og sterkari forystu og
pólitísks vilja sé þörf.
„Það sem virkar í einu landi ber
kannski ekki þann ávöxt sem vænst
er í öðru landi. Hver þjóð verður að
ákveða sína aðferð,“ sagði Ban Ki-
moon.
Aðalritari Sameinuðu þjóð-
anna sagði að þjóðir heims
byggju að „einum alheimssann-
leika“ með tilliti til landa, menn-
ingar og samfélaga; „ofbeldi
gegn konum er aldrei viðunandi,
aldrei afsakanlegt, aldrei þol-
andi“.
Ein aF hvErjum ÞrEmur
kOnum vErður FórnarLamB
BarsmÍða, kynLÍFsÞræLkun-
ar Eða annarrar misnOtk-
unar á ævinni.
Ein aF hvErjum Fimm vErður
FórnarLamB nauðgunar
Eða tiLraunar tiL hEnnar.
áttatÍu prósEnt Fórnar-
LamBa mansaLs Eru kOnur.
um 130 miLLjónir kvEnna
haFa mátt ÞOLa umskurð.
kOLBEinn ÞOrstEinssOn
blaðamaður skrifar: kolbeinn@dv.is
Samkvæmt Sameinuðu þjóðunum er helm-
ingur þeirra kvenna sem myrtar eru drepn-
ar af sambýlismanni sínum, fyrrverandi eða
þáverandi.
Ofbeldi mótmælt Írakskir Kúrdar
mótmæla ofbeldi gegn konum í
tilefni alþjóðlegs dags gegn því.