Lögmannablaðið - 01.06.2012, Blaðsíða 7

lögmannablaðið tbl 02/12 7
lAGADAGUr 2012
hlutverk fjölmiðla
dr. Herdís Þorgeirsdóttir hdl. fjallaði
í framsögu sinni um meginregluna
um tjáningarfrelsi fjölmiðla, sem
mannréttindadómstóll Evrópu hefur
dæmt um að ekki megi hefta. Hins vegar
hafi fjölmiðlar að sama skapi skyldu til
að miðla upplýsingum um dómsmál sem
hafi áhrif á hagsmuni almennings. af
þeirri umfjöllun sem dr. Herdís fór yfir
má draga þá ályktun að upplýst umræða
auki traust. Þannig benti hún á það
mikilsvirta hlutverk sem fjölmiðlar hafi í
því að skapa traust á dómstólum og var
ágætis samhljómur milli þess og erindis
róberts. Þá fjallaði hún einnig um
skýrslu rannsóknarnefndar alþingis þar
sem fram kom að andvararleysi varðandi
afskipti viðskiptalífsins af fjölmiðlum
hafi haft veruleg áhrif á umræðuna hér
og mögulega ógnað lýðræðislegum
stjórnarháttum. niðurstaðan í erindi
dr. Herdísar var sú að pólitíska umræðu
mætti alls ekki hefta nema brýna
lýðræðislega nauðsyn bæri til.
samstarf dómstóla og
fjölmiðla
í pallborði sátu auk framsögumanna
símon sigvaldason héraðsdómari,
styrmir Gunnarsson fv. ritstjóri og Helga
arnardóttir fréttamaður. Öll komu þau
með áhugaverð innlegg í umræðuna.
símon sýndi tölur um traustmælingar allt
frá árinu 1999. Á því ári hóf Hæstiréttur
að birta dóma á heimasíðu sinni sem
augljóslega ber með sér aukið aðgengi
almennings að dómum réttarins og
ætti að stuðla að auknu gegnsæi og
trausti. En á sama tíma hafa mælingar
á trausti á dómstólum verið á hraðri
niðurleið nema hjá ungu fólki (yngri
en 20 ára) en þar hafa mælingar sýnt
að traust á dómstólum er mjög mikið,
eða allt að 57%. sem hlýtur að gefa
von um betri tíð. styrmir Gunnarsson
varaði eindregið við nánu samstarfi milli
fjölmiðla og dómstóla, hann taldi það
myndi bjóða hættunni heim varðandi
það hvernig væri fjallað um dómsmál.
Helga arnardóttir taldi aftur á móti að
samstarf og samskipti lögmanna og
dómara annars vegar og fjölmiðlafólks
hins vegar væri af hinu góða og þyrftu
að vera meiri, enda blaðamenn almennt
ekki löglærðir. Þá mótmælti hún afstöðu
styrmis og taldi að samstarf gæti
einvörðungu orðið til þess að upplýsa
en ekki til að stjórna.
af framangreindu má sjá að fram­
sögumenn og pallborðsfólk hafði margt
áhugavert til málanna að leggja. Hið eina
gagnrýniverða við málþingið var að það
hefði mátt skapa því betri tímaramma
svo pallborðið og áheyrendur hefðu
haft tíma til umræðna. Efnið bauð svo
sannarlega upp á það en tíminn því
miður ekki.
Þyrí Halla Steingrímsdóttir hrl.
róbert r. spanó kristrún heimisdóttir
f.v. arnar Þór jónsson, herdís Þorgeirsdóttir, kristrún heimisdóttir,
helga arnardóttir, símon sigvaldason og styrmir gunnarsson.
herdís Þorgeirsdóttir arnar Þór jónsson