Lögmannablaðið - 01.11.2008, Side 18

18 < LÖGMANNABLAÐIÐ – 3 / 2008
landnemarnir hefðu komið fyrir sér
í Kanada, reynst nýtir þjóðfélags-
þegnar og margir tekist á hendur
þýðingarmikil trúnaðarstörf.
Skoðað var þinghús Manitoba fylkis
en í garðinum er stytta af Jóni
Sigurðssyni sem var afhjúpuð 1921
og er afsteypa styttunnar af Jóni á
Austurvelli. Á 17. júní ár hvert er
athöfn við styttuna til að minnast
tengslanna við Ísland. Ekið var um
hverfin sem Íslendingar bjuggu
fyrstu ár landnámsins og ráku
þjónustu s.s. verslun og iðnað. Að
endingu var farið á skrifstofu
blaðsins Lögbergs – Heimskringlu
þar sem Caelum Vatnsdal tók á móti
hópnum. Heimskringla kom fyrst út
árið 1886 og Lögberg árið 1888. Árið
1959 voru blöðin sameinuð og kem-
ur það nú út 24 sinnum á ári.
Áskrifendur að blaðinu eru um 2000
talsins og er því dreift um alla
Norður – Ameríku og til Íslands.
Hægt er að gerast áskrifandi að
rafrænni útgáfu blaðs ins á netinu.
Síðdegis þáði hópurinn rausnarlegt
heimboð Atla Ásmundssonar, aðal-
ræðismanns Íslands í Manitoba og í
framhaldi af því var snæddur kvöld-
verður í steikhúsinu 529 Wellington
sem er talið eitt hið besta í Kanada.
Steikin þar stóðst allar væntingar.
Dómstóll heimsóttur
Á þriðjudagsmorgninum var
dómhúsið í Winnipeg heimsótt. Kris
Stefanson dómari við Court of
Queen’s Bench fræddi hópinn um
dómstólaskipan Manitobafylkis. Þrír
dómstólar eru í dómhúsinu. The
Provincial Court of Manitoba fjallar
einkum um sakamál og tiltekin
sifjaréttarmál sem eiga uppruna
sinn utan Winnipeg. Dómarar við
Provincial Court of Manitoba halda
þó regluleg dómþing úti í héruðum
Manitobafylkis.
Í gimli er safn um sögu íslensku landnemanna en þar tók á móti okkur tammy axelson safnstjóri og bæjarstjóri í
gimli.
gengið var um íslenskan kirkjugarð á Heklueyju.