Fréttablaðið - 04.12.2014, Side 26

4. desember 2014 FIMMTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is AÐSTOÐARFRÉTTASTJÓRI: Andri Ólafsson andri@frettabladid.is VIÐSKIPTI: Fanney Birna Jónsdóttir fanney@frettabladid.is HELGARBLAÐ: Erla Björg Gunnarsdóttir erla@frettabladid.is
MENNING: Friðrika Benónýsdóttir fridrikab@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
FRÁ DEGI
TIL DAGS
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is FRÉTTASTJÓRI:
Sigurjón M. Egilsson sme@frettabladid.is. Fréttablaðið kemur út í 90.000 eintökum og er dreift ókeypis á heimili á
höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið
áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871
Friðar gamla hreiðrið
Sigmundur Davíð Gunnlaugsson, forsæt-
isráðherra og gamallahúsa áhugamaður,
ákvað flestum að óvörum að friða salinn
í Nasa, sem margir kenna frekar við
Sigtún eða jafnvel Sjálfstæðisflokkinn.
Í áraraðir var húsið nefnt Sjálfstæðis-
húsið, flokknum til heiðurs, og þar
voru margar merkar samkundur í sögu
Sjálfstæðisflokksins. Víst er að margir
eldri flokksmenn Sjálfstæðisflokksins
fagna frumkvæði forsætisráðherrans,
sem hefur með valdi sínu friðað þetta
gamla hreiður Sjálfstæðisflokksins.
Taugin milli Framsóknarflokksins og
Sjálfstæðisflokksins hefur örugglega
styrkst við ákvörðun ráðherrans, þar
sem ákvörðunin gerir flokksfólki
mögulegt að upplifa söguna, sem er
ekki minnsti vafi á að því þyki
hin allra merkilegasta.
Sjálfsgagnrýni Davíðs
Sigurður G. Guðjónsson lögmaður segir
í nýrri bloggfærslu: „Hvenær fer Davíð
Oddsson að líta í eigin barm og greina
frá sínum pólitísku axarsköftum, sem
ekki eru fá, og skrifa um þau í Mogga?“
Hér skal fullyrt að það verður seint. En
hvert er tilefni skrifa lögmannsins? Jú,
Davíð hafði skrifað að finnska ríkis-
kerfið tæki til sín um 60 prósent vergrar
landsframleiðslu. Sem er mikið. „ … hver
varð breytingin á þessum hagfræði-
mælikvarða í stjórnartíð Davíðs
Oddssonar sem forsætis-
ráðherra? En eins og alþjóð
ætti að vera kunnugt var það
Sjálfstæðisflokkurinn undir
forystu Davíðs Oddssonar sem
leiddi Ísland inn á lendur hins
Evrópska efnahags-
svæðis.“
Steingrímur í tukthús?
Stjórnarandstæðingar hafa hnyklað
vöðvana og sýnt er að þeir munu berjast
gegn náttúrupassa Ragnheiðar Elínar
Árnadóttur. Þegar ráðherra svaraði hvað
gert yrði við það fólk sem þverskallast
við og skoðar landið án greiðslu upplýsti
hún að fólkið yrði sektað. Steingrímur
J. Sigfússon, sá kunni náttúruunnandi,
hefur upplýst að náttúrupassa kaupi
hann aldrei og sitji í fangelsi frekar,
gangi mál svo langt. Andstaðan við
passann eykst greinilega
hægt og bítandi og í
dag virðist ótrúlegt
að ríkisstjórninni
takist að koma nátt-
úrupassanum á, svo
öflug er andstaðan.
sme@frettabladid.is
T
rúlega hefur fólk sem býr utan mesta þéttbýlisins sjaldan
verið eins herskátt og nú, í baráttu við ímyndaða óvini.
Lengst hafa þingmenn Framsóknarflokksins gengið, en
þeir telja fullvíst að Alþingi samþykki vilja þeirra um að
ríkið fari framvegis með skipulag á flugvallarsvæðinu í
Reykjavík. Framsóknarmennirnir treysta ekki núráðandi borgar-
yfirvöldum. Þeir hrifsa til sín skipulagsvaldið af Reykjavík, ímynd-
uðum óvini sínum.
Flugvallarmálið er tærasta
birtingarmyndin í opinberum
átökum um svo margt. Þétt-
býlingum þykir oft að þeim séu
gerðar upp skoðanir, skoðanir
sem eiga sér enga stoð í raun-
veruleikanum. Gengið er að því
sem gefnu, að ef þéttbýlingar
finna til dæmis að ákvörðun
Sigurðar Inga Jóhannssonar atvinnuvegaráðherra um flutning
Fiskistofu séu þeir þar með svarnir andstæðingar byggðar utan
þéttustu byggðarinnar.
Sennilegast er einn besti málsvari dreifbýlinga Ásthildur
Sturludóttir, bæjarstjóri Vesturbyggðar. Hún skrifaði nýverið: „Ég
er mjög hugsi yfir þeirri þróun sem er víða á landsbyggðinni þar
sem atvinnuuppbygging er í gangi. Mörg af nýju fyrirtækjunum
eru ekki með stjórnunarteymi á staðnum. Þeir búa í Reykjavík eða
í útlöndum og ætla ekki að taka þátt í samfélagsuppbyggingunni.
Verkafólkið er héðan eða frá starfsmannaleigum erlendis. Þannig
að lítið verður eftir af arðinum af fyrirtækjunum í litlu samfélög-
unum. Hvernig má breyta þessari þróun?“ Hér er sett fram alvöru-
mál á skýran og öfgalausan hátt.
Annað dæmi er grein sem Auðbjörg Reynisdóttir hjúkrunar-
fræðingur skrifaði. Hún sagði meðal annars: „Í fjárlögunum sem
voru samþykkt fyrir þetta ár var ákveðið að „forgangsraða fjár-
munum í rekstur Landspítalans“, það var gert með því að strika
líka heilsugæsluna úti á landi af fjárlögum.“ Þetta er sjónarmið.
Meðal þeirra sem skrifuðu viðbrögð við greininni var Reinhard
Reynisson, fyrrverandi bæjarstjóri Norðurþings: „Samsett afleið-
ing „sérfræðingaveldisins“ innan heilbrigðiskerfisins og þeirrar
sjálfhygli sem hinn mikli meirihluti á sv-horninu gerist ítrekað
sekur um þegar hagsmunir annarra landsmanna eru annars
vegar.“ Þetta er tónninn sem margir kjósa að hafa í umræðunni.
„ … og þeirrar sjálfhygli sem hinn mikli meirihluti á sv-horninu
gerist ítrekað sekur um þegar hagsmunir annarra landsmanna eru
annars vegar.“ Er ekki skotið duglega yfir markið? Heldur fólk,
sem þannig skrifar, að þéttbýlingarnir í höfuðborginni og nær-
sveitum hugsi svona?
Fólki sem svona talar, og jafnvel hugsar, væri nær að líta til
Vesturbyggðar og hlusta eftir málefnalegum rökum og framsetn-
ingu bæjarstjórans þar. Mikil uppbygging er á suðurhluta Vest-
fjarða. Meðal annars vegna þeirrar jákvæðni og þeirrar rökfestu
sem þaðan kemur. Trúlegast er ekki einn einasti íbúi hér í þétt-
ustu byggð landsins, sem hefur nokkuð á móti uppbyggingu vega
á sunnanverðum Vestfjörðum. Þvert á móti. Fólk fylgist glatt með
uppganginum þar og reglulega hafa, til að mynda á Stöð 2, verið
fluttar fínustu fréttir þaðan.
Þau sem stríða við vindmyllurnar verða að átta sig á að það er
enginn andstæðingur í stríðinu. Þess vegna er ekkert stríð.
Misárangursríkur málflutningur skilar sér misvel:
Býr versta fólkið í
mesta þéttbýlinu?
Sigurjón Magnús
Egilsson
sme@frettabladid.is
Stjórnarandstaðan hefur sameinast um
breytingartillögur við fjárlagafrumvarp
ríkisstjórnarinnar til að freista þess að
draga úr verstu ágöllum frumvarpsins.
Ríkisstjórnin sýnir í hverju málinu á
fætur öðru þann ásetning sinn að vinna í
þágu hinna fáu. Ríkisstjórn ríka fólksins
hefur reynst fullkomið réttnefni. Það er
mikilvægt að þjóðin sjái að önnur stjórn-
arstefna er möguleg og að samstaða er
um hana í stjórnarandstöðunni.
Við leggjum til að fallið verði frá stór-
auknum álögum á almenning vegna heil-
brigðisþjónustu. Ef allt er talið stefnir
í að kostnaðarhlutdeild sjúklinga í heil-
brigðisþjónustu – komugjöld í heilsu-
gæslunni, greiðsluþátttaka hjá sérfræði-
læknum, í lyfjum, hjálpartækjum og
þjálfun – hækki um nærri 2 milljarða
frá því sem var í tíð síðustu ríkisstjórn-
ar. Það er ótrúlegt að heyra stjórnar-
flokkana stæra sig af skattalækkunum
á sama tíma og nýr 2 milljarða skattur
er með þessum hætti felldur á heimilin
í landinu.
Við leggjum líka til að framhaldsskól-
inn verði áfram opinn fyrir nemendum
óháð aldri. Ríkisstjórnin vill loka þess-
ari leið fyrir fólki yfir 25 ára aldri og
vísa því á margfalt dýrari einkareknar
leiðir. Fólk yfir 25 ára aldri er borgarar
eins og aðrir og á sama rétt til að afla
sér menntunar og fá að nýta tækifæri,
óháð efnahag.
Allt ber að sama brunni í stefnumörk-
un ríkisstjórnarinnar: Lögð eru gjöld á
allt sem á að vera hluti opinberrar þjón-
ustu. Nýir skattar heita öðrum nöfnum:
Hærri kostnaðarhlutdeild sjúklinga,
hærri gjöld fyrir aðgang að framhalds-
skólamenntun og ný gjöld fyrir að fá að
ganga um náttúru Íslands.
Við þessari stefnumörkun þarf að
bregðast með því að sýna alvöruvalkost.
Við setjum heilbrigðismál og menntamál
í forgang og sækjum kjarabætur fyrir
lífeyrisþega með auknum framlögum
til almannatrygginga. Við viljum verja
umsamin réttindi á vinnumarkaði, eins
og rétt til atvinnuleysisbóta og bæta
úr brýnni þörf fyrir fjárfestingu í inn-
viðum. Þetta er betri stefna og um hana
er hægt að byggja víðtæka sátt meðal
þjóðarinnar.
Betri stjórnarstefna er möguleg
FJÁRMÁL
Árni Páll
Árnason
formaður Samfylk-
ingarinnar
➜ Við setjum heilbrigðismál og
menntamál í forgang og sækjum
kjarabætur fyrir lífeyrisþega með
auknum framlögum til almanna-
trygginga.