Lögmannablaðið - 01.06.2012, Blaðsíða 18

18 lögmannablaðið tbl 02/12
Á léttUM nótUM
yrsa sigurðardóttir rithöfundur:
Þóra dÆmigerður fulltrÚi
íslenskra kvenna
Yrsa sigurðardóttir sendi frá sér sína
fyrstu glæpasögu árið 2005 þar sem
Þóra Guðmundsdóttir lögmaður var
aðalsöguhetjan. alls hafa sex bækur
komið út um Þóru sem lendir í ýmsum
hremmingum við að leysa vanda
skjólstæðinga sinna. sögur Yrsu hafa
verið þýddar á yfir 30 tungumál og
gefnar út í yfir 100 löndum.
Af hverju valdir þú að hafa lögmann
sem aðalsöguhetjuna í sögum þínum?
Þar sem ég ætlaði mér frá upphafi
að skrifa bókaflokk varð ég að ein­
skorða mig við stétt sem kæmi
ítrekað við sögu í morðmálum. Það
hefði verið mjög þægilegt ef það ætti
við um verkfræðinga en því fer víst
fjarri. í það minnsta á ég enn eftir
að rekast á myrtan mann í vinnunni.
Þær stéttir sem helst koma til greina
eru lögreglumenn, blaðamenn, réttar­
meinafræðingar og svo lögmenn.
Lögreglumenn áttu næga fulltrúa á
íslenskum glæpasagnamarkaði og ég
vissi ekkert um réttarlæknisfræði eða
blaðamennsku. mér þótti lögfræðingur
skemmtilegasti vinkillinn og taldi það
starf henta best þeim hugmyndum
sem ég hafði um sögufléttur.
Hafðir þú einhverja sérstaka fyrirmynd
í huga?
Þóra átti að vera dæmigerður fulltrúi
íslenskra kvenna, dugleg, glöð og fylgin
sér. mér var mikið í mun að hún yrði
ekki einhverskonar karlkona sem oft
vill verða um kvenhetjur glæpasagna.
Ég á margar mætar vinkonur sem hún
er líklega steypt saman úr, vil ég þar
sérstaklega nefna til sögunnar Elínu
Árnadóttur lögmann hjá PWC.
Telur þú að lögmannsstarfið sé
spennandi eins og ævintýri Þóru bera
með sér?
Ég hugsa að ég seilist nú fulllangt í
þeim efnum en það er þó aldrei að vita.
mér hefur alltaf fundist að það hljóti að
vera gaman að vinna sem lögfræðingur.
Ég er raunar með á tékklistanum að
skrá mig í stök námskeið í einhverri
lagadeildanna, m.a. í kröfurétti en ég
hef mjög gaman af því sem tengist
verksamningum í mínu starfi.
Eftir fremur lauslega könnun á
lögfræðingum í íslenskum spennu­
sögum eru karlar í stéttinni fremur
óspennandi karakterar. Er einhver
skýring á því?
nú þekki ég ekki nægilega til en
finnst miður að heyra. kannski ég
verði að skjóta inn eins og einum
hressum til að gæta jafnvægis. Jafnrétti
kynjanna er ekki einstefnugata.
Vinnur þú einhverja forvinnu byggða
á störfum lögmanna áður en þú byggir
upp sögu?
Já það geri ég. sérstaklega passa ég
upp á að fara ekki með fleipur þegar
kemur að lögum eða því hvernig kerfið
í heild sinni virkar. Ekki þar fyrir að mér
hafa örugglega orðið á einhver mistök
í þeim efnum. Ég nota netið töluvert til
að lesa lög, reglugerðir og dóma en í
undantekningartilvikum hef ég leitað álit
lögfræðinga, þ.e. ef málið er þess eðlis
að ég get ekki fundið út úr því á eigin
spýtur. Hef ég þá fengið aðstoð m.a.
kristjáns thorlacius, kristínar Edwald
og Elínar Árnadóttur. allt lögfræðirugl
skrifast samt á mig ef þið hafið rekist
á slíkt.
leiðinlegir. sennilega hefur það tekist því
önnur þáttaröð „réttar“ var sýnd á stöð 2
árið 2010. í þáttunum voru leikarar í öllum
hlutverkum enda þóttu þeir vel gerðir.
réttur er settur
til margra ára sömdu laganemar hand­
rit og léku öll aðalhlutverk í sjón­
varpsþáttunum „réttur er settur“. Framan
af nutu þættir laganema mikillar hylli
ungra sem aldinna og urðu jafnvel til
þess að ungt fólk lagði lögfræði fyrir
sig. svo fór að halla undan fæti þegar
framboð á íslensku sjónvarpsefni jókst
og starfi þriggja lögmanna í reykjavík.
Lögmennirnir reka lögmannsstofuna Lög
og rétt ehf. og leysa hin erfiðustu mál á
meðan þeir glíma við sitt flókna einkalíf.
Fyrstu þættirnir voru sýndir á stöð 2 haustið
2008 en þeir urðu eitt heitasta umræðuefni
lögmanna á sínum tíma. Þar sem tveir
lögmenn komu saman var vanþekking
handritahöfunda á réttarkerfinu á landi
ísa gagnrýnt. Höfundarnir leituðu víst
ráðgjafar hjá starfandi lögmönnum um
hvernig mál færu fram í réttarsal en að því
loknu ákváðu þeir að taka sér skáldaleyfi
til að koma í veg fyrir að þættirnir yrðu
og áhorfendur fóru að gera meiri kröfur.
Leikrænir tilburðir laganema þóttu
ekki nógu góðir og málin ekki nógu
krassandi. síðasti þátturinn af „réttur er
settur“ var sýndur í ríkissjónvarpinu í maí
2005 og fékk afleita dóma. Fundið var
að kunnáttuleysi laganema í leiklist og
meintri yfirtöku þeirra á atvinnu leikara.
Einn gagnrýnenda sagði fullkomna
tímaskekkju að láta hóp viðvaninga ­
alla á sama aldri ­ fyrir framan sjónvarps­
vélarnar. Hvað sem því líður eru lögfræð­
ingar á einu máli um að þættirnir hafi
verið tær snilld.
mynd atli már hafsteinsson.